ᐃᒡᓗᕐᔪᐊᓄᑦ ᐱᓕᕆᐊᒃᓴᑦ
ᐱᔪᒪᓂᖃᖅᐲᑦ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐃᒡᓗᓄᑦ?
ᓄᓇᕗᑦ ᓯᓚᑦᑐᖅᓴᕐᕕᒃ ᓄᓇᕗᑦᒥ ᓯᓚᑦᑐᖅᓴᕐᕕᒃ ᐆᒻᒪᖅᑯᑎᒃᓴᓄᑦ ᓄᑖᙳᕆᐊᖅᑕᐅᓂᖓ
ᐱᓕᕆᖃᑎᒋᓗᒋᑦ ᕿᑭᖅᑖᓗᒃ ᐱᖁᑎᖏᑦ ᐊᒻᒪᓗ ᕿᑭᖅᑖᓗᒃ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐱᓕᕆᐊᖃᓚᐅᖅᐳᑦ ᐆᒻᒪᖅᑯᑎᑐᓗᐊᙱᑦᑐᒥᒃ ᓄᑖᙳᕆᐊᖅᑎᑦᑎᓂᕐᒥᒃ ᓄᓇᕗᑦᒥ ᓯᓚᑦᑐᖅᓴᕐᕕᖕᒥᒃ ᐃᒡᓗᖁᑖᓂ ᐃᖃᓗᖕᓂ, ᓄᓇᕗᑦᒥ. ᑕᒪᓐᓇ ᐃᓚᖃᓚᐅᖅᐳᖅ ᖃᐅᔨᓴᖅᓯᓂᕐᒥᒃ ᐃᓄᐃᑦᑐᒥᒃ ᐃᒡᓗᕐᔪᐊᒥᒃ ᑐᓂᓯᔪᒪᓂᕐᒧᑦ ᖃᓄᖅ ᐆᒻᒪᖅᑯᑎᒥᒃ ᐊᑐᙱᓐᓂᖅᓴᐅᔪᓐᓇᕐᒪᖔᑦ, ᓂᕈᐊᖅᓯᓂᕐᒥᓪᓗᒃ ᓴᓇᔭᐅᕙᓪᓕᐊᔪᓂᒃ ᐊᑐᙱᑉᐹᓪᓕᕈᑎᒃᓴᓂᒃ ᐱᑕᖃᖅᐸᒌᖅᑐᒥ ᐃᒡᓗᖅᔪᐊᒥᒃ.
ᐱᓪᓗᐊᑕᐅᓂᖏᑦ ᐱᓕᕆᐊᖑᔪᒥᒃ ᐅᑯᓂᖓ ᐃᓚᖃᖅᐳᑦ:
- ᐱᖓᓱᐃᓕᖅᑲᖓᔪᓂᒃ ᐃᒐᓛᓂᒃ ᓄᑖᙳᕆᐊᖅᑎᑦᑎᓂᖅ
- ᐊᑭᓐᓇᖏᑦ ᖁᓛᒍᓪᓗ ᐃᑭᐊᕐᒥᖓ ᓄᑖᙳᖅᑎᑕᐅᓗᓂ
- ᐆᓇᖅᑐᖃᐅᑎᐅᑉ ᑲᖏᐊᓄᓪᓗ ᐆᓇᖅᑐᒥᒃ ᐅᖅᑰᓴᐅᑎᒥᒃ ᐅᑎᖅᑎᑦᓂᖅ ᐱᓕᕆᐊᖑᓚᐅᖅᓯᒪᔪᖅ (ᑕᒪᕐᒥᒃ ᐱᐊᓂᒃᑕᓚᐅᖅᑐ 2020-2022 ᐊᑯᓐᓂᖓᓂ)
- 100ᑭᓗᕚᑦ ᐃᒡᓘᑉ ᖁᓕᐊ ᓯᕿᓂᕐᒨᑦ ᐃᒐᓚᐅᔭᐃᑦ ᑲᑎᙵᔪᑦ (ᐃᓕᔭᐅᓚᐅᖅᓯᒪᔪᑦ 2021ᒥ ᐊᑐᓕᖅᑎᑕᐅᓪᓗᓂ 2023ᒥ).
ᑖᓐᓇ ᐱᓕᕆᐊᖑᔪᖅ ᑐᕌᕆᔭᖃᓚᐅᖅᐳᖅ ᓇᑉᐸᑉᒥᒃ ᒥᒃᖠᒋᐊᖅᑎᑦᑎᓂᕐᒧᑦ ᐆᒻᒪᖅᑯᑎᒥᒃ ᐊᑐᖅᐸᖕᓂᕐᒥᒃ 45%ᒥᒡᓗ ᐆᒻᒪᖅᑯᒻᒧᑦ ᐊᑐᕈᓐᓃᖅᐹᓪᓕᓂᕐᒥᒃ.
ᐃᓄᐃᑦ ᓇᖕᒥᓂᖁᑎᖏᑦ ᓄᓇᐃᑦ, ᐃᖃᓗᖕᓂ ᐃᓄᐃᑦ ᓇᖕᒥᓂᖁᑎᖏᑦ ᓄᓇᖁᑎᖏᑦ ᐅᐊᔭᒨᖓᔪᓂᒃ ᐱᓕᕆᐊᖅ
ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐱᕙᓪᓕᐊᑎᑦᑎᕗᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓂᒃ (IOL) ᒥᑭᔪᒥᒃ ᐆᒻᒪᖅᑯᑎᓄᑦ ᑕᑯᒃᓴᐅᑎᑦᑎᓂᕐᒧᑦ ᐱᓕᕆᐊᒃᓴᒥᒃ ᐊᖅᓴᕐᓃᑦ ᑐᔪᕐᒥᕕᖓᓂ ᑲᑎᒪᕕᖓᓂᒡᓗ ᐃᖃᓗᖕᓂ, ᓄᓇᕗᑦᒥ. ᐱᓕᕆᐊᖅ ᐅᑯᓂᖓ ᐃᓚᖃᖅᐳᖅ:
- ᖁᓛᓂ ᓯᕿᓂᕐᒥᒃ ᐊᑐᕐᓗᓂ ᐆᒻᒪᖅᑯᑎᓕᐅᕈᑎ (PV) ᐋᖅᑭᒃᓯᒪᓂᖓ 250 ᑭᓗᕚᑦᔅ (kW)
- 250 ᑭᓗᕚᑦ (535 ᑭᓗᕚᑦ) ᐹᑕᓖᑦ ᐆᒻᒪᖅᑯᑎᓄᑦ ᑐᖅᑯᐃᕕᒃ (BESS)
- ᒪᕐᕉᒃ 400 kW ᐅᖅᓱᐊᓗᖕᒧᑦ ᐊᐅᓚᐅᑏᒃ ᑲᑎᙵᔪᓂᒃ ᐅᖅᑰᓴᐅᑎᓄᑦ ᒥᓪᓗᐊᕈᑎᓂᒃ.
ᑖᓐᓇ ᐱᔭᕇᖅᑕᐅᑉᐸᑦ, 100%-ᒥᒃ ᐅᐊᔭᓄᑦ ᐅᖅᑰᓴᐅᑎᓄᒡᓗ ᑐᔪᕐᒥᕕᖕᒥ ᐊᑐᕈᓐᓇᖅᓯᓂᐊᖅᑐᖅ ᐅᖅᓱᐊᓗᖕᒥᒃ ᐊᑐᙱᓂᖅᓴᐅᓗᓂᓗ 15%-ᒥᒃ.
ᑖᓐᓇ ᐱᒋᐊᖅᑕᐅᕙᓪᓚᐅᖅᑐᖅ 2023-ᒥᑦ ᐅᑭᐊᒃᓵᒧᓱᖓᖅ 2025-ᒥ ᓱᓇᒃᑯᑖᓕᒫᑦ ᐋᖅᑭᒃᑕᐅᓯᒪᓕᖅᑐᑦ ᐊᒻᒪᓗ ᐸᕐᓇᒃᑕᐅᓯᒪᓪᓗᓂ ᐊᐅᓚᓂᖃᓛᖅᖢᓂ 2026 ᓄᙳᐊᓂ ᑐᕌᒐᕆᔭᐅᔪᖅ ᐃᒻᒥᒃᑰᖅᑐᒥᒃ ᐅᖅᑰᓴᐅᑎᖃᖅᑎᑦᑎᓛᖅᖢᓂ ᐊᖅᓴᕐᓃᑦ ᑐᔪᕐᒥᕕᖓᓄᑦ ᑲᑎᒪᕕᐊᓄᒡᓗ, ᐳᔪᕐᓗᖕᒥᒃ ᐊᑐᙱᓂᖅᓴᐅᓕᕐᓗᓂ.
ᐃᒃᐱᐊᕐᔪᖕᒥᑦ ᓇᐅᑦᑎᖅᓱᖅᑏᑦ
ᓇᐅᑦᑎᖅᓱᖅᑏᑦ ᑐᑦᑕᕐᕕᖓᑦ ᓄᑖᖑᓪᓗᓂ ᐅᓄᖅᑐᓄᑦ ᐊᑐᖅᑕᐅᓲᖅ ᐃᒃᐱᐊᕐᔪᖕᒥ, ᓄᓇᕗᑦᒥ, ᓇᖕᒥᓂᕆᔭᐅᓪᓗᓂ ᐊᐅᓚᑕᐅᓪᓗᓂᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (QIA). ᐱᓕᕆᖃᑎᒋᓪᓗᒋᑦ ᑕᒪᒃᑭᑦᑎᐊᕐᑐᑦ ᐊᓯᔾᔨᒋᐊᒐᒃᓴᐅᔪᑦ ᐆᒻᒪᖅᑯᑎᓂᒃ ᓵᓪᕕᔅᑦ ᑎᒥᙳᖅᑎᑕᐅᓯᒪᔪᖅ., ᓄᓇᕗᑦ ᓄᑭᒃᓴᐅᑎᒃᑯᑦ ᑯᐊᐳᕇᓴᒃᑯᑦ ᐃᓕᐅᖅᑲᐃᓚᐅᖅᐳᑦ 48 ᑭᓗᕚᑦᐃᒡᓘᑉ ᖁᓛᓂ ᓯᕿᓂᕐᒧᑦ ᐃᒐᓚᐅᔭᓂᒃ ᐊᑐᕐᖢᑎᒃ (96 ᓯᕿᓂᕐᒥᒃ ᐆᒻᒪᖅᑯᑎᑖᕈᑏᑦ ᐊᑐᕐᖢᑎᒃ) ᐃᒡᓗᕐᔪᐊᒧ ᐊᐅᔭᖓᓐᓂᒃ 2025ᒥ. ᑖᓐᓇ ᐱᓕᕆᔾᔪᑎ ᐊᑐᓂᖅᑎᑕᐅᓛᖅᑐᖅ 2026-ᒥ.
ᐃᖏᕐᕋᓕᖅᐸᑦ, ᐱᓕᕆᔾᔪᓯᖅ ᒥᒃᖠᕚᓪᓕᖅᑎᑦᑎᓛᖅᐳᖅ ᐅᖅᓱᐊᓗᖕᒥᒃ ᐊᑐᕐᓂᕐᒥᒃ ᐊᒻᒪ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᓐᓂᒃ ᐃᓯᐊᕿᔪᓂᒃ, ᑮᓇᐅᔭᓕᐅᕈᑕᐅᓗᓂᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᖅᑯᑎᒋᓗᒋᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᕝᕕᓄᒡᓗ ᐆᒻᒪᖅᑯᑎᑖᖅᑎᑦᑎᕙᓪᓕᐊᓂᕐᒧᑦ ᐱᓕᕆᐊᒃᑯᑦ (CIPP). ᑖᓐᓇ ᐱᓕᕆᐊᖅ ᐃᑲᔪᖅᑐᐃᔪᖅ ᐊᑯᓂᐅᔪᒃᑯᑦ ᑲᔪᓰᓐᓇᕈᓐᓇᕐᓂᕐᒧᑦ ᑐᕌᒐᒃᓴᐅᔪᓂᑦ, ᒥᒃᖠᒋᐊᖅᑎᑦᑎᓪᓗᓂ ᐆᒻᒪᖅᑯᑎᑦ ᐊᑭᖏᓐᓂᒃ, ᐱᑎᑦᑎᓪᓗᓂ ᐊᑯᓂᐅᔪᒃᑯᑦ ᐱᕚᓪᓕᕈᑎᒃᓴᓂᑦ ᓄᓇᕗᑦᒥᐅᓄᑦ ᓯᕗᓂᒃᓴᒧᑦ. ᐅᓇ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᓐᑯᑦ ᑐᒡᓕᕆᓕᖅᑖ ᑮᓇᐅᔭᓕᐅᕋᓱᒡᕕᖕᓂ ᐱᓕᕆᕝᕕᖕᓂ ᐆᒻᒪᖅᑯᑎᓕᕆᔨᑦ ᐃᒡᓘᑉ ᖁᓛᓂ ᓯᕿᓂᕐᒧᑦ ᐃᒐᓚᐅᔭᓂᒃ ᐆᒻᒪᖅᑯᓯᐅᕐᓂᖅ.
