ᖃᒡᒋᖅ

ᐱᖓᓱᓂᒃ ᐃᓛᒃᑰᖓᔪᓂᒃ ᑲᑎᒪᓂᖃᓚᐅᖅᑐᑦ: ᐊᑕᐅᓯᖅ ᐸᖕᓂᖅᑑᒥ ᕼᐋᒻᓚᒃᑯᑦ ᑲᑎᒪᔨᖏᑦ, ᐊᑕᐅᓯᖅ ᐸᖕᓂᖅᑑᒥ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ, ᐊᒻᒪᓗ ᐊᑕᐅᓯᖅ ᐃᓄᓕᒫᓄᑦ. ᐃᓄᒡᔪᐊᕐᒥᐅᑦ, ᑖᒥ ᐹᓕᓱᕐ ᐊᒻᒪᓗ ᐃᐅᕆᒃ ᐊᑕᒍᑦᑖᓗᒃ, ᐅᓂᒃᑳᓚᐅᕐᑐᑦ ᐊᑐᓂᑦ ᐃᓄᒃᑎᑐᑦ ᓇᖕᒥᓂᖅ ᐱᓕᕆᖃᑦᑕᕐᓯᒪᔭᖏᓐᓂᒃ, ᓴᓇᓂᕐᒥᒃ, ᐊᐅᓚᑦᓯᓂᕐᒥᒃ, ᐃᑲᔫᑎᖃᕐᓂᕐᒧᓪᓗ ᐃᓇᕕᒻᒥ ᐃᒪᒃᑯᑦ ᐆᒻᒪᖅᑯᑎᓕᕆᓂᕐᒥᒃ ᐊᕐᕌᒍᑦ ᐊᕙᑎᑦ ᐃᓗᐊᓂ. ᐅᖃᐅᓯᖃᓚᐅᕐᒥᔪᑦ ᓄᓇᓕᖏᑕ ᐃᓱᒫᓘᑎᖏᓐᓂᒃ, ᐊᒻᒪᓗ ᐱᒻᒪᕆᐅᓂᖓᓂᒃ ᑲᒪᒋᔭᐅᔭᕆᐊᖃᕐᓂᖏᑦ ᐊᑐᓂ ᑐᑭᓯᒋᐊᕈᑎᒃᓴᓂᒃ ᑲᑎᖅᓯᓂᒃᑯᑦ ᐊᒻᒪᓗ ᖃᐅᔨᓴᕐᓂᒃᑯᑦ. ᐸᖕᓂᖅᑑᒥᐅᑦ ᐅᖃᐅᓯᖃᓚᐅᖅᐳᑦ ᐃᓱᒫᓘᑎᒋᔭᒥᓂᒃ ᐊᕙᑎᒧᑦ ᐊᒃᑐᐃᓂᐅᔪᓂᒃ, ᐃᓕᖅᑯᓯᕐᒧᑦ ᐊᒃᑐᐃᓂᐅᔪᓂᒃ, ᐃᓅᓯᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐊᒃᑐᐃᓂᐅᔪᓂᒃ, ᐃᓚᐅᑎᑦᑎᓂᕐᒥᒃ ᐊᒻᒪ ᑐᓴᐅᒪᑎᑦᑎᓂᕐᒥᒃ, ᐊᒻᒪ ᐊᐅᓚᑦᑎᓂᕐᒥᒃ ᐊᒻᒪ ᐃᓱᒪᓕᐅᕆᓂᕐᒥᒃ. ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᓂᐱᓕᐅᕆᓚᐅᖅᑐᑦ ᑭᐅᔭᐅᔪᓕᒫᓂᒃ ᐊᒻᒪᓗ ᑭᖑᓂᐊᒍᑦ ᑎᑎᕋᖅᓯᒪᓪᓗᑎᒃ ᐊᒻᒪᓗ ᐃᓗᓕᖃᐅᑦᑎᐊᖅᑐᓂᒃ ᑎᑎᕋᖅᓯᒪᔪᓂᒃ ᑭᐅᔾᔪᑎᓂᒃ.

ᓄᓇᕗᒻᒥ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᖃᐃᖁᔭᐅᓯᒪᓚᐅᖅᑐᑦ ᐊᒪᕈᕐᒥ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐅᓂᒃᑳᕆᐊᖅᑐᖁᔭᐅᓪᓗᑎᒃ ᓄᑖᙳᕆᐊᖅᓯᒪᔪᓂᒃ ᐃᖃᓗᖕᓂ ᓄᑭᒃᓴᐅᑏᑦ ᐱᓕᕆᐊᒃᓴᖓᓂᒃ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᓚᒋᔭᐅᓂᖏᓐᓄᓪᓗ ᓄᕕᐱᕆ 2025 ᑲᑎᒪᕕᒡᔪᐊᖅᓯᐅᒻᒥᒃ ᑲᑎᒪᓂᖃᖅᑎᓪᓗᒋᑦ. ᓇᐃᓈᖅᓯᒪᔪᑦ 2025-ᒥ ᓄᓇᒥᐅᑕᓕᕆᓂᕐᒧᑦ ᓴᖅᑭᑕᐅᔪᑦ (ᓇᐃᓈᖅᓯᒪᔪᑦ ᐃᒪᕐᒥᐅᑕᓕᕆᓂᕐᒧᑦ, ᐃᑦᑕᕐᓂᓴᓕᕆᓂᕐᒧᑦ, ᓄᓇᐅᑉ ᖃᓄᐃᓕᖓᓂᖓᓄᑦ, ᐊᒻᒪᓗ ᐆᒪᔪᓕᕆᓂᕐᒧᑦ + ᓄᓇᒥ ᖃᐅᔨᓴᕐᓂᐅᔪᑦ) ᑐᓂᔭᐅᓚᐅᖅᑐᑦ, ᐊᒻᒪᓗ ᐊᐱᖅᑯᑏᑦ / ᐃᓱᒫᓘᑕᐅᔪᑦ ᓴᖅᑭᓚᐅᖅᑐᑦ ᑐᓵᔪᓂᒃ ᑭᐅᔭᐅᓚᐅᖅᑐᑦ. ᑐᓴᖅᑕᐅᔪᑦ ᑲᔪᓯᓚᐅᖅᐳᑦ ᓇᓗᓇᐃᖅᓯᓪᓗᑎᒃ ᐊᒃᑐᐃᓂᕆᔪᓐᓇᖅᑕᖏᑦ ᖃᐅᔨᓴᖅᑕᐅᑦᑎᐊᕆᐊᖃᕐᓂᖏᓐᓂᒃ ᑐᑭᓯᐅᒪᔭᐅᑦᑎᐊᕐᓗᑎᒡᓗ ᐱᓕᕆᐊᖅ ᑭᖑᓪᓕᕐᒧᑦ ᓯᕗᒧᐊᓚᐅᙱᓐᓂᖓᓂ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᖏᑕ ᐃᖅᑲᓇᐃᔭᖅᑎᖏᑦ ᑐᓂᓯᓚᐅᖅᑐᑦ ᓇᐃᓈᖅᓯᒪᔪᓂᒃ ᐸᕐᓇᐅᑎᓂᒃ 2025-ᒥ ᐅᔭᕋᖕᓂᐊᕐᓇᐅᓛᖅᑐᒧᑦ, ᐃᓚᖃᖅᖢᑎᒃ ᓇᐃᓈᖅᓯᒪᔪᓂᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᖃᐅᔨᓴᖅᑕᐅᓇᔭᖅᑐᓂᒃ ᑐᑭᓯᒋᐊᕈᑎᒃᓴᓂᒃ ᑲᑎᖅᓯᓂᕐᒧᑦ: ᐃᒪᕐᒥᐅᑕᓕᕆᓂᖅ, ᐃᑦᑕᕐᓂᓴᓕᕆᓂᖅ, ᓄᓇᙳᐊᓕᕆᓕᖅ + ᓄᓇᓕᕆᔾᔪᑏᑦ, ᐊᒻᒪᓗ ᐆᒪᔪᐃᑦ + ᓄᓇᒥᐅᑕᐃᑦ. ᖃᓄᖅᑑᕈᑎᒃᓴᐃᑦ ᑲᑎᑕᐅᓂᖏᓐᓄᑦ ᑐᑭᓯᒋᐊᕈᑎᒃᓴᐃᑦ ᐊᒻᒪᓗ ᓄᓇᙳᐊᑦ ᖃᐅᔨᓴᖅᑕᐅᓂᐊᖅᑐᑦ ᕿᒥᕐᕈᔭᐅᓚᐅᖅᑐᑦ ᓇᓗᓇᐃᔭᖅᓯᒪᑦᑎᐊᖅᑐᑎᒃ. ᐊᒪᕈᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᑐᓴᖅᑎᑦᓯᓚᐅᖅᑐᑦ ᐸᕐᓇᐅᑎᓂᒃ, ᐊᒻᒪᓗ ᐊᐱᖅᑯᑏᑦ ᐊᒻᒪᓗ ᐃᓱᒫᓘᑕᐅᔪᑦ (ᐱᔾᔪᑎᒋᓪᓗᒋᑦ ᑕᒪᐃᓐᓂᒃ ᐱᓕᕆᐊᒃᓴᓄᑦ ᐸᕐᓇᐃᓂᖅ, ᐊᒃᑐᐃᑐᐃᓐᓇᕆᐊᖃᕐᓂᖏᑦ ᐱᓕᕆᐊᖅ ᑲᔪᓯᒃᐸᑦ, ᐊᒻᒪᓗ ᑐᓴᒐᒃᓴᓂᒃ ᓇᖕᒥᓂᖃᕐᓂᖅ) ᑭᐅᔭᐅᓚᐅᖅᑐᑦ ᓄᓇᕗᑦ ᓄᑭᒃᓴᐅᑎᒃᑯᑦ ᑯᐊᐳᕇᓴᖓᑕ ᐃᖅᑲᓇᐃᔭᖅᑎᖏᓐᓄᑦ. ᑐᒃᓯᕋᖅᑐᖃᓚᐅᖅᑐᖅ ᑐᓴᖅᑎᑕᐅᖃᑦᑕᖁᔨᓪᓗᑎᒃ ᐅᔭᕋᖕᓂᐊᕐᓂᐅᑉ ᒥᒃᓵᓄᑦ ᓄᓇᕗᑦᒥ ᓄᑭᒃᓴᐅᑏᑦ ᑯᐊᐳᕇᓴᒃᑯᖏᓐᓂᑦ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᐅᓂᒃᑳᖅᑐᑦ ᓇᐃᓈᖅᓯᒪᔪᓂᒃ ᐸᕐᓇᐅᑎᓂᒃ 2025-ᒥ ᐅᔭᕋᖕᓂᐊᕐᓇᐅᓂᐊᖅᑐᒧᑦ, ᐃᓚᖃᖅᖢᑎᒃ ᓇᐃᓈᖅᓯᒪᔪᓂᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᖃᐅᔨᓴᖅᑕᐅᓂᐊᖅᑐᓂᒃ ᑎᑎᕋᖅᓯᒪᔪᓂᒃ ᑲᑎᖅᓱᐃᓂᖅ: ᐃᒪᕐᒥᐅᑕᓕᕆᓂᖅ, ᐃᑦᑕᕐᓂᓴᓕᕆᓂᖅ, ᓄᓇᙳᐊᓕᕆᓕᖅ + ᓄᓇᓕᕆᔾᔪᑏᑦ, ᐊᒻᒪᓗ ᐆᒪᔪᐃᑦ + ᓄᓇᒥᐅᑕᐃᑦ. ᖃᓄᖅᑑᕈᑎᒃᓴᐃᑦ ᑲᑎᑕᐅᓂᖏᓐᓄᑦ ᑐᑭᓯᒋᐊᕈᑎᒃᓴᐃᑦ ᐊᒻᒪᓗ ᓄᓇᙳᐊᑦ ᖃᐅᔨᓴᖅᑕᐅᓂᐊᖅᑐᑦ ᕿᒥᕐᕈᔭᐅᓚᐅᖅᑐᑦ ᓇᓗᓇᐃᔭᖅᓯᒪᑦᑎᐊᖅᑐᑎᒃ. ᐸᖕᓂᖅᑑᒥ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᐅᖃᒃᑲᓐᓂᓚᐅᖅᑐᑦ ᐃᓱᒫᓘᑎᒋᔭᒥᓂᒃ ᐊᕙᑎᒥᒃ ᐊᒃᑐᐃᑐᐃᓐᓇᕆᐊᖃᕐᓂᖏᓐᓂᒃ, ᐊᒻᒪᓗ ᐱᒻᒪᕆᐅᓂᖓᓂᒃ ᓴᐳᒻᒥᔭᐅᔭᕆᐊᖃᕐᓂᖏᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐃᖃᓗᒐᓱᐊᕐᓂᖅ ᐊᒻᒪᓗ ᓄᓇᐃᑦ ᐃᒪᐃᓪᓗ ᐸᓐᓂᖅᑑᒥᐅᑦ ᑐᕚᕆᔭᖏᑦ ᐊᒻᒪᓗ ᐅᐸᒃᑕᐅᒐᔪᒃᑐᑦ ᑭᖑᕚᒃᓴᑦᑎᓐᓄᑦ. ᐃᓕᑕᕆᔭᐅᔾᔪᑎᑖᓚᐅᖅᑐᑦ ᓄᓇᕗᑦᒥᐅᑦ ᐅᖅᓱᐊᓗᑐᐃᓐᓇᕐᒥᒃ ᐊᑐᕈᓐᓃᕐᓗᑎᒃ ᐊᑐᒃᑲᓐᓂᕈᓐᓇᖅᑐᓄᑦ ᐆᒻᒪᖅᑯᑎᓄᑦ. ᑐᒃᓯᕋᐅᑏᑦ ᑐᓂᔭᐅᓚᐅᖅᑐᑦ ᑐᑭᓯᒋᐊᒃᑲᓐᓂᕈᒪᓪᓗᑎᒃ, ᑐᑭᓯᒋᐊᕈᑎᒃᓴᓂᒃ ᑐᓂᓯᔪᒪᓪᓗᑎᒃ, ᐊᒻᒪᓗ ᖃᐅᔨᒃᑲᐃᔾᔪᑎᓂᒃ ᐃᖅᑲᓇᐃᔮᒃᓴᓕᒫᓂᒃ.

ᓄᓇᕗᑦᒥ ᓄᑭᒃᓴᐅᑏᑦ ᑯᐊᐳᕇᓴᓐ ᓯᕗᓕᖅᑎᐅᓂᖓ ᐃᖅᑲᓇᐃᔭᖅᑎᖏᓪᓗ ᐅᓂᒃᑳᖅᑐᖃᓚᐅᖅᑐᑦ ᐃᖃᓗᖕᓂ ᓄᑭᒃᓴᐅᑏᑦ ᐱᓕᕆᐊᖓᓂᒃ ᐱᖃᓯᐅᑎᓪᓗᒍ ᐱᓕᕆᐊᑉ ᐱᔾᔪᑎᖓ ᐊᒻᒪᓗ ᐅᖅᓱᐊᓗᑐᐃᓐᓇᕐᒥᒃ ᐲᔭᐃᔪᒪᓂᖏᑦ ᐃᖃᓗᖕᓂ. ᖃᖓᒃᑯᑦ ᐱᓕᕆᐊᖑᓂᐊᖅᑐᖅ ᑐᓂᔭᐅᓚᐅᖅᑐᖅ, ᐱᖃᓯᐅᑎᓪᓗᒋᑦ ᖁᑦᑎᒃᑐᒦᑦᑐᑦ ᓇᓗᓇᐃᔭᖅᓯᒪᔪᑦ ᐊᑐᓂ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐃᓱᒪᓕᐅᕈᑕᐅᓂᐊᖅᑐᑦ. ᐊᐱᖅᑯᑎᐅᔪᑦ ᓴᖅᑭᓚᐅᖅᑐᑦ ᐊᕙᑎᒧᑦ ᐊᒃᑐᐃᓂᖃᑐᐃᓐᓇᕆᐊᖃᕐᓂᖏᓐᓄᑦ ᑕᒪᒃᑮᓐᓂᒃ ᑰᒑᓗᒃ ᖃᓂᒋᔮᓂ ᐊᒻᒪᓗ ᐊᖅᑯᑕᐅᔪᓐᓇᖅᑐᓂᒃ ᑕᐃᑯᖓ. ᑐᓴᖅᑕᐅᔪᑦ ᓇᓗᓇᐃᖅᓯᓚᐅᖅᑐᑦ ᐊᒃᑐᐃᓂᕆᔪᓐᓇᖅᑕᖏᑦ ᖃᐅᔨᓴᖅᑕᐅᑦᑎᐊᕆᐊᖃᕐᓂᖏᓐᓂᒃ ᑐᑭᓯᔭᐅᑦᑎᐊᕐᓗᑎᒡᓗ ᐱᓕᕆᐊᖅ ᑭᖑᓪᓕᕐᒧᑦ ᑲᔪᓯᓚᐅᓐᖏᓐᓂᖓᓂ.

ᓄᓇᕗᑦᒥ ᓄᑭᒃᓴᐅᑏᑦ ᑯᐊᐳᕇᓴᖓᑕ ᐃᖅᑲᓇᐃᔭᖅᑎᖏᑦ ᑐᙵᓱᒃᑎᑦᑎᓚᐅᖅᑐᑦ ᑲᑎᒪᑎᑦᑎᓪᓗᑎᒃ ᐃᖃᓗᖕᓂ ᓄᑭᒃᓴᐅᑏᑦ ᐱᓕᕆᐊᖓᓂᒃ ᒪᑐᐃᖓᓪᓗᓂ ᑭᒃᑯᑐᐃᓐᓇᕐᓄᑦ. ᓇᐃᓈᖅᓯᒪᔪᖅ ᐱᓕᕆᐊᖑᔪᖅ ᑐᓂᔭᐅᓚᐅᖅᑐᖅ, ᐱᖃᓯᐅᑎᓪᓗᒍ ᐱᔾᔪᑎᖓ ᐱᓕᕆᐊᖑᔪᖅ ᐊᒻᒪᓗ ᑲᔪᓯᔪᒃᑯᑦ ᐅᖅᓱᐊᓗᑐᐃᓐᓇᕐᒥᒃ ᐊᑐᕈᓐᓃᕈᒪᓂᖅ ᓄᓇᕗᑦᒥ. ᓇᐃᓈᖅᓯᒪᔪᑦ ᐱᕙᓪᓕᐊᑎᑕᐅᓂᖏᓐᓄᑦ ᐅᓪᓗᒥᒧᑦ ᑎᑭᖦᖢᒍ ᑐᓂᔭᐅᓚᐅᖅᑐᑦ, ᐱᖃᓯᐅᑎᓪᓗᒋᑦ ᐱᒋᐊᓕᓵᖅᑎᓪᓗᒋᑦ ᐊᔪᕐᓇᕋᔭᙱᒻᒪᖔᑕ ᐱᓕᕆᐊᖑᔪᑦ ᐊᒻᒪᓗ ᐊᑭᖃᙱᑦᑐᒥᒃ ᓯᕗᕐᖓᒍᑦ ᐊᒻᒪᓗ ᑐᑭᓯᐅᒪᑦᑎᐊᕐᓗᑎᒃ ᐊᖏᖃᑎᒌᒍᑎᖃᕐᓂᖅ. ᐊᐱᖅᑯᑏᑦ ᐊᒻᒪ ᐃᓱᒫᓘᑕᐅᔪᑦ ᑭᐅᔭᐅᓚᐅᖅᑐᑦ ᑲᑎᒪᑎᓪᓗᒋᑦ. ᑐᓴᖅᑕᐅᔪᑦ ᓇᓗᓇᐃᖅᓯᓚᐅᖅᑐᑦ ᐊᕙᑎᒧᑦ ᐊᒃᑐᐃᓂᖃᑐᐃᓐᓇᕆᐊᖃᕐᓂᖓᓂᒃ ᑰᒑᓗᖕᒧᑦ, ᐊᐅᑲᓐᓈᓕᖕᒧᑦ ᐊᒻᒪᓗ ᑎᓄᔾᔨᕕᖕᒧᑦ ᐃᓱᒫᓘᑎᒻᒪᕆᐅᓚᐅᕐᒪᑕ ᐊᒻᒪᓗ ᖃᐅᔨᓴᖅᑕᐅᑦᑎᐊᕆᐊᖃᖅᖢᑎᒃ ᑭᓱᑐᐃᓐᓇᐃᑦ ᓴᓇᔭᐅᓚᐅᙱᓐᓂᖏᓐᓂ. ᑐᒃᓯᕋᐅᑏᑦ ᓇᓗᓇᐃᖅᑕᐅᒃᑲᓐᓂᖁᓪᓗᒋᑦ ᐃᑲᔫᓯᐊᑦ ᑲᑐᔾᔭᐅᓂᖏᑦ ᐅᖃᐅᓯᐅᓚᐅᕐᒥᔪᑦ. ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᐋᖅᑭᒃᓱᐃᓚᐅᕐᒥᔪᑦ ᓵᒥᒃ ᓄᓇᓕᖕᓂ ᓄᐊᑦᒫᑦᒥ ᐃᑲᕐᕋᓄᑦ ᖃᔅᓯᐊᕐᔪᖕᓄᑦ, ᑭᒃᑯᑐᐃᓐᓇᕐᓄᑦ ᐊᑐᐃᓐᓇᐅᓂᐊᕐᒪᑕ ᐊᐱᖅᓱᖅᑕᐅᔪᓐᓇᖁᓪᓗᒋᑦ ᑭᐅᔭᐅᔪᓐᓇᖁᓪᓗᒋᓪᓗ ᐃᖏᕐᕋᑎᓪᓗᒋᑦ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᑐᙵᓱᒃᑎᑦᑎᓚᐅᖅᑐᑦ ᑲᑎᒪᑎᑦᑎᓪᓗᑎᒃ ᐸᖕᓂᖅᑑᒥ ᓄᓇᓕᖕᓂ ᓄᓇᓄᑦ ᐊᑐᒐᒃᓴᓕᕆᓂᕐᒧᓪᓗ ᑲᑎᒪᔨᕋᓛᓂᒃ. ᓇᐃᓈᖅᓯᒪᔪᖅ ᐱᓕᕆᐊᖑᔪᖅ ᑐᓂᔭᐅᓚᐅᖅᑐᖅ, ᐱᖃᓯᐅᑎᓪᓗᒍ ᐱᔾᔪᑎᖓ ᐱᓕᕆᐊᖑᔪᖅ ᐊᒻᒪᓗ ᑲᔪᓯᔪᒃᑯᑦ ᐅᖅᓱᐊᓗᑐᐃᓐᓇᕐᒥᒃ ᐊᑐᕈᓐᓃᕈᒪᓂᖅ ᓄᓇᕗᑦᒥ. ᓇᐃᓈᖅᓯᒪᔪᑦ ᐱᕙᓪᓕᐊᑎᑕᐅᓂᖏᓐᓄᑦ ᐅᓪᓗᒥᒧᑦ ᑎᑭᖦᖢᒍ ᑐᓂᔭᐅᓚᐅᖅᑐᑦ, ᐱᖃᓯᐅᑎᓪᓗᒋᑦ ᐱᒋᐊᓕᓵᖅᑎᓪᓗᒋᑦ ᐊᔪᕐᓇᕋᔭᙱᒻᒪᖔᑕ ᐱᓕᕆᐊᖑᔪᑦ ᐊᒻᒪᓗ ᐊᑭᖃᙱᑦᑐᒥᒃ, ᓯᕗᕐᖓᒍᑦ, ᐊᒻᒪᓗ ᑐᑭᓯᐅᒪᑦᑎᐊᕐᓗᑎᒃ ᐊᖏᖃᑎᒌᒍᑎᒥᒃ ᑐᙵᕕᖃᖅᑐᒥᒃ ᐃᓚᐅᑎᑦᑎᓂᕐᒥᒃ. ᐊᐱᖅᑯᑏᑦ ᐊᒻᒪ ᐃᓱᒫᓘᑕᐅᔪᑦ ᑭᐅᔭᐅᓚᐅᖅᑐᑦ ᑲᑎᒪᑎᓪᓗᒋᑦ. ᑐᓴᖅᑕᐅᔪᑦ ᓇᓗᓇᐃᖅᓯᓚᐅᖅᑐᑦ ᐊᕙᑎᒧᑦ ᐊᒃᑐᐃᓂᖃᑐᐃᓐᓇᕆᐊᖃᕐᓂᖓᓂᒃ ᑰᒑᓗᖕᒧᑦ, ᐊᐅᑲᓐᓈᓕᒻᒧᑦ ᐊᒻᒪᓗ ᑎᓄᔾᔨᓕᖕᒧᑦ ᐃᓱᒫᓘᑎᒻᒪᕆᐅᓚᐅᕐᒪᑕ ᐊᒻᒪᓗ ᖃᐅᔨᓴᖅᑕᐅᑦᑎᐊᕆᐊᖃᖅᖢᑎᒃ ᑭᓱᑐᐃᓐᓇᐃᑦ ᓴᓇᔭᐅᓚᐅᙱᓐᓂᖏᓐᓂ. ᑐᒃᓯᕋᐅᑏᑦ ᑐᑭᓯᓇᖅᓯᒃᑲᓐᓂᖁᔨᓪᓗᑎᒃ ᐃᑲᔫᓯᐊᑦ ᑲᑐᔾᔨᓂᖏᓐᓄᑦ ᐱᔭᐅᓚᐅᕐᒥᔪᑦ ᓄᓇᕗᑦ ᓄᑭᒃᓴᐅᑎᒃᑯᑦ ᑯᐊᐳᕇᓴᖓᑕ ᐃᖅᑲᓇᐃᔭᖅᑎᖏᓐᓄᑦ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᖓᑕ ᐃᖅᑲᓇᐃᔭᖅᑎᖏᑦ ᑐᓂᓯᓚᐅᖅᑐᑦ ᐱᓕᕆᐊᒧᑦ ᓄᑖᙳᕆᐊᖅᓯᒪᔪᓂᒃ ᐱᖃᓯᐅᑎᓗᒋᑦ ᐸᕐᓇᐅᑏᑦ 2025-ᒧᑦ ᐊᔪᕐᓇᕈᓐᓃᖅᑎᑕᐅᓚᐅᖅᑐᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᖅᑖᖅᑎᑕᐅᓂᖏᓐᓄᑦ ᐃᑲᔪᖅᓱᐃᔾᔪᑕᐅᓂᐊᖅᑐᓂᒃ ᓯᕗᒧᐊᒃᐸᓪᓕᐊᓂᖓᓄᑦ ᐱᓕᕆᐊᖅ. ᐃᖃᓗᖕᒥᐅᑦ ᐊᐱᕆᔭᐅᓚᐅᖅᑐᑦ ᐃᒃᐱᒍᓱᖕᒪᖔᑕ ᐱᓕᕆᐊᖅ ᑐᕌᒐᖃᕆᐊᖃᕐᒪᖔᑦ ᐅᐊᔭᓄᑦ ᐅᖁᒪᐃᓐᓂᐅᔪᓂᒃ, ᐅᐊᔭᓄᑦ ᐊᒻᒪᓗ ᓴᓇᕕᐅᔪᓄᑦ ᐅᖁᒪᐃᓐᓂᐅᔪᓄᑦ, ᐅᕝᕙᓘᓐᓃᑦ ᐅᐊᔭᓄᑦ ᐊᒻᒪᓗ ᐅᖅᑰᓴᐅᑎᓄᑦ ᐅᓯᔭᐅᓂᐅᔪᓄᑦ ᓄᓇᓕᐸᐅᔭᕐᒥ. ᑐᓴᖅᑎᑕᐅᓚᐅᖅᑐᑦ ᐅᖃᐅᓯᒃᑯᑦ ᑕᐃᑲᓂ ᐊᒻᒪᓗ ᑭᓇᐅᓂᖏᓐᓂᒃ ᓇᓗᓇᐃᖅᓯᓯᒪᙱᑦᑐᓂᒃ ᖃᐅᔨᓴᕐᓂᖅ ᐊᑐᐃᓐᓇᐅᑎᑕᐅᓚᐅᖅᑐᖅ ᑎᑎᕋᖅᓯᒪᔪᒃᑯᑦ ᑐᓴᖅᑎᑕᐅᔪᓐᓇᖁᓪᓗᒋᑦ. ᑭᐅᔾᔪᑏᑦ ᓇᓗᓇᐃᖅᓯᓚᐅᖅᑐᑦ ᐃᖃᓗᖕᒥᐅᑦ ᕿᓂᕈᒪᓂᖏᓐᓂᒃ ᓇᓖᕌᕈᑎᒃᓴᓕᒫᓂᒃ ᐅᐊᔭᒨᖅᑎᑦᑎᓂᕐᒧᑦ ᐊᑐᕐᓗᑎᒃ ᓴᓗᒪᔪᒥᒃ ᐆᒻᒪᖅᑯᑎᒥᒃ ᐱᔾᔪᑎᒋᓪᓗᒍ ᐱᐅᙱᑦᑐᒥᒃ ᐊᕙᑎᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᓪᓗ ᐊᒃᑐᐃᓂᐅᔪᑦ ᑕᑎᖃᐃᓐᓇᕐᓂᕐᒧᑦ ᐅᖅᓱᐊᓗᑐᐃᓐᓇᕐᒥᒃ ᓄᓇᕗᑦᒥ.

ᓄᓇᕗᑦ ᓄᑭᒃᓴᐅᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖃᑎᖃᓚᐅᖅᑐᑦ ᐃᑯᐊᓪᓛᒃᑯᑦ ᐃᓄᖕᓄᑦ ᓇᖕᒥᓂᕆᔭᐅᔪᖅ ᖃᐅᔨᒪᔨᑕᕆᔭᐅᔪᖅᑯᓐᓂᒃ, ᑖᒃᑯᐊ ᑲᑐᔾᔨᖃᑎᒌᑦ ᑳᓐᑐᕌᒃᑕᐅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᔭᕇᖁᓪᓗᒋᑦ ᐃᖃᓗᖕᓂ ᑐᓴᖅᑕᕗᑦ ᖃᐅᔨᓴᕐᓂᕆᓚᐅᖅᑕᖓᓂᒃ, ᑐᑭᓯᒋᐊᕈᑎᒃᓴᓂᒃ ᑐᓂᓯᓪᓗᑎᒃ ᐊᒪᕈᕐᒥ ᐊᖑᓇᓱᑦᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᖓᓱᓂᒃ ᓯᕗᓪᓕᕐᐹᖅᓯᐅᑎᓂᒃ ᓇᓖᕌᕈᑎᔅᓴᓂᒃ ᐊᖅᑯᑎᒃᓴᒧᑦ. ᐊᑕᐅᓯᖅ ᐊᖅᑯᑎ ᒪᓕᒃᐳᖅ ᖁᑦᑎᒃᑐᒥᒃ ᓄᓇᒥᒃ, ᐱᖃᑖ ᒪᓕᒃᐳᖅ ᐊᒃᑎᒃᑐᒥᒃ ᓄᓇᒥᒃ, ᐊᒻᒪᓗ ᐊᑕᐅᓯᖅ ᓇᓂᓯᓪᓗᓂ ᐊᖏᖃᑎᒌᒍᑎᒥᒃ ᑕᒪᒃᑮᓐᓂᒃ ᖁᑦᑎᖕᓂᐅᔪᓂᒃ. ᐃᓚᐅᖃᑕᐅᔪᑦ ᐊᖑᓇᓱᒃᑏᑦ ᑐᓂᓯᑦᑎᐊᓚᐅᖅᑐᑦ ᖃᐅᔨᒪᓂᕐᒥᓂᒃ ᐊᒻᒪᓗ ᑐᑭᓯᐅᒪᓂᕐᒥᓂᒃ ᐱᐅᓂᖏᓐᓂᒃ ᐱᐅᙱᓐᓂᖏᓐᓂᒡᓗ ᐊᔾᔨᒌᖏᑦᑐᑦ ᐊᑐᖅᑕᐅᖃᑦᑕᖅᑐᑦ, ᐆᒃᑑᑎᒋᓗᒍ: ᐊᒃᑎᒃᑐᒥ ᓄᓇ ᒪᓕᒃᑕᐅᒐᔪᒃᑐᖅ ᓯᐊᕐᕆᔮᕐᕕᖕᒧᑦ, ᑐᕚᖃᕐᓂᖅᐹᖑᖕᒪᑦ ᐊᐳᑎᒥᒃ ᓄᐊᑦᑎᕕᐅᔪᓐᓇᖅᑐᒥᒃ, ᐊᒻᒪᓗ ᖁᑦᑎᒃᑐᒥ ᓄᓇ ᐱᒻᒪᕆᐅᓪᓗᓂ ᑐᒃᑐᓄᑦ ᓂᕆᔭᐅᕙᒃᑐᓄᑦ. ᐃᓱᒪᓕᐅᕈᑎᖃᓚᐅᙱᑦᑐᑦ ᓇᓕᐊᒃ ᐊᖅᑯᑎᐅᔪᓐᓇᕐᒪᖔᖅ, ᑭᓯᐊᓂᓕ ᐅᖃᖃᑎᒌᒃᑲᓐᓂᕐᓂᖅ, ᑲᑎᒪᓂᐅᔪᑦ, ᐊᒻᒪᓗ ᑐᑭᓯᒋᐊᕈᑎᒃᓴᓂᒃ ᑐᓂᓯᖃᑦᑕᕐᓂᖅ ᓇᓗᓇᐃᖅᑕᐅᓚᐅᖅᑐᑦ ᐱᒻᒪᕆᐅᓂᖏᓐᓂᒃ ᓯᕗᒧᐊᒃᑎᑦᑎᓂᕐᒧᑦ ᐃᓱᒪᓕᐅᕈᑕᐅᓂᐊᖅᑐᓂᒃ ᐊᖅᑯᑎᐅᓂᐊᖅᑐᒥᒃ.

ᐊᖑᓇᓱᒃᑏᑦ ᓇᓗᓇᐃᖅᓯᓚᐅᕐᒥᔪᑦ ᐃᓱᒫᓘᑎᒥᓂᒃ ᑕᒪᐃᓐᓂᒃ ᐊᒃᑐᐃᓂᕆᑐᐃᓐᓇᕆᐊᖃᖅᑕᖏᓐᓂᒃ ᐱᓕᕆᐊᖑᔪᑦ, ᐊᒻᒪᓗ ᐱᒻᒪᕆᐅᓂᖓᓂᒃ ᓈᓚᒋᐊᖃᕐᓂᖅ ᐊᖑᓇᓱᒃᑎᓂᒃ, ᑲᑎᑎᕆᓂᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᒻᒪᓗ ᐃᒃᐱᒍᓱᑦᑎᐊᕐᓂᖅ ᐊᖑᓇᓱᒃᑏᑦ ᐱᔪᓐᓇᐅᑎᖏᓐᓂᒃ ᐊᒃᑐᐊᓂᖃᖅᑐᓂᒃ ᓄᓇᒧᑦ ᐊᒻᒪᓗ ᐃᒪᕐᒧᑦ ᑰᒑᓗᖕᒥ. ᑐᒃᓯᕋᐅᑏᑦ ᓴᖅᑭᑕᐅᓯᒪᔪᑦ ᓄᓇᕗᑦᒥ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᖃᐅᔨᒃᑲᐃᖁᓪᓗᒋᑦ ᐊᒪᕈᕐᒥ ᐊᖑᓇᓱᒃᑐᓕᕆᔨᒃᑯᓐᓂᑦ ᓯᕗᕐᖓᒍᑦ ᓇᓕᐊᖕᓂᑐᐃᓐᓇᖅ ᐃᓂᒧᑦ ᐳᓛᕆᐊᕐᓂᐅᔪᓂᒃ ᐊᒻᒪᓗ ᖃᓄᑐᐃᓐᓇᖅ ᐱᓕᕆᐊᖑᓂᐊᖅᑐᓂᒃ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᖓᑦ ᓯᕗᓕᖅᑏᑦ + ᐃᖅᑲᓇᐃᔭᖅᑎᖏᑦ ᑐᓂᓯᓚᐅᖅᑐᑦ ᓇᓗᓇᐃᔭᐃᓪᓗᑎᒃ ᐱᓕᕆᐊᖑᔪᒥᒃ ᐊᒻᒪᓗ ᓇᐃᓈᖅᓯᒪᔪᓂᒃ ᑲᔪᓯᔪᓐᓇᕐᓂᖓᓂᒃ ᐱᓕᕆᐊᖑᓯᒪᔪᓂᒃ ᐅᓪᓗᒥᒧᑦ ᑎᑭᑦᑐᒍ ᐱᓕᕆᐊᖑᔪᒧᑦ. ᑐᑭᓯᒋᐊᕈᑎᒃᓴᐃᑦ ᑐᓂᔭᐅᓚᐅᖅᑐᑦ ᐃᓚᖃᓚᐅᖅᑐᑦ ᓴᓗᒪᔪᒥᒃ ᐆᒻᒪᖅᑯᑎᖃᕆᐊᖃᕐᓂᕐᒥᒃ ᐊᒻᒪᓗ ᐊᕙᑎᒧᑦ/ᑮᓇᐅᔭᓕᐅᕋᓱᐊᕐᓂᕐᒧᑦ ᐊᒃᑐᐃᓂᐅᔪᓂᒃ ᑲᔪᓯᓂᖃᖅᑐᒥᒃ ᐅᖅᓱᐊᓗᖕᒥᒃ ᐊᑐᕐᓂᕐᒥᒃ. ᓇᓗᓇᐃᔭᖅᓯᒪᔪᑦ ᑐᓂᔭᐅᓚᐅᖅᑐᑦ ᖃᐅᔨᓴᕐᓂᐅᔪᖅ ᐱᔭᕇᖅᑕᐅᓯᒪᔪᖅ ᐊᒻᒪᓗ ᐊᑭᖃᙱᑦᑐᖅ, ᓯᕗᕐᖓᒍᑦ ᐊᒻᒪᓗ ᑐᑭᓯᐅᒪᔭᐅᑦᑎᐊᖅᑐᖅ ᑐᙵᕕᖃᖅᑐᒥᒃ ᐃᓚᐅᑎᑦᑎᓂᕐᒥᒃ. ᓄᓇᓕᖕᓂ ᑐᓴᖅᑕᐅᔪᑦ ᐱᔭᐅᓚᐅᖅᑐᑦ 1 + 2-ᒥ ᓇᐃᓈᖅᑕᐅᓚᐅᖅᐳᑦ ᑐᓂᔭᐅᓪᓗᑎᒡᓗ ᑲᑎᒪᔨᓄᑦ ᑕᒡᕙᓂ ᑲᑎᒪᓂᐅᔪᒥ. ᐊᐱᖅᑯᑏᑦ ᐊᒻᒪ ᐃᓱᒫᓘᑕᐅᔪᑦ ᑭᐅᔭᐅᓚᐅᖅᑐᑦ ᑲᑎᒪᑎᓪᓗᒋᑦ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᑐᙵᓱᒃᑎᑦᑎᓚᐅᖅᑐᑦ ᐃᖃᓗᖕᒥᐅᓂᒃ ᐊᒻᒪᓗ ᐱᓕᕆᖃᑕᐅᓪᓗᐊᑕᖅᑐᓂᒃ ᒪᕐᕈᐃᖅᓱᖅᖢᑎᒃ ᐊᖅᓴᕐᓃᑦ ᑐᔪᕐᒥᕕᖓᓂ ᐊᒻᒪᓗ ᑲᑎᒪᕕᖕᒥ ᐊᒻᒪᓗ ᐳᓛᕆᐊᖅᖢᑎᒃ ᐃᓄᒃᓱᒃ ᐃᓕᓐᓂᐊᕐᕕᐊᓄᑦ ᑎᑭᐅᑎᓇᓱᒃᖢᑎᒃ ᐃᓕᓐᓂᐊᖅᑎᓄᑦ. ᐊᐅᒃᑕᔫᒃᑯᑦ ᖃᐃᖁᔨᔾᔪᑏᑦ ᐊᐅᓪᓚᖅᑎᑕᐅᖃᑦᑕᓚᐅᖅᐳᑦ ᐃᖃᓗᖕᓂ ᑐᕌᕈᑎᓕᒫᓄᑦ ᐃᓚᐅᑎᑦᑎᓇᓱᒃᖢᑎᒃ. ᓈᓚᐅᑎᒃᑯᑦ ᓴᖅᑭᔮᖅᑎᑦᑎᖃᑦᑕᓚᐅᖅᑐᑦ ᐊᒻᒪᓗ ᖃᐃᖁᔨᔾᔪᑏᑦ ᓴᖅᑭᔮᖅᑎᑕᐅᖃᑦᑕᓚᐅᖅᑐᑦ ᖃᕋᓴᐅᔭᒃᑯᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᓯᕗᕐᖓᒍᑦ ᖃᓄᐃᓕᐅᕐᓂᐅᓛᕐᑐᒧᑦ.

ᐊᑐᓂ 17-ᖑᔪᓄᑦ ᐆᒻᒪᖅᑯᑎᓄᑦ ᓇᓖᕌᕈᑎᒃᓴᓄᑦ ᓴᖅᑭᑕᐅᓚᐅᖅᑐᓄᑦ ᐃᖃᓗᖕᓄᑦ, ᐊᑭᓐᓇᕐᒥᐅᑕᖅᑕᖃᓚᐅᖅᑐᖅ ᓇᐃᓈᖅᓯᒪᔪᓂᒃ ᐱᐅᓂᖏᓐᓂᒃ ᐱᐅᙱᓐᓂᖏᓐᓂᒡᓗ, ᐅᖅᓱᐊᓗᑐᐃᓐᓇᕐᒥᒃ ᐊᑐᖃᑦᑕᕐᓂᖅ, ᐊᒻᒪᓗ ᐊᔪᕐᓇᕋᔭᙱᒻᒪᖔᖅ ᓇᓗᓇᐃᖅᑕᐅᓯᒪᓪᓗᓂ ᑐᓴᖅᑕᕗᑦ ᖃᐅᔨᓴᕐᓂᕆᓚᐅᖅᑕᖓ ᒪᓕᒃᖢᒍ (ᐃᓄᐃᑦ ᓄᓇᖁᑎᖏᓐᓂᒃ ᐊᑐᕐᓂᕐᒧᑦ ᐃᖃᓗᐃᑦ ᖃᓂᒋᔮᓂ). ᑖᒃᑯᐊ ᐊᕙᓗᒥᐅᑕᐃᑦ ᑐᓂᐅᖅᑲᖅᑕᐅᓚᐅᖅᑐᑦ ᐃᒡᓗᕈᓯᕐᒥ ᑕᑯᒃᓴᐅᑎᑦᑎᓪᓗᑎᒃ ᓄᓇᒥ ᑐᓂᐅᖅᑲᖅᑕᐅᓂᖏᓐᓂᒃ, ᐃᓚᐅᖃᑕᐅᔪᑦ ᐱᓱᒍᓐᓇᖁᓪᓗᒋᑦ ᓇᑭᑐᐃᓐᓇᖅ, ᑕᒻᒪᖅᓯᒪᙱᑦᑐᒥᒃ ᑐᑭᓯᐅᒪᓂᖃᖅᖢᑎᒃ. ᐅᖃᓕᒫᒐᕋᓛᑦ ᐊᒻᒪ ᑕᕐᕆᔭᒐᒃᓴᐃᑦ ᑕᑯᒃᓴᐅᑎᑦᑎᓂᐅᔪᑦ ᐃᓗᓕᖃᖅᑐᑦ ᑕᐃᒪᐃᑦᑐᓴᐃᓐᓇᕐᓂᒃ ᑐᑭᓯᒋᐊᕈᑎᒃᓴᓂᒃ ᑐᓂᔭᐅᓚᐅᖅᐳᑦ.

ᓂᕈᐊᕈᑎᑦ ᑐᓂᐅᖅᑲᖅᑕᐅᓚᐅᖅᑐᑦ ᐃᓚᐅᖃᑕᐅᔪᓕᒫᓄᑦ ᓇᓗᓇᐃᖅᓯᖁᓪᓗᒋᑦ ᓯᕗᓪᓕᖅᐹᒥᒃ, ᑐᒡᓕᐊᓂᒃ, ᐱᖓᔪᐊᓐᓂᓪᓗ ᓂᕈᐊᕈᒪᔭᒥᓂᒃ ᐆᒻᒪᖅᑯᑎᓄᑦ ᓇᓖᕌᕈᑎᒃᓴᓂᒃ. ᐱᓇᓱᐊᕈᓰᓐᓂᒃ ᒪᕐᕉᓐᓂᒃ ᓂᕈᐊᕈᑎᓂᒃ ᑐᓂᓯᖃᑦᑕᓚᐅᖅᑐᑦ, ᑎᑎᖅᑲᓂᐊᕐᕕᒃᑯᑦ ᐊᑭᓕᖅᑕᐅᓯᒪᔪᓂᒃ ᐴᒃᓴᓂᒃ ᐱᑕᖃᖅᑎᑕᐅᓪᓗᑎᒃ, ᐊᒻᒪᓗ ᐱᖓᓱᐊᖅᑎᖅᑐᑎᒃ ᑕᑯᓐᓇᖅᑐᑎᒃ ᑲᑎᒪᓂᖃᖅᑐᑎᒃ ᐃᖃᓗᐃᑦ ᐳᓚᕋᕐᕕᖓᓂ. ᖃᓄᓕᒫᑦᑎᐊᖅ ᑭᐅᓇᓱᐊᓚᐅᖅᐳᑦ ᐊᐱᖅᑯᑎᓕᒫᓂᒃ ᐊᒻᒪ ᐃᑲᔪᖁᓪᓗᒋᑦ ᐃᓚᐅᖃᑕᐅᔪᓂᒃ ᐃᖃᓗᖕᒥᐅᓂᒃ ᐊᑭᖃᙱᑦᑐᒥᒃ, ᓯᕗᕐᖓᒍᑦ, ᐊᒻᒪ ᑐᑭᓯᐅᒪᑦᑎᐊᕐᓗᑎᒃ ᐊᖏᕈᑎᖃᖁᓪᓗᒋᑦ ᐃᓱᒪᓕᐅᕈᑎᖃᖅᑎᓪᓗᒋᑦ.

ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᑦ ᑐᙵᓱᒃᑎᑦᑎᓚᐅᖅᐳᑦ ᐃᖃᓗᖕᒥᐅᓂᒃ ᐊᖅᓴᕐᓃᑦ ᑐᔪᕐᒥᕕᖓᓂ ᑲᑎᒪᕕᖓᓂᓗ ᐅᓪᓗᓕᒫᖅ ᒪᑐᐃᖓᑎᑦᑎᓪᓗᑎᒃ, ᐱᖓᓱᓂᒃ ᐅᖃᓪᓚᒡᕕᐅᓂᐊᖅᑐᓂᒃ ᐋᖅᑭᒃᓱᖅᓯᒪᓪᓗᑎᒃ: ᐅᓪᓛᒃᑯᑦ, ᐅᓐᓄᓴᒃᑯᑦ, ᐅᓐᓄᒃᑯᓪᓗ. ᐃᓱᒪᒋᔭᐅᔪᑦ ᐊᔾᔨᒌᖏᑦᑐᓄᑦ ᐊᑐᒃᑲᓐᓂᕈᓐᓇᖅᑐᓄᑦ ᐆᒻᒪᖅᑯᑎᓄᑦ ᖃᕆᓴᐅᔭᓕᕆᔾᔪᑏᑦ ᐅᓂᒃᑳᖅᑕᐅᓚᐅᖅᑐᑦ, ᐅᑭᐅᖅᑕᖅᑐᒥ ᖃᓄᐃᓐᓂᐅᓯᒪᔪᑦ ᑲᔪᓯᑦᓯᐊᖅᑐᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐱᕙᓪᓕᐊᑎᑦᓯᓂᕐᒥᒃ ᑐᓴᖅᑕᐅᑎᑕᐅᓪᓗᑎᒃ, ᐊᒻᒪᓗ ᐃᖃᓗᖕᒥᐅᑦ ᖃᐃᖁᔭᐅᓪᓗᑎᒃ ᐃᓱᒪᒃᓴᖅᓯᐅᖁᔭᐅᓪᓗᑎᒃ ᒪᑭᒪᐃᓐᓇᕈᓐᓇᕐᓂᖅᓴᒥᒃ, ᐃᓄᖕᓄᑦ ᓯᕗᒃᑲᑕᖅᑕᐅᓪᓗᓂ ᐆᒻᒪᖅᑯᑎᓕᕆᔾᔪᓯᕐᒥᒃ ᓯᕗᓂᒃᓴᒧᑦ. ᑐᓴᕈᒥᓇᖅᑐᓂᒃ ᑐᓴᖅᑎᑕᐅᓚᐅᖅᑐᑦ, ᐊᒻᒪᓗ ᐱᔪᒪᓂᖃᑦᑎᐊᖅᑐᑎᒃ ᐆᒻᒪᖅᑯᑎᓂᒃ ᐊᑐᒃᑲᓐᓂᕈᓐᓇᖅᑐᓂᒃ.