ᖃᐅᓱᐃᑦᑐᖅ
ᖃᐅᓱᐃᑦᑐᖅ ᓄᒃᑭᒃᓴᐅᑏᑦ ᐱᓕᕆᐊᖑᔪᖅ ᐊᑐᓛᕐᑐᖅ ᐊᓄᕆᓯᐅᑏᑦ, ᓯᕿᓂᕐᒨᕐᑐᖅ ᐃᒐᓚᐅᔭᑦ, ᐊᒻᒪᓗ ᐹᑕᓖᓂᒃ ᓴᖅᑭᑦᑎᓂᕐᒧᑦ ᓴᓗᒪᔪᒥᒃ ᐆᒻᒪᖅᑯᑎᒥᒃ. ᑐᕌᒐᕆᔭᕗᑦ ᓄᓇᓕᐅᔪᑦ ᐃᒐᓯᐅᒻᒥᒃ ᐊᑐᕐᓂᖅ ᓇᑉᐸᕐᒥᒃ ᐃᓄᖕᓄᑦ ᓯᕗᒃᑲᖅᑕᖅᑕᐅᔪᒥᒃ ᐋᖅᑭᒍᑎᒃᓴᒥᒃ ᐆᒻᒪᖅᑯᑎᕗᑦ ᐊᑦᑕᕐᓇᔾᔭᐃᖅᓯᒪᖁᓪᓗᒍ ᐊᒻᒪᓗ ᓇᖕᒥᓂᖃᕐᓂᕗᑦ ᓴᙱᔫᖁᓪᓗᒍ.
ᑐᐊᕕᕐᓇᖅᑐᒃᑯᑦ ᑲᓲᑎᓯᒪᔾᔪᑎᑦ
ᑭᒡᓕᓯᓂᐊᖅᑕᐅᓯᒪᔪᑦ
ᓇᓚᐅᑦᑖᖅᑕᐅᓯᒪᔪᑦ ᐊᑭᖏᑦ: $35 M
ᑐᕌᒐᕆᔭᐅᔪᖅ ᓴᓇᔭᐅᒋᐊᕐᓂᖓ: 2029
ᑐᕌᒐᒃᓴᖅ ᓯᕗᓪᓕᖅᐹᒥ ᐆᒻᒪᖅᑯᑎᓄᑦ: 2031
ᑐᒃᓯᕋᐅᑕᐅᔪᖅ ᐆᒻᒪᖅᑯᑎᖃᖅᑎᑦᑎᓂᕐᒧᑦ:ᐊᓄᕆᓯᐅᑏᑦ ᐊᒻᒪᓗ ᓯᕿᓂᕐᒨᕐᑐᖅ ᐃᒐᓚᐅᔭᐃᑦ
ᐃᓄᒋᐊᖕᓂᖏᑦ
ᖁᑦᑎᖕᓂᖅᐹᖅ
ᐆᒻᒪᖅᑯᑎᓄᑦ ᐱᔭᐅᔪᒪᔪᖅ
ᑐᒃᓯᕋᐅᑕᐅᔪᖅ
ᑐᑭᓯᒋᐊᕐᕕᒃᓴᖅ
ᐅᖅᓱᐊᓗᒻᒧᑦ
ᐊᑭᓕᖅᓱᐃᓂᖅ
ᑭᒡᓕᓯᓂᐊᖅᑕᐅᓯᒪᔪᑦ
ᑐᕌᒐᕆᔭᐅᔪᖅ ᓴᓇᔭᐅᒋᐊᕐᓂᖓ: 2029
ᑐᕌᒐᒃᓴᖅ ᓯᕗᓪᓕᖅᐹᒥ ᐆᒻᒪᖅᑯᑎᓄᑦ: 2031
ᑐᒃᓯᕋᐅᑕᐅᔪᖅ ᐆᒻᒪᖅᑯᑎᖃᖅᑎᑦᑎᓂᕐᒧᑦ: ᐊᓄᕆᓯᐅᑏᑦ ᐊᒻᒪᓗ ᓯᕿᓂᕐᒨᕐᑐᖅ ᐃᒐᓚᐅᔭᐃᑦ
ᐃᓄᒋᐊᖕᓂᖏᑦ: 183
ᖁᑦᑎᖕᓂᖅᐹᖅ ᐆᒻᒪᖅᑯᑎᓄᑦ ᐱᔭᐅᔪᒪᔪᖅ: 908 kW
ᑐᒃᓯᕋᐅᑕᐅᔪᖅ ᑐᑭᓯᒋᐊᕐᕕᒃᓴᖅ: 1.5 MW
ᐅᖅᓱᐊᓗᒻᒧᑦ ᐊᑭᓕᖅᓱᐃᓂᖅ: 60%
ᐱᓕᕆᐊᑉ ᐅᓂᒃᑳᖓ
ᖃᐅᓱᐃᑦᑐᖅ ᐅᑭᐅᖅᑕᖅᑐᒦᓐᓂᖅᐹᖑᖃᑕᐅᔪᖅ ᑲᓇᑕᒥ. ᐅᖓᓯᓗᐊᕐᓂᖓᓄᑦ, ᓯᓚᓗ ᓂᒡᓚᓱᒃᑐᐊᓘᓂᖓᓐᓄᑦ, ᑐᓗᕈᑎᖃᖅᐳᖅ ᐃᒡᓗᐃᑦ ᐆᒻᒪᖅᑐᑏᓪᓗ ᐃᖏᕐᕋᑎᓐᓇᓱᒋᐊᒃᓴᖅ. ᓅᑉᐸᓪᓕᐊᓂᖅ ᐊᑐᒃᑲᓐᓂᕈᓐᓇᕐᑐᓂᒃ ᐃᑲᔪᕐᓂᐊᕐᑐᖅ ᐊᒃᓱᕈᕐᓇᓗᐊᕐᓇᕈᓐᓃᖅᑎᑦᑎᓂᕐᒥᒃ ᒫᓐᓇᐅᔪᖅ ᐆᒻᒪᖅᑯᑎᖃᐅᑎᑦᑎᓐᓂᒃ ᐃᑲᔪᖅᓗᒍᓗ ᓄᓇᓖᑦ ᐱᕈᖅᐸᓪᓕᐊᑎᓪᓗᒍ.
ᐱᓕᕆᐊᓕᒫᑎᑐᑦ, ᑖᓐᓇ ᐱᓕᕆᐊᒃᓴᖅ ᒪᓕᒃᐳᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ. ᐊᒃᓱᕉᑎᖃᖅᐳᒍᑦ ᐱᔨᑦᑎᕋᕈᒪᓪᓗᑕ ᓄᓇᖅᑲᑎᒌᓂᒃ (ᐱᔨᑦᑎᕐᓂᖅ), ᐃᓱᒪᒃᓴᕐᓯᐅᕈᓐᓇᑦᑎᐊᕐᓗᑕ ᐊᑐᖅᓯᔪᓐᓇᑦᑎᐊᕐᓗᑕᓗ (ᖃᓄᕐᑑᕐᓂᖅ), ᑕᑯᒃᓴᐅᑎᑦᑎᓗᑕᓗ (ᖃᓄᖅᑑᕐᓂᖅ), ᑕᑯᒃᓴᐅᑎᑦᑎᓪᓗᑕᓗ ᐃᒃᐱᒍᓱᑦᑎᐊᕐᓂᕐᒥᒃ ᓄᓇᒥᒃ, ᓂᕐᔪᑎᓂᒃ, ᐊᕙᑎᑦᑎᓂᒡᓗ. (ᐊᕙᑎᑦᑎᓐᓂ ᑲᒪᑦᑎᐊᕐᓂᖅ).
ᐊᒃᑐᐃᓂᖏᑦ ᐊᒻᒪᓗ ᐃᑲᔫᑎᖏᑦ
ᐃᓚᖓ ᐱᒻᒪᕆᐅᓛᖑᖃᑕᐅᔪᖅ ᐱᓕᕆᓂᐅᔪᖅ ᐊᓯᔾᔨᑐᐃᓐᓇᕆᐊᖃᕐᒪᑦ ᓄᓇᒥᒃ, ᐃᒪᕐᒥᒃ, ᐸᕐᓇᐅᑎᒥᒃ, ᐊᒻᒪ ᓂᕐᔪᑎᓂᒃ. ᖃᐅᔨᒪᓇᓱᖕᒥᔪᒍᑦ ᖃᓄᖅ ᐊᒃᑐᐃᔪᓐᓴᕐᒪᖔ ᓂᐱᖅᑯᖅᑐᔪᓂᒃ ᐱᔪᓐᓇᐅᑎᖏᓐᓂᒃ ᐊᑐᖅᑎᓪᓗᒋᑦ ᓄᓇᕗᑦᒥ ᐊᖏᕈᑎᑎᒍᑦ.
ᐊᑕᖏᖅᖢᒍ ᐅᓂᒃᑲᐅᓯᖅ
ᓯᕗᓪᓕᖅᐹᑦ ᐱᖓᓱᑦ ᐱᓕᕆᐊᖑᔪᑦ ᑐᑭᓯᕚᓪᓕᕈᑎᒋᓚᐅᖅᑕᕗᑦ ᓇᓗᓇᐃᔭᖅᓯᒪᑦᑎᐊᖅᑐᒃᑯᑦ, ᐱᖃᓯᐅᑎᓪᓗᒋᑦ ᐊᒃᑐᐃᓂᕆᔪᓐᓇᖅᑕᖏᑦ ᐊᒻᒪᓗ/ᐅᕝᕙᓘᓐᓃᑦ ᐃᑲᔫᑎᒃᓴᖏᑦ. ᕿᒥᕐᕈᓚᐅᖅᑐᒍᑦ ᐊᕙᑎᒧᑦ ᐊᒃᑐᐃᓂᐅᔪᓂᒃ, ᓄᑖᓂᒃ ᐃᖅᑲᓇᐃᔮᒃᓴᓂᒃ, ᐊᒻᒪᓗ ᐃᓄᖕᓄᑦ ᐃᑲᔫᑎᒃᓴᓂᒃ.
ᑐᑭᓯᐅᒪᓂᐊᕐᓗᒋᑦ ᑖᒃᑯᐊ ᐊᓯᔾᔨᑐᐃᓐᓇᕆᐊᓖᑦ, ᐅᕙᒍᑦ:
- ᐱᓕᕆᖃᑎᒋᓗᒋᑦ ᖃᐅᓱᐃᑦᑐᖅ ᐊᖑᓇᓱᒃᑐᓕᕆᔨᒃᑯᑦ ᐊᒻᒪ ᖃᐅᓱᐃᑦᑐᖅ ᕼᐋᒻᒪᓚᒃᑯᑦ ᑲᑎᒪᔨᖏᑦ ᖃᐅᔨᓴᕐᓂᕐᒧᑦ ᐸᕐᓇᐅᓯᐅᕐᓗᑎᒃ.
- ᐊᐅᓪᓚᖅᑎᑦᑎᓚᐅᖅᑐᑦ ᑲᑐᔾᔨᖃᑎᒌᓂᒃ ᑭᒡᓕᓯᓂᐊᖅᑎᓂᒃ ᐊᒻᒪᓗ ᐃᓄᖕᓂᒃ ᑕᓯᐅᖅᑎᓂᒃ ᐃᓂᒧᑦ ᐃᓕᓐᓂᐊᖃᑎᒌᖁᓪᓗᒋᑦ.
- ᑲᑎᑕᐅᓯᒪᔪᑦ ᐊᒻᒪᓗ ᖃᐅᔨᓴᖅᑕᐅᓯᒪᔪᑦ ᑐᑭᓯᒋᐊᕈᑎᒃᓴᑦ
- ᓴᓇᓚᐅᖅᑐᒍᑦ ᑮᓇᐅᔭᓕᕆᓂᕐᒧᑦ ᐆᒃᑑᑎᒃᓴᒥᒃ ᐱᓕᕆᐊᒃᓴᒧᑦ, ᑐᑭᓯᐅᒪᖁᓪᓗᑕ ᖃᓄᐃᑦᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᓂᕆᐅᒍᓐᓇᕐᒪᖔᑦᑕ ᐊᕐᕌᒍᑕᒫᑦ ᓂᐅᕐᕈᑎᖃᕐᓂᒃᑯᑦ ᐊᓄᕆᒧᑦ ᐆᒻᒪᖅᑯᑎᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᓴᓇᔪᖃᓚᐅᖅᑎᓐᓇᒍ, ᑐᑭᓯᐅᒪᔭᕆᐊᖃᓚᐅᕋᑦᑕ ᒫᓐᓇᐅᔪᖅ ᖃᓄᐃᓕᖓᓕᕐᒪᖔᖅ ᐊᕙᑎᐅᔪᖅ ᐊᒻᒪᓗ ᓄᓇᓕᐅᔪᖅ, ᐊᒻᒪᓗ ᖃᓄᖅ ᐊᓯᔾᔨᑐᐃᓐᓇᕆᐊᖃᕐᒪᖔᑕ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᓕᐅᔾᔭᐅᓚᐅᖅᐳᑦ ᖃᐅᔨᓴᕐᓂᕐᒧᑦ ᖃᐅᔨᔭᐅᔪᓄᑦ, ᐃᓄᖕᓄᑦ, ᑭᓱᑐᐃᓐᓇᐃᑦ ᑐᑭᖃᑦᑎᐊᕋᓗᐊᕐᒪᖔᑕ ᐱᔾᔪᑎᒋᓪᓗᒋᑦ ᐃᓄᐃᑦ ᖃᐅᔨᒪᔭᖏᑦ ᓱᓕᓂᕋᖅᑕᐅᓪᓗᑎᒃ.
ᓇᓗᓇᐃᖅᑕᐅᓚᐅᖅᑎᓪᓗᒋᑦ ᖃᓄᖅ ᐊᒃᑐᐃᓂᖃᕈᓐᓇᕐᒪᖔᑦ ᐱᓕᕆᐊᖑᔪᖅ, ᓄᓇᕗᑦᒥ ᓇᖕᒥᓂᖃᖅᑐᓄᑦ ᐃᑲᔫᑎᒃᑯᑦ ᑐᓂᓯᓚᐅᖅᑐᑦ ᐱᓕᕆᐊᖑᔪᒥᒃ ᓄᓇᕗᑦᒥ ᐆᒪᔪᓕᕆᓂᕐᒧᑦ ᑲᑎᒪᔨᓄᑦ ᖃᐅᔨᓴᖅᑕᐅᖁᓪᓗᒍ ᐊᒻᒪᓗ ᑲᔪᓯᑦᑎᐊᓚᐅᖅᑐᖅ. ᑕᐃᒪᓕ ᑐᑭᖃᓚᐅᖅᑐᖅ ᑕᐃᒃᑯᐊ ᐱᓕᕆᐊᖑᔪᑦ ᐊᒃᑐᐃᓂᕆᔪᓐᓇᖅᑕᖏᑦ ᓈᒻᒪᓚᐅᕐᒪᑕ ᐊᒻᒪᓗ ᓄᓇᕗᑦᒥ ᓴᓇᔨᒃᑯᑦ ᐊᖏᖅᑕᐅᓚᐅᖅᑐᑦ ᓴᓇᖁᔭᐅᓪᓗᑎᒃ ᐱᓕᕆᐊᖑᔪᒥᒃ. ᓴᖅᑮᓚᐅᕐᒥᔪᒍᑦ ᓄᓇᓕᖕᓂ ᐱᐅᓯᕚᓪᓕᑎᑦᑎᓂᕐᒧᑦ ᑮᓇᐅᔭᓂᒃ, ᑕᐃᒪᐃᒻᒪᑦ 20%-ᖏᑦ ᐱᓕᕆᐊᑉ ᐊᕐᕌᒍᑕᒫᑦ ᑮᓇᐅᔭᓕᐊᖏᑦ ᑐᕌᑲᐅᑎᒋᖃᑦᑕᕐᓂᐊᕐᒪᑕ ᓴᓂᑭᓗᐊᕐᒥᐅᓄᑦ ᓄᓇᓕᖕᓂ ᐱᕚᓪᓕᑎᑦᑎᓂᕐᒧᑦ ᓂᕈᐊᖅᑕᒥᓄᑦ. ᑲᑎᒪᔨᕋᓛᖑᔪᑦ ᓄᓇᓕᖕᓂ ᓯᕗᓕᖅᑎᐅᔪᓂᒃ ᑲᑐᔾᔨᖃᑎᒌᖑᔪᓂᒃ ᓄᓇᓕᖕᓂ ᐊᖏᓚᐅᖅᑐᑦ ᐊᐅᓚᑦᑎᓂᕐᒧᑦ ᑮᓇᐅᔭᓂᒃ.
ᓇᐃᓈᖅᓯᒪᔪᖅ ᓄᓇᓕᖕᓂ ᐃᓚᐅᑎᑦᑎᓂᖅ
ᐱᓕᕆᖃᑎᖃᕐᓂᖅ ᓄᓇᓕᖕᒥᐅᓂᒃ ᐆᒻᒪᑎᓐᓂᙶᕐᐳᖅ ᑕᒪᑐᒧᖓ ᐱᓕᕆᐊᖑᔪᒧᑦ. ᐱᒋᐊᕈᑎᒋᓂᐊᕐᓗᒍ, ᑐᒃᓯᕋᓚᐅᕐᐳᒍᑦ ᑎᑎᖅᑲᖅᑖᓚᐅᖅᐳᒍᓪᓗ ᐃᑲᔪᖅᑐᐃᔪᓂᒃ ᕼᐋᒻᓚᒃᑯᑦ ᑲᑎᒪᔨᖏᓐᓂᒃ ᐊᖑᓇᓱᒃᑐᓕᕆᔨᒃᑯᓂᒡᓗ. 2022−ᒥᑦ ᓄᓇᓕᖕᓂ ᓂᕆᕕᒡᔪᐊᖅᑎᑦᑎᓚᐅᕆᕗᒍᑦ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᕐᑎᑦᑎᔪᒪᓪᓗᑕ ᐊᑐᒃᑲᓐᓂᕈᓐᓇᕐᑐᓂᒃ ᐆᒻᒪᖅᑯᑎᓂᒃ ᐊᐱᖅᓱᑲᑕᒃᖢᑕᓗ ᓄᓇᐅᑉ ᒥᒃᓵᓄᑦ ᐊᒻᒪ ᓄᓇᓕᖕᓂ ᐃᑲᔫᑎᒃᓴᓂᒃ ᓲᕐᓗ ᐊᓄᕆᒧᑦ ᐊᒻᒪ ᓯᕿᓂᐅᑉ ᖃᐅᒪᓕᕐᓂᖓ.
ᓄᓇᓕᖕᒥᐅᑦ ᐃᖅᑲᓇᐃᔭᖅᑎᑕᐅᓚᐅᕐᐳᑦ ᐃᑲᔪᖁᔭᐅᓪᓗᑎᒃ ᐸᕐᓇᐃᓂᕐᒧᑦ ᐊᒻᒪ ᑐᓴᐅᒪᖃᑎᒌᖕᓂᕐᒧᑦ, ᓯᓚᒥ ᐱᓕᕆᓂᕐᒧᑦ. ᓂᕈᐊᕆᐊᖃᓕᕋᒥᒃ ᖃᓄᐃᑦᑐᓂᒃ ᐱᓕᕆᔾᔪᑎᒥᒃ ᐊᒻᒪ ᐊᑲᐅᓛᕐᒥᒃ ᑐᙵᕕᒃᓴᖓᓐᓄᒃ, ᖃᐅᓱᐃᑦᑐᕐᒥᐅᑦ ᑕᒪᒃᑯᓂᖓ ᓂᕈᐊᖃᑦᑕᓚᐅᖅᑐᑦ ᐃᓄᓕᒫᑦ ᓂᕈᐊᖅᑎᓪᓗᒋᑦ. ᐱᓕᕆᐊᒧᑦ ᓄᑖᙳᕆᐊᖅᓯᒪᔪᑦ ᑐᓴᖅᑕᐅᕙᒃᐳᑦ ᑲᑎᒪᓂᒃᑯᑦ, ᐅᖃᓪᓚᒡᕕᒃᑯᑦ ᐊᒻᒪ ᐃᑭᐊᖅᑭᕕᑎᒍᑦ.
ᓇᓃᓐᓂᙵᑦᑕ ᐱᒋᐊᖅᕕᖓ ᐱᕙᓪᓕᐊᖤᖅ
ᑖᓐᓇ ᑎᑎᖅᑐᒐᖅ ᑕᑯᒃᓴᐅᑎᑦᑎᔪᖅ ᖃᓄᖅ ᐱᓕᕆᐊᖅ ᐱᕙᓪᓕᐊᑎᑕᐅᕙᒻᒪᖔᖅ ᐱᒋᐊᕐᓂᖓᓂᑦ ᐃᓱᐊᓄᑦ. ᑕᐃᔭᐅᔪᖅ ᓇᓪᓕᑭᑕᕐᓂᒃᑯᑦ ᐊᖅᑯᑎᐅᔪᖅ ᐱᔾᔪᑎᒋᓪᓗᒍ ᐊᕕᒃᑐᕐᓯᒪᒻᒪᑦ ᐱᓕᕆᐊᖑᔪᖅ 6-ᓄᑦ ᓇᓪᓕᑭᑕᕐᓂᐅᔪᓄᑦ ᐃᓱᒪᓕᐅᕈᑎᖃᖅᑐᑎᒃ ᐊᑯᕐᖓᓐᓂ ᐊᑐᓂ ᓇᓪᓕᑭᑕᕐᓂᐅᔪᑦ. ᑎᒥᐅᔪᖅ ᐱᓕᕆᐊᖑᔪᖅ, ᓇᓗᓇᐃᖅᑕᐅᓯᒪᔪᖅ ᑐᕌᒐᕆᔭᐅᔪᒧᑦ. ᐃᓱᒪᓕᐅᕈᑕᐅᔪᓐᓇᖅᑐᖅ ᑕᑯᓐᓇᖃᑦᑕᕋᑦᑕ ᐃᓄᐃᑦ ᓯᕗᓕᖅᑎᖏᓐᓂᒃ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐊᖏᕈᑎᖃᖁᓪᓗᒋᑦ ᓯᕗᒧᐊᒃᐸᓪᓕᐊᓂᕐᒧᑦ. ᓄᓇᕗᑦ ᓄᑭᒃᓴᐅᑎᒃᑯᑦ ᑯᐊᐳᕇᓴᒃᑯᑦ ᒪᓕᖃᑦᑕᖅᑐᑦ ᑖᔅᓱᒥᖓ ᐱᓕᕆᔾᔪᓯᕐᒥᒃ ᓄᓇᓕᓕᒫᓄᑦ ᐱᓕᕆᐊᖑᔪᓄᑦ, ᐊᒻᒪᓗ ᕿᓃᓐᓇᖅᑐᑎᒃ ᖃᓄᖅ ᐱᐅᓯᕚᓪᓕᕈᓐᓇᕐᒪᖔᑦ.
ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᒃᑯᑦ ᐱᓕᕆᖃᑎᖃᖅᐸᑉᐳᑦ ᐱᓕᕆᐊᒧᑦ ᐱᓕᕆᖃᑎᒌᓂᑦ ᐱᔭᕇᖅᓯᓇᓱᐊᖅᑐᑎᒃ ᐃᓚᖓᓐᓂᑦ. ᑕᐃᒪᓕ, ᑕᑯᒃᓴᐅᑎᑦᑎᕙᒃᐳᒍᑦ ᐱᓕᕆᐊᖑᔪᒥᒃ ᓄᓇᓕᐅᔪᓄᑦ. ᑕᕝᕘᓇ ᐃᓱᒪᓕᐅᕈᑎᒃᑯᑦ ᓅᓐᓂᐊᕈᑦᑕ ᐊᒻᒪᓗ ᑭᖑᓪᓕᕐᒧᑦ ᓅᓐᓂᐊᕐᓗᑕ, ᖃᐅᔨᒋᐊᕆᐊᖃᕋᑦᑕ ᐃᓄᐃᑦ ᓈᒻᒪᒃᓴᕐᒪᖔᑕ ᐱᕙᓪᓕᐊᓂᕐᒥᒃ ᐊᒻᒪᓗ ᑲᔪᓯᖁᔨᒻᒪᖔᑕ. ᐱᖓᓲᒻᒪᑕ ᑭᐅᔾᔪᑎᐅᔪᓐᓇᖅᑐᑦ ᐃᓄᓐᓂᑦ ᐃᓱᒪᓕᐅᕈᑎᖃᓕᖅᑎᓪᓗᑕ:
- ᐋᒡᒐ, ᑕᒪᓐᓇ ᐱᔪᒪᙱᑕᕗᑦ—ᓄᖅᑲᖅᑎᑕᐅᓗᓂ ᐃᖅᑲᓇᐃᔭᕐᓂᖅ.
- ᑲᔪᓯᖁᕙᒋᑦ, ᑭᓯᐊᓂ ᖁᕕᐊᒋᙱᑕᕗᑦ ᑕᒪᓐᓇ ᓴᖅᑭᑦᑐᖅ—ᐆᒃᑐᒃᑲᓐᓂᕆᑦ.
- ᐄ, ᑕᒪᓐᓇ ᐱᐅᒋᕙᕗᑦ—ᑲᔪᓯᓗᑎᑦ.
ᑐᕌᒐᕆᔭᕗᑦ ᓇᓂᓯᓇᓱᐊᕐᓂᖅ ᖃᓄᖅ ᐊᖏᖃᑎᒌᒍᓐᓇᕐᒪᖔᑦᑕ, ᒪᓕᒃᑐᒋᑦ ᐃᓄᐃᑦ ᐱᒻᒪᕆᐅᒋᔭᖏᑦ. ᑕᒪᓐᓇ ᑐᑭᖃᖅᐳᖅ ᐃᓂᒃᓴᖃᖅᑎᑦᑎᓂᕐᒥᒃ ᑕᒪᐃᓐᓄᑦ ᐃᓱᒪᒋᔭᐅᔪᓄᑦ, ᓇᓂᓯᓂᕐᒥᒃ ᖃᓄᖅᑑᕈᑎᒃᓴᓂᒃ ᐋᖅᑭᒃᓱᐃᓂᕐᒥᒃ ᐸᕐᓇᐅᑎᓂᒃ, ᐊᒻᒪ ᑲᒪᒋᔭᖃᕐᓂᕐᒥᒃ ᐃᓱᒫᓘᑕᐅᔪᓂᒃ. ᑕᐃᒪᐃᒐᔪᒃᑐᖅ ᐊᒻᒪᓗ ᖃᓄᐃᓐᖏᑦᑐᖅ ᐃᓄᐃᑦ ᐊᖏᖃᑎᖃᓐᖏᑉᐸᑕ. ᐱᒻᒪᕆᐅᕗᖅ ᓈᓚᖃᑦᑕᕆᐊᖃᕋᑦᑕ (ᑐᑭᓯᐅᒪᓗᑕ), ᓴᖅᑭᔮᑦᑎᐊᖅᑐᓂᒃ ᑐᑭᓯᒋᐊᕈᑎᒃᓴᓂᒃ ᑐᓂᓯᖃᑦᑕᕐᓗᑕ, ᑭᐅᖃᑦᑕᕐᓗᑕ ᐊᐱᖅᑯᑎᓂᒃ, ᓱᓕᑦᑎᐊᕐᓗᑕ ᖃᐅᔨᒪᓐᖏᒐᐃᒐᑦᑕ ᑭᓱᑐᐃᓐᓇᕐᒥᒃ, ᐊᒻᒪᓗ ᐸᕐᓇᐅᑎᓕᐅᖃᑦᑕᕐᓗᑕ ᖃᐅᔨᒋᐊᒃᑲᓐᓂᕈᑎᒃᓴᓂᒃ. ᑕᐃᒪᓐᓇ ᐅᖃᖃᑎᒌᖕᓂᒃᑯᑦ ᓇᓂᓯᔪᓐᓇᖃᑦᑕᕋᑦᑕ ᐋᖅᑭᒍᑎᒃᓴᓂᒃ ᓯᕗᒧᐊᒍᑎᒃᓴᓂᒡᓗ.
ᑕᐃᒪᐃᒃᑲᓗᐊᖅᑎᓪᓗᒍ, ᐊᖏᖅᑐᐃᓐᓇᐅᔾᔮᖅᑰᓐᖏᑦᑐᑦ. ᕿᓂᖅᑕᕗᑦ ᐊᒥᓲᓂᖅᓴᐃᑦ ᐃᓄᐃᑦ ᐊᖏᖃᑎᖃᖅᑐᑦ ᐊᑕᐅᓯᕐᒥᑦ ᑭᐅᔾᔪᑎᒥᑦ—ᑖᓐᓇ ᑕᖅᑲᒃᑯᓇᙵᑦ ᑐᓴᖅᑕᐅᔪᑦ ᑎᒍᕙᑦᑕᕗᑦ ᑐᓂᓪᓗᑎᒍᓗ ᐃᓄᐃᑦ ᓯᕗᓕᖅᑎᖏᓐᓄᑦ ᕿᑭᖅᑖᓗᒃ ᑯᐊᐳᕇᓴᒃᑯᓐᓂ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐃᑲᔪᖅᑕᐅᖁᓪᓗᒋᑦ ᑭᖑᓪᓕᖅᐹᒥ ᐃᓱᒪᓕᐅᕈᑎᖃᖅᑎᓪᓗᒋᑦ.
ᐊᒡᒍᖅᑐᐃᓂᖅ ᐃᓕᖅᑯᓯᐅᔪᒥᒃ ᐊᐅᓚᑕᐅᔪᓐᓇᖅᑐᓄᑦ ᑕᐃᒫᒃ ᐱᕕᖃᖅᑎᑦᑎᒻᒪᑦ ᐃᓄᓐᓂᒃ ᐃᓱᒪᓕᐅᕈᓐᓇᕐᓗᑎᒃ ᑮᓇᐅᔭᖃᖅᑎᑦᑎᓂᖅ ᑲᔪᓯᔭᕆᐊᖃᕐᒪᖔᖅ ᑕᐃᒫᒃ ᑐᒃᓯᕋᐅᑕᐅᓯᒪᓂᖓ ᒪᓕᓪᓗᒍ. ᑖᓐᓇ ᓴᓇᔭᐅᓐᓂᖅᐸᑦ ᐃᓄᐃᑦ ᑎᓴᒪᐃᕋᖅᑐᑎᒃ ᐊᖏᖃᑦᑕᕐᒪᑕ ᐊᖅᑯᑎᓕᒫᒥ. ᑕᒪᓐᓇ ᑐᓐᖓᕕᒋᔭᐅᔪᖅ ᖃᓄᖅ ᐊᑐᖃᑦᑕᕐᒪᖔᑦᑕ ᐃᓱᒪᒋᔭᐅᔪᒥᒃ ᐊᑭᖃᓐᖏᑦᑐᒥᒃ, ᓯᕗᕐᖓᒍᑦ ᑐᓴᐅᒪᑎᑕᐅᑦᑎᐊᕐᓗᑎᒃ ᐊᖏᕐᓂᕐᒥᒃ ᓴᓗᒪᔪᒥᒃ ᐆᒻᒪᖅᑯᑎᖃᕐᓂᕐᒧᑦ ᓄᑦᑎᖅᐸᓪᓕᐊᓂᕐᒧᑦ ᕿᑭᖅᑕᓂ ᐊᕕᑦᑐᖅᓯᒪᔪᓂ.
1. ᓇᓗᓇᐃᕐᓗᒍ ᐱᕕᒃᓴᖅ
ᓯᕗᓪᓕᖅᐹᒥ, ᑐᑭᓯᔭᕆᐊᖃᓚᐅᕋᑦᑕ ᖃᓄᖅ ᐆᒻᒪᖅᑯᓯᐅᕈᓐᓇᕐᒪᖔᑦᑕ ᓄᓇᓕᖕᓄᑦ. ᑕᒪᓐᓇ ᑐᑭᖃᖅᐳᖅ ᕿᒥᕐᕈᓇᒋᐊᖃᕐᓂᕐᒥᑦ ᐱᑕᖃᖅᐸᒌᖅᑐᓂᑦ ᑎᑎᕋᖅᓯᒪᔪᓂᑦ ᐊᑐᐃᓐᓇᖃᕐᕕᒋᓯᒪᔭᑦᑎᓐᓂᑦ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᑦ, ᐊᓯᖏᓐᓄᒡᓗ ᑎᒥᐅᔪᓄᑦ ᐃᓚᐅᖃᑕᐅᕙᑦᑐᓄᑦ ᑐᑭᓯᐅᒪᓂᕐᒥᑦ ᓄᓇᓕᖕᓂᑦ ᓄᓇᒥᐅᑕᓂᑦ. ᐃᓚᖃᐅᕆᕗᖅ ᐱᓕᕆᖃᑎᒌᖕᓂᕐᒥᒃ ᕼᐋᒻᓚᑦᑯᑦ ᑲᑎᒪᔨᖏᓐᓂᒃ ᐊᖑᓇᓱᒃᑐᓕᕆᔨᓂᒡᓗ ᓇᓗᓇᐃᖅᓯᔪᒪᓪᓗᑎᒃ ᐃᑲᔪᖅᑐᐃᓂᕐᒥᒃ. ᑮᓇᐅᔭᑦ ᓴᓂᖅᕙᒃᑕᐅᓯᒪᔪᑦ ᑭᖑᓪᓕᕐᒧᑦ ᐱᓕᕆᐊᖑᔪᒃᓴᕐᒧᑦ.
ᐃᓱᒪᓕᐅᕆᔭᐅᔪᖅ
ᖃᐅᔨᒪᓪᓗᑕ ᐊᑐᒃᑲᓐᓂᕈᓐᓇᕐᑐᑦ ᐆᒻᒪᖅᑯᑏᑦ ᐱᕙᓪᓕᐊᔾᔪᑕᐅᔪᓐᓇᕐᓂᖏᓐᓂᒃ, ᕼᐋᒻᓚᑦᑯᑦ ᑲᑎᒪᔨᖏᓐᓄᑦ ᐊᖑᓇᓱᒃᑐᓕᕆᔨᒃᑯᓐᓄᒡᓗ ᖃᐅᔨᒋᐊᓚᐅᕐᐳᒍᑦ. ᐊᐱᕆᓚᐅᕐᐳᒍᑦ: ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᓯᕗᒻᒧᐊᕆᐊᖃᖅᐸᑦ ᕿᓂᕐᓗᑎᒃ ᑕᒪᐃᓐᓂᒃ ᐊᑐᖅᑕᐅᖔᕈᓐᓇᕐᑐᓂᒃ ᐊᑐᒃᑲᓐᓂᕈᓐᓇᕐᑐᓂᒃ ᐆᒻᒪᖅᑯᑎᓂᒃ ᐱᕙᓪᓕᐊᑎᑦᑎᓂᕐᒥᒃ?
ᐄᖑᒍᓂ, ᑎᑎᖅᑲᓂᒃ ᐃᑲᔪᖅᑐᐃᔪᓂᒃ ᖃᓄᐃᓕᐅᖁᔨᔪᓂᒃ ᑲᔪᓯᖁᔨᓂᕐᒧᑦ ᑐᓂᔭᐅᕙᒃᐳᑦ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ.
2. ᑲᔪᓯᔪᓐᓇᑦᑎᐊᕐᒪᖔᑦ
ᑭᖑᓪᓕᕐᒥ, ᓴᖅᑭᑦᑎᓚᐅᖅᐳᒍᑦ ᐅᓄᕐᑐᓂᒃ ᓂᕈᐊᕈᑎᒃᓴᓂᒃ, ᓄᑖᖑᖅᐸᓪᓕᐊᔪᓄᑦ ᖃᓄᐃᑦᑑᓂᖏᓐᓄᑦ ᐊᒻᒪ ᓇᒦᓐᓂᖏᓐᓄᑦ. ᓄᓇ, ᐃᒪᖅ, ᐊᓄᕆ, ᓯᕿᓂᕐᓗ ᓄᓇᓕᓕᒫᑦ ᖃᓂᒋᔮᓂ ᐊᔾᔨᐅᙱᒻᒪᑕ. ᐃᓱᒪᒃᓴᖅᓯᐅᕈᑎᖃᑦᑎᐊᕆᐊᖃᕋᑦᑕ ᖃᓄᖅ ᐊᖏᓂᖅᐹᒃᑯᑦ ᐆᒻᒪᖅᑯᑎᓕᐅᕈᓐᓇᕐᒪᖔᑦᑕ ᐊᑐᒃᑲᓐᓂᕈᓐᓇᖅᑐᓂᒃ ᐊᑐᕈᓐᓇᖅᑕᑦᑎᓐᓂᒃ. ᐃᓚᖏᓐᓂ, ᓲᕐᓗ ᖃᐅᓱᐃᑦᑐᖅ, ᑕᒪᓐᓇ ᑐᑭᖃᖅᐳᖅ ᑲᑎᑎᕆᓂᕐᒥᑦ ᐊᑕᐅᓯᐅᙱᑦᑐᒥᑦ ᑐᑭᓯᒋᐊᕐᕕᒃᓴᓂ. ᓄᓇᕗᑦ ᓄᒃᑭᓴᐅᑏᑦ ᑯᐊᐳᕇᓴᒃᑯᑦ ᐊᑐᓚᐅᖅᑐᑦ ᓯᓚᓕᕆᓂᕐᒧᑦ ᖃᐅᔨᓴᕈᑎᒥᒃ, ᖁᓛᓂ ᖃᐅᔨᓴᕈᑎᖃᖅᖢᑎᒃ ᐊᓄᕆᓯᐅᒻᒥᒃ ᓯᕿᓂᕐᒨᕐᑐᖅ ᐃᒐᓚᐅᔭᐃᑦ.
ᑕᐃᒫᑦᑕᐃᓐᓇᖅ ᖃᐅᔨᓴᓚᐅᖅᑐᒍᑦ ᐱᔭᕆᐊᑐᔪᓂᒃ, ᑮᓇᐅᔭᓕᐅᕋᓱᐊᕐᓂᕐᒧᑦ, ᐊᕙᑎᓕᕆᓂᕐᒧᑦ, ᐃᓅᓯᓕᕆᓂᕐᒧᑦ, ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᑲᔪᓯᔪᓐᓇᕐᓂᖏᓐᓂᒃ ᓇᓖᕌᕈᑎᒃᓴᐃᑦ, ᐊᒻᒪᓗ ᑐᓂᓯᓪᓗᑕ ᑐᑭᓯᒋᐊᕈᑎᓕᒫᓂᒃ ᖃᐅᓱᐃᑦᑐᕐᒥᐅᓄᑦ ᕿᒥᕐᕈᔭᐅᖁᓪᓗᒋᑦ. ᓄᓇᓕᐅᔪᑦ ᐃᓚᐅᑎᓚᐅᖅᑕᕗᑦ ᑲᑎᒪᓂᒃᑯᑦ, ᐅᖃᓪᓚᒡᕕᒃᑯᑦ ᑐᓴᖅᑎᑦᑎᓂᒃᑯᑦ, ᓄᓇᓕᖕᓂ ᓂᕆᕕᔾᔪᐊᕐᓂᒃᑯᑦ, ᐊᒻᒪᓗ ᐃᑭᐊᖅᑭᕕᑎᒍᑦ. ᑖᓐᓇ ᐊᕐᕌᒍᓕᒫᐸᓗᓛᕐᑐᑦ.
ᐃᓱᒪᓕᐅᕆᔭᐅᔪᖅ
ᑕᒪᕐᒥᒃ ᓂᕈᐊᕈᑎᒃᓴᑦ ᓴᖅᑭᑕᐅᕙᒃᑐᑦ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐱᔪᓐᓇᐅᑎᖃᖅᑐᓄᑦ ᐃᓱᒪᒃᓴᖅᓯᐅᕈᑕᐅᓂᐊᕐᒪᑕ. ᐊᒃᓱᕈᑦᑎᐊᕋᓱᐊᖃᑦᑕᖅᑐᑦ ᑐᓴᐅᒪᑎᑦᑎᓇᓱᒃᖢᒃᑎᒃ ᐱᒻᒪᕆᐅᔪᓂᒃ ᓇᓗᓇᐃᔭᖅᓯᒪᔪᓂᒃ, ᐱᐅᓂᖏᓐᓂᒃ, ᐊᒻᒪᓗ ᐱᐅᙱᓐᓂᖏᓐᓂᒃ ᑕᒪᐃᓐᓂᒃ ᓂᕈᐊᕈᑎᒃᓴᓂᒃ ᐊᔾᔨᒌᙱᑦᑐᒃᑯᑦ: ᐅᓂᒃᑳᖅᑐᐊᖃᕐᓂᒃᑯᑦ, ᐅᓂᒃᑳᓕᐅᕐᓂᒃᑯᑦ, ᐊᑕᐅᓯᕐᒧᑦ ᐅᖃᖃᑎᒌᖕᓂᒃᑯᑦ, ᐊᑭᓐᓇᕐᒥᐅᑕᓂᒃ, ᐅᖃᓕᒫᒐᕋᓛᓂᒃ, ᐊᒻᒪᓗ ᑲᑎᙵᔪᓂᒃ ᐊᐱᖅᓱᕐᓂᒃᑯᑦ ᑭᐅᔭᓂᑯᑦ. ᑭᓇᓕᒫᖅ ᓴᖅᑭᑦᑐᖅ ᓂᕈᐊᖃᑦᑕᖅᑐᑦ ᖁᓛᓂᒃ ᐱᖓᓱᓂᒃ ᓂᕈᐊᕈᑎᒃᓴᓂᒃ (ᓂᕈᐊᕈᑎᒃᓴᑦ ᑎᑎᕋᖅᑕᐅᓯᒪᔪᑦ ᓂᕈᐊᕈᑎᒥ, ᐱᖃᓯᐅᑎᓪᓗᒍ ᓂᕈᐊᕈᑎᒃᓴᖅ ᑲᔪᓯᑎᑦᑎᓂᕐᒥᒃ ᐃᒐᓯᐅᒻᒥᒃ).
ᐊᑕᖃᓯᐅᑎᔪᖅ ᓂᕈᐊᕈᑎᒥᓂᒃ ᐊᖏᕐᕋᐅᔾᔨᔪᓐᓇᖅᑐᑦ ᐊᐅᓪᓚᖅᑎᑦᑎᓗᑎᓪᓗ ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᐸ—ᐱᒻᒪᕆᐅᕗᖅ ᐱᕕᖃᖅᑎᑕᐅᓗᓂ ᑐᑭᓯᓇᕐᓗᓂ ᐃᓱᒪᒃᓴᖅᓯᐅᕈᑕᐅᓗᓂᓗ ᑐᑭᓯᒋᐊᕈᑎᒃᓴᓄᑦ. ᑖᒃᑯᓇᙵᑦ ᓂᕈᐊᕈᑎᓂᒃ, ᓄᓇᕗᑦᒥ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᕿᓂᖅᐳᑦ ᐅᓄᕐᓂᖅᓴᓂᒃ ᓂᕈᐊᕈᓐᓇᖁᓪᓗᒋᑦ ᐊᑲᐅᓂᖅᐹᒥ ᐱᓕᕆᐊᒃᓴᒥᒃ ᐱᕙᓪᓕᐊᑎᑦᑎᓂᕐᒧᑦ.
3. ᓴᓇᔪᓕᕆᓂᖅ ᐊᒃᑐᖅᓯᓂᖏᓐᓄᒡᓗ ᐱᕚᓪᓕᕈᑕᐅᕙᒃᑐᓄᒡᓗ ᖃᐅᔨᓴᖅᓯᓂᖅ
ᓂᕈᐊᕈᑎᒃᓴᖅ ᓂᕈᐊᖅᑕᐅᓯᒪᓕᖅᐸᑦ, ᓴᓇᔨᒻᒪᕇᑦ ᐱᓕᕆᔪᓐᓇᖅᓯᔪᓐᓇᖅᓯᕗᑦ. ᑕᐃᒪᓕ ᑲᑎᖅᓱᕐᓚᐅᕋᑦᑎᒍᑦ ᑐᑭᓯᒋᐊᕈᑎᒃᓴᑦ ᓂᕈᐊᖅᑕᐅᓯᒪᔪᒥᒃ ᐃᓂᒃᓴᒥᒃ ᐱᓕᕆᐊᖑᓛᕐᑐᒧᑦ. ᑲᑐᔾᔨᖃᑎᒌᑦ ᑭᒡᓕᓯᓂᐊᖅᑎᖏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑎᒍᒥᐊᖅᑎᐅᔪᑦ ᖃᐅᔨᓴᕐᓂᕐᒧᑦ ᐸᕐᓇᐅᑎᓕᐅᖃᑦᑕᖅᑐᑦ ᑲᑐᔾᔨᓪᓗᑎᒃ. ᑕᐃᑲᓃᖃᑦᑕᖅᑐᑦ ᐊᒻᒪᓗ ᐃᓕᖃᑎᒌᒃᖢᑎᒃ ᓄᓇᒥᒃ, ᐃᒪᕐᒥᒃ, ᐊᓄᕆᒥᒃ, ᓯᕿᓂᕐᒥᒃ, ᐆᒪᔪᓂᒃ, ᐱᕈᖅᑐᓂᒃ, ᐅᔭᕋᖕᓂᒃ, ᐊᒻᒪᓗ ᐃᓄᐃᑦ ᐱᖁᑎᑐᖃᖏᓐᓂᒃ ᑕᐃᔅᓱᒪᓂᑐᖃᖅ. ᑕᒪᓐᓇ ᑐᙵᕕᖃᖅᐳᖅ ᑎᑎᕋᐅᔭᕐᓂᕐᒧᑦ ᐊᒻᒪ ᓴᓇᔨᐅᓂᕐᒧᑦ; ᑕᐃᒪᓕ, ᓴᖅᑭᑦᑎᔪᓐᓇᖅᓯᕙᒃᐳᒍᑦ ᓇᖕᒥᓂᖃᕐᓂᕐᒧᑦ ᓇᓗᓇᐃᒃᑯᑕᕐᒥᒃ ᐱᓕᕆᐊᒧᑦ. ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᐋᔩᖃᑎᖃᖃᑦᑕᖅᑐᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᑳᓐᑐᕌᒃᓂᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐃᓱᒪᓕᐅᖁᓪᓗᒋᑦ ᖃᓄᖅ ᐆᒻᒪᖅᑯᑎ ᓂᐅᕕᐊᖑᔪᓐᓇᕐᒪᖔᑦ ᓂᐅᕐᕈᑕᐅᔪᓐᓇᕐᒪᖔᓪᓗ, ᐊᒻᒪᓗ ᑕᓱᖅᑕᐅᓗᓂ ᒫᓐᓇᐅᔪᖅ ᐆᒻᒪᖅᑯᑎᓄᑦ ᓄᓇᓕᖕᓄᑦ ᐊᑐᖅᑕᐅᔪᓐᓇᕐᓂᐊᕐᒪᑦ. ᖃᐅᔨᓴᖃᑦᑕᕐᒥᔪᒍᑦ ᐃᓅᓯᓕᕆᓂᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᓪᓗ ᖃᓄᖅ ᑖᓐᓇ ᐱᓕᕆᐊᖅ ᐊᒃᑐᐃᓂᖃᕋᔭᕐᒪᖔᖅ ᓄᓇᓕᖕᓂ ᐃᓅᓯᕐᒥᒃ, ᐃᓅᓇᓱᐊᕐᓂᕐᒧᑦ ᐊᑭᖓᓂᒃ, ᐱᕕᒃᓴᐅᔪᓂᒃ ᓄᓇᓕᖕᓂ ᓇᖕᒥᓂᖃᕐᑐᓄᑦ, ᐊᒻᒪᓗ ᐃᖅᑲᓇᐃᔮᒃᓴᓂᒃ.
ᓄᓇᓕᖕᓂᑦ ᐃᓚᐅᑎᑦᑎᓂᖅ ᑲᔪᓯᕙᑉᐳᖅ ᑲᑎᒪᓂᒃᑯᑦ, ᐅᖃᓪᓚᒡᕕᒃᑯᑦ ᑐᓴᖅᑎᑦᑎᓂᖅ, ᐊᒻᒪ ᖃᕆᓴᐅᔭᒃᑯᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᓴᖅᑭᔮᖅᑎᑦᑎᓂᒃᑯᑦ. ᑭᓱᓕᒫᑦ ᑐᓴᖅᑕᐅᑎᑕᐅᕙᑦᑐᑦ ᐃᓄᖕᓄᑦ, ᐊᒻᒪᓗ ᐋᖅᑭᒃᑕᐅᕙᑦᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ. ᐅᖃᖃᑎᖃᖃᑦᑕᖅᑐᑦ ᐃᓄᖕᓂᒃ ᐊᒃᑐᐊᓂᖃᖅᖢᓂᒃ ᑐᙵᕕᒃᓴᖅ ᑐᑭᓯᔪᓐᓇᕐᓂᐊᕋᑦᑎᒍ ᐃᓱᒪᒋᔭᖏᑦ ᐊᒻᒪᓗ ᐱᔭᕆᐊᖃᖅᑕᖏᑦ.
ᐃᓄᐃᑦ ᐊᐱᕆᕙᒃᑕᕗᑦ: ᖃᓄᐃᑦᑐᓂᒃ ᐃᑲᔫᑎᒃᓴᓂᒃ ᑕᑯᔪᒪᕕᓯ ᐊᒻᒪᓗ ᑐᑭᓯᔪᒪᕕᓯ? ᖃᓄᖅ ᑲᒪᒋᔭᖃᖁᔨᕕᓯᐅ ᐊᒃᑐᐃᓂᐅᔪᑦ ᒥᒃᖠᕚᓪᓕᖁᓪᓗᒋᑦ? ᖃᓄᖅ ᑕᒪᒃᑯᐊ ᐸᕐᓇᐅᑏᑦ ᐱᐅᓯᕚᓪᓕᖅᑎᒍᓐᓇᖅᐱᑎᒍᑦ?
ᐃᓱᒪᓕᐅᕆᔭᐅᔪᖅ
ᒫᓐᓇᐅᔪᕐᓕ, ᑐᑭᓯᓯᒪᑦᑎᐊᖅᑐᒍᑦ ᖃᓄᖅ ᑕᐅᑦᑐᖃᕐᓂᐊᕐᒪᖔᖅ ᐱᓕᕆᐊᖅ, ᖃᓄᖅ ᓴᓇᔭᐅᒐᔭᕐᒪᖔᖅ, ᐊᒃᑐᐃᓂᖃᑐᐃᓐᓇᕆᐊᓕᖕᓂᒃ ᐊᕙᑎᒧᑦ ᓂᕆᐅᒋᔭᐅᔪᓐᓇᖅᑐᓂᒃ, ᐊᒻᒪᓗ ᐸᕐᓇᐅᑏᑦ ᒥᒃᖠᕚᓪᓕᖅᑎᑦᑎᔾᔪᑎᒃᓴᖏᓐᓂᒃ ᐃᑲᔪᖅᓱᖅᑕᐅᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ. ᐋᖅᑭᒃᓯᒪᓂᖃᕐᒥᔪᒍᑦ ᐃᑲᔫᑎᓂᒃ ᑲᑐᔾᔨᓂᕐᒧᑦ ᐸᕐᓇᐅᑎᒥᒃ.
ᐊᐱᕆᕙᒃᑕᕗᑦ ᓄᓇᓕᖕᒥᐅᑦ: ᐊᒃᑐᐃᓂᐅᔪᑦ ᐊᒻᒪᓗ ᐃᑲᔫᑎᒃᓴᑦ ᓇᓗᓇᐃᖅᑕᐅᓯᒪᑦᑎᐊᖅᐹᑦ? ᓈᒻᒪᒃᐹᑦ ᑕᑯᓪᓗᒋᑦ ᐊᒃᑐᐃᓂᖏᑦ ᐊᒻᒪᓗ ᐃᑲᔫᑎᖏᑦ ᐅᖅᓱᐊᓗᖕᒧᑦ? ᐃᑲᔪᖅᓱᖅᑕᐅᕙ ᐱᓕᕆᐊᖅ ᑲᔪᓯᖁᓪᓗᒍ ᐱᔪᓐᓇᐅᑎᑖᕐᓂᕐᒧᑦ ᓴᓇᔭᐅᓂᖓᓄᑦ? ᑖᓐᓇ ᐃᓱᒪᓕᐅᕈᑕᐅᓪᓗᐊᑕᖅᑐᖅ ᑕᖅᑲᒃᑯᓄᖓ, ᕼᐋᒻᓚᒃᑯᓐᓄᑦ, ᐊᖑᓇᓱᒃᑐᓕᕆᔨᒃᑯᓐᓄᒡᓗ ᐃᓱᒪᑖᕈᓐᓇᖁᓪᓗᒋᑦ ᑲᔪᓯᖁᔨᖕᒪᖔᑕ ᐱᓕᕆᐊᒥᒃ.
4. ᐱᔪᓐᓇᐅᑎᑖᖅᑎᑦᑎᓂᖅ ᑮᓇᐅᔭᑎᒍᓪᓗ ᐱᕙᒌᔭᖅᓯᒪᓂᖅ
ᒫᓐᓇᐅᔪᖅ, ᐱᐊᓂᒃᓯᒪᓕᖅᑕᕗᑦ ᓯᕗᓪᓕᖅᐹᖅᓯᐅᑎᓕᒫᑦ. ᓇᓗᓇᐃᖅᓯᒪᑦᑎᐊᖅᑐᒥᒃ ᐃᑲᔪᖅᓱᖅᑕᐅᓯᒪᕗᒍᑦ ᐃᓄᖕᓂᑦ, ᐄ, ᑲᑐᑎᒋᐊᖃᕋᑦᑎᒍ ᐱᓕᕆᐊᒧᑦ ᐸᕐᓇᐅᑎᐅᔪᖅ ᓄᓇᕗᑦᒥ ᐊᕙᑎᓕᕆᓂᕐᒧᑦ ᑲᑎᒪᔩᑦ ᒪᓕᒐᖅᑎᒍᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒧᑦ, ᐊᒻᒪ ᑐᒃᓯᕋᕐᖢᑕ ᐊᖏᖅᑕᐅᓂᕐᒥᒃ ᓴᓇᔭᐅᖁᓪᓗᒍ ᐱᓕᕆᐊᖅ. ᑐᕌᒐᕆᔭᕗᑦ ᑐᓂᔭᐅᔪᖅ ᒪᓕᖁᓗᒍ ᐱᓕᕆᐊᖑᓚᐅᖅᑐᒥᒃ ᐊᑕᐅᑦᑎᒃᑯᑦ ᐱᕙᓪᓕᐊᑎᑕᐅᓚᐅᖅᑐᒥᒃ ᐃᓄᖕᓄᑦ, ᐊᒻᒪᓗ ᑭᒡᒐᖅᑐᐃᓗᓂ ᐅᓄᕐᓂᖅᓴᐃᑦ ᐃᓄᐃᑦ ᐱᔪᒪᔭᖏᓐᓂᒃ.
ᐅᑕᖅᑭᓂᑦᑎᓐᓂ ᑲᑎᖅᓱᐃᖏᓐᓇᖅᐳᒍᑦ ᐊᕙᑎᓕᕆᓂᕐᒧᑦ ᑐᑭᓯᒋᐊᕈᑎᓂᒃ ᑐᑭᓯᐅᒪᑲᑎᒌᒃᖃᓐᓂᕐᓗᑕ ᐊᒃᑐᐃᓂᕆᔪᓐᓇᖅᑕᖏᓐᓂᒃ ᐊᒻᒪᓗ ᑕᖅᑲᒃᑯᐊ ᐱᓕᕆᖃᑎᒋᕙᒃᑕᕗᑦ ᐃᓕᓐᓂᐊᖅᑎᑦᑎᓇᓱᒃᖢᑕ ᑐᓴᖅᑎᑕᐅᖃᑦᑕᕐᖢᑕᓗ. ᐋᖅᑭᒃᓯᕙᖕᒥᔪᒍᑦ ᑮᓇᐅᔭᓕᕆᓂᕐᒧᑦ ᐸᕐᓇᐅᑎᒥᒃ ᓴᓇᔭᐅᓂᖓᓄᑦ ᐱᓕᕆᐊᖅ, ᐊᑐᐃᓐᓇᐅᓂᐊᖅᑐᒍᑦ, ᐊᖏᖅᑕᐅᓐᓂᕈᑦᑕ ᓄᓇᕗᑦᒥ ᐊᕙᑎᓕᕆᓂᕐᒧᑦ ᑲᑎᒪᔨᒃᑯᓐᓂ.
ᐃᓱᒪᓕᐅᕆᔭᐅᔪᖅ
ᑕᒪᕐᒥᒃ ᐱᔪᓐᓇᐅᑏᑦ ᐊᒻᒪᓗ ᑮᓇᐅᔭᖃᖅᑎᑕᐅᓂᖏᑦ/ᑮᓇᐅᔭᖃᖅᑎᑕᐅᓂᖏᑦ ᐱᔭᐅᓯᒪᓕᖅᐸᑕ ᓴᓇᓂᕐᒧᑦ, ᑕᐃᒃᑯᐊ ᑐᑭᓯᒋᐊᕈᑎᒃᓴᓂᒃ ᑐᓂᔪᓐᓇᖅᑕᕗᑦ ᐃᓄᐃᑦ ᓯᕗᓕᖅᑎᖏᓐᓄᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ
ᐊᖓᔪᖅᑳᖏᑦ ᐊᐱᕆᕙᕗᑦ: ᑖᒃᑯᐊ ᓄᓇᕗᑦ ᓄᒃᑭᒃᓴᐅᑏᑦ ᑯᐊᐳᕇᓴᒃᑯᑦ ᑮᓇᐅᔭᓂᒃ ᐊᑐᕆᐊᖃᖅᐸᑦ ᓴᓇᔭᐅᔾᔪᑎᖓᓄᑦ ᑖᓐᓇ ᐱᓕᕆᐊᖅ? ᐄᖑᒃᐸᑦ, ᐅᑎᖅᑎᑦᑎᕙᒃᐳᑦ ᐊᑎᓕᐅᖅᓯᒪᔪᒥᒃ ᐊᔾᔨᖓᓂᒃ ᐊᖏᖅᑕᐅᓯᒪᓪᓗᑎᒃ ᑎᓕᔭᐅᓯᒪᓪᓗᑎᓪᓗ ᑲᔪᓯᖁᔭᐅᓪᓗᑎᒃ.
5. ᓴᓇᓂᖅ
ᐱᓕᕆᐊᒃᓴᒥᒃ ᓴᓇᔭᕆᐊᖃᓕᕐᐳᒍᑦ!
ᑕᒪᓐᓇ ᐱᓕᕆᓂᐅᔪᖅ ᓴᖅᑭᑎᑦᑎᕗᖅ ᐊᖏᔪᒻᒪᕆᒥᒃ ᐱᓕᕆᐊᒃᓴᓂᒃ, ᐃᖅᑲᓇᐃᔮᒃᓴᓂᒡᓗ ᐃᓄᖕᓄᑦ. ᐊᖅᑯᓯᐅᕆᐊᖃᖅᐳᑦ ᐃᓂᒃᓴᖓᓐᓄᑦ, ᐅᐊᔭᖃᕐᓗᓂᓗ ᐊᑐᒃᑲᓐᓂᕈᓐᓇᕐᑐᒥᒃ ᐆᒻᒪᖅᑯᑎᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐆᒻᒪᖅᑯᑎᖃᕐᕕᐊᓄᑦ. ᐅᐊᔭᓂᕐᔪᐊᕆᐊᖃᖅᐳᑦ ᐊᒃᑕᑕᕐᕕᖓᓐᓂᒃ, ᐆᒻᒪᖅᑯᑎᖃᐅᑎ ᐊᑦᑕᕐᓇᙱᑦᑐᒃᑯᑦ ᐱᔪᓐᓇᕐᓂᐊᕐᒪᑦ ᓄᑖᒥᒃ ᐆᒻᒪᖅᑯᑎᖃᕐᕕᐅᔪᒥᑦ.. ᐊᐅᓚᔪᓐᓇᐅᑏᑦ ᓄᓇᓕᖕᓄᐊᕐᑕᐅᓛᕐᐳᑦ ᐃᓕᐅᖅᑲᕐᑕᐅᓗᑎᒡᓗ.
6. ᐱᖁᑎᑦ ᐊᐅᓚᑕᐅᓂᖏᑦ
ᓴᓇᔭᐅᓕᕐᐸ, ᐊᑐᐃᓐᓇᐅᓕᓛᕐᑐᒍᑦ “ᖃᒥᑦᑎᓗᑕ” ᐊᒻᒪᓗ ᐊᐅᓪᓚᖅᑎᑦᑎᓗᑕ ᓄᑖᙳᕆᐊᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᓄᓇᓕᖕᓄᑦ. ᒫᓐᓇ ᑭᒃᑯᓕᒫᑦ ᐊᑐᖅᑭᓯᒪᓕᕐᐳᖅ. ᐆᒻᒪᖅᑯᑏᑦ ᓂᐅᕕᐊᖑᓛᕐᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓂᐅᕕᖅᑎᖏᓐᓄᑦ ᓂᐅᕕᐊᒃᓴᖃᓛᕐᑐᑦ, ᑕᐃᒪᐃᑉᐸᖕᒪᑕ. ᑕᐃᒪᓕ ᐃᖏᕐᕋᓯᒃᐸ ᑖᓐᓇ ᓄᑖᖅ ᐱᖁᑎᕐᔪᐊᖅ ᐃᖅᑲᓇᐃᔭᖅᑎᖃᕆᐊᖃᓛᕐᑐᖅ ᑭᓱᓕᒫᑦ ᐊᐅᓚᓂᖃᑦᑎᐊᖁᓪᓗᒋᑦ ᐋᖅᑭᒃᓱᐃᖃᑦᑕᕐᓗᑎᓪᓗ ᐊᑲᐅᙱᓕᐅᕈᑎᓂᒃ ᓴᖅᑭᖅᑐᖃᓕᕌᖓᑦ ᓴᓇᔭᐅᔭᕆᐊᖃᓛᕐᓂᖏᓐᓄᒡᓗ.