ᐱᕙᓪᓕᐊᖃᑎᒌᖕᓂᖅ
ᐱᓕᕆᖃᑎᒌᖕᓂᖅ ᐱᒋᐊᕐᓂᖓᓂᑦ, ᓄᓇᓖᑦ ᓯᕗᓕᕐᑎᐅᓪᓗᓂ
ᓄᓇᕗᑦ ᐊᑯᓂᐊᓗᒃ ᖃᓪᓗᓈᓂᙶᕐᑐᓂᒃ ᐱᓕᕆᔨᓂᒃ ᓄᓇᓕᖕᓄᐊᖅᑐᖃᖃᑦᑕᕐᓯᒪᕗᖅ ᐱᓕᕆᔭᕐᑐᕐᖢᑎᒡᓗ ᐃᓱᒪᒋᔭᒥᓂᒃ ᐊᑲᐅᓛᖑᓇᓱᒋᔭᒥᓂᒃ. ᑕᑯᖃᑦᑕᕐᓯᒪᕗᒍᑦ ᐅᓄᕐᓱᐃᕐᖢᑕ ᖃᓄᖅ ᑕᒪᓐᓇ ᐱᓕᕆᔾᔪᓯᖅ ᑲᔪᓯᔪᓐᓇᙱᓐᓂᖓᓂᒃ.
ᐃᒪᓐᓇᐅᒐᔪᒃᐳᖅ, ᐱᓕᕆᐊᖑᔪᖅ ᐋᖅᑭᒃᓱᖅᑕᐅᕙᒃᐳᖅ ᒪᑐᓯᒪᓪᓗᓂ ᑭᓯᐊᓂ ᐃᓱᐊᓄᑦ ᓴᖅᑭᑦᑎᑦᑎᔭᕆᐊᖃᓕᕐᐸᒃᖢᓂ ᐱᐊᓂᒃᓯᒪᔪᒥᒃ ᐃᓱᒪᒋᔭᐅᔪᒥᒃ ᐊᐅᓚᑦᑎᕕᖃᕐᐸᖕᓂᕐᒧᑦ ᑎᒥᒋᔭᐅᔪᒧᑦ. ᑭᖑᓂᐊᒍᑦ ᑭᓯᐊᓂ ᐃᓄᐃᑦ ᐅᖃᖃᑎᒋᔭᐅᓕᕐᐸᒃᐳᑦ ᐊᐱᕆᔭᐅᕙᒃᖢᑎᒡᓗ ᖃᓄᖅ ᐃᓱᒪᒋᔭᖃᕐᒪᖔᑦ. ᑕᐃᒪᓐᓇ ᐊᐅᓚᖃᑦᑕᙱᑦᑐᒍᑦ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᓐᓂ.
ᐱᓕᕆᔾᔪᓯᕗᑦ ᐱᓕᕆᖃᑎᒌᑦᑎᐊᕐᓗᑕ ᐱᒋᐊᕐᓂᖓᓂᒃ.
ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᓐᓂ, ᑕᑯᓯᒪᕗᒍᑦ ᐊᒃᑐᐊᓂᖃᑲᐅᑎᒋᔪᒥᒃ ᐅᑯᓄᖓ, ᐊᓯᔾᔨᒋᐊᒐᒃᓴᐅᔪᓄᑦ ᐆᒻᒪᖅᑯᑎᓄᑦ ᑲᑐᔾᔨᖃᑎᒌᖕᓂᕆᔭᐅᔪᓄᑦ, ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐋᖅᑭᖃᑎᒌᖕᓂᕐᒥᒃ ᐃᓄᖕᓄᑦ. ᐊᑕᐅᓯᖅ ᐊᑐᖅᑕᐅᔪᓐᓇᕐᑐᖅ ᐋᖅᑭᒐᓱᒡᓗᒋᑦ ᐃᓚᖏᑦ ᐋᓐᓂᕈᑕᐅᕙᓚᐅᕐᑐᑦ ᑭᖑᓂᑦᑎᓐᓂ ᐋᖅᑭᒃᓱᐃᓗᑕ ᐊᒻᒪ ᐱᓕᕆᐊᒃᓴᓂᒃ ᐊᑕᐅᑦᑎᒃᑯᑦ; ᐱᓕᕆᓗᒍ ᒥᑭᓐᓂᕐᓴᕐᒥᒃ ᐊᒃᑐᕐᓯᓂᖃᕐᓗᓂ ᓄᓇᒥᒃ ᑮᓇᐅᔭᓕᐅᕈᑕᐅᖏᓐᓇᕐᓗᓂᓗ ᐃᓄᖕᓄᑦ. ᓄᓇᓖᑦ ᓴᙲᓂᕐᑖᕐᑎᑦᑐᒪᕙᕗᑦ ᐱᓕᕆᐊᒃᓴᓂᒃ ᐊᐅᓚᑦᑎᔨᐅᓗᑎᒃ; ᑖᒃᑯᐊ ᐊᑐᕈᒪᔭᖏᑦ ᐊᑐᒃᑲᓐᓂᕈᓐᓇᕐᑐᑦ ᐆᒻᒪᖅᑯᑎᓕᐅᕈᑏᑦ ᓴᙱᓂᕐᐹᓪᓕᖁᓪᓗᒋᑦ ᐃᓄᐃᑦ ᐱᒋᔭᐅᓂᖏᓐᓂᑦ.
ᐱᓕᕆᐊᒃᓴᑦ ᐋᖅᑭᒃᑕᐅᔪᑦ ᐃᓄᐃᑦ ᓂᐱᖏᓐᓄᑦ, ᓯᕗᓪᓕᐅᔾᔭᐅᔭᕆᐊᓕᖕᓄᑦ ᐊᒻᒪ ᐊᖏᕈᑎᓄᑦ
ᓄᓇᕐᔪᐊᒥᕐ ᑲᑐᔾᔨᖃᑎᒌᑦ ᓱᓕᓂᕋᕈᑎ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓄᑦ ᓇᓗᓇᐃᖅᓯᕗᖅ ᓄᓇᕗᑦᒥ ᐱᔪᓐᓇᐅᑎᖏᓐᓂᒃ ᐊᒻᒪ ᑐᙵᕕᖏᓐᓂᒃ ᐃᓱᒪᕐᓱᕐᓗᓂ ᓄᓇᕗᒻᒥᐅᑦ ᐊᒻᒪᓗ ᑐᙵᕕᐅᔪᑦ ᐊᑭᖃᙱᑦᑐᒥᒃ, ᓯᕗᕐᖓᒍᑦ ᐊᒻᒪᓗ ᑐᓴᐅᒪᑎᑕᐅᑦᑎᐊᕐᓗᑎᒃ ᐊᖏᕐᓂᕐᒥᒃ. ᐊᖏᕈᑎᒥᒃ ᐃᓄᖕᓄ−ᓇᖕᒥᓂᕆᔭᐅᓪᓗᓂ ᐊᑐᒃᑲᓐᓂᕈᓐᓇᕐᑐᓂᒃ ᐆᒻᒪᖅᑯᓯᐅᖅᑎᐅᓗᑎᒃ,. ᑕᒪᑐᒥᖓ ᐊᕗᖓᐅᔨᒋᐊᖅᑎᑦᑎᒃᑲᓐᓂᕐᐳᑦ. ᐃᓱᒪᓕᐅᕆᓂᕐᒥᑦ ᓇᓕᐊᒃ ᐱᓕᕆᐊᒃᓴᖅ ᓈᒻᒪᓛᖑᖕᒪᖔᑦ ᓄᓇᓕᖕᓄᑦ ᓯᕗᓪᓕᕐᐹᒧᑦ ᐅᓪᓗᕐᒧᑦ ᐳᐊᕐᕆᓯᑦ ᓄᓇᒧᐊᕐᑕᐅᕙᓪᓕᐊᑎᓪᓗᒋᑦ− ᓯᕗᒻᒧᐊᖅᐸᓪᓕᐊᔪᖃᙱᑦᑎᐊᕐᑐᖅ ᐅᓄᕐᓂᕐᓴᐃᑦ ᐊᖏᖅᑕᐅᓚᐅᕐᓂᖏᓐᓂᒃ ᓄᓇᓕᖕᒥᐅᓄᑦ.
ᖃᐅᔨᓯᒪᔪᒍᑦ ᓄᓇᓖᑦ ᐅᓄᖅᑐᓂᒃ ᓯᕗᓪᓂᐅᑎᔭᕆᐊᖃᖅᑕᖏᓐᓂᒃ, ᐃᖅᑲᓇᐃᔭᖅᑎᑭᒃᓴᖅᖢᑎᒃ ᑮᓇᐅᔭᑭᒃᓴᕐᖢᑎᒡᓗ. ᑕᒪᕐᒥᑦᑎᐊᖅ ᐱᓕᕆᐊᖑᕙᒃᑐᑦ ᐸᕐᓇᐃᕙᓪᓕᐊᓂᐊᕐᓗᓂ ᐊᓯᔾᔨᒋᐊᒐᒃᓴᐅᔪᒥᒃ ᐆᒻᒪᖅᑯᒻᒥᒃ ᐱᓕᕆᐊᖑᔪᒥᒃ ᐊᖏᔪᒻᒪᕆᒥᒃ ᐊᒃᓱᕉᓴᖅᑎᑦᑎᖅᔪᐊᓚᐅᕐᐳᖅ ᕼᐋᒻᓚᒃᑯᑦ ᑮᓇᐅᔭᖁᑎᖏᓐᓄᑦ. ᐊᔪᕐᓇᙱᓐᓂᕐᓴᐅᖁᓪᓗᒍ, ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐅᔾᔨᕐᓇᕐᓯᑎᑦᑎᕙᒃᐳᑦ ᐊᕕᒃᓯᒪᓂᕐᓂᒃ−ᓄᓇᓕᖕᓂ ᓇᖕᒥᓂᖃᕐᓂᕐᒧᑦ ᐊᑐᕐᑕᐅᕙᒃᑐᒥᒃ. ᑕᐃᒫᒃ, ᓄᓇᓖᑦ ᐱᓕᕆᐊᒃᓴᓂᒃ ᐊᐅᓚᑦᑎᔪᓐᓇᕐᐳᑦ ᐃᒃᐱᒍᓱᒃᑎᐊᕐᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐊᖏᓛᒃᑯᑦ ᐃᑲᔫᑎᒃᓴᓂᑦ ᐃᓄᖕᓄᑦ, ᑎᑎᕋᕐᕕᓕᕆᔾᔪᑎᓄᑦ ᐱᔭᕆᑭᓪᓗᑎᒃ. ᐃᑲᔪᕈᒪᕙᕗᑦ ᓄᓇᓕᔅᓯᖕᓂ ᐊᑐᒃᑲᓐᓂᕈᓐᓇᕐᑐᑦ ᐆᒻᒪᖅᑯᑏᑦ ᐱᓪᓚᑦᑖᖑᓕᕐᑎᓪᓗᒋᑦ.