ᓴᓂᑭᓗᐊᖅ
ᑖᓐᓇ ᐊᓄᕆᒧᑦ ᐹᑕᓖᒧᓪᓗ ᐱᓕᕆᐊᖑᔪᖅ – ᐊᑎᖃᖅᑎᑕᐅᓪᓗᓂ ᐊᓄᕆᕐᔪᐊᖅ (ᐊᓄᕆ ᐊᖏᔪᐊᓗᒃ, ᐃᓄᒃᑎᑐᑦ), ᓄᓇᓕᖕᒥᐅᓄᑦ ᒪᒃᑯᒃᑐᓄᑦ – ᐱᐊᓂᒃᑕᐅᓕᒑᓕᖅᑐᖅ. ᐆᒻᒪᖅᑯᑎᓄᑦ ᑲᓱᖅᓯᒪᓕᖅᐸᑦ ᐊᓄᕌᓕᖅᑎᓪᓗᒍᓗ, ᓴᓂᑭᓗᐊᖅ ᐅᖅᓱᐊᓗᖕᒨᖅᑐᓂᒃ ᐊᐅᓚᐅᑎᖏᓐᓂᒃ ᖃᒥᑦᑎᔪᓐᓇᖅᓯᓂᐊᖅᑐᖅ! ᐊᓄᕆᓯᐅᑎ, ᐹᑕᓖ, ᐊᒻᒪᓗ ᐅᖅᓱᐊᓗᖕᒧᑦ ᐊᐅᓚᐅᑎᖃᕐᕕᒃ ᑕᒪᕐᒥᒃ ᐱᓕᕆᖃᑎᒌᓐᓂᐊᖅᑐᑦ ᓴᓂᑭᓗᐊᕐᒥᐅᑦ ᑕᐃᒪᐃᖏᓐᓇᖅᑐᒥᒃ, ᐊᑦᑕᓇᙱᑦᑐᒥᒃ ᐊᒻᒪᓗ ᑕᑎᒋᔭᐅᔪᓐᓇᖅᑐᒥᒃ ᐆᒻᒪᖅᑯᑎᖃᖁᓪᓗᒋᑦ. ᐊᕐᕌᒍᑕᒫᑦ, 20%-ᖏᑦ ᐱᓕᕆᐊᑉ ᑮᓇᐅᔭᓕᐊᖏᑦ ᐅᑎᖅᑎᑕᐅᑲᐅᑎᒋᓂᐊᖅᑐᑦ ᓄᓇᓕᖕᓄᑦ ᐊᑐᖅᑕᐅᓂᐊᕐᒪᑕ ᐃᓄᓐᓄᑦ ᐱᔭᐅᔭᕆᐊᖃᕐᓂᖅᐹᓄᑦ.
ᑐᐊᕕᕐᓇᖅᑐᒃᑯᑦ ᑲᓲᑎᓯᒪᔾᔪᑎᑦ
ᑭᒡᓕᓯᓂᐊᖅᑕᐅᓯᒪᔪᑦ
ᓇᓚᐅᑦᑖᖅᑕᐅᓯᒪᔪᑦ ᐊᑭᖏᑦ: $30 M
ᑐᕌᒐᕆᔭᐅᔪᖅ ᓴᓇᔭᐅᒋᐊᕐᓂᖓ: ᐅᑐᐱᕆ, 2023
ᑐᕌᒐᒃᓴᖅ ᓯᕗᓪᓕᖅᐹᒥ ᐆᒻᒪᖅᑯᑎᓄᑦ: ᐅᑐᐱᕆ 2026
ᑐᒃᓯᕋᐅᑕᐅᔪᖅ ᐆᒻᒪᖅᑯᑎᖃᖅᑎᑦᑎᓂᕐᒧᑦ: ᐊᓄᕆᓯᐅᑏᑦ ᐊᒻᒪᓗ ᐹᑕᓖᒧᑦ ᐆᒻᒪᖅᑯᑎᓄᑦ ᑐᖅᑯᖅᓯᓯᒪᕝᕕᒃ
ᐃᓄᒋᐊᖕᓂᖏᑦ
ᖁᑦᑎᖕᓂᖅᐹᖅ
ᐆᒻᒪᖅᑯᑎᓄᑦ ᐱᔭᐅᔪᒪᔪᖅ
ᑐᒃᓯᕋᐅᑕᐅᔪᖅ
ᑐᑭᓯᒋᐊᕐᕕᒃᓴᖅ
ᐅᖅᓱᐊᓗᒻᒧᑦ
ᐊᑭᓕᖅᓱᐃᓂᖅ
ᑭᒡᓕᓯᓂᐊᖅᑕᐅᓯᒪᔪᑦ
ᓇᓚᐅᑦᑖᖅᑕᐅᓯᒪᔪᑦ ᐊᑭᖏᑦ: $30 M
ᑐᕌᒐᕆᔭᐅᔪᖅ ᓴᓇᔭᐅᒋᐊᕐᓂᖓ: ᐅᑐᐱᕆ, 2023
ᑐᕌᒐᒃᓴᖅ ᓯᕗᓪᓕᖅᐹᒥ ᐆᒻᒪᖅᑯᑎᓄᑦ: ᐅᑐᐱᕆ 2026
ᑐᒃᓯᕋᐅᑕᐅᔪᖅ ᐆᒻᒪᖅᑯᑎᖃᖅᑎᑦᑎᓂᕐᒧᑦ: ᐊᓄᕆᓯᐅᑏᑦ ᐊᒻᒪᓗ ᐹᑕᓖᒧᑦ ᐆᒻᒪᖅᑯᑎᓄᑦ ᑐᖅᑯᖅᓯᓯᒪᕝᕕᒃ
ᐃᓄᒋᐊᖕᓂᖏᑦ: 1,100
ᖁᑦᑎᖕᓂᖅᐹᖅ ᐆᒻᒪᖅᑯᑎᓄᑦ ᐱᔭᐅᔪᒪᔪᖅ: 774 kW
ᑐᒃᓯᕋᐅᑕᐅᔪᖅ ᑐᑭᓯᒋᐊᕐᕕᒃᓴᖅ: 1 MW
ᐅᖅᓱᐊᓗᒻᒧᑦ ᐊᑭᓕᖅᓱᐃᓂᖅ: 50-70%
ᐱᓕᕆᐊᑉ ᐅᓂᒃᑳᖓ
ᐅᓂᒃᑳᖓ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᖓᑕ ᐊᒻᒪᓗ ᐅᓂᒃᑳᖓ ᐊᓄᕆᕐᔪᐊᖅ ᓄᒃᑭᒃᓴᐅᑏᑦ ᐱᓕᕆᐊᖓ ᓄᕕᖅᓴᖅᑕᐅᓯᒪᔫᒃ. ᓴᓂᑭᓗᐊᖅ, ᐃᓂᖃᖅᑐᖅ Belcher ᕿᑭᖅᑕᖏᓐᓂ ᓂᒋᐊᓂ ᑲᓇᖕᓇᖓᓂ ᑕᓯᐅᔭᕐᔪᐊᑉ, ᖃᐅᔨᒪᔭᐅᔪᖅ ᐊᓄᕌᕐᔪᐊᕐᓂᖓᓄᑦ. ᓴᓂᑭᓗᐊᕐᒥᐅᑦ ᑕᑯᔪᓐᓇᓚᐅᕐᒪᑕ ᐅᖅᓱᐊᓗᑐᐃᓐᓇᕐᒥᒃ ᐊᑐᕈᓐᓃᕐᓗᑎᒃ ᐊᒻᒪᓗ 2016-ᒥ ᑐᒃᓯᕋᓚᐅᕐᒪᑕ ᑲᒻᐸᓂᖁᑎᒋᔭᑦᑎᓐᓄᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐃᑲᔪᖅᓱᐃᔪᒪᓪᓗᑎᒃ ᐊᓄᕆᒥᒃ ᐊᑐᖃᑦᑕᕐᓂᕐᒥᒃ ᐅᖅᓱᐊᓗᑐᐃᓐᓇᕐᒥᒃ ᐊᑐᓗᐊᕈᓐᓃᖁᓪᓗᒋᑦ. ᑕᐃᒪᐃᓐᓂᖓᓄᑦ, ᓄᓇᕗᑦᒥ ᑲᑐᔾᔨᖃᑎᒌᑦ ᓴᖅᑭᑕᐅᓚᐅᖅᐳᑦ ᑭᐅᖁᓪᓗᒋᑦ ᑕᒪᑐᒧᖓ ᐱᔭᐅᔭᕆᐊᖃᖅᑐᒧᑦ.
2023-ᖑᑎᓪᓗᒍ ᐊᕐᕌᒍᒐᓴᖕᓄᑦ ᐊᔭᐅᖅᑐᐃᖃᑦᑕᓚᐅᖅᑎᓪᓗᒋᑦ ᐋᔩᖃᑎᒌᖃᑦᑕᓚᐅᖅᑎᓪᓗᒋᓪᓗ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐊᑎᓕᐅᓚᐅᖅᑐᑦ ᓄᓇᕗᑦᒥ ᓯᕗᓪᓕᖅᐹᒥ ᐆᒻᒪᖅᑯᑎᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᓇᓗᓇᐃᔭᐃᓪᓗᑎᒃ ᖃᓄᖅ ᐊᓄᕆᒧᑦ ᐆᒻᒪᖅᑯᑎᒃᓴᑦ ᓂᐅᕕᖅᑕᐅᖃᑦᑕᕐᓂᐊᕐᒪᖔᑕ ᓂᐅᕐᕈᑕᐅᖃᑦᑕᕐᓂᐊᕐᒪᖔᑕᓗ ᓴᓂᑭᓗᐊᕐᒥ. ᑕᒪᓐᓇ ᖁᕕᐊᓇᓚᐅᖅᑐᖅ ᐊᒻᒪᓗ ᐱᑐᖃᐅᓪᓗᓂ ᖃᓄᐃᓕᐅᕐᓂᐅᔪᖅ.
ᓴᓇᔭᐅᓂᖓ 5 ᑭᓛᒥᑐᓂᒃ ᐊᖅᑯᑎ ᑐᕌᖓᔪᖅ ᐊᓄᕆᒧᑦ ᐆᒻᒪᖅᑯᑎᓕᐅᕐᕕᖕᒧᑦ ᐱᒋᐊᓚᐅᖅᑐᖅ 2023-ᒥ ᐱᔭᕇᖅᑕᐅᓪᓗᓂᓗ 2025-ᒥ, 1 ᒥᐊᕙᑦ ᐊᓄᕆᒧᑦ ᐆᒻᒪᖅᑯᑎᓕᐅᕐᕕᒃ ᑎᑭᓚᐅᖅᑐᖅ ᑕᕆᐅᒃᑯᑦ ᖁᒻᒧᐊᒃᑎᑕᐅᓯᒪᔪᒃᑯᑦ 2025-ᒥ ᑕᐃᑲᙵᑦ ᓂᑕᕐᓚᓐᔅᒥ, ᐊᒻᒪᓗ ᐆᒻᒪᖅᑯᑎᓄᑦ ᐊᖅᑯᑎᖓ ᐆᒻᒪᖅᑯᑎᓕᐅᕐᕕᖕᒥᑦ ᖁᒻᒧᐊᒃᑎᑕᐅᓚᐅᖅᑐᖅ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᖏᓐᓄᑦ. ᓴᓇᔭᐅᓂᖓ ᑲᔪᓯᓂᐊᖅᑐᖅ 2026-ᒥ ᐋᖅᑭᒃᓯᓗᓂ ᐊᓄᕆᓯᐅᒻᒥᒃ ᑕᐃᑲᓂ, ᐋᖅᑭᒃᓯᓗᓂ ᐹᑕᓖᒥᒃ, ᐊᒻᒪᓗ ᓴᓇᓗᓂ ᖃᕋᓴᐅᔭᒃᑯᑦ ᐃᒡᓗᒥᒃ (ᐃᓂᒋᔭᖓ ᐅᐊᔭᓄᑦ ᐊᐅᓚᑦᑎᔾᔪᑎᐅᔪᑦ, ᑲᑎᖅᓱᖅᑕᐅᓂᖏᓐᓄᑦ ᐊᓄᕆᒧᑦ ᐆᒻᒪᖅᑯᑎᐅᔪᑦ ᓄᓇᓕᐅᑉ ᒥᑭᔪᓄᑦ ᐆᒻᒪᖅᑯᑎᓄᑦ).
ᓯᕗᓪᓕᖅᐹᖑᓪᓗᓂ ᐱᓕᕆᐊᖑᔪᖅ ᑕᐃᒪᐃᑦᑐᒥᒃ ᓄᓇᕗᑦᒥ, ᓴᓂᑭᓗᐊᖅ ᓯᕗᓕᖅᑎᐅᕗᖅ. ᐅᓇ ᐱᓕᕆᐊᖑᔪᖅ ᓄᓇᖑᐊᖑᑎᑦᑎᔪᖅ ᐊᓯᖏᓐᓄᑦ ᓄᓇᓕᖕᓄᑦ ᒪᓕᒃᑕᐅᔪᓐᓇᖅᑐᒥᒃ, ᑕᑯᑎᑦᑎᓂᒃᑯᑦ ᖃᓄᖅ ᐊᓄᕆᒧᑦ ᐊᒻᒪᓗ ᐹᑕᓖᒧᑦ ᐱᓕᕆᔾᔪᓯᐅᔪᖅ ᐅᑭᐅᖅᑕᖅᑐᒥ ᐱᓕᕆᔪᓐᓇᕐᒪᖔᑦ. ᓇᓗᓇᐃᖅᓯᕗᖅ ᐱᓕᕆᖃᑎᒌᓐᓂᒃᑯᑦ, ᐅᖅᓱᐊᓗᑐᐃᓐᓇᕐᒥᒃ ᑐᕚᖃᕈᓐᓃᕈᓐᓇᕋᑦᑕ. ᑕᒪᓐᓇ ᓄᓇᓕᐅᑉ ᐆᒻᒪᖅᑯᑎᖏᓐᓂᒃ ᐊᑦᑕᓇᔾᔭᐃᖅᓯᒪᓂᖅᓴᐅᑎᑦᑎᕗᖅ ᐊᒻᒪᓗ ᐃᓄᐃᑦ ᐊᐅᓚᑦᑎᔪᓐᓇᕐᓂᖅᓴᐅᓕᖅᑐᑎᒃ ᓯᕗᓂᒃᓴᒥᓐᓂᒃ.
ᐊᒃᑐᐃᓂᖏᑦ ᐊᒻᒪᓗ ᐃᑲᔫᑎᖏᑦ
ᐃᓚᖓᑦ ᐱᒻᒪᕆᐅᓂᖅᐹᖑᔪᖅ ᐃᖅᑲᓇᐃᔮᕆᔭᕗᑦ ᑐᑭᓯᐅᒪᔭᕆᐊᖃᕐᓂᖅ ᖃᓄᖅ ᐱᓕᕆᐊᖑᔪᖅ ᐊᓯᔾᔩᔪᓐᓇᕐᒪᖔᖅ ᓄᓇᒥᒃ, ᐃᒪᕐᒥᒃ, ᓯᓚᒥᒃ, ᐱᕈᖅᑐᓂᒃ, ᐆᒪᔪᓂᓪᓗ. ᑕᑯᒋᐊᖃᑦᑕᕐᒥᔪᒍᑦ ᖃᓄᖅ ᐊᑦᑐᐃᓂᖃᕈᓐᓇᕐᒪᖔᑦ ᐃᓄᐃᑦ ᐊᑐᖃᑦᑕᖅᑕᖏᓐᓂᒃ ᐱᔪᓐᓇᐅᑎᒥᓂᒃ ᓄᓇᕗᑦ ᐊᖏᕈᑎᖏᑎᒍᑦ.
ᐊᑕᖏᖅᖢᒍ ᐅᓂᒃᑲᐅᓯᖅ
ᓯᕗᓪᓕᖅᐹᑦ ᐱᖓᓱᑦ ᐱᓕᕆᐊᖑᔪᑦ ᑐᑭᓯᕚᓪᓕᕈᑎᒋᓚᐅᖅᑕᕗᑦ ᓇᓗᓇᐃᔭᖅᓯᒪᑦᑎᐊᖅᑐᒃᑯᑦ, ᐱᖃᓯᐅᑎᓪᓗᒋᑦ ᐊᒃᑐᐃᓂᕆᔪᓐᓇᖅᑕᖏᑦ ᐊᒻᒪᓗ/ᐅᕝᕙᓘᓐᓃᑦ ᐃᑲᔫᑎᒃᓴᖏᑦ. ᕿᒥᕐᕈᓚᐅᖅᑐᒍᑦ ᐊᕙᑎᒧᑦ ᐊᒃᑐᐃᓂᐅᔪᓂᒃ, ᓄᑖᓂᒃ ᐃᖅᑲᓇᐃᔮᒃᓴᓂᒃ, ᐊᒻᒪᓗ ᐃᓄᖕᓄᑦ ᐃᑲᔫᑎᒃᓴᓂᒃ.
ᑐᑭᓯᐅᒪᓂᐊᕐᓗᒋᑦ ᑖᒃᑯᐊ ᐊᓯᔾᔨᑐᐃᓐᓇᕆᐊᓖᑦ, ᐅᕙᒍᑦ:
- ᐱᓕᕆᖃᑎᖃᓚᐅᖅᑐᖅ ᓄᓇᓕᖕᓂ ᓴᓂᑭᓗᐊᕐᒥ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᓐᓂᒃ (HTA) ᖃᐅᔨᓴᕐᓂᕐᒧᑦ ᐸᕐᓇᐅᑎᓕᐅᖅᖢᑎᒃ.
- ᐊᐅᓪᓚᖅᑎᑦᑎᓚᐅᖅᑐᑦ ᑲᑐᔾᔨᖃᑎᒌᓂᒃ ᑭᒡᓕᓯᓂᐊᖅᑎᓂᒃ ᐊᒻᒪᓗ ᐃᓄᖕᓂᒃ ᑕᓯᐅᖅᑎᓂᒃ ᐃᓂᒧᑦ ᐃᓕᓐᓂᐊᖃᑎᒌᖁᓪᓗᒋᑦ.
- ᑲᑎᑕᐅᓯᒪᔪᑦ ᐊᒻᒪᓗ ᖃᐅᔨᓴᖅᑕᐅᓯᒪᔪᑦ ᑐᑭᓯᒋᐊᕈᑎᒃᓴᑦ
- ᓴᓇᓚᐅᖅᑐᒍᑦ ᑮᓇᐅᔭᓕᕆᓂᕐᒧᑦ ᐆᒃᑑᑎᒃᓴᒥᒃ ᐱᓕᕆᐊᒃᓴᒧᑦ, ᑐᑭᓯᐅᒪᖁᓪᓗᑕ ᖃᓄᐃᑦᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᓂᕆᐅᒍᓐᓇᕐᒪᖔᑦᑕ ᐊᕐᕌᒍᑕᒫᑦ ᓂᐅᕐᕈᑎᖃᕐᓂᒃᑯᑦ ᐊᓄᕆᒧᑦ ᐆᒻᒪᖅᑯᑎᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᓴᓇᔪᖃᓚᐅᖅᑎᓐᓇᒍ, ᑐᑭᓯᐅᒪᔭᕆᐊᖃᓚᐅᕋᑦᑕ ᒫᓐᓇᐅᔪᖅ ᖃᓄᐃᓕᖓᓕᕐᒪᖔᖅ ᐊᕙᑎᐅᔪᖅ ᐊᒻᒪᓗ ᓄᓇᓕᐅᔪᖅ, ᐊᒻᒪᓗ ᖃᓄᖅ ᐊᓯᔾᔨᑐᐃᓐᓇᕆᐊᖃᕐᒪᖔᑕ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᓕᐅᔾᔭᐅᓚᐅᖅᐳᑦ ᖃᐅᔨᓴᕐᓂᕐᒧᑦ ᖃᐅᔨᔭᐅᔪᓄᑦ, ᐃᓄᖕᓄᑦ, ᑭᓱᑐᐃᓐᓇᐃᑦ ᑐᑭᖃᑦᑎᐊᕋᓗᐊᕐᒪᖔᑕ ᐱᔾᔪᑎᒋᓪᓗᒋᑦ ᐃᓄᐃᑦ ᖃᐅᔨᒪᔭᖏᑦ ᓱᓕᓂᕋᖅᑕᐅᓪᓗᑎᒃ.
ᓇᓗᓇᐃᖅᑕᐅᓚᐅᖅᑎᓪᓗᒋᑦ ᖃᓄᖅ ᐊᒃᑐᐃᓂᖃᕈᓐᓇᕐᒪᖔᑦ ᐱᓕᕆᐊᖑᔪᖅ, ᓄᓇᕗᑦᒥ ᓇᖕᒥᓂᖃᖅᑐᓄᑦ ᐃᑲᔫᑎᒃᑯᑦ ᑐᓂᓯᓚᐅᖅᑐᑦ ᐱᓕᕆᐊᖑᔪᒥᒃ ᓄᓇᕗᑦᒥ ᐆᒪᔪᓕᕆᓂᕐᒧᑦ ᑲᑎᒪᔨᓄᑦ ᖃᐅᔨᓴᖅᑕᐅᖁᓪᓗᒍ ᐊᒻᒪᓗ ᑲᔪᓯᑦᑎᐊᓚᐅᖅᑐᖅ. ᑕᐃᒪᓕ ᑐᑭᖃᓚᐅᖅᑐᖅ ᑕᐃᒃᑯᐊ ᐱᓕᕆᐊᖑᔪᑦ ᐊᒃᑐᐃᓂᕆᔪᓐᓇᖅᑕᖏᑦ ᓈᒻᒪᓚᐅᕐᒪᑕ ᐊᒻᒪᓗ ᓄᓇᕗᑦᒥ ᓴᓇᔨᒃᑯᑦ ᐊᖏᖅᑕᐅᓚᐅᖅᑐᑦ ᓴᓇᖁᔭᐅᓪᓗᑎᒃ ᐱᓕᕆᐊᖑᔪᒥᒃ. ᓴᖅᑮᓚᐅᕐᒥᔪᒍᑦ ᓄᓇᓕᖕᓂ ᐱᐅᓯᕚᓪᓕᑎᑦᑎᓂᕐᒧᑦ ᑮᓇᐅᔭᓂᒃ, ᑕᐃᒪᐃᒻᒪᑦ 20%-ᖏᑦ ᐱᓕᕆᐊᑉ ᐊᕐᕌᒍᑕᒫᑦ ᑮᓇᐅᔭᓕᐊᖏᑦ ᑐᕌᑲᐅᑎᒋᖃᑦᑕᕐᓂᐊᕐᒪᑕ ᓴᓂᑭᓗᐊᕐᒥᐅᓄᑦ ᓄᓇᓕᖕᓂ ᐱᕚᓪᓕᑎᑦᑎᓂᕐᒧᑦ ᓂᕈᐊᖅᑕᒥᓄᑦ. ᑲᑎᒪᔨᕋᓛᖑᔪᑦ ᓄᓇᓕᖕᓂ ᓯᕗᓕᖅᑎᐅᔪᓂᒃ ᑲᑐᔾᔨᖃᑎᒌᖑᔪᓂᒃ ᓄᓇᓕᖕᓂ ᐊᖏᓚᐅᖅᑐᑦ ᐊᐅᓚᑦᑎᓂᕐᒧᑦ ᑮᓇᐅᔭᓂᒃ.
ᓇᐃᓈᖅᓯᒪᔪᖅ ᓄᓇᓕᖕᓂ ᐃᓚᐅᑎᑦᑎᓂᖅ
ᐱᓕᕆᖃᑎᒌᖕᓂᖅ ᓴᓂᑭᓗᐊᕐᒥᐅᓂᒃ ᐱᒻᒪᕆᐅᓂᖅᐸᐅᕗᖅ ᐊᓄᕆᕐᔪᐊᖅ ᓄᒃᑭᒃᓴᐅᑏᑦ ᐱᓕᕆᐊᖓᓄᑦ. ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐱᒋᐊᓚᐅᖅᓯᒪᕗᑦ ᓄᓇᓕᖕᓂ ᐱᓕᕆᖃᑎᖃᕐᓂᕐᒥᒃ ᓴᓂᑭᓗᐊᕐᒥ ᐊᕐᕌᒍᑦ ᖁᓕᑦ ᐊᓂᒍᖅᓯᒪᓕᖅᑐᑦ ᑐᑭᓯᐅᒪᓇᓱᒃᖢᑎᒃ ᓄᓇᓕᖕᓂ ᐊᓄᕆᒥᒃ ᖃᓄᕐᓗ ᐊᑐᖅᑕᐅᔪᓐᓇᕐᒪᖔᑦ ᖃᐅᒻᒪᖅᑯᑎᓄᑦ. ᐱᒋᐊᕈᑎᖃᓚᐅᖅᑐᒍᑦ ᐋᖅᑭᒃᓯᓪᓗᑕ ᖁᑦᑎᒃᑐᒥᒃ ᓇᐸᔪᒥᒃ ᑲᑎᖅᓱᕐᕕᐅᓂᐊᖅᑐᒥᒃ ᐊᓄᕆᒧᑦ ᑐᑭᓯᒋᐊᕈᑎᒃᓴᓂᒃ. ᑕᒪᐅᓇᑦᑕᐃᓐᓇᖅ, ᑲᑎᒪᖃᑎᖃᖃᑦᑕᓕᓚᐅᖅᑐᒍᑦ ᕼᐋᒻᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᒃᑐᓕᕆᔨᒃᑯᑦ (HTA), ᐊᒻᒪᓗ ᓄᓇᓕᖕᒥᐅᑕᓂᒃ. ᑕᒪᒃᑯᐊ ᑲᑎᒪᓂᐅᔪᑦ ᓯᕗᓪᓕᐅᔪᑦ ᐃᑲᔫᑎᖃᓚᐅᖅᐳᑦ ᐅᕙᑦᑎᓐᓄᑦ ᐃᓕᑦᑎᓂᕐᒧᑦ ᑭᓱᓂᒃ ᐃᓄᐃᑦ ᐱᔪᒪᖕᒪᖔᑕ ᓄᓇᒥᓄᑦ ᐊᒻᒪ ᓄᓇᓕᖏᓐᓄᑦ, ᐊᒻᒪ ᑭᐅᔪᓐᓇᖁᓪᓗᑕ ᐊᐱᖅᑯᑎᐅᔪᓂᒃ ᖃᓄᖅ ᐊᓄᕆᒧᑦ ᐆᒻᒪᖅᑯᑎᓕᐅᕈᑏᑦ ᐊᐅᓚᓂᖃᓲᖑᖕᒪᖔᑕ.
ᐸᕐᓇᒍᑎᒋᓯᒪᔭᕗᑦ ᐅᖃᖃᑎᖃᕐᓂᕐᒧᑦ ᓄᓇᓕᖕᒥᐅᓄᑦ ᑲᑎᓚᐅᕐᓯᒪᔪᖅ ᐊᕐᕌᒍᒐᓴᐅᓕᕐᑐᓂᒃ ᑭᐅᖃᑦᑕᕐᓯᒪᓪᓗᑕ ᓴᓂᑭᓗᐊᕐᒥᐅᓄᑦ ᑐᑦᓯᕋᐅᑎᖏᓐᓄᑦ ᐊᒻᒪᓗ ᒫᓐᓇ ᒪᓕᓕᕐᑐᖅ ᐊᕐᕌᒎᑉ ᖃᓄᐃᓕᖓᓕᕐᓂᕆᔭᖓᓂᒃ ᐃᓄᐃᑦ ᐃᓕᖅᑯᓯᖓᓂᒃ. ᐅᐱᕐᖔᒃᑯᑦ, ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᑲᑎᒪᖃᑎᒋᕙᒃᑕᕗᑦ ᐸᕐᓇᒃᐸᓪᓕᐊᓪᓗᑕ ᐊᐅᔭᒧᑦ ᐱᓕᕆᐊᕆᓂᐊᖅᑕᑦᑎᓐᓂᒃ ᑲᑐᔾᔨᓪᓗᑕ. ᐅᑭᐊᒃᓵᒃᑯᑦ ᐅᑭᐅᒃᑯᓪᓗ ᑲᑎᒪᑎᑦᑎᖃᑦᑕᖅᑐᒍᑦ ᐃᓄᐃᑦ ᓯᕗᓕᖅᑎᖏᓐᓂᒃ ᑐᓴᖅᑎᑦᓯᓪᓗᑕ ᐃᓕᓚᐅᖅᑕᑎᓐᓂᒃ ᐱᓕᕆᐊᕆᓚᐅᖅᑕᑎᓐᓂᓪᓗ ᐊᐅᔭᒃᑯᑦ, ᐊᐱᖅᓱᖃᑦᑕᖅᑐᑕ ᑭᐅᖃᑦᑕᖅᑐᑕᓗ, ᐊᒻᒪᓗ ᓈᓚᖃᑦᑕᖅᑐᑕ ᑐᓴᖅᑕᐅᔪᓂᒃ. ᑕᒪᓐᓇ ᐱᓕᕆᔾᔪᓯᐅᔪᖅ ᖃᐅᔨᒪᑦᑎᐊᕈᑕᐅᕗᖅ ᐃᓄᐃᑦ ᖃᐅᔨᒪᔭᑐᖃᖏᑦ (ᐃᓄᐃᑦ ᖃᐅᔨᒪᔭᑐᖃᖏᑦ) ᑐᑭᒧᐊᒍᑕᐅᓪᓗᓂ ᐱᓕᕆᐊᒧᑦ.
ᑕᐅᑐᙳᐊᕐᒥᔪᒍᑦ ᐃᖅᑲᓇᐃᔭᖅᑎᑖᕐᓂᕐᒥᒃ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᒃ ᓄᓇᓕᖕᓂᒥᐅᓂᒃ ᐃᖅᑲᓇᐃᔭᕐᓂᐊᖅᑐᓂᒃ ᐱᓕᕆᐊᒧᑦ, ᓴᖅᑮᕙᑦᑐᖅ ᓄᑖᓂᒃ ᐃᖅᑲᓇᐃᔮᓂᒃ ᐊᖏᕐᕋᒥ. ᓄᓇᓕᖕᓂ ᑎᒥᐅᔪᖅ ᒋᐅᕆ ᓱᓇᒃᑯᑖᖏᑦ ᑐᙵᕕᒋᔭᐅᓯᒪᕗᑦ ᓴᓇᔭᐅᓂᖓᓄᑦ.
IAC ᐃᓄᐃᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ
ᐱᓕᕆᐊᑦ ᐱᕈᖅᐸᓪᓕᐊᑎᓪᓗᒋᑦ, ᐱᑕᖃᕆᐊᖃᕐᒪᑦ ᐃᓄᖕᓂᒃ ᓯᕗᓕᖅᑎᓂᒃ ᑭᒡᒐᖅᑐᐃᔪᓂᒃ ᐊᔾᔨᒌᙱᑦᑐᓂᒃ ᓄᓇᓖᑦ ᐱᔪᒪᔭᖏᓐᓂᒃ ᑲᑎᓐᓂᐊᕐᓗᑎᒃ, ᑐᑭᒧᐊᑦᑎᑦᑎᓗᑎᒃ, ᐊᒻᒪᓗ ᐃᓱᒪᓕᐅᕈᓐᓇᕐᓗᑎᒃ. ᖃᓄᖅ ᑕᐅᑦᑐᖃᕐᒪᖔᖅ ᐊᑐᓂᑦ ᓄᓇᓕᖕᓂᑦ ᐊᔾᔨᒌᙱᑦᑑᑎᐅᔪᓐᓇᕐᒪᑕ. ᓴᓂᑭᓗᐊᕐᒥ, ᑲᑎᒪᔨᕋᓛᑦ ᑕᒪᑐᒧᖓ ᓴᖅᑭᖅᑕᐅᓚᐅᖅᑐᑦ 2025ᖑᑎᓪᓗᒍ ᓯᕗᕐᖓᒍᑦ ᐱᑕᖃᕇᖅᑐᓂᑦ ᕿᑭᖅᑕᓃᒃᑯᑦ ᓯᕗᓕᕐᑎᐅᓂᖏᑦ ᑲᑎᒪᔨᕋᓛᖏᓐᓂᑦ. ᐊᑎᖃᖅᑎᑦᓯᓚᐅᖅᑐᑦ ᐅᓪᓗᒪᐃᔭᒥᒃ ᑲᑎᒪᔨᕋᓛᑦ (UC), ᑐᑭᓕᒃ ᐊᓄᕆᒧᑦ ᐊᐅᓚᐅᑎᖃᕐᓂᕐᒧᑦ ᑲᑎᒪᔨᕋᓛᑦ, ᐃᓄᒃᑎᑐᑦ. ᐅᓪᓗᒪᐃᔭᒥᒃ ᑲᑎᒪᔨᕋᓛᒃᑯᓐᓂ ᑭᒡᒐᖅᑐᐃᔨᑕᖃᖅᐳᖅ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᓐᓂᑦ, ᕼᐋᒻᓚᒃᑯᑦ ᑲᑎᒪᔨᖏᓐᓂᑦ, ᒪᒃᑯᒃᑐᓂᑦ, ᐊᒻᒪ ᐃᓐᓇᕐᓂᑦ; ᑲᑎᖦᖢᒋᑦ, ᐊᐅᓚᑦᑎᕙᒃᐳᑦ ᐱᓕᕆᐊᖑᔪᒧᑦ ᓄᓇᓕᖕᓂ ᐱᕙᓪᐊᖅᑎᑦᑎᓂᕐᒧᑦ ᑮᓇᐅᔭᓂᒃ.
ᐊᕐᕌᒍᑕᒫᑦ, ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᑐᓂᓯᖃᑦᑕᓛᖅᑐᑦ ᑮᓇᐅᔭᓕᕆᓂᕐᒧᑦ ᓇᐃᓈᖅᓯᒪᔪᓂᒃ ᐅᓪᓗᒪᐃᔭᒥᒃ ᑲᑎᒪᔨᕋᓛᒃᑯᓐᓄᑦ, ᑕᐃᒪᐃᒻᒪᑦ ᓴᖅᑭᔮᑦᑎᐊᖅᑐᖅ ᖃᔅᓯᓂᒃ ᑮᓇᐅᔭᓂᒃ ᐱᓕᕆᐊᖅ ᑮᓇᐅᔭᓕᐅᓚᐅᕐᒪᖔᖅ, ᐊᑭᖏᑦ ᐊᐅᓚᓂᖏᓐᓄᑦ ᐋᖅᑭᐅᒪᐃᓐᓇᕈᑎᖏᓐᓄᓪᓗ, ᐊᒻᒪᓗ ᖃᔅᓯᓂᒃ ᑮᓇᐅᔭᓂᒃ ᐊᒥᐊᒃᑯᖃᓚᐅᕐᒪᖔᑕ. ᑕᐃᑲᙵᑦ, 20% ᑮᓇᐅᔭᓕᐊᑦ ᐃᓛᒃᑰᖓᔪᒧᑦ ᑮᓇᐅᔭᒃᑯᕕᒻᒨᕐᓂᐊᖅᐳᑦ, ᐊᐅᓚᑕᐅᓗᓂ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᓐᓄᑦ, ᒥᒃᖠᕚᓪᓕᖁᓪᓗᒋᑦ ᑎᑎᕋᕐᕕᓕᕆᓂᕐᒧᑦ ᐊᑭᓕᕆᐊᓖᑦ ᓴᓂᑭᓗᐊᕐᒥᐅᓄᑦ.
ᑮᓇᐅᔭᐃᑦ ᐊᑐᖅᑕᐅᔪᓐᓇᖅᐳᑦ ᖃᓄᑐᐃᓐᓇᖅ ᓄᓇᓖᑦ ᐱᔪᒪᔭᖓᒍᑦ. ᒪᓕᒃᖢᒋᑦ ᓯᕗᓪᓕᐅᔾᔭᐅᖁᔭᐅᔪᑦ, ᑕᑯᔪᓐᓇᖅᑐᒍᑦ ᓲᕐᓗ ᑮᓇᐅᔭᑎᒍᑦ ᐃᑲᔪᖅᓱᐃᓂᕐᒥᒃ ᒪᒃᑯᒃᑐᓄᑦ ᐱᓕᕆᐊᓄᑦ ᓄᓇᓕᖕᓂ, ᓄᓇᓕᖕᓂ ᓂᕿᑖᕐᕕᒃ, ᓂᐅᕕᕐᓂᖅ ᓄᑖᓂᒃ ᓱᓇᒃᑯᑖᓂᒃ ᐃᓕᓐᓂᐊᕐᕕᖕᒧᑦ, ᐊᓯᖏᓪᓗ. ᓄᓇᕗᑦᒥ ᑲᑐᔾᔨᖃᑎᒌᑦ ᐱᓕᕆᖃᑎᖃᑦᑎᐊᕐᓂᐊᖅᑐᑦ ᐅᓪᓗᒪᐃᔭᒥᒃ ᑲᑎᒪᔨᕋᓛᒃᑯᓐᓂᑦ ᖃᐅᔨᓇᓱᒃᖢᑎᒃ ᖃᓄᖅ ᓄᓇᓕᖕᓂ ᐱᕚᓪᓕᕈᑎᒃᓴᓄᑦ ᑮᓇᐅᔭᐃᑦ ᐃᑲᔫᑎᖃᑦᑎᐊᕈᓐᓇᕐᒪᖔᑕ ᓴᓂᑭᓗᐊᕐᒥᐅᓄᑦ.
ᓇᓃᓐᓂᙵᑦᑕ ᐱᒋᐊᖅᕕᖓ ᐱᕙᓪᓕᐊᖤᖅ
ᑖᓐᓇ ᑎᑎᕋᐅᔭᖅᓯᒪᔪᖅ ᑕᑯᒃᓴᐅᑎᑦᑎᔪᖅ ᖃᓄᖅ ᐱᓕᕆᐊᖅ ᐱᕙᓪᓕᐊᑎᑕᐅᕙᒻᒪᖔᖅ ᐱᒋᐊᕐᓂᖓᓂᑦ ᐃᓱᐊᓄᑦ. ᓴᓃᓐᓂᖓ-ᐱᒋᐊᕐᕕᖓ ᐱᕙᓪᓕᐊᓂᖓ ᐱᔾᔪᑎᒋᓪᓗᒍ ᐊᕕᒃᑐᕐᓯᒪᒻᒪᑦ ᐱᓕᕆᐊᖑᔪᖅ 6-ᓄᑦ ᐃᓱᒪᓕᐅᕈᑎᖃᕐᕕᒃ ᐃᓱᒪᓕᐅᕈᑎᖃᖅᖢᑎᒃ ᐊᑯᕐᖓᓐᓂ ᐱᓗᐊᖅᑐᒥᒃ ᑐᕌᒐᖅ. ᑎᒥᐅᔪᖅ ᐱᓕᕆᐊᖑᔪᖅ, ᓇᓗᓇᐃᖅᑕᐅᓯᒪᔪᖅ ᑐᕌᒐᕆᔭᐅᔪᒧᑦ. ᐃᓱᒪᓕᐅᕈᑕᐅᔪᓐᓇᖅᑐᖅ ᑕᑯᓐᓇᖃᑦᑕᕋᑦᑕ ᐃᓄᐃᑦ ᓯᕗᓕᖅᑎᖏᓐᓂᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐊᖏᕈᑎᖃᖁᓪᓗᒋᑦ ᓯᕗᒧᐊᒃᐸᓪᓕᐊᓂᕐᒧᑦ. ᑖᒃᑯᐊ ᓄᓇᕗᑦ ᓄᒃᑭᒃᓴᐅᑏᒃᑯᑦ ᒪᓕᖃᑦᑕᕐᒪᑕ ᑕᒪᑐᒥᖓ ᓄᓇᓕᓕᒫᓄᑦ ᐱᓕᕆᐊᖑᔪᓄᑦ ᐊᒻᒪᓗ ᕿᓂᐃᓐᓇᖃᑦᑕᖅᖢᑎᒃ ᖃᓄᖅ ᐱᐅᓯᕚᓪᓕᕈᓐᓇᕐᒪᖔᑕ.
ᓄᓇᕗᑦᒥ ᓄᑭᒃᓴᐅᑎᒃᑯᑦ ᑯᐊᐳᕇᓴᒃᑯᑦ ᐱᓕᕆᖃᑎᖃᖅᐸᑉᐳᑦ ᐱᓕᕆᐊᒧᑦ ᐱᓕᕆᖃᑎᒌᓂᑦ ᐱᔭᕇᖅᓯᓇᓱᐊᖅᑐᑎᒃ ᐃᓚᖓᓐᓂᑦ. ᑕᐃᒪᓕ, ᑕᑯᒃᓴᐅᑎᑦᑎᕙᒃᐳᒍᑦ ᐱᓕᕆᐊᖑᔪᒥᒃ ᓄᓇᓕᐅᔪᓄᑦ. ᓅᓐᓂᐊᕐᓗᑕ ᐃᓱᒪᓕᐅᕈᑎᒃᑯᑦ ᐊᒻᒪᓗ ᑭᖑᓪᓕᕐᒧᑦ ᓅᓐᓂᐊᕐᓗᑕ, ᖃᐅᔨᒋᐊᕆᐊᖃᕋᑦᑕ ᐃᓄᐃᑦ ᓈᒻᒪᒃᓴᕐᒪᖔᑕ ᐱᕙᓪᓕᐊᓂᕐᒥᒃ ᐊᒻᒪᓗ ᑲᔪᓯᖁᔨᒻᒪᖔᑕ. ᐱᖓᓲᒻᒪᑕ ᑭᐅᔾᔪᑎᐅᔪᓐᓇᖅᑐᑦ ᐃᓄᓐᓂᑦ ᐃᓱᒪᓕᐅᕈᑎᖃᓕᖅᑎᓪᓗᑕ:
- ᐋᒃᑲ, ᑕᒪᓐᓇ ᐱᔪᒪᙱᑕᕗᑦ—ᓄᖅᑲᖅᑎᑕᐅᓗᓂ ᐃᖅᑲᓇᐃᔭᕐᓂᖅ.
- ᑲᔪᓯᖁᕙᒋᑦ, ᑭᓯᐊᓂ ᖁᕕᐊᒋᙱᑕᕗᑦ ᑕᒪᓐᓇ ᓴᖅᑭᑦᑐᖅ—ᐆᒃᑐᒃᑲᓐᓂᕆᑦ.
- ᐄ, ᑖᓐᓇ ᐱᐅᒋᕙᕗᑦ—ᑲᔪᓯᓗᓂ.
ᓴᓂᑭᓗᐊᕐᒥᓪᓕ, ᓄᓇᓖᑦ ᐊᔭᐅᖅᑐᐃᓚᐅᕐᒪᑕ ᑖᓐᓇ ᓴᓇᔭᐅᖁᓪᓗᒍ ᐱᒋᐊᕐᓂᖓᓂᑦ. ᑐᓴᐃᓐᓇᖃᑦᑕᓚᐅᖅᑐᒍᑦ ᐃᓄᐃᑦ ᓯᕗᓕᖅᑎᖏᓐᓂᒃ ᓴᓂᑭᓗᐊᕐᒥ ᐃᑲᔪᖅᑐᐃᓂᖏᓐᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓂᒃ ᓂᕆᐅᓐᓂᖃᑦᑎᐊᕐᓂᖏᓐᓂᓪᓗ ᓴᓇᔭᐅᓂᐊᕐᓂᖓᓂᒃ.
1. ᓇᓗᓇᐃᖅᓯᓗᓂ ᐱᕕᒃᓴᐅᔪᒥᒃ
ᓯᕗᓪᓕᖅᐹᒥ, ᑐᑭᓯᔭᕆᐊᖃᓚᐅᕋᑦᑕ ᐱᕙᓪᓕᐊᑎᑦᑎᔪᓐᓇᕐᒪᖔᑦᑕ ᐊᓄᕆᒧᑦ ᐱᓕᕆᐊᒃᓴᒥᒃ ᓄᓇᓕᖕᓄᑦ. ᑕᒪᓐᓇ ᑐᑭᖃᓚᐅᖅᑐᖅ ᕿᒥᕐᕈᓇᒋᐊᖃᕐᓂᑦᑎᓐᓂᒃ ᑎᑎᕋᖅᓯᒪᔪᓂᒃ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪᓗ ᐊᓯᖏᓐᓂᒃ ᑎᒥᐅᔪᓂᒃ ᐃᓚᐅᖃᑕᐅᔪᓂᒃ ᑐᑭᓯᐅᒪᓂᕐᒧᑦ ᓄᓇᓕᖕᓂ ᓄᓇᒥᐅᑕᓂᒃ.
ᓯᕗᓪᓕᖅᐹᖅ 2016-2018 ᐊᑯᓐᓂᖓᓂ ᑲᔪᓯᓚᐅᖅᑐᖅ.
ᐃᓱᒪᓕᐅᕆᔭᐅᔪᖅ
ᑖᓐᓇ ᓯᕗᓪᓕᕐᒥ ᖃᐅᔨᓴᕐᓂᐅᓚᐅᖅᑐᖅ ᑲᑐᔾᔨᖃᑎᒋᓚᐅᖅᐸᕗᑦ ᐃᓄᐃᑦ ᓯᕗᓕᖅᑎᖏᓐᓄᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖏᑦ ᑕᒪᑐᒥᖓ ᐊᑐᓚᐅᖅᑐᑦ ᑎᓕᓯᔾᔪᑎᒋᓪᓗᒋᑦ ᓄᓇᕗᑦᒥ ᐆᒻᒪᖅᑯᑎᓕᕆᔨᒃᑯᑦ ᓯᕗᒧᐊᒃᐸᓪᓕᐊᖁᓪᓗᒋᑦ ᕿᓂᖅᑎᓪᓗᒋᑦ ᐃᓘᓐᓇᖏᓐᓂᒃ ᓇᓖᕌᕈᑎᒃᓴᓂᒃ ᐊᓄᕆᒧᑦ ᐆᒻᒪᖅᑯᑎᓕᐅᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ.
2. ᑲᔪᓯᔪᓐᓇᑦᑎᐊᕋᔭᕐᒪᖔᑦ
ᑭᖑᓪᓕᕐᒥ, ᕿᒥᕐᕈᓚᐅᕐᒥᔪᒍᑦ ᓂᕈᐊᕈᑎᒃᓴᓕᒫᓂᒃ ᓇᒧᙵᕈᓐᓇᕐᒪᖔᑕ ᐊᓄᕆᓯᐅᑏᑦ. ᓄᓇ, ᐃᒪᖅ, ᐊᓄᕆ, ᓯᕿᓂᕐᓗ ᓄᓇᓕᓕᒫᑦ ᖃᓂᒋᔮᓂ ᐊᔾᔨᐅᙱᒻᒪᑕ. ᐃᓱᒪᒃᓴᖅᓯᐅᕈᑎᖃᑦᑎᐊᕆᐊᖃᓚᐅᕋᑦᑕ ᖃᓄᖅ ᐊᖏᓂᖅᐹᒃᑯᑦ ᐆᒻᒪᖅᑯᑎᓕᐅᕈᓐᓇᕐᒪᖔᑦᑕ, ᐅᖅᓱᐊᓗᑐᐃᓐᓇᕐᒥᒃ ᐊᑐᙱᓐᓂᖅᓴᐅᓗᑕ, ᐊᒻᒪᓗ ᐊᒃᑐᐃᓗᐊᖅᑕᐃᓕᒪᓗᑕ ᐊᕙᑎᒧᑦ ᐊᒻᒪᓗ ᓴᓂᑭᓗᐊᕐᒥᐅᑦ ᐃᓅᓯᖏᓐᓄᑦ. ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐋᖅᑭᒃᓯᓚᐅᖅᑐᑦ ᓯᓚᓕᕆᓂᕐᒧᑦ ᖃᐅᔨᓴᕈᑎᒥᒃ, ᖁᓛᓂ ᖃᐅᔨᓴᕈᑎᖃᖅᑐᑎᒃ ᐊᓄᕆᐅᑉ ᓴᙱᓂᖓᓂᒃ ᐊᒻᒪᓗ ᑕᐃᒪᐃᖏᓐᓇᕐᓂᖓᓂᒃ.
ᑐᒡᓕᐊ ᑲᔪᓯᓚᐅᖅᑐᖅ 2018-2020 ᐊᑯᓐᓂᖓᓂ.
ᐃᓱᒪᓕᐅᕆᔭᐅᔪᖅ
ᑖᓐᓇ ᓇᓗᓇᐃᔭᑦᑎᐊᖅᓯᒪᓂᖅᓴᖅ ᖃᐅᔨᓴᕐᓂᕐᒧᑦ ᐱᓕᕆᐊᖑᔪᖅ ᑐᓴᖃᑎᒋᓚᐅᖅᐸᕗᑦ ᐃᓄᐃᑦ ᓯᕗᓕᖅᑎᖏᓐᓄᑦ. ᓴᓂᑭᓗᐊᕐᒥ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᕼᐋᒻᓚᒃᑯᑦ ᑲᑎᒪᔨᖏᑦ ᐊᖏᓚᐅᖅᑐᑦ ᑐᙵᕕᒃᓴᖓᓂᒃ, ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᖓᔪᖅᑳᖏᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑎᓕᓯᓚᐅᖅᑐᑦ ᓄᓇᕗᑦ ᓄᑭᒃᓴᐅᑎᓕᕆᔨᒃᑯᑦ ᑯᐊᐳᕇᓴᒃᑯᓐᓂᒃ ᑭᖑᓪᓕᕐᒨᖅᐸᓪᓕᐊᖏᓐᓇᖁᓪᓗᒋᑦ.
3. ᓴᓇᔨᒻᒪᕆᐅᓂᖅ + ᐊᒃᑐᐃᓂᐅᔪᑦ ᐊᒻᒪ ᐃᑲᔫᑎᒃᓴᑦ ᖃᐅᔨᓴᖅᑕᐅᓂᖏᑦ
ᓂᕈᐊᖅᑕᐅᓯᒪᓕᖅᑎᓪᓗᒍ ᐃᓂᒃᓴᖓ, ᓴᓇᔨᒻᒪᕇᑦ ᐃᖅᑲᓇᐃᔭᕆᐊᓕᓚᐅᖅᐳᑦ. ᑕᐱᕇᑦ ᑭᒡᓕᓯᓂᐊᖅᑎᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑎᒍᒥᐊᖅᑎᐅᔪᑦ ᖃᐅᔨᓴᕐᓂᕐᒧᑦ ᐸᕐᓇᐅᑎᓕᐅᖃᑦᑕᖅᑐᑦ ᑲᑐᔾᔨᓪᓗᑎᒃ. ᑕᐃᑲᓃᓚᐅᖅᑐᑦ ᐊᒻᒪᓗ ᐃᓕᖃᑎᒌᒃᖢᑎᒃ ᓄᓇᒥᒃ, ᐃᒪᕐᒥᒃ, ᐊᓄᕆᒥᒃ, ᓯᕿᓂᕐᒥᒃ, ᐆᒪᔪᓂᒃ, ᐱᕈᖅᑐᓂᒃ, ᐅᔭᕋᖕᓂᒃ, ᐊᒻᒪᓗ ᐃᓄᐃᑦ ᐱᖁᑎᑐᖃᖏᓐᓂᒃ ᑕᐃᔅᓱᒪᓂᑐᖃᖅ. ᑕᒪᓐᓇ ᑎᑎᕋᐅᔭᖅᑕᐅᓂᖓᓄᑦ ᓴᓇᔨᒻᒪᕆᐅᓂᖏᓐᓄᓪᓗ ᓴᖅᑭᑦᑎᔪᓐᓇᖅᓯᓚᐅᖅᐳᒍᑦ ᓇᖕᒥᓂᖃᕐᓂᕐᒧᑦ ᐸᕐᓇᐅᑎᒥᒃ ᐱᓕᕆᐊᒧᑦ. ᖃᐅᔨᓴᕐᓂᖃᓚᐅᕐᒥᔪᒍᑦ ᐃᓅᓯᓕᕆᓂᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᓪᓗ ᖃᓄᖅ ᑕᒪᓐᓇ ᐊᒃᑐᐃᓂᖃᕋᔭᕐᒪᖔᖅ ᓄᓇᓕᖕᓂ ᐃᓅᓇᓱᐊᕐᓂᕐᒧᑦ ᐊᑭᐅᔪᓂᒃ, ᐱᕕᒃᓴᐅᔪᓂᒃ ᓄᓇᓕᖕᓂ ᓇᖕᒥᓂᖁᑎᓕᖕᓄᑦ, ᐃᖅᑲᓇᐃᔮᒃᓴᓄᒡᓗ.
ᓄᓇᓕᖕᓂ ᐃᓚᐅᑎᑦᑎᓂᖅ ᑲᔪᓯᓚᐅᖅᑐᖅ ᑲᑎᒪᓂᒃᑯᑦ, ᓄᑖᙳᕆᐊᖅᑎᑦᑎᓂᒃᑯᑦ, ᐊᒻᒪᓗ ᖃᕆᑕᐅᔭᒃᑯᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᓴᖅᑭᔮᖅᑎᑦᑎᓂᒃᑯᑦ. ᑭᓱᓕᒫᑦ ᑐᓴᖅᑕᐅᑎᑕᐅᓚᐅᖅᑐᑦ ᐊᖑᓇᓱᒃᑐᓕᕆᔨᒃᑯᓐᓄᑦ ᐊᒻᒪᓗ ᕼᐋᒻᓚᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᑐᑭᓕᐅᖅᑕᐅᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ.
ᐱᖓᔪᐊᑦ ᐱᐊᓂᒃᑕᐅᓚᐅᖅᑐᖅ 2020-2022 ᐊᑯᓐᓂᖓᓂ.
ᐃᓱᒪᓕᐅᕆᔭᐅᔪᖅ
ᒫᓐᓇᐅᔪᖅ, ᑐᑭᓯᐅᒪᓂᖃᑦᑎᐊᓚᐅᖅᑐᒍᑦ ᖃᓄᖅ ᐱᓕᕆᐊᖅ ᑕᐅᑦᑐᖃᕋᔭᕐᒪᖔᖅ, ᖃᓄᖅ ᓴᓇᔭᐅᔪᓐᓇᕐᒪᖔᖅ, ᐊᕙᑎᒧᑦ ᐊᒃᑐᐃᓂᖃᑐᐃᓐᓇᕆᐊᖃᖅᖢᓂᒃ ᓂᕆᐅᒋᔭᐅᔪᓐᓇᖅᑐᓂᒃ, ᐊᒻᒪᓗ ᖃᓄᖅᑑᕈᑎᒃᓴᓂᒃ ᒥᒃᖠᕚᓪᓕᖅᑎᑦᑎᓇᓱᐊᕐᓂᕐᒧᑦ ᐃᑲᔪᖅᓱᖅᑕᐅᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ. ᐱᒋᐊᖅᓯᒪᓕᕐᒥᔪᒍᑦ ᐋᖅᑭᒃᓯᒪᓂᒃᓴᖓᓂᒃ ᓄᓇᓕᖕᓂ ᐃᑲᔫᑎᒃᓴᓂᒃ ᑲᑐᔾᔨᓂᕐᒧᑦ ᐸᕐᓇᐅᑎᒥᒃ.
ᐊᐱᕆᓚᐅᖅᑕᕗᑦ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᕼᐋᒻᓚᒃᑯᑦ ᑲᑎᒪᔨᖏᑦ: ᐊᓄᕆᒧᑦ ᐆᒻᒪᖅᑯᑎᖃᕐᓂᕐᒧᑦ ᐊᒃᑐᐃᓂᐅᔪᑦ ᐊᒻᒪᓗ ᐃᑲᔫᑎᐅᔪᑦ ᓈᒻᒪᒃᐸᑦ ᑕᑯᓐᓇᖅᑐᒋᑦ ᐊᒃᑐᐃᓂᐅᔪᑦ ᐊᒻᒪᓗ ᐃᑲᔫᑎᐅᔪᑦ ᐅᖅᓱᐊᓗᑐᐃᓐᓇᕐᒧᑦ? ᐃᑲᔪᖅᓱᖅᑕᐅᕙᑦ ᐱᓕᕆᐊᖅ ᑲᔪᓯᒋᐊᖁᓪᓗᒍ ᐱᔪᓐᓇᐅᑎᑖᕐᓂᕐᒧᑦ ᓴᓇᔭᐅᓂᖓᓄᑦ? ᑭᐅᔾᔪᑎᒐ ᐄ.
4. ᐱᔪᓐᓇᐅᑎᑖᖅᑎᑦᑎᓂᖅ ᐊᒻᒪ ᑮᓇᐅᔭᑎᒍᑦ ᐊᑐᐃᓐᓇᐅᓂᖅ
ᒫᓐᓇᐅᔪᖅ, ᐱᔭᕇᖅᓯᒪᓕᓚᐅᖅᑐᒍᑦ ᓯᕗᓪᓕᖅᐹᖅᓯᐅᑎᓕᒫᓂᒃ. ᑐᑭᓯᓇᑦᑎᐊᖅᑐᒥᒃ ᐃᑲᔪᖅᑐᖅᑕᐅᓚᐅᖅᑐᒍᑦ ᐃᓄᓐᓂᒃ ᐃᒪᓐᓇ, ᐄ, ᑲᑐᔾᔨᖃᑎᖃᕆᐊᖃᖅᑐᒍᑦ ᐱᓕᕆᐊᒃᓴᒧᑦ ᐸᕐᓇᐅᑎᒥᒃ ᓄᓇᕗᑦᒥ ᐊᕙᑎᓕᕆᔩᑦ ᑲᑎᒪᔨᓄᑦ ᒪᓕᒐᖅᑎᒍᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒧᑦ, ᐊᒻᒪᓗ ᑐᒃᓯᕋᕐᓗᑕ ᐊᖏᖅᑕᐅᓂᕐᒥᒃ ᓴᓇᓂᕐᒧᑦ ᐱᓕᕆᐊᒥᒃ. ᑐᕌᒐᕆᓚᐅᖅᑕᕗᑦ ᑐᓂᔭᐅᔪᑦ ᒪᓕᖁᓪᓗᒋᑦ ᐱᓕᕆᐊᖑᔪᒥᒃ ᐱᕙᓪᓕᐊᑎᑕᐅᓚᐅᖅᑐᒥᒃ ᐃᓄᖕᓄᑦ ᐊᒻᒪᓗ ᑭᒡᒐᖅᑐᐃᓪᓗᓂ ᐊᒥᓲᓂᖅᓴᐃᑦ ᐃᓄᐃᑦ ᐱᔪᒪᔭᖏᓐᓂᒃ. ᐅᑕᖅᑭᓚᐅᖅᑐᒍᑦ ᓄᓇᕗᑦᒥ ᐊᒃᑐᖅᑕᐅᓂᕐᒧᑦ ᕿᒥᕐᕈᔨᓄᑦ ᐃᓱᒪᒃᓴᖅᓯᐅᕈᑎᖃᖁᓪᓗᒋᑦ ᑐᑭᓯᒋᐊᕈᑎᓕᒫᓂᒃ, ᑲᔪᓯᒋᐊᖁᓪᓗᒋᑦ ᖃᐅᔨᓴᐃᓂᕆᔭᒥᓂᒃ, ᐊᒻᒪᓗ ᐃᓱᒪᓕᐅᖁᓪᓗᒋᑦ.
ᒫᓐᓇᐅᔪᖅ, ᓄᓇᕗᑦᒥ ᐆᒻᒪᖅᑯᑎᓕᕆᔨᒃᑯᑦ ᐋᔩᖃᑎᖃᓚᐅᖅᐳᑦ ᐊᑎᓕᐅᖅᑐᑎᓪᓗ ᑮᓇᐅᔭᓕᐅᕐᓂᕐᒧᑦ ᑳᓐᑐᕌᒃᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐃᓱᒪᓕᐅᖁᓪᓗᒋᑦ ᖃᓄᖅ ᐊᓄᕆᓯᐅᑎᒧᑦ ᐆᒻᒪᖅᑯᑎᓕᐅᕐᓂᖅ ᓂᐅᕕᖅᑕᐅᔪᓐᓇᕐᒪᖔᑦ ᓂᐅᕐᕈᑕᐅᔪᓐᓇᕐᒪᖔᓪᓗ, ᑲᓱᖅᑕᐅᓗᓂᓗ ᒫᓐᓇᐅᔪᖅ ᐆᒻᒪᖅᑯᑎᓄᑦ ᓄᓇᓕᖕᓄᑦ ᐊᑐᖅᑕᐅᔪᓐᓇᓛᕐᒪᑦ. ᐋᖅᑭᒃᓱᐃᓚᐅᕐᒥᔪᒍᑦ ᑮᓇᐅᔭᓄᑦ ᐸᕐᓇᐅᑕᐅᔪᓂᒃ ᓴᓇᓂᕐᒧᑦ ᐱᓕᕆᐊᒧᑦ, ᑕᐃᒪᓕ ᐅᐸᓗᖓᐃᖅᓯᒪᓇᔭᖅᑐᒍᑦ, ᐊᖏᖅᑕᐅᓐᓂᕈᑦᑕ ᓄᓇᕗᑦᒥ ᐊᒃᑐᖅᑕᐅᓂᕐᒧᑦ ᕿᒥᕐᕈᔨᓄᑦ. ᑖᓐᓇ ᐱᖃᓯᐅᔾᔨᓚᐅᖅᑐᖅ ᐅᖃᖃᑎᖃᕐᓂᕐᒥᒃ ᐊᑐᖅᑐᐊᖅᑎᑦᑎᔨᓂᒃ, ᑮᓇᐅᔭᒃᑯᕕᖕᓂᒃ, ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᒻᒪᓗ ᓇᖕᒥᓂᖃᖃᑎᒋᔪᓐᓇᖅᑕᖏᓐᓂᒃ ᑮᓇᐅᔭᓂᒃ ᐃᓕᓯᔪᓐᓇᖅᑐᓂᒃ.
ᑎᓴᒪᖓᑦ ᐱᔭᕇᖅᑕᐅᓚᐅᖅᑐᖅ 2023-ᒥ.
ᐃᓱᒪᓕᐅᕆᔭᐅᔪᖅ
ᓄᓇᕗᑦᒥ ᐊᕙᑎᒧᑦ ᑲᑎᒪᔩᑦ ᓴᒃᑯᐃᓚᐅᖅᑐᑦ ᐱᓕᕆᐊᔅᓴᒥᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒥᑦ ᐊᒻᒪ ᐱᔪᓐᓇᐅᑎᑖᖅᑎᑦᓯᓪᓗᑎᒃ ᓯᕗᒻᒧᒋᐊᖁᓪᓗᒍ. ᑖᓐᓇ ᑐᑭᑖᕈᑎᒋᓚᐅᖅᑕᕗᑦ ᐃᓄᐃᑦ ᓯᕗᓕᖅᑎᖏᓐᓄᑦ ᐊᒻᒪᓗ ᕿᑭᖅᑕᓃᒃᑯᑦ ᐊᖓᔪᖅᑳᖏᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑎᓕᓯᓚᐅᖅᑐᑦ ᓄᓇᕗᑦᒥ ᐆᒪᔪᓕᕆᔨᕐᔪᐊᒃᑯᓐᓂᒃ ᑮᓇᐅᔭᓂᒃ ᐊᑐᖁᓪᓗᒋᑦ ᓴᓇᔭᐅᓂᖓᓄᑦ ᑖᓐᓇ ᐱᓕᕆᐊᖅ.
5. ᓴᓇᔭᐅᓂᖓ
ᓴᓇᔭᐅᔭᕆᐊᖃᓕᕐᒪᑦ ᐱᓕᕆᐊᒃᓴᖅ!
ᐱᒋᐊᕐᓗᒍ 2023, ᑕᒪᓐᓇ ᓴᖅᑭᑎᑦᑎᓯᒪᕗᖅ ᐅᓄᖅᑐᓂᒃ ᐱᓕᕆᐊᒃᓴᓂᒃ, ᐊᒻᒪᓗ ᐃᖅᑲᓇᐃᔮᒃᓴᓂᒃ ᐃᓄᖕᓄᑦ. ᐊᖅᑯᓯᐅᓚᐅᕐᐳᖅ ᑕᐃᑯᖓ, ᐊᒻᒪᓗ ᑐᓂᐅᖅᑲᐃᕕᒃᓴᒥᒃ ᓱᓪᓗᓕᒃ ᐊᓄᕆᒧᑦ ᐆᒻᒪᖅᑯᓯᐅᕐᕕᐅᓛᕐᑐᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᕐᕕᖓᓄᑦ.
ᐱᒋᐊᖅᑎᑦᑎᓚᐅᖅᐳᒍᑦ ᐃᓕᓐᓂᐊᖅᑎᑦᑎᓂᕐᒥᒃ ᓄᓇᓕᖕᓂ ᒪᒃᑯᑦᑐᓂᒃ ᐃᑲᔪᕈᒪᔪᓂᒃ ᐋᖅᑭᐅᒪᑎᑦᑎᓂᕐᒥᒃ ᐊᐅᓚᑦᑎᓂᕐᒥᓪᓗ ᐊᓄᕆᓯᐅᑎᒥᒃ. ᖁᓕᑦ ᓴᓂᑭᓗᐊᕐᒥᐅᑦ ᐱᓇᓱᐊᕈᓰᓐᓂᒃ ᒪᕐᕉᓐᓂᒃ ᐃᓕᓐᓂᐊᓚᐅᕐᒪᑕ ᒑᔅᐱ, ᑯᐸᐃᒃᒧᑦ ᐊᐅᔭᖓᓂ 2025 ᖃᐅᔨᓇᓱᒃᖢᑎᒃ ᐃᑲᔪᖅᑎᐅᔪᒪᖕᒪᖔᑕ ᐊᓄᕆᓯᐅᑎᓕᐅᕐᑎᓄᑦ. ᕿᒥᕐᕈᓛᖅᑐᒍᑦ ᓇᓗᓇᐃᖅᓯᓗᑕ ᒥᑭᓂᖅᓴᓂᒃ ᑲᑐᔾᔨᖃᑎᒌᓂᒃ ᐃᓕᓐᓂᐊᕈᒪᔪᓂᒃ ᐃᓗᐃᑦᑐᒥ ᓇᓗᓇᐃᒃᑯᑕᖅᑖᕋᓱᐊᕐᓂᕐᒧᑦ ᐱᓕᕆᐊᖅ, ᒫᙵᙶᒃᑯᑦ.
ᐅᓄᕐᑐᓂᒃ ᐅᐊᔭᓕᕆᔭᕆᐊᖃᕐᒪᑕ ᑲᑎᒪᕝᕕᖓᓂ ᐊᔾᔨᒌᓐᖏᑦᑐᓕᒫᑦ ᐆᒻᒪᖅᑯᑎᐅᔪᑦ “ᐅᖃᖃᑎᒌᒍᓐᓇᖁᓪᓗᒋᑦ” ᐊᒻᒪᓗ ᐆᒻᒪᖅᑯᑎᐅᔪᑦ ᐊᑦᑕᓇᓐᖏᑦᑐᒃᑯᑦ ᐊᐅᓚᓂᖃᕈᓐᓇᖁᓪᓗᒋᑦ.
ᐱᖁᑎᕐᔪᐊᑦ (ᐃᓚᒋᓪᓗᒋᑦ ᐊᓄᕆᓯᐅᑏᑦ ᐊᒻᒪ ᐹᑕᓖ) ᑎᑭᑎᑕᐅᓚᐅᖅᐳᑦ ᓄᓇᓕᖕᓄᑦ ᐊᒻᒪ ᐋᖅᑭᒃᑕᐅᓛᖅᖢᑎᒃ 2026-ᒥ.
6. ᐱᖁᑎᓂᒃ ᐊᐅᓚᑦᑎᓂᖅ
ᓴᓇᔭᐅᔭᕇᖅᐸᑦ, ᐊᑐᐃᓐᓇᐅᓕᕐᓂᐊᖅᑐᒍᑦ “ᖃᒥᑦᑎᓗᑕ” ᐊᒻᒪᓗ ᐊᐅᓪᓚᖅᑎᑦᑎᓗᑕ ᐊᓄᕆᒧᑦ ᐆᒻᒪᖅᑯᑎᓂᒃ ᓄᓇᓕᖕᓄᑦ. ᑕᐃᒪᓕ ᑭᒃᑯᓕᒫᓄᑦ ᐅᑕᖅᑭᔭᐅᓯᒪᕗᖅ. ᐆᒻᒪᖅᑯᑏᑦ ᓂᐅᕕᐊᖑᓛᖅᑐᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓂᐅᕕᖅᑎᖏᓐᓄᑦ ᓂᐅᕕᐊᒃᓴᖃᓛᖅᑐᑦ, ᑕᐃᒪᐃᖏᓐᓇᐅᔭᕐᒪᑕ. ᑕᐃᒪᓕ ᐊᐅᓚᓂᖃᓕᖅᐸᑦ ᑖᓐᓇ ᓄᑖᖅ ᐱᖁᑎᕐᔪᐊᖅ ᐃᖅᑲᓇᐃᔭᖅᑎᖃᕆᐊᖃᓛᖅᑐᖅ ᑭᓱᓕᒫᑦ ᐃᖏᕋᓂᖃᑦᑎᐊᖁᓪᓗᒋᑦ ᐋᖅᑭᒃᓱᐃᖃᑦᑕᕐᓗᑎᓪᓗ ᐊᑲᐅᙱᓕᐅᕈᑎᓂᒃ ᓴᖅᑭᖅᑐᖃᓕᕌᖓᑦ ᓴᓇᔭᐅᔭᕆᐊᖃᕐᓂᖏᓐᓄᓪᓗ.