ᑐᙵᓱᒋᑦ ᑰᒑᓗᒻᒧᑦ

ᐊᐅᔭᖅ, 2026 ᑭᖑᓪᓕᐅᓚᐅᖅᑐᖅ ᓄᐊᑦᑎᓪᓗᑕ ᑐᑭᓯᒋᐊᕈᑎᓂᒃ ᑰᒐᓛᒻᒥ ᐊᒥᓱᓂᒃ ᖃᐅᔨᓵᖃᖅᑐᑕ ᐱᔾᔪᑎᓂᒃ ᑐᕌᖓᓂᓕᓐᓂᒃ ᐃᓱᒫᓘᑎᒋᔭᐅᓪᓗᐊᖅᓯᒪᔪᓂᒃ ᐅᖃᐅᑕᐅᓯᒪᓪᓗᑎᑦ ᐃᖃᓗᖕᒥᐅᑕᕐᓄᑦ ᐊᒻᒪᓗ ᐸᖕᓂᖅᑑᕐᒥᐅᑕᓄᑦ ᐃᓄᓕᒫᖅᑎᑦᑎᓂᖃᖃᑦᑕᖅᑎᓪᓗᑕ ᑐᓴᓚᐅᖅᑕᑦᑎᓐᓂᒃ.

ᑕᒪᓐᓇ ᐃᖅᑲᓇᐃᔮᖅ ᑲᔪᓯᓂᖃᕈᑕᐅᕗᖅ ᐃᖅᑲᓇᐃᔮᕆᔭᐅᓯᒪᔪᓂᒃ 2025-ᒥ ᐊᒻᒪᓗ ᐃᑲᔪᖅᑐᐃᓂᓕᒃ ᑐᑭᓯᐅᒪᓂᖃᑦᑎᐊᖁᓪᓗᑕ ᐅᓪᓗᒥᐅᔪᖅ ᖃᓄᐃᓕᖓᓕᕐᓂᐅᔪᓂᒃ, ᐊᒃᑐᐃᓂᖃᕈᓐᓇᐅᑎᓂᒃ ᑰᖕᒧᑦ ᐆᒻᒪᖅᑯᑎᓕᐅᕐᓗᓂ ᐱᓕᕆᐊᖅ ᓴᓇᔭᐅᓐᓂᕈᓂ, ᐊᒻᒪᓗ ᖃᓄᖅ ᐊᒃᑐᐃᓂᖃᓗᐊᕐᔭᐃᑎᑦᑎᒍᓐᓇᕋᔭᕐᒪᖔᑦᑕ. ᑕᒪᐃᓐᓂ ᖃᐅᔨᓵᕆᓂᐊᖅᑕᕗᑦ ᐊᖏᖅᑕᐅᓯᒪᕗᑦ ᐊᑐᐊᒐᕋᓛᓕᕆᔩᑦ ᑎᒥᐅᔪᓄᑦ. ᑕᒪᒃᑯᐊ ᐱᓕᕆᔨᒻᒪᕆᐅᔪᑦ ᐱᔭᕇᖅᓯᓚᖅᑐᑦ ᑕᒪᒃᑯᓂᖓ ᐃᖅᑲᓇᐃᔮᕐᒥᒃ ᓂᕈᐊᖅᑕᒥᓂᐅᕗᑦ ᑐᒃᓯᕋᐅᑎᓕᐅᖁᔨᓕᐅᓚᐅᖅᑎᓪᓗᑕ, ᓯᕗᓪᓕᐅᓪᓗᑎᑦ ᑳᓐᑐᕌᒃᑦ−ᑕᒥᓂᐅᔪᑦ ᐃᓄᐃᑦ ᓇᒥᓂᖁᑎᖏᑦ, ᓇᖕᒥᓂᖁᑎᒋᔭᐅᔪᑦ ᐊᒥᓱᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᓖᑦ, ᓄᓇᓕᓐᓂ ᓇᖕᒥᓂᖁᑎᒋᔭᐅᔪᓪᓗ.

ᕿᒥᕐᕈᐊᒃᑲᓐᓂᕐᓗᒋᑦ ᐊᑐᓂᑦ ᐊᔪᕈᓐᓃᖅᓴᕐᓂᕐᒧᑦ ᐱᔾᔪᑕᐅᔪᑦ ᐱᓕᕆᖃᑎᒌᒃᐸᒃᑐᓄᑦ ᓄᓇᙳᐊᓄᑦ ᐊᑖᓃᑦᑐᓄᑦ – ᐅᓄᖅᑐᓂᒃ ᐃᓕᑦᑎᔭᒃᓴᖅᑕᖃᖅᐳᖅ!

ᑕᑯᔪᒪᒍᕕᒋᑦ ᓄᓇᙳᐊᑦ 2025−ᒥ ᓯᓚᒥ ᖃᐅᔨᓴᕐᓂᐅᓚᐅᖅᑐᓂᒃ, ᐅᓇ ᓇᕿᓪᓗᒍ.

ᐃᑲᔫᑎ: ᐅᑯᐊ ᓇᕿᓪᓗᒋᑦ ᑐᑭᓯᒋᐊᕈᑎᑖᖅᑎᑦᑎᒍᑎᓖᑦ ᓇᕿᑦᑕᒐᕋᓛᕐᒧᑦ ᐊᖏᓂᓕᒻᒥᒃ ᐊᑐᖅᑕᐅᒍᑎᑦ ᐱᐅᓛᖑᒐᔭᖅᑐᑦ.

ᐃᒪᕐᒦᑦᑐᓕᕆᓂᕐᒨᖓᔪᑦ

ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᖃᐅᔨᓵᕐᓂᒥᒃ ᐱᔭᕇᓚᐅᖅᑐᑦ ᐊᒥᓱᐊᖅᑎᖅ ᑕᐅᕗᙵᓚᐅᖅᑐᑎᑦ ᐃᓱᓕᓕᖅᑎᓪᓗᒍ ᔫᓂ ᐊᒻᒪᓗ ᕿᑎᐊᓂ ᓯᑏᕝᕙ, ᑲᑎᓕᒫᖅᑐᒋᑦ 35 ᐃᖅᑲᓇᐃᔭᕐᓇᑦ ᐅᓪᓗᖏᑦ ᖃᐅᔨᓴᖅᑐᑎᑦ. ᑎᓚᓐ ᐱᓕᕆᔨᒻᒪᕇᑦ ᑎᒥᖓ ᐊᒻᒪᓗ ᐃᓄᐃᑦ ᐃᑲᔪᖅᑎᐅᔪᑦ ᐊᒻᒪᓗ ᐆᒪᔪᕐᓂᒃ ᓇᐅᑦᓯᖅᑐᖅᑏᑦ ᐃᒪᓕᕆᓂᕐᒥᒃ ᐱᓕᕆᐊᕐᒥᒃ ᑲᒪᒋᔭᖃᐃᓐᓇᓚᐅᖅᑐᑦ ᐊᕐᕌᓂᓂᑎᑦ, ᐃᓕᓐᓂᐊᒃᑲᓐᓂᖁᓪᓗᒋᑦ ᐃᒪᑦᑎᐊᕙᖓᓂᒃ ᑰᒑᓘᑉ.

ᖃᐅᔨᓴᓚᐅᖅᑐᑦ ᑕᓯᕐᒥ, ᐊᒻᒧᑦ ᑰᓐᓂᖓᓂᒃ ᑰᑉ, ᖁᓛᓂᒋᐊᕐᓗ ᑰᑉ, ᐊᒻᒪᓗ ᑰᒐᓛᖑᓂᖅᓴᐃᑦ ᑰᒻᒧᐊᖅᐸᓪᓕᐊᔪᑦ.

ᖃᐅᔨᓴᖅᑎᓪᓗᒋᑦ ᕿᒥᕐᕈᓚᐅᖅᑐᑦ ᐃᒪᕐᓂᒃ ᑰᒑᓗᒻᒥ ᑐᑭᓯᐅᒪᑦᑎᐊᓕᕈᓐᓇᖁᓪᓗᒋᑦ ᖃᓄᑎᒋ ᐃᒪᖃᕐᒪᖔᖅ, ᐃᒪᑉ ᐱᐅᓂᖓ, ᐃᖃᓗᐃᑦ ᓇᔪᒐᖏᓐᓂᒃ, ᐊᒻᒪᓗ ᖃᓄᖅ ᑕᒪᒃᑯᐊ ᐊᓯᔾᔨᓲᖑᒻᒪᖔᑦ ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᓯᓚᖓ ᐊᓯᔾᔨᖅᐸᓪᓕᐊᓪᓗᓂ. ᑕᒪᒃᑯᐊ ᑐᑭᓯᒋᐊᕈᑏᑦ ᐃᑲᔪᕐᓂᐊᖅᑐᑦ ᐱᓕᕆᐊᕐᒥᒃ ᑲᒪᔪᓂᒃ ᑐᑭᓯᓗᑎᑦ ᐃᒪᖓᑕ ᖃᓄᐃᓐᓂᖓᓂᒃ ᑰᒑᓗᒻᒥ ᐊᒻᒪᓗ ᖃᓄᖅ ᐱᓕᕆᐊᖅ ᐊᒃᑐᐃᓂᖃᕋᔭᕐᒪᖔᖅ ᐃᒪᕐᒥ, ᐃᖃᓗᓐᓂ ᐊᒻᒪᓗ ᐃᖃᓗᐃᑦ ᓇᔪᒐᖏᓐᓂ.

ᖁᔭᓐᓇᒦᒃ ᐱᓕᕆᔨᕗᑦ ᐊᒻᒪᓗ ᓄᓇᓕᖕᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑎᒍᒥᐊᖅᑎᐅᔪᑦ ᑕᒪᑐᒥᖓ ᐊᔪᕐᓇᕈᓐᓃᑎᑦᑎᓚᐅᖅᑐᑦ.

    • ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
    • ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
    • ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ

    ᖃᐅᔨᓴᕐᕕᒃ 1: ᑕᓯᖅ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᐃᓕᓐᓂᐊᓚᐅᖅᑐᑦ ᑕᓯᕐᒥᒃ ᑰᒑᓗᒻᒥ ᐊᒻᒪᓗ 12-ᖑᔪᓂᒃ ᑰᒐᓛᓂᒃ ᑕᓯᕐᒧᑦ ᑰᑦᑐᑦ. ᐃᓕᑉᐹᓪᓕᓚᐅᕆᕗᑦ ᐃᒪᑉ ᐱᐅᔫᓂᓕᖓᓂᒃ ᐊᒻᒪᓗ ᐆᒪᔪᐃᑦ ᓇᔪᒐᖏᓐᓂ.

    ᑕᓯᖓ ᑰᒑᓘᑉ (ᐃᒪᖃᕐᕕᒃᓴᐅᖁᔭᐅᔪᖅ) ᑰᓐᓂᖃᕐᒪᑦ ᑕᓯᖅ. ᑕᒪᓐᓇ ᑐᑭᓕᒃ ᐃᒪᖓ ᓅᖏᓐᓇᐅᔭᖅᑐᖅ ᑕᓯᕐᒥ ᑰᑦᑐᓂ. ᑰᓐᓂᓪᓗᐊᑕᖓᓂᓪᓗ, ᐃᑎᓕᓂᒃ ᐅᖓᑖᓂ 10m, ᑭᓯᐊᓂᓕ ᐃᓚᖓᓂᒃ, 18m ᐃᑎᓂᖃᖅᑐᓂ.

    ᖃᐅᔨᓴᕐᕕᒃ 2: ᑰᓐᓂᖓ ᐊᒻᒧᑦ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᖃᐅᔨᓴᓚᐅᕐᒪᑕ ᑰᓐᓂᖓᓂᒃ ᐊᒻᒧᑦ ᑰᒑᓗᒻᒥ ᐊᒥᓱᓂᒃ, ᐊᒻᒪᓗ ᐃᓕᓐᓂᐊᓚᐅᖅᑐᑎᑦ ᑰᓐᓂᖓᓂᒃ, ᐃᒪᑉ ᐃᑎᓂᖏᓐᓂ, ᐊᒻᒪᓗ ᐃᒪᑉ ᐱᐅᔫᓂᖓᓂᒃ, ᐅᓪᓗᒥ ᑕᐃᒪᐃᒻᒪᑕ.

    ᑰᓐᓂᖓ ᓱᑲᑦᑑᒻᒪᑦ ᐊᒻᒪᓗ ᐃᒪᖓ ᓱᕉᙱᑦᑎᐊᖅᑐᓂ. ᐃᓚᖏᓪᓗ ᐅᔭᕋᖃᐅᖅᑐᑦ ᐊᒻᒪᓗ ᖁᕐᓗᕐᓂᖃᐅᖅᑐᑎᑦ, ᐊᒻᒪᓗ ᖃᓯᖏᓪᓗ ᓯᕕᑐᔪᑦ ᐊᒻᒪᓗ ᐃᑯᓪᓕᐊᕐᓂᖃᐅᖅᑐᑦ.

    ᐃᒪᑉ ᓄᐊᑕᐅᓯᒪᓂᖓ ᖃᐅᔨᓵᖑᓂᐊᖅᑐᓂ − ᐃᓕᓐᓂᐊᕐᓂᖅ ᐃᒪᑉ ᐱᐅᔫᓂᖓᓂᒃ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᐃᒪᕐᒥ ᓄᐊᑦᑎᓚᐅᖅᑐᑦ ᖃᐅᔨᓵᒃᓴᐅᓂᐊᖅᑐᒥᒃ ᓯᔾᔭᖓᓂ, ᐊᒻᒪᓗ ᕿᑎᐊᓂ ᑕᓯᑉ (ᐱᖃᓯᐅᑎᓪᓗᒋᑦ ᐃᒪᑉ ᖄᖓᓂ, ᕿᑎᐊᓂ ᐊᒻᒪᓗ ᐃᖅᑲᑲᓴᖓᓂ).

    ᐊᐅᓪᓚᖅᑎᑦᑎᓚᐅᖅᑐᑦ ᑕᒪᒃᑯᓂᖓ ᐃᒪᕐᒥ ᐱᔭᒥᓂᖓᓂᒃ ᖃᐅᔨᓴᕐᕕᓄᑦ ᖃᐅᓴᔨᖅᑕᐅᖁᓪᓗᒋᑦ ᐱᕈᖅᐹᓪᓕᖅᑎᑦᑎᒍᓐᓇᕐᓂᖏᑦ, ᓴᕕᕋᔭᒃᓴᖃᕐᓂᖏᑦ, ᑲᑎᓕᒫᖅᑐᒋᑦ ᓄᓇᒥ ᐃᒪᕐᒥᓗ ᐃᓚᐅᕈᑎᒃᓴᖏᑦ ᓴᕕᕋᔭᒃᓴᐅᙱᑦᑐᑦ (ᑕᒪᒃᑯᐊ ᖃᐅᔨᒃᑲᕈᑎᒋᕙᕗᑦ ᖃᓄᑎᒋ ᐱᕈᖅᑐᖃᕐᒪᖔᖅ ᐊᒻᒪᓗ ᐆᒪᔪᖃᐅᕐᒪᖔᖅ ᐃᒪᕐᒥ), ᐊᒻᒪᓗ ᓴᕕᕋᔭᒃᓴᖃᖅᑎᒋᓂᖓ.

    ᑕᒪᐃᓐᓂ ᑐᑭᓯᒋᐊᕈᑏᑦ ᐃᒪᕐᒥ ᑭᒡᓕᓯᓂᐊᖅᑕᐅᓯᒪᔪᑦ ᑎᑎᕋᖅᑕᐅᓯᒪᓂᖏᑦ, ᑕᒪᓐᓇ ᐅᕙᑦᑎᓐᓂᒃ ᐃᑲᔪᕐᓂᓕᒃ ᑐᑭᓯᐅᒪᓕᕐᓗᑕ ᐃᒪᑉ ᐱᐅᔫᓂᖓᓂᒃ ᐅᓪᓗᒥ, ᐊᒻᒪᓗ ᓇᓚᐅᒃᑖᕋᔭᖅᑐᒍ ᐃᒪᑉ ᖃᓄᐃᑦᑑᓂᖓ ᐊᓯᔾᔨᕋᔭᕐᒪᖔᖅ ᓄᓇᖓ ᐃᒻᒪᑦᑐᒥᓂᐅᒍᓂ ᑰᑉ ᓯᒥᑕᐅᓂᖓᓄᑦ.

    ᕿᒪᒃᑲᑯᐃᑦ ᐃᒪᕐᒧᑦ ᖃᐅᔨᓵᒃᓴᐅᓂᐊᖅᑐᑦ ᓄᐊᑕᐅᓂᖏᑦ − ᐃᓕᓐᓂᐊᕐᓂᖅ ᕿᒪᒃᑲᑯᑦ ᐱᐅᔫᓂᖏᓐᓂᒃ

    ᐃᒪᓕᕆᔩᑦ ᓄᐊᑦᑎᓚᐅᕆᕗᑦ ᓄᓇᒦᙶᖅᑐᒥᓂᕐᓂᒃ ᓯᔾᔭᒥ, ᐊᒻᒪᓗ ᐃᖅᑲᖓᓂ ᑕᓯᑉ. ᐊᐅᓪᓚᖅᑎᑦᑎᔪᒥᓂᐅᓪᓗᑎᑦ ᓄᐊᑕᒥᓂᖏᓐᓂᒃ ᖃᐅᔨᓴᕐᕕᓄᑦ ᖃᐅᔨᓴᖅᑕᐅᖁᓪᓗᒋᑦ ᐱᕈᖅᐹᓪᓕᖅᑎᑦᑎᒍᓐᓇᕐᓂᖏᑦ, ᓴᕕᕋᔭᒃᓴᖃᕐᓂᖏᑦ, ᑲᑎᓕᒫᖅᑐᒋᑦ ᓄᓇᒥ ᐃᒪᕐᒥᓗ ᐃᓚᐅᕈᑎᒃᓴᖏᑦ ᓴᕕᕋᔭᒃᓴᐅᙱᑦᑐᑦ (ᑕᒪᒃᑯᐊ ᖃᐅᔨᒃᑲᕈᑎᒋᕙᕗᑦ ᖃᓄᑎᒋ ᐱᕈᖅᑐᖃᕐᒪᖔᖅ ᐊᒻᒪᓗ ᐆᒪᔪᖃᐅᕐᒪᖔᖅ ᐃᒪᕐᒥ), ᐊᒻᒪᓗ ᓴᕕᕋᔭᒃᓴᖃᖅᑎᒋᓂᖓ.

    ᐃᒪᑉ ᐃᑎᓂᖓ ᑎᑎᕋᖅᑕᐅᔪᑦ − ᖃᐅᔨᓴᕐᓂᖅ ᖃᓄᑎᒋᑦ ᐃᒪᖃᕐᒪᖔᖅ

    ᐃᒪᓕᕆᔩᑦ ᖃᐅᔨᓴᖅᑎᖏᑦ ᐋᖅᑭᓚᐅᕆᕗᑦ ᐃᒪᑉ ᐃᑎᓂᖓᓂᒃ ᖃᐅᔨᓴᕈᑎᒥᒃ ᐊᒥᓱᓂᒃ ᓯᔾᔭᒥ (ᒪᐃ 2026-ᖑᑎᓪᓗᒍ) ᐊᒻᒪᓗ ᑰᑉ ᐃᓱᐊᓂ (ᐅᐱᕐᖔᖅ ᐃᓱᓕᓕᖅᑎᓪᓗᒍ). ᑕᒪᒃᑯᐊ ᐃᑲᔫᑏᑦ ᖃᐅᔨᓴᕈᑎᖏᔭᐅᕗᑦ ᐊᒻᒪᓗ ᑎᑎᕋᖅᑐᑎᑦ ᐃᒪᑉ ᐃᑎᓂᖓᓂᒃ ᓯᕗᓂᐊᓂ ᐊᐅᒋᐊᓯᓚᐅᙱᑦᑎᓪᓗᒍ, ᐅᐱᕐᖔᒥᓗ ᐊᐅᓕᖅᑎᓪᓗᒍ, ᑭᖑᓂᐊᒍᑦ ᐊᐱᕐᖔᒥ ᐊᐅᓚᐅᖅᑎᓪᓗᒍ ᐊᐳᑎ ᓯᑯᖓᓗ ᑕᓯᑉ, ᐃᒪᖃᕐᓂᖅᓴᐅᓕᕋᐃᒻᒪᑦ ᐃᒪᖃᙱᓐᓂᖅᓴᐅᓕᖃᑦᑕᓕᖅᑎᓪᓗᒍᓗ.

    ᐅᒥᐊᕋᓛᖅ ᖃᐅᔨᓴᕈᑎ ᖃᓄᑎᒋ ᐃᒪᖃᕐᓂᖓᓂᒃ ᐃᓄᖃᙱᑦᑐᖅ − ᖃᐅᔨᓴᕐᓂᖅ ᖃᓄᑎᒋ ᐃᒪᖃᕐᒪᖔᖅ

    ᓯᔾᔭᒥ, ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᑰᑉᐸᓕᐊᓂᖓᓄᐊᖅᑎᑦᑎᓚᐅᖅᑐᑦ ᐅᒥᐊᕋᓛᕐᒥᒃ ᖃᐅᔨᓴᕈᑎᐅᔪᒥᒃ ᖃᓄᑎᒋ ᐃᒪᖃᕐᓂᖓᓂᒃ ᐃᓄᖃᙱᑦᑑᓪᓗᓂ. ᒥᑯᔪᑯᓗᒃ ᐅᒥᐊᙳᐊᕋᓛᖅ ᐃᓚᓕᐅᑎᓯᒪᔪᓕᒃ ᖃᐅᔨᓴᕈᑎᒥᒃ ᖃᐅᔨᓴᖅᑕᐅᖁᓪᓗᒍ ᖃᓄᖅ ᐃᒪᖓ ᓅᑉᐸᓪᓕᐊᓲᖑᒻᒪᖔᖅ ᑰᒃᑯᑦ.

    ᐃᑦᑲᑦᑐᒃᑰᓚᐅᖅᑐᖅ ᐃᓚᖓᓂᒃ ᑰᒻᒥ, ᖃᐅᔨᓴᖅᑐᓂ:

    1. ᖃᓄᑎᒋ ᐃᑎᓂᖃᕐᒪᖔᖅ ᐃᒪᖓ, ᐊᒻᒪᓗ
    2. ᖃᓄᑎᒋ ᓱᑲᓐᓂᖃᕐᒪᖔᖅ ᓇᒃᑭᔭᓐᓂᖓ ᑰᑉ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᐊᑐᓚᐅᖅᑐᑦ ᑕᒪᒃᑯᓂᖓ ᓈᓴᐅᑎᓂᖏᒃ ᖃᐅᔨᖁᓪᓗᒋᑦ ᖃᓄᑎᒋ ᐃᒪᖓ ᓅᓲᖑᒻᒪᖔᖅ ᑰᒃᑯᑦ ᐊᓂᒍᖅᐸᓪᓕᐊᑎᓪᓗᒍ.

    ᐃᒥᑉ ᑐᑭᓯᒋᐊᕈᑎᖏᓐᓂᒃ ᖃᐅᔨᓴᕈᑎ − ᐃᓕᓐᓂᐊᕐᓂᖅ ᐃᒪᑉ ᐱᐅᑎᒋᓂᖓᓂᒃ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᑰᒻᒨᒃᓯᓚᐅᕐᒥᔪᑦ ᐃᒥᑉ ᑐᑭᓯᒋᐊᕈᑎᖏᓐᓂᒃ ᖃᐅᔨᓴᕈᑎᒥᒃ, ᑰᒐᓛᖑᓂᖅᓴᓂᒃ (ᐃᒥᑦᑎᐊᕙᒃ ᑰᒐᓛᑦᑐᖅ ᐊᖏᓂᖅᓴᒧᑦ ᑰᒻᒧᑦ) ᑰᒻᒧᐊᖃᑦᑕᓲᕐᓂᒃ, ᐊᒻᒪᓗ ᑕᐃᑲᓂ ᐃᒪᖓ ᓯᒥᑕᐅᕝᕕᖓᓂ.

    ᑕᒪᒃᑯᐊ ᖃᐅᔨᓴᕈᑏᑦ ᖃᐅᔨᓴᓲᑦ ᐃᒪᑉ ᐆᓇᕐᓂᖓᓂᒃ, ᐃᑎᓂᖓᓂᒃ, ᖃᓄᑎᒋ ᐱᐅᔫᓂᖃᕐᒪᖔᖅ ᓱᕉᙱᓪᓗᓂ, ᐊᒻᒪᓗ ᓴᕕᕋᔭᒃᓴᖃᕈᓐᓇᕐᓂᖏᑦ ᐊᒻᒪᓗ ᐊᓂᕐᓂᖃᕐᓂᖓ ᐊᓂᒍᖅᐸᓪᓕᐊᑎᓪᓗᒍ. ᐃᓚᖏᑦ ᑰᓐᓂᕆᖓᖏᓐᓂ ᐃᖅᑲᓇᐃᔭᖅᑏᑦ ᕿᒪᐃᔪᒥᓃᑦ ᖃᐅᔨᓴᕈᑎᓂᒃ ᖁᒻᒧᐊᑦᑎᑕᐅᓯᒪᔪᒨᖓᔪᑦ ᑲᓱᕈᑎᖏᑦ. ᑕᒪᓐᓇ ᑐᑭᓕᒃ ᑐᑭᓯᒋᐊᕈᑏᑦ ᖃᐅᔨᓴᖅᑎᑉ ᐊᓪᓚᕝᕕᖓᓄᐊᖅᑕᐅᖏᓐᓇᖅᑐᑦ ᓄᐊᑕᐅᔭᕋᐃᒻᒪᑕ ᖃᐅᔨᓴᕈᑎᒧᑦ.

    ᑕᒪᐃᓐᓂ ᐃᒪᕐᒥ ᓄᐊᑕᒥᓃᑦ ᖃᐅᔨᓵᖑᓚᐅᖅᑐᑎᑦ ᓴᖅᑭᖅᑐᒥᓂᐅᓂᖏᑦ, ᑕᒪᓐᓇ ᐃᑲᔪᕐᓂᓕᒃ ᐅᕙᑦᑎᓐᓂᒃ ᑐᑭᓯᕚᓪᓕᕐᓗᑕ ᐃᒪᑉ ᐱᐅᔫᑎᒋᓂᖓᓂᒃ ᐅᓪᓗᒥ, ᐊᒻᒪᓗ ᓇᓚᐅᒃᑖᕈᓐᓇᕐᓗᑕ ᖃᓄᖅ ᐃᒪᖓᑕ ᖃᓄᐃᓐᓂᖓ ᐊᓯᔾᔨᕈᓐᓇᕋᔭᕐᒪᖔᖅ ᓄᓇ ᓯᒥᑕᐅᑎᓪᓗᒍ ᐃᒻᒪᑦᑐᒥᓂᐅᒍᓂ ᐃᒪᖃᕐᕕᒃᓴᐅᖁᔭᐅᔪᒥ.

    ᐊᖅᑲᐅᒪᓪᓗᑎᑦ ᖃᐅᔨᒍᓐᓇᕈᑏᑦ ᖃᓄᐃᑦᑐᖃᕐᓂᖓᓂᒃ − ᐃᓕᓐᓂᐊᕐᓂᖅ ᐃᒪᑉ ᐱᐅᔫᑎᒋᓂᖓᓂᒃ ᐊᒻᒪᓗ ᖃᐅᔨᓴᕐᓂᖅ ᖃᓄᑎᒋ ᐃᒪᖃᕐᒪᖔᖅ

    ᐃᒪᕐᒥ ᖃᐅᔨᓴᖅᑏᑦ ᐊᖅᑲᐅᒪᑎᓪᓗᒋᑦ ᐃᒪᕐᒥ ᖃᐅᔨᓴᕈᑎᓂᒃ ᐃᒪᕐᒧᐊᖅᑎᑦᑎᔪᕗᑦ ᑕᑭᔪᓂᒃ ᐅᐊᔭᖃᖅᑐᓂᒃ ᑕᓯᕐᒧᑦ ᐊᔾᔨᒌᙱᑦᑐᒡᒍᑎᓂ ᐃᑎᓂᓕᓐᓂ ᖃᐅᔨᓴᖁᓪᓗᒋᑦ ᐃᒪᑉ ᐃᑎᓂᖓᓂᒃ, ᐆᓇᕐᓂᖓᓂᒃ ᐊᒻᒪᓗ ᐃᒪᑉ ᐱᐅᔫᓂᖓᓂᒃ ᐊᓂᒍᖅᐸᓪᓕᐊᑎᓪᓗᒍ.

    ᐊᑐᖅᑐᑎᑦ ᐃᒪᕐᒨᖅᑎᒐᒃᓴᓂᒃ ᖃᐅᔨᓴᕈᑎᓂᒃ, ᐃᒪᕐᒥ ᖃᐅᔨᓴᕈᑎᒋᔭᑦ ᐱᐅᔫᓂᖏᓐᓂᒃ ᐊᒻᒪᓗ ᐃᒪᖓ ᓄᐊᑕᐅᓯᒪᓂᖏᑦ, ᑕᒪᒃᑯᐊ ᐊᑐᕋᒃᓴᑦ ᐃᑲᔪᖅᐹᑎᒍᑦ ᑐᑭᓯᕚᓪᓕᕐᓗᑕ ᖃᓄᖅ ᑕᓯᑉ ᐃᒪᖓ ᐊᓯᔾᔨᖅᐸᓪᓕᐊᓲᖑᒻᒪᖔᖅ ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ.

    ᑕᒪᐃᑕᓗ ᖃᖓᑕᑎᑕᐅᓪᓗᑎᑦ ᐊᔾᔨᓕᐅᕈᑏᑦ ᓄᓇᙳᐊᓕᕆᓂᕐᒧᑦ, ᐊᖅᑲᐅᒪᑦᑎᒐᒃᓴᑦ ᖃᐅᔨᓴᕈᑏᑦ, ᐊᒻᒪᓗ ᐅᒥᐊᙳᐊᕋᓛᑦ ᖃᐅᔨᓴᐅᑏᑦ, ᑕᒪᒃᑯᐊ ᐊᑐᕋᒃᓴᑦ ᐃᑲᔪᖅᐹᑎᒍᓪᓗ ᖃᐅᔨᖁᓪᓗᑕ ᖃᓄᑎᒋ ᐃᒪᖃᕈᓐᓇᕐᒪᖔᖅ ᐃᒪᖃᕐᕕᐅᔪᖅ ᓯᒥᑕᐅᓚᐅᖅᑎᓪᓗᒍ. ᑕᒪᓐᓇ ᐱᒻᒪᕆᐅᕗᖅ ᐱᓕᕆᐊᕐᒧᑦ ᐸᕐᓇᐅᓯᐅᕐᓗᓂ, ᐊᐅᓚᔪᓐᓇᐅᑎᖏᓐᓂᒃ ᓴᓇᔨᓄᑦ, ᐊᒻᒪᓗ ᓯᕗᓂᒃᓴᒥ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᐅᒐᔭᖅᑐᓄᑦ.

    ᐊᐳᑏᑦ ᖃᐅᔨᓴᖅᑕᐅᓂᖏᑦ − ᖃᐅᔨᓴᕐᓂᖅ ᖃᓄᑎᒋ ᐃᒪᖃᕐᒪᖔᖅ

    ᒫᑦᓯᐅᑎᓪᓗᒍ ᐊᒻᒪᓗ ᐄᐳᕈᓪ−ᒥ 2026, ᓄᓇᑐᐃᓐᓇᕐᒧᑦ ᖃᐅᔨᓴᖅᑏᑦ ᓇᔪᕐᓂᐊᖅᑕᖏᑦ ᖃᐅᔨᓴᕐᕕᖏᓪᓗ ᐋᖅᑭᑦᑕᐅᓚᐅᖅᑎᓐᓇᒋᑦ, ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᖃᐅᔨᓴᓚᐅᖅᓯᒪᒋᕗᑦ ᖃᓄᑎᒋ ᒪᐅᔭᐅᑎᒋᒻᒪᖔᖅ ᐊᒻᒪᓗ ᖃᓄᑎᒋ ᐊᐱᓲᖑᒻᒪᖔᖅ ᒪᕐᕉᓐᓂᒃ: ᐊᑕᐅᓯᖅ ᖃᓂᒋᔭᖓᓂ ᑰᑉ ᐃᓱᐊᓂ, ᐊᒻᒪᓗ ᐊᓯᐊ ᐃᒪᖃᕐᕕᐅᖁᔭᐅᔪᒥᒃ ᓯᒥᑕᐅᓚᐅᖅᑎᓪᓗᒍ ᑰᓐᓂᖓ.

    ᐊᑐᓂ ᖃᐅᔨᓴᕐᕕᐅᔪᒥ, ᓱᓪᓗᓕᓕᖅᓱᐃᓚᐅᖅᓯᒪᕗᑦ ᐊᐳᑎᒧᑦ, ᓄᓇᒧᐊᖓᓪᓗᓂ, ᐊᐳᑎᓂᒃ ᓄᐊᑦᑎᖁᓪᓗᒋᑦ ᖃᐅᔨᓵᒃᓴᐅᒐᔭᖅᑐᓂᒃ. ᑕᒪᓐᓇ ᖃᐅᔨᑎᒍᓐᓇᕐᒫᑎᒍᑦ ᖃᓄᑎᒋ ᐊᐱᓲᖑᒻᒪᖔᖅ ᑕᒫᓂ, ᐊᒻᒪᓗ ᐃᑲᔪᕐᓂᖃᖅᑐᓂ ᓇᓚᐅᒃᑖᕋᔭᕐᓂᑦᑎᓐᓂᒃ ᖃᓄᑎᒋ ᐃᒪᖓ ᑰᒻᒨᓲᖑᒻᒪᖔᖅ ᐅᐱᕐᖔᒥ ᐊᐅᑉᐸᓪᓕᐊᑎᓪᓗᒍ ᐊᐳᑎ (ᐊᐳᑎᑉ ᐊᐅᓐᓂᖓ).

    ᓯᑯ ᐃᔾᔪᓂᖓ − ᖃᐅᔨᓴᕐᓂᖅ ᖃᓄᑎᒋ ᐃᒪᖃᕐᒪᖔᖅ

    ᒫᑦᓯᐅᑎᓪᓗᒍ ᐊᒻᒪᓗ ᐄᐳᕈᓪ−ᒥ 2026, ᓄᓇᑐᐃᓐᓇᕐᒧᑦ ᖃᐅᔨᓴᖅᑏᑦ ᓇᔪᕐᓂᐊᖅᑕᖏᑦ ᖃᐅᔨᓴᕐᕕᖏᓪᓗ ᐋᖅᑭᑦᑕᐅᓚᐅᖅᑎᓐᓇᒋᑦ, ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᖃᐅᔨᓴᓚᐅᖅᓯᒪᒋᕗᑦ ᖃᓄᑎᒋ ᓯᑯ ᐃᔾᔪᓂᖃᕐᒪᖔᖅ ᒪᕐᕉᓐᓂᒃ: ᐊᑕᐅᓯᖅ ᖃᓂᒋᔭᖓᓂ ᑰᑉ ᐃᓱᐊᓂ, ᐊᒻᒪᓗ ᐊᓯᐊ ᐃᒪᖃᕐᕕᐅᖁᔭᐅᔪᒥᒃ ᓯᒥᑕᐅᓚᐅᖅᑎᓪᓗᒍ ᑰᓐᓂᖓ.

    ᖃᐅᔨᓴᖅᑏᑦ ᑲᐃᕗᖅᓯᓚᐅᖅᓯᒪᕗᑦ ᓯᑯᒥ ᐊᔾᔨᒌᙱᑦᑐᓂ ᓱᑯᑦᑎᐊᓃᓐᓂᖃᖅᑐᓂᒃ ᓯᑯᒥ ᑲᐃᕘᑎᒥᒃ ᐊᑐᖅᑐᑎᑦ, ᐃᒪᕐᒧᐊᕋᓱᐊᕐᓂᖓᓄ ᑲᐃᕗᖅᑐᒥᓂᐅᓪᓗᑎᑦ, ᖃᐅᔨᓴᖅᑕᐅᖁᓪᓗᒍ ᓯᑯᖓ.

    ᑕᐅᑐᓐᓂᖅ ᐅᐱᕐᖔᒃᑯᑦ ᐊᐳᑎ ᐊᐅᑉᐸᓪᓕᐊᓂᖓᓂᒃ − ᖃᐅᔨᓴᕐᓂᖅ ᖃᓄᑎᒋ ᐃᒪᖃᖅᑎᒋᒻᒪᖔᖅ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᐊᔾᔨᓕᐅᕈᑎᒥᒃ ᐋᖅᑮᓚᐅᖅᓯᒪᕗᑦ ᓵᙵᑎᑕᐅᓪᓗᓂ ᑰᒧᑦ ᑎᑎᕋᖅᑕᐅᖁᓪᓗᒍ ᐅᐱᕐᖔᒃᑯᑦ ᐊᐳᑎᑉ ᓯᑯᓗ ᐊᐅᑉᐸᓪᓕᐊᓂᖓ. ᐊᔾᔨᓕᐅᕈᑎ ᐋᖅᑭᒃᑕᐅᓯᒪᓚᐅᖅᑐᖅ ᐊᔾᔨᓕᐅᕆᖃᑦᑕᕐᓂᐊᕐᒪᑦ ᖃᖓᒃᑰᖅᑕᕐᓂᖓ ᐋᖅᑭᒃᑕᐅᓪᓗᓂ ᐊᔾᔨᓕᐅᖅᓯᖃᑦᑕᕐᓂᖓᑕ, ᑕᑯᔪᓐᓇᖁᓪᓗᑕ ᐊᓯᔾᔨᖅᐸᓪᓕᐊᔪᖅ ᖃᓄᑎᒋ ᐃᒪᖃᕐᒪᖔᖅ ᐊᓂᒍᖅᐸᓪᓕᐊᑎᓪᓗᒍ.

    ᐃᖃᓗᓐᓂᒃ ᓄᐊᑦᑎᓂᖅ ᖃᐅᔨᓵᒃᓴᐅᖁᓪᓗᒋᑦ

    ᓄᓇᑐᐃᓐᓇᕐᒥ ᐱᓕᕆᔨᖏᑦ 63-ᓂᒃ ᐃᖃᓗᓚᐅᖅᓯᒪᕗᑦ
    ᑰᒑᓗᒻᒥ ᐊᑐᖅᑐᑎᑦ ᐊᐅᓚᓴᐅᑎᓂᒃ ᐊᒻᒪᓗ ᓄᓗᐊᕐᓂᒃ ᐊᒻᒪᓗ ᓂᕿᑕᓂᒃ ᐊᑐᖅᑐᑎᑦ. ᑎᑎᕋᓚᐅᖅᑐᑦ ᖃᓄᐃᑦᑑᓂᖏᓐᓂᒃ ᐃᖃᓗᒃᑕᒥᓂᖏᓐᓂᒃ, ᑕᑭᓂᖏᑦ, ᐅᖁᒪᐃᓐᓂᖏᑦ, ᐊᒻᒪᓗ ᐃᓅᓯᖏᑕ ᓇᓕᐊᓐᓃᓕᕐᓂᖏᓐᓂᒃ ᐊᑐᓂ ᐃᖃᓗᐃᑦ.

    ᐃᓚᖏᑦ ᐃᖃᓗᐃᑦ ᐅᑎᖅᑎᑕᐅᑲᐅᑎᒋᓚᐅᖅᑐᑦ ᑕᓯᕐᒧᑦ. ᐊᓯᖏᑦ ᐃᖃᓗᑦ ᑐᖁᑕᐅᓪᓗᑎᑦ ᐋᓐᓂᖅᑎᕆᔭᐅᒐᑎᑦ ᓄᓇᓕᒻᒥᐅᑕᓄᑦ ᐃᖅᑲᓇᐃᔭᖅᑎᓄᑦ, ᐊᒻᒪᓗ ᖃᐅᔨᓵᒃᓴᑦ ᐊᐅᓪᓚᖅᑎᑕᒥᓂᐅᓪᓗᓂ ᖃᐅᔨᓴᕐᕕᒻᒧᑦ ᑲᓇᑕᑉ ᓂᒋᐊᓄᑦ.

    ᖃᐅᔨᓵᒃᓴᑦ ᖃᐅᔨᒃᑲᕈᓐᓇᕐᒫᑎᒍᑦ ᐃᖃᓗᑉ ᐅᑭᐅᖓᓂᒃ, ᐊᒻᒪᓗ ᖃᓄᑎᒋ ᐱᕈᖅᐸᓪᓕᐊᑎᒋᓂᖃᕐᓂᕐᒪᖔᖅ. ᐃᓕᑉᐹᓪᓕᖅᑎᓚᐅᕆᕚᑎᒍᑦ ᓴᕕᕋᔭᒃᓴᖃᕐᓂᖏᓐᓂᒃ ᓄᖑᔪᐃᑦᑐᒥᒃ, ᐊᒻᒪᓗ ᐊᓯᖏᓐᓂᒃ ᓇᓗᓇᐃᔭᐃᒍᓐᓇᖅᑐᑦ ᑭᓱᓂᒃ ᐃᖃᓗᐃᑦ ᓂᕆᓲᖑᒻᒪᖔᑖ ᐊᒻᒪᓗ ᓱᑯᑦᑎᐊᓂ ᐆᒪᓲᖑᒻᒪᖔᑕ.

    ᖃᐅᔨᓵᒃᓴᐅᒐᔭᖅᑐᓂᒃ ᓄᐊᑦᑎᓂᖅ ᒥᑭᔫᑎᓂᒃ ᖁᐱᕐᕈᓂᒃ ᐊᒻᒪᓗ ᐱᕈᖅᑐᓂᒃ

    ᐱᓕᕆᔩᑦ ᓄᐊᑦᑎᓚᐅᖅᑐᑦ ᒥᑭᔫᑎᓂᒃ ᖁᐱᕐᕈᓂᒃ, ᑯᒪᓂᒃ, ᐊᒻᒪᓗ ᐊᖃᔭᓂᒃ ᐆᒪᓲᑦ ᐃᖅᑲᖓᓂ ᑰᑉ ᐊᒻᒪᓗ ᖃᓂᒋᔭᖏᓐᓂ ᑕᓯᐅᔪᓂᒃ. ᑕᐃᒪᐃᓚᐅᖅᑐᑦ ᓄᔪᐊᖅᑐᑎᑦ ᓄᓗᐊᕐᓂᒃ ᐃᒪᒃᑯᑦ ᐃᖅᑲᖓᓄᐊᖓᑲᓴᑦᑎᑦᑐᒋᑦ ᐊᒻᒪᓗ ᑰᑉ ᐃᖅᑲᖓ ᐃᖑᔭᐅᓪᓗᓂ / ᑕᓯᑉ ᐃᖅᑲᖓ ᖃᑯᑎᒃᑯᑦ ᓅᑕᐅᕈᓘᔭᖃᑦᑕᖅᑐᓂ. ᐊᐅᓪᓚᖅᑎᑦᑎᓚᐅᖅᑐᑦ ᖃᐅᔨᓵᒃᓴᓂᒃ ᖃᐅᔨᓴᕐᕕᒻᒧᑦ.

    ᖃᐅᔨᓴᕐᕕᒻᒥ ᕿᓂᕐᕈᓂᐊᕐᒪᑕ ᖃᓄᐃᑦᑑᓂᖏᑦ ᐆᒪᔪᐃᑦ ᐊᒻᒪᓗ ᐱᕈᖅᑐᒥᓃᑦ, ᐊᒻᒪᓗ ᐊᖏᑎᒋᓂᖏᑦ ᑕᐃᑲᓂ ᓄᐊᑕᒥᓂᕐᓂᒃ ᖃᐅᔨᓵᒃᓴᓂ. ᓴᖅᑭᖅᓯᒪᓂᖏᑦ ᐃᑲᔪᕐᓂᐊᖅᑐᑦ ᑐᑭᓯᕚᓪᓕᕐᓗᑕ ᓂᕿ ᐊᑐᐃᓐᓇᐅᒪᓂᖏᑦ ᐃᖃᓗᓐᓄᑦ ᐊᒻᒪᓗ ᓂᕆᖃᑦᑕᕐᓂᖏᑦ ᐆᒪᔪᐃᑦ ᐃᒪᕐᒥ.

    ᖁᓛᓃᓪᓗᓂ ᑕᑯᓐᓈᖅᑐᒍ

    ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᖁᓕᒥᒎᑎᑎᒎᓚᐅᖅᑐᑦ ᑰᒑᓗᓕᒫᒃᑯᑦ ᕿᓂᖅᑐᑎᑦ ᐃᖃᓗᐃᑦ ᓇᔪᒐᖏᓐᓂ, ᖃᐅᔨᓴᖅᑐᑎᑦ ᖃᓄᑎᒋ ᐊᖏᓂᖃᐅᕐᒪᖔᑖ ᐅᔭᖅᑲᑦ ᑰᒻᒥ, ᐃᑎᓂᖓ ᐃᒪᑉ, ᐊᒻᒪᓗ ᖃᓄᑎᒋ ᓇᒃᑭᔭᒻᒪᖔᖅ ᐃᒪᖓ.

    12 ᑰᒐᓛᑦ ᖃᐅᔨᓵᖑᓚᐅᕐᒪᑕ 300m ᐊᓂᒍᕋᐃᒻᒪᑕ ᐊᔾᔨᓕᐅᖅᑕᐅᖃᑦᑕᖅᓱᑎᑦ ᐊᒻᒪᓗ ᐱᒻᒪᕆᐅᔪᓂᒃ ᓱᑯᑦᑎᐊᓃᑦᑐᓂᒃ ᓇᔪᒐᕆᔭᐅᔪᑦ ᐊᓯᔾᔨᖅᑐᒥᓂᐅᑎᓪᓗᒋᑦ, ᐃᒪᖃᕐᕕᒃᓴᐅᖁᔭᐅᔪᖅ ᓯᒥᑕᐅᓚᐅᖅᑎᓪᓗᒍ ᐊᒻᒪᓗ ᑰᒻᒥ.

    ᖃᒑᓕᕐᓂᖓ ᐊᒻᒪᓗ ᑰᕝᕕᐅᓂᖓ ᓇᒃᑭᔭᑦᑐᒻᒪᕆᐅᔪᒃᑯᑦ ᑕᑯᔭᐅᓗᐊᖃᑦᑕᓚᐅᖅᑐᑦ:

    • ᖄᒑᓕᕐᓂᖓ: ᐃᑦᑲᑦᑑᒐᓗᐊᕐᒥ ᐃᒪᖓ, ᓇᒃᑭᔭᑦᑐᒻᒪᕆᐅᓪᓗᓂ ᐊᒻᒪᓗ ᐊᖏᔪᓄᐊᖃᑦᑕᖅᑐᖅ ᐅᔭᕋᕐᓄᑦ
    • ᑰᓐᓂᖓ: ᐃᑎᓂᖅᓴᒐᓛᖑᓂᖓ ᐃᒪᖓ, ᑰᓐᓇᔮᕐᕕᐅᔪᖅ, ᒥᑭᔪᓂᒃ ᐅᔭᕋᖃᐅᖅᑐᓂ ᐊᒻᒪᓗ ᓯᐅᕋᔮᖃᒐᓛᑦᑐᓂ, ᐊᒻᒪᓗ ᒥᑭᑦᑑᑎᐅᓪᓗᑎᑦ ᐅᔭᖅᑲᑦ ᐃᖅᑲᒥ.

    ᖃᐅᔨᓴᕐᓂᖅ ᐆᒪᔪᐃᑦ ᓇᔪᒐᖏᓐᓂ

    ᓄᓇᑐᐃᓐᓇᕐᒥ ᖃᐅᔨᓴᖅᑏᑦ ᐱᓱᓚᐅᖅᑐᑦ 12-ᓄᑦ ᑰᒐᓛᕐᓄᑦ ᑎᑎᕋᖅᑐᑎᑦ ᓇᓗᓇᐃᔭᑦᑎᐊᖅᓯᒪᔪᑯᓗᓐᓂᒃ ᐆᒪᔪᐃᑦ ᓇᔪᒐᖏᓐᓂ ᑕᑯᔭᒥᓂᖏᓐᓂ. ᖃᐅᔨᓴᓚᐅᖅᑐᑦ ᖃᓄᑎᒋ ᓴᓂᒧᑦ ᑕᑭᓂᖃᕐᒪᖔᖅ ᐊᒻᒪᓗ ᐃᑎᓂᖓ ᐃᒪᑉ, ᖃᓄᑎᒋ ᓇᒃᑭᔭᑦᑎᒋᒻᒪᖔᖅ, ᐊᒻᒪᓗ ᑰᒐᓛᕝᕕᐅᔪᑦ ᑭᓱᖃᐃᕐᒪᖔᖅ.

    ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐊᔾᔨᓕᐅᕈᑎ ᓄᓇᙳᐊᓕᐅᕈᑎ ᑐᑭᓯᒋᐊᕈᑎᖏᓐᓂᒃ ᓄᐊᑦᑎᔪᑦ

    ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐊᔾᔨᓕᐅᕈᑎᒥᒃ ᐊᑐᓚᐅᖅᑐᑦ ᖃᐅᒪᓂᖓᓂᒃ ᓱᑯᑦᑎᐊᓃᓐᓂᖏᓐᓂᓪᓗ ᓂᐱᓕᐅᓲᕐᒥᒃ, ᖃᐅᔨᓴᖅᑐᑎᑦ ᖃᓄᐃᑦᑑᓂᖏᑦ ᓄᓇᑉ ᖁᓛᓂ ᑕᑯᓐᓈᖅᑐᒋᑦ. ᐋᖅᑮᒍᓐᓇᖅᑐᖅ ᐱᓪᓚᑦᑖᖑᔪᒥᒃ ᓄᓇᙳᐊᕐᒥᒃ ᓄᓇᖓᒥ.

    ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐊᔾᔨᓕᐅᕈᑎ ᐊᔾᔨᓕᐅᕆᔪᓇᓚᐅᖅᑐᖅ ᐱᓪᓚᑦᑖᖑᔮᖅᑐᒥᒃ ᓄᓇᒥ ᐃᒪᕐᒥᓗ. ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐊᔾᔨᓕᐅᕈᑎᒥᒃ ᐊᑐᖅᑐᓂ ᖃᐅᔨᓴᓚᐅᖅᑐᑦ ᐃᒪᖃᕐᕕᐅᒐᔭᖅᑐᒥᒃ ᓯᒥᑕᐅᒍᓂ ᐊᒻᒪᓗ ᑰᑉ ᐃᓱᐊᓂ, 31 km². ᑕᒪᒃᑯᐊ ᑐᑭᓯᒋᐊᕈᑏᑦ ᐃᑲᔪᕐᓂᐊᖅᑐᑦ ᐱᓕᕆᔨᖏᑦ ᑐᑭᓯᓗᑎᑦ ᐃᖃᓗᐃᑦ ᓇᔪᒐᖏᓐᓂ ᑰᒐᓛᖑᓂᖅᓴᓂᑦ ᐃᒪᖃᕐᕕᐅᔪᒪᔪᖅ ᓯᒥᑕᐅᑎᓪᓗᒍ.

    ᖃᐅᔨᓴᕐᓂᖅ

    ᓄᓇᑐᐃᓐᓇᕐᒧᑦ ᐊᐅᓪᓚᓚᐅᙱᑦᑎᓪᓗᒋᑦ ᖃᐅᔨᓴᕆᐊᕐᓗᑎᑦ, ᐃᒪᓕᕆᓂᕐᒧᑦ ᖃᐅᔨᓴᖅᑏᑦ ᕿᒥᕐᕈᓇᓚᐅᕆᕗᑦ ᐊᓯᖏᓐᓂᒃ ᐃᒪᓕᕆᓂᕐᒧᑦ ᖃᐅᔨᓵᒥᓂᕐᓂᒃ ᑦᓯᓕᐊᒃ ᐱᓕᕆᐊᕐᒥ (ᓄᐊᑦᑕᒥᓃᑦ 2020-ᒥᓂᑦ) ᐊᒻᒪᓗᑦᑕᐅᖅ ᑐᑭᓯᒋᐊᕈᑎᖏᓐᓂᒃ ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᐃᖃᓗᐃᑦ ᑕᒫᓃᑦᑐᑦ ᐱᓪᓗᒋᑦ.

    ᑕᒪᒃᑯᐊ ᑐᑭᓯᒋᐊᕈᑏᑦ ᐃᑲᔪᓚᐅᖅᑐᑦ ᖃᐅᔨᓴᖅᑎᓂᒃ ᑐᑭᓯᓗᑎᑦ ᑭᓱᑦ ᖃᐅᔨᒪᔭᐅᔭᕇᕐᒪᖔᑕ ᑕᓯᕐᒥ, ᑰᒻᒥ ᐊᒻᒪᓗ ᑰᒐᓛᓐᓂᒃ ᑰᒑᓗᒻᒥ. ᓄᑖᑦ ᖃᐅᔨᓵᖑᓯᒪᔪᑦ ᓴᖅᑭᖅᓯᒪᓂᖏᑦ ᐊᔾᔨᒌᙱᓐᓂᖏᓐᓂ ᖃᐅᔨᓴᖅᑕᐅᒐᔭᕐᒥᔪᑦ ᑕᒪᒃᑯᓄᖓ ᐱᑐᖃᐅᓂᖅᓴᓄᑦ ᑐᑭᓯᒋᐊᕈᑎᓄᑦ ᖃᐅᔨᖁᓪᓗᑕ ᖃᓄᐃᓕᖓᓕᕐᓂᖏᓐᓂᒃ ᐅᓪᓗᒥ ᐊᒻᒪᓗ ᑐᑭᓯᕚᓪᓕᕈᑎᒋᔭᐅᓗᑎᑦ ᖃᓄᖅ ᐱᓕᕆᐊᖑᒍᒪᔪᖅ ᐊᓯᔾᔩᒐᔭᕐᒪᖔᖅ ᐃᒪᖓ ᖃᓄᐃᓕᐅᓲᖑᓂᖓᓂᒃ.

    ᓵ ᑰᒑᓗᖕᒥ

    63−ᖑᔪᑦ ᐃᖃᓗᒃᑕᒥᓃᑦ ᑰᒑᓗᒻᒥ ᐊᔾᔨᒌᙱᑦᑐᓃᙶᖅᓯᒪᕗᑦ ᐃᖃᓗᒃᑕᒥᓃᑦ:

    • 33 ᑕᓯᕐᒦᙶᖅᑐᒥᓂᐅᓪᓗᑎᑦ
    • 30 ᑰᑉ ᐃᓱᐊᓂ ᐃᒪᖃᕐᕕᐅᖁᔭᐅᔪᑉ ᓯᒥᑕᐅᓚᐅᖅᑎᓪᓗᒍ

    ᐃᖃᓗᑦ ᑕᐃᒃᑯᑑᓯᒪᔪᑦ ᐆᒪᔪᐃᑦ ᐃᖃᓗᒃᑕᒥᓃᑦ ᑕᑯᔭᒥᓂᐅᓪᓗᑎᑦ. ᒪᒃᑯᓐᓂᖅᓴᐃᑦ ᐊᑐᓲᑦ ᑰᒐᓛᖑᓂᖅᓴᓂ ᓯᐅᕋᔮᖃᖅᑐᒥᒃ ᐊᒻᒪᓗ ᐅᔭᕋᓛᖃᐅᖅᑐᓂᒃ ᐃᖅᑲᒥ, ᐊᖏᓂᖅᓴᐃᓪᓕ ᐃᖃᓗᐃᑦ ᐃᑎᓂᖅᓴᒦᓲᑦ ᑰᒻᒥ ᐊᒻᒪᓗ ᑕᓯᕐᓂ.

    ᑐᑭᓯᒋᐊᕈᑎᒃᑲᓐᓃᑦ ᐃᖃᓗᐃᑦ ᒥᒃᓵᓄᑦ ᓂᕆᐅᒋᔭᐅᔪᑦ ᒫᓐᓇᕈᓗᒃ.

    ᓵ ᑰᒑᓗᖕᒥ

    63−ᖑᔪᑦ ᐃᖃᓗᒃᑕᒥᓃᑦ ᑰᒑᓗᒻᒥ ᐊᔾᔨᒌᙱᑦᑐᓃᙶᖅᓯᒪᕗᑦ ᐃᖃᓗᒃᑕᒥᓃᑦ:

    • 33 ᑕᓯᕐᒦᙶᖅᑐᒥᓂᐅᓪᓗᑎᑦ
    • 30 ᑰᑉ ᐃᓱᐊᓂ ᐃᒪᖃᕐᕕᐅᖁᔭᐅᔪᑉ ᓯᒥᑕᐅᓚᐅᖅᑎᓪᓗᒍ

    ᐃᖃᓗᑦ ᑕᐃᒃᑯᑑᓯᒪᔪᑦ ᐆᒪᔪᐃᑦ ᐃᖃᓗᒃᑕᒥᓃᑦ ᑕᑯᔭᒥᓂᐅᓪᓗᑎᑦ. ᒪᒃᑯᓐᓂᖅᓴᐃᑦ ᐊᑐᓲᑦ ᑰᒐᓛᖑᓂᖅᓴᓂ ᓯᐅᕋᔮᖃᖅᑐᒥᒃ ᐊᒻᒪᓗ ᐅᔭᕋᓛᖃᐅᖅᑐᓂᒃ ᐃᖅᑲᒥ, ᐊᖏᓂᖅᓴᐃᓪᓕ ᐃᖃᓗᐃᑦ ᐃᑎᓂᖅᓴᒦᓲᑦ ᑰᒻᒥ ᐊᒻᒪᓗ ᑕᓯᕐᓂ.

    ᑐᑭᓯᒋᐊᕈᑎᒃᑲᓐᓃᑦ ᐃᖃᓗᐃᑦ ᒥᒃᓵᓄᑦ ᓂᕆᐅᒋᔭᐅᔪᑦ ᒫᓐᓇᕈᓗᒃ.

    ᑰᒋᐊᙵᕐᓂᖓ ᑰᒑᓗᑉ

    ᖃᐅᔨᓴᖅᑏᑦ ᓄᐊᑦᑎᓯᒪᕗᑦ ᑰᒋᐊᙵᕐᓂᖓᓂᒃ ᑕᓯᕐᓂᒃ ᑰᓐᓂᓗ ᐃᓕᑉᐹᓪᓕᖁᓪᓗᑕ ᐃᒪᑉ ᐱᐅᔫᑎᒋᓂᖓᓂᒃ ᐊᒻᒪᓗ ᓇᔪᒐᕆᔭᐅᔪᑦ ᐆᒪᔪᕐᓄᑦ ᖃᓄᐃᓕᖓᓕᕐᓂᖏᓐᓂᒃ. ᓴᖅᑭᖅᓯᒪᔪᑦ ᐃᑲᔪᕋᔭᖅᑐᑦ ᑐᑭᓯᐅᒪᓕᕐᓗᑕ ᐃᒪᑉ ᐊᕙᑎᖓ ᖃᓄᐃᑦᑑᒻᒪᖔᖅ ᐅᓪᓗᒥ ᐊᒻᒪᓗ ᓇᓗᓇᐃᒃᑯᓯᖅᑕᐅᓯᒪᒐᔭᖅᑐᓂ ᓯᕗᓂᒃᓴᒧᑦ ᐊᕙᑎᑉ ᖃᐅᔨᓵᖑᓛᕐᓂᖏᓐᓂᒃ ᐊᒻᒪᓗ ᐱᓕᕆᐊᕐᒧᑦ ᐸᕐᓇᐅᓯᐅᕈᑕᐅᓗᑎᑦ.

    ᐃᒪᕐᒥ ᐆᒪᔪᐃᑦ ᓇᔪᒐᖏᑦ ᖃᐅᔨᓵᖑᓚᐅᖅᑎᓪᓗᒋᑦ ᖃᐅᔨᔭᒥᓃᑦ

    2026-ᒥ ᖃᐅᔨᓵᖑᓯᒪᔪᑦ ᒪᓕᑦᑐᒋᑦ ᖃᐅᔨᔭᒥᓂᐅᕗᑦ ᐊᔾᔨᒌᙱᑦᑐᑦ ᐃᖃᓗᓐᓄᑦ ᓇᔪᒐᖃᐅᕐᒪᑕ ᑰᒻᒥ ᐊᒻᒪᓗ ᑰᒐᓛᖑᓂᖅᓴᓂ ᑰᑉᐸᑦᑐᑦ ᑰᒑᓗᒻᒧᑦ.

    ᑰᒐᓛᖑᓂᖅᓴᐃᑦ ᐃᒪᐃᑉᐳᑦ ᐊᔾᔨᒌᙱᓐᓂᖃᐅᖅᑐᑦ:

    • ᐃᑦᑲᑦᑐᑦ, ᓇᒃᑭᔭᓐᓂᖅᓴᑦ ᐃᒪᖓ ᓯᕿᓂᑉ ᖃᐅᔨᒪᓂᖓ ᐃᖅᑲᒧᑦ ᑎᑭᓲᖅ
    • ᐃᑎᓂᖅᓴᐃᑦ, ᓱᒃᑲᐃᓐᓂᖅᓴᐃᑦ ᐃᒪᖏᑦ ᓯᕿᓂᕐᒧᑦ ᖃᐅᒪᕕᐅᓗᐊᙱᑦᑐᑦ ᖃᐅᒪᕕᐅᙱᑦᑐᓪᓘᓐᓃᑦ.

    ᒪᒃᑯᓐᓂᖅᓴᐃᑦ ᐃᖃᓗᐃᑦ ᓇᓂᔭᐅᓲᑦ ᐃᑦᑲᓐᓂᖅᓴᓂ, ᐊᒻᒪᓗ ᐊᖏᓂᖅᓴᐃᑦ ᐃᓐᓇᐅᓂᖅᓴᐃᑦ ᐃᖃᓗᐃᑦ ᐃᑎᓂᖅᓴᓃᓲᖑᓪᓗᑎᑦ.

    ᐃᒪᕐᒥ ᐆᒪᔪᐃᑦ ᓇᔪᒐᖏᑦ ᖃᐅᔨᓵᖑᔪᒥᓃᑦ ᓴᖅᑭᖅᓯᒪᓂᖏᑦ ᖃᓄᐃᓐᓂᖏᑕ

    2026-ᒥ ᖃᐅᔨᓵᖑᓯᒪᔪᑦ ᐊᔾᔨᒌᙱᑦᑐᒡᒍᑕᐅᓂᖏᓐᓂᒃ ᐃᖃᓗᐃᑦ ᓇᔪᒐᖏᑦ ᑕᓯᕐᒥ.

    ᐃᒪᐃᑦᑑᒻᒪᑕ:

    • ᐃᑦᑲᑦᑐᑦ ᓯᕿᓂᑉ ᖃᐅᒪᓂᖓ ᐃᖅᑲᖓᓄᑦ ᑎᑭᑉᐸᑦᑐᖅ
    • ᐃᑎᓂᖅᓴᖅ ᒥᑭᔪᒥᒃ ᓯᕿᓂᑉ ᖃᐅᒪᕕᐅᓲᖅ ᐅᕝᕙᓘᓐᓃᑦ ᓯᕿᓐᓂᕐᕕᐅᙱᑦᑎᐊᒻᒪᕆᑦᑐᓂ.

    ᐊᖏᓂᖅᓴᐃᑦ ᐃᓐᓇᐅᓂᖅᓴᐅᓪᓗᑎᑦ ᐃᖃᓗᐃᑦ ᐃᑎᓂᖅᓴᓃᓲᑦ ᑰᒑᓗᒻᒥ ᐊᒻᒪᓗ ᑕᓯᕐᓂ.

    ᐃᒪᑉ ᐊᖏᓂᖏᑦ

    ᑕᓯ ᐊᒻᒪᓗ ᑰᒑᓗᒃ ᑰᕝᕕᐅᓗᐊᓲᖅ ᐊᐅᑉᐸᓪᓕᐊᔪᒧᑦ ᐊᐳᑎᒧᑦ ᐊᒻᒪᓗ ᓂᓚᒻᒧᑦ. ᐅᐱᕐᖔᖅ 2026-ᖑᑎᓪᓗᒍ, ᐃᒪᑦᑐᒻᒪᕆᐅᓚᐅᖅᓯᒪᕗᖅ ᓱᑲᑦᑐᒥᒃ, ᐊᖏᓪᓕᒋᐊᒻᒪᕆᑦᑐᓂ 50 cm ᐊᑕᐅᓯᕐᒥᒃ ᐅᓪᓗᕐᒥᒃ. ᐃᒪᑉ ᐃᑎᓂᖅᓴᐃᓕᓚᐅᖅᓯᒪᒋᕗᑦ ᔫᓂ 21-ᖑᑎᓪᓗᒍ ᐊᒻᒪᓗ ᐃᑦᑲᓪᓕᖅᐹᓪᓕᖅᑐᑎᑦ ᐅᓪᓗᐃᑦ ᐊᓂᒍᕐᒪᑕ.

    ᐃᒪᖃᕈᓐᓃᕐᓂᖅᓴᐅᓚᐅᖅᓯᒪᒋᕗᖅ ᐅᑭᐊᒃᓵᒃᑯᑦ, ᐊᒻᒪᓗ ᑕᒪᐃᓐᓂᓕᒫᖓᓴᒃ ᑰᑉ ᓂᓚᕈᓲᖅ ᐅᑭᐅᒃᑯᑦ. ᖃᐅᔨᓴᐅᑏᑦ ᕿᒪᒃᑕᐅᓯᒪᕗᑦ ᑰᒻᒥ ᓄᐊᑦᑎᒃᑲᓐᓂᖁᓪᓗᑕ ᑐᑭᓯᒋᐊᕈᑎᒃᑲᓐᓂᕐᓂᒃ 2027-ᖑᓕᖅᐸᑦ ᐅᐱᕐᖔᒥ ᐊᐅᓕᕐᒥᑉᐸᑦ.

    ᐊᐳᑎᑉ ᐊᐅᓐᓂᖓ

    ᐊᐳᑎᑉ ᖃᐅᔨᓵᖑᓯᒪᓂᖏᑦ ᑕᑯᒃᓴᐅᑎᑦᑎᕗᑦ ᐊᐳᑎᑉ ᒪᐅᔭᐅᑎᒋᓂᖓᓂᒃ ᒪᕐᕈᐊᖅᑎᒃᑲᓐᓂᒻᒪᕆᒃ ᐊᖏᓪᓕᓯᒪᓕᕐᓂᖓᓂᒃ ᒫᑦᓯᒥ ᐊᒻᒪᓗ ᐄᐳᖁᓪ 2026-ᒥ.

    ᐊᐳᑎᖃᕐᓂᖅᓴᐅᓕᖅᓯᒪᒋᕗᕐᓗ ᐊᒻᒪᓗ ᑎᓯᓂᖅᓴᐅᓪᓗᓂ ᐅᑭᐅᖅ ᐃᓱᓕᓕᖅᑎᓪᓗᒍ. ᐊᖏᓂᖓ ᐃᒪᑉ ᐊᐳᑎᒦᑦᑐᖅ ᒪᕐᕈᐃᓕᖅᑲᖓᒃᑲᓐᓂᖅᓯᒪᒋᕗᖅ ᐃᒪᖓ.

    ᑕᒪᓐᓇ ᑐᑭᓯᒋᐊᕈᑎ ᐊᑐᖅᑕᐅᒐᔭᖅᑐᑦ ᖃᕋᓴᐅᔭᒃᑯᑦ ᐋᖅᑭᒃᓱᖅᑕᐅᓗᓂ ᓇᓚᐅᒃᑖᖅᑎᑦᑎᒍᓐᓇᖅᑐᖅ ᖃᓄᖅ ᐃᒪᖓ ᓅᓲᖑᒻᒪᖔᖅ ᓄᓇᒃᑯᑦ ᑰᒑᓗᒻᒥ.

    ᐊᔾᔨᙳᐊᑦ ᐊᔾᔨᓕᐅᖅᑕᐅᓯᒪᔪᑦ ᑕᑯᒃᓴᐅᑎᑦᑎᕗᑦ ᐅᐱᕐᖔᒥ ᐊᐳᑎᑉ ᐊᐅᓲᖑᒻᒪᑦ ᑕᓪᓕᒪᑦ ᐱᓇᓱᐊᕈᓯᕐᓂᒃ, ᔫᓂ ᐱᒋᐊᓕᖅᑎᓪᓗᒍ ᑎᑭᑦᑐᒍ ᕿᑎᐊᓂ ᔪᓚᐃ.

    ᐃᒪᑉ ᐱᐅᔫᓂᖓᓂᒃ ᖃᐅᔨᓵᒥᓃᑦ ᓴᖅᑭᖅᓯᒪᓂᖏᑦ

    ᑰᒑᓗᒃ ᓱᕉᙱᑦᑎᐊᖅᑐᓂ, ᓇᒃᑭᔭᑦᑐᒻᒪᕆᐅᕗᖅ ᑰᓗᐊᓲᖅ ᐊᐳᑎ ᐊᐅᑦᑎᓪᓗᒍ.

    ᐃᒪᑉ ᖃᐅᔨᓵᖑᓯᒪᓂᖏᑦ ᑕᑯᒃᓴᐅᑎᑦᑎᕗᑦ ᑰᒃ ᒥᑭᔪᑯᓗᓐᓂᒃ ᓴᕕᕋᔭᒃᓴᖃᐅᙱᓗᐊᕐᓂᖓᓂᒃ ᓱᕋᐃᔭᖅᓯᒪᙱᑦᑐᓂᒃ. ᐃᒪᖓᓗ ᓱᕉᙱᑦᑎᐊᖅᑐᖅ, ᐃᓱᙱᑦᑐᒻᒪᕆᐅᓪᓗᓂ ᐅᕝᕙᓘᓐᓃᑦ ᓯᐅᕋᔮᖃᕈᓘᔭᙱᑦᑐᓂ ᐃᒪᖓᓂ.

    ᔪᓚᐃ 2026−ᒥ, ᓯᓚᓗᑦᑐᒻᒪᕆᐅᑎᓪᓗᒍ ᓄᓇᒦᙶᖅᑐᖅ ᑰᒻᒨᖅᑐᒥᓂᐅᒻᒪᑦ, ᐃᒪᖓ ᐃᓱᕐᓂᖅᓴᐅᓕᖅᑐᓂ ᕿᓚᒥᕈᓘᒐᓗᐊᖅ.

    ᐃᒪᖓᑕ ᐆᓇᕐᓂᖓ ᐃᒪᓐᓇᐅᓚᐅᖅᑐᖅ 6°C ᑎᑭᑦᑐᒍ 14°C 2026-ᒥ ᖃᐅᔨᓴᕐᓇᐅᑎᓪᓗᒍ.

    ᕿᒪᒃᑲᑯᒥᓃᑦ ᓯᐅᕋᑦ ᓱᕈᓪᓗ ᐱᐅᔫᓂᖏᑦ ᖃᐅᔨᓵᖑᓯᒪᔪᑦ ᓴᖅᑭᖅᓯᒪᓂᖏᑦ

    ᖃᐅᔨᓴᕐᕕᒻᒥ ᖃᐅᔨᓴᖅᑕᐅᒻᒪᑕ ᓱᓕ ᕿᒪᒃᑲᑯᒥᓃᑦ ᓯᐅᕋᑦ ᓱᕈᓪᓗ ᐱᐅᔫᓂᖏᑦ ᖃᐅᔨᓵᖑᓯᒪᔪᑦ ᐃᒪᑉ ᐱᐅᔫᓂᖓᓂᒃ. ᑐᑭᓯᒋᐊᕈᑏᑦ ᑕᑯᒃᓴᐅᑎᑕᐅᓛᑐᐃᓐᓇᕐᒪᑕ ᒫᓐᓇᕈᓗᒃ.

    ᕿᒪᒃᑲᑯᒥᓃᑦ ᒥᑭᔫᑎᒡᒍᑎᒻᒪᕆᓐᓂᒃ ᐃᖅᑲᖓᓃᑦᑐᑦ ᑕᓯᑉ, ᑰᒻᒧᑦ ᐊᒻᒪᓗ ᑰᒐᓛᕐᓄᑦ ᕿᒪᒃᑲᑰᓕᖅᑎᑕᐅᓯᒪᔪᑦ. ᑐᑭᓯᓗᓂ ᖃᓄᐃᓕᐅᓕᕐᓂᖓᓂᒃ ᕿᒪᒃᑲᑯᒥᓂᕐᓂᒃ ᐱᒻᒪᕆᐅᕗᖅ ᐃᑲᔪᖅᑐᐃᓂᖃᕐᒪᑦ ᐃᒪᑉ ᐊᕙᑎᖓᓂᒃ, ᐊᑦᑐᐃᓂᖃᓲᖑᓪᓗᓂ ᐃᒪᑉ ᐱᐅᔫᓂᖓᓂᒃ, ᐊᒻᒪᓗ ᓇᔪᒐᕆᔭᐅᓕᓲᖑᓪᓗᓂ ᐱᕈᖅᑐᓄᑦ ᐊᒻᒪᓗ ᐊᖃᔭᓄᑦ , ᑐᙵᕕᐅᓪᓗᑎᑦ ᓂᕆᖃᑦᑕᕐᓂᖏᑦ ᐆᒪᔪᐃᑦ ᐊᖏᓛᑦ ᒥᑭᓛᖑᔪᓂᒃ ᓂᕆᕙᓪᓕᐊᓪᓗᑎᑦ.

    ᒥᑭᔫᑏᑦ ᐃᒪᕐᒥ ᑯᒪᐃᑦ ᐊᒻᒪᓗ ᐱᕈᖅᑐᑦ

    ᖃᐅᔨᓴᕐᕕᒻᒥ ᖃᐅᔨᓴᓕᖅᑐᑦ ᐃᓕᓐᓂᐊᒃᑲᓐᓂᕋᓱᐊᖅᑐᑎᑦ ᒥᑭᔫᑎᓂᒃ ᐱᕈᖅᑐᓂᒃ, ᐊᖃᔭᖃᕐᓂᖓ, ᐊᒻᒪᓗ ᐆᒪᔪᐃᑦ ᐃᖅᑲᕐᒥᐅᑕᐃᑦ ᑕᓯᕐᒥ, ᑰᒻᒥ, ᐊᒻᒪᓗ ᑰᒐᓛᓐᓂ.

    ᑕᒪᒃᑯᐊ ᒥᑭᔫᑎᑯᓗᐃᑦ ᐱᕈᖅᑐᑦ ᐊᒻᒪᓗ ᐆᒪᔪᑦ ᖃᐅᔨᑎᑉᐹᑎᒍᑦ ᐃᒪᑉ ᐱᐅᔫᓂᖓᓂᒃ ᐊᒻᒪᓗ ᓇᔪᒐᖏᑕ ᖃᓄᐃᙱᓐᓂᖏᓐᓂ, ᐊᒻᒪᓗ ᓴᖅᑭᖅᑐᒥᓃᑦ ᐃᑲᔪᕐᓂᐊᕌᑎᒍᑦ ᑐᑭᓯᓗᑕ ᖃᓄᐃᓕᐅᓕᕐᒪᖔᖅ ᐃᒪᕐᒥ ᐆᒪᔪᐃᑦ ᓇᔪᒐᖏᓐᓂ ᖃᐅᔨᓴᕐᑯᒻᒥ, ᐊᒻᒪᓗ ᐃᑲᔪᖅᑐᐃᓂᖃᕐᓗᑎᑦ ᓯᕗᓂᒃᓴᒥ ᐸᕐᓇᐅᓯᐅᓛᖅᑎᓪᓗᑕ.

    ᑕᓯᑉ ᐃᒪᖓ

    ᐃᒥᖅᑕᕐᕕᐅᖁᔭᐅᔪᖅ ᑕᓯᖓᓃᖁᔭᐅᕗᖅ ᑰᒑᓘᑉ. ᐃᒪᖃᕐᒪᑦ ᑰᕝᕕᐅᖏᓐᓇᖅᑐᒥᒃ.

    ᖃᐅᔨᓵᖑᓯᒪᔪᑦ ᒪᓕᑦᑐᒋᑦ ᑕᑯᒃᓴᐅᑎᑦᑎᕗᑦ ᐃᑦᑲᓐᓂᖃᐅᕐᒪᑕ ᑰᓐᓂᖃᖅᑐᓂᓂ ᐃᑎᓂᕐᓴᒧᑦ ᕿᑎᐊᓄᑦ. ᑰᓪᓗᐊᖓ ᕿᑎᐊᓂ ᐃᒪᖓ ᑰᓐᓂᖓ 10 m ᐃᑎᓂᖃᕐᒪᑦ. ᐃᑎᓛᖏᑦ 16 ᑎᑭᑦᑐᒍ 18-ᓄᑦ m ᖃᐅᔨᔭᐅᓯᒪᔪᑦ.

    ᐱᓕᕆᐊᓖᑦ ᖃᐅᔨᓴᕐᒥᔪᑦ ᖃᓄᖅ ᐃᒪᑉ ᐆᓇᕐᓂᖓ ᐊᓯᔾᔨᓲᖑᒻᒪᖔᖅ ᐊᔾᔨᒌᙱᑦᑐᓂᒃ ᐃᑎᓂᓕᓐᓂ ᐊᒻᒪᓗ ᐃᓕᓐᓂᐊᖏᓐᓇᐅᔭᖅᑐᑎᑦ ᐃᒪᑉ ᐱᐅᔫᓂᖓᓂᒃ ᑐᑭᓯᐅᒪᑦᑎᐊᕐᓂᖅᓴᐅᒍᒪᓪᓗᑎᑦ ᑕᓯᑉ ᒥᒃᓵᓄᑦ.

    ᓄᓇᒥ ᐃᓅᓯᖅ

    ᓄᓇᒥ ᓇᔪᖅᑕᐅᑲᐃᓐᓇᓚᐅᖅᑐᖅ ᐱᓕᕆᖃᑎᒌᒃᑐᓕᒫᓄᑦ ᐃᖅᑲᓇᐃᔭᖅᑐᓄᑦ ᑰᒑᓗᖕᒥ 2026-ᖑᑎᓪᓗᒍ ᖃᐅᔨᓴᕐᓂᖃᖅᑎᓪᓗᒋᑦ. ᑐᐱᖅᑕᖃᓚᐅᖅᑐᖅ 24-ᓂᒃ ᓯᓂᒡᕕᐅᕙᓪᓗᑎᒃ, ᓂᕆᕕᐅᔪᑦ, ᐃᖅᑲᓇᐃᔭᖅᕕᐅᓪᓗᑎᓪᓗ. ᓄᒃᑭᒃᓴᐅᑎᒃᑯᑦ ᐊᐅᓚᑦᑎᔨᖓᑦ, ᖃᓂᒪᖃᕐᓇᖏᑦᑐᓕᕆᓂᕐᒧᑦ ᐊᑦᑕᓇᖅᑕᐃᓕᔪᓕᕆᓂᕐᒧᑦ ᖃᐅᔨᓴᖅᑎ, ᒪᕐᕉᒃ ᖁᓕᒥᒎᓖᒃ ᐊᖁᑎᖏᒃ, ᖁᓕᒥᒎᓕᖕᒥᑦ ᓴᓇᔨ ᓄᓇᒋᔭᑦᑎᓐᓃᖏᓐᓇᓚᐅᕐᒥᔪᖅ ᖃᖓᓕᒫᖅ. ᐱᔭᒃᓴᖃᕐᓂᖅᐹᖑᓇᖅᑎᓪᓗᒍ, ᐃᓄᐃᑦ ᐊᒥᓲᓂᖏᑦ 48-ᖑᖃᑦᑕᓚᐅᖅᑐᑦ.

    ᐃᑦᑕᕐᓂᓴᓕᕆᓂᖅ

    ᐃᑦᑕᕐᓂᓴᓕᕆᔩᑦ ᐱᔭᕇᖅᓯᓚᐅᖅᑐᑦ ᒪᕐᕉᖕᓂᒃ ᖃᐅᔨᓴᖅᑕᖏᓐᓂᒃ ᑰᒑᓗᖕᒥ ᔫᓂ 21-ᒥᑦ ᔪᓚᐃ 22-ᒧᑦ ᐊᒻᒪᓗ ᐋᒡᒌᓯ 30-ᒥᑦ ᓰᑏᕝᕙ 6-ᒧᑦ, ᑲᑎᓪᓗᒋᑦ ᓄᓇᒦᓚᐅᖅᑐᑦ ᐅᓪᓗᓄᑦ 40-ᓄᑦ. ᐃᓄᐃᑦ ᐃᑲᔪᖅᑐᐃᓚᐅᖅᑐᑦ ᐃᑲᔪᕐᓗᑎᒃ ᐃᑦᑕᕐᓂᓴᓕᕆᔨᓂᒃ ᓇᓗᓇᐃᖅᓯᖃᑦᑕᕐᓗᑎᒃ ᓄᓇᓂᒃ, ᖃᐅᔨᒪᓂᕐᒥᓂᒃ ᐊᒥᖅᑳᕐᓗᑎᒃ ᖃᓄᖅ ᐃᓄᐃᑦ ᓄᓇᒥᒃ ᐊᑐᓚᐅᕐᒪᖔᑕ ᑕᐃᒃᓱᒪᓂ, ᑐᓂᓯᓪᓗᑎᓪᓗ ᐊᑐᓕᕋᒃᓴᓂᑦ ᓴᐳᔾᔭᐅᖁᓪᓗᒋᑦ ᐱᒻᒪᕆᐅᔪᑦ ᐃᓕᖅᑯᓯᕐᒧᑦ ᐊᑐᖅᕕᐅᕙᓚᐅᖅᑐᑦ ᐱᓕᕆᐊᒃᓴᖅ ᓯᕗᒧᑦ ᐃᖏᕐᕋᑎᓪᓗᒍ.

    ᐃᓕᖅᑯᓯᑐᖃᒃᑯᑦ ᐃᓕᓴᕆᔭᐅᓚᐅᖅᑐᑦ ᖃᐅᔨᓴᕐᓂᖃᖅᑎᓪᓗᒋᑦ ᐊᔾᔨᓕᐅᖅᑕᐅᕙᓚᐅᖅᐳᑦ, ᑎᑎᕋᖅᑕᐅᓪᓗᑎᒃ, ᐅᓂᒃᑳᕆᔭᐅᓪᓗᑎᓪᓗ ᓄᓇᕗᑦ ᒐᕙᒪᒃᑯᑦ ᐃᓕᖅᑯᓯᓕᕆᔨᒃᑯᖏᓐᓄᑦ ᐃᑦᑕᕐᓂᓴᓕᕆᔨᒃᑯᖏᓐᓄᑦ. ᑕᒪᕐᒥᒃ ᑕᑯᔭᐅᔪᑦ ᐃᑦᑕᕐᓂᓴᐅᔪᓪᓗ ᐃᓂᒋᔭᖏᓐᓂ ᕿᒪᒃᑕᐅᓚᐅᖅᑐᑦ.

    ᖁᔭᓐᓇᒦᖅᑕᕗᑦ ᐃᖅᑲᓇᐃᔭᖅᑏᑦ ᐃᓄᐃᓪᓗ ᖃᐅᔨᒪᓂᖏᑦ ᑎᒍᒥᐊᖅᑎᐅᔪᓪᓗ ᑕᒪᓐᓇ ᐱᒻᒪᕆᐅᔪᖅ ᑲᔪᓯᑎᑕᐅᔪᓐᓇᓚᐅᕐᒪᑦ.

      • ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
      • ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
      • ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ

      ᖃᐅᔨᓴᖅᑕᐅᕕᒃ ᐃᓚᖓᑦ 2: ᑐᒃᓯᕌᖑᓯᒪᔪᖅ ᐊᖅᑯᑎᒃᓴᖓᑦ

      ᑕᒫᓂ ᐊᕐᕌᒍᒥ, ᐃᑦᑕᕐᓂᓴᓕᕆᔩᑦ ᖃᐅᔨᓴᓪᓗᐊᓚᐅᖅᑐᑦ ᐃᖃᓗᐃᑦ ᐊᒻᒪᓗ ᑰᒑᓘᑉ ᐊᑯᓐᓂᖓᓂ, ᐊᖅᑯᑎᓕᐅᕐᕕᐅᒐᔭᙳᐊᖅᑐᒥ. ᐱᓕᕆᖃᑎᒌᑦ ᐱᓱᖃᑦᑕᓚᐅᖅᑐᑦ ᓄᓇᒥ, ᕿᒥᕐᕈᑦᑎᐊᖅᑐᑎᒃ ᐅᔾᔨᕐᓇᖅᑐᖃᕐᒪᖔᑦ ᐃᓄᓐᓄᑦ ᓇᔪᖅᑕᐅᕙᓚᐅᕐᒪᖔᑕ ᐅᐊᑦᑎᐊᕈ. ᐃᓕᓴᖅᓯᓚᐅᖅᑐᑦ 70-ᓂᒃ ᐃᑦᑕᕐᓂᓴᖃᖅᕕᐅᔪᓂᒃ ᑕᒫᓂ. ᑕᑯᔭᐅᒐᔪᓚᐅᖅᑐᑦ ᓇᓂᔭᐅᔪᑦ ᐃᓚᖃᖅᑐᑦ ᐊᐅᓪᓚᕐᓂᕐᒥᒃ, ᓇᒧᙵᐅᕙᓪᓕᐊᓂᕐᒥᒃ, ᐊᓯᕙᕐᓂᕐᒥᒡᓗ, ᐱᓗᐊᖅᑐᒥᒃ ᐃᓄᒃᓱᐃᑦ ᐅᔭᕋᐃᓪᓗ ᓇᓗᓇᐃᒃᑯᑕᐃᑦ.

      ᖃᐅᔨᓴᖅᑕᐅᕕᒃ ᐃᓚᖓᑦ 3: ᐃᑰᑕᕐᕖᑦ ᐃᓂᒋᔭᐅᔪᑦ

      ᓄᓇᓕᕆᓂᕐᒧᑦ ᐃᑰᑕᕐᓂᖅ ᐱᒋᐊᓚᐅᖅᑎᓐᓇᒍ, ᐃᑦᑕᕐᓂᓴᓕᕆᔩᑦ ᖃᐅᔨᓴᖅᑳᖃᑦᑕᓚᐅᖅᑐᑦ ᐊᑐᓂ ᐃᓂᒋᔭᐅᔪᓂᑦ ᐃᑰᑕᖅᕕᐅᒐᔭᖅᑐᓂ, ᖃᓂᒋᔭᖏᓐᓃᑐᓪᓗ.

      ᕿᓂᖅᑎᓪᓗᒋᑦ, 7-ᖑᔪᑦ ᐃᑦᑕᕐᓂᓴᖃᕐᕖᑦ (ᖃᐅᔨᒪᔭᐅᕙᒌᓚᐅᖅᑐᑦ, 2025-ᖑᑎᓪᓗᒍ ᖃᐅᔨᓴᕐᓂᕐᒥᒃ) ᓇᓂᔭᐅᓚᐅᖅᑐᑦ ᖃᓂᒋᔭᖓᓂ ᐸᕐᓈᕆᔭᐅᔪᒪᔪᓂ ᐃᑰᑕᕐᓂᕐᒧᑦ ᓴᐳᔾᔭᐅᒪᓪᓗᑎᓪᓗ.

      ᖃᐅᔨᓴᖅᕕᐅᔪᖅ ᐃᓚᖓᑦ 1: ᑕᓯᐅᑉ ᖃᓂᒋᔮᓂ

      ᐊᕙᑎᓕᕆᓂᕐᒧᑦ ᖃᐅᔨᓴᖅᑏᑦ ᐊᓯᖏᓐᓂᑦ ᖃᐅᔨᓴᖅᑎᐅᔪᑦ ᑎᑎᕋᖅᓯᒪᔪᑦ ᑭᓱᑐᐃᓐᓇᕐᓂᒃ ᖃᐅᔨᔭᖏᓐᓂᒃ ᐃᒥᖅᑕᖅᕕᐅᒐᔭᙳᐊᖅᑑᑉ ᐃᓂᒋᔭᖓᓂᑦ ᐃᑦᑕᕐᓂᓴᓕᕆᔨᓄᑦ ᖃᐅᔨᓴᖅᑕᐅᑲᓐᓂᕆᐊᓕᒃ. ᑭᐅᔾᔪᑕᐅᓗᓂ, ᐃᑦᑕᕐᓂᓴᓕᕆᔨᒃᑯᑦ ᐅᑎᓚᐅᖅᑐᑦ ᑖᕗᖓ (ᓯᕗᓪᓕᖅᐹᒥ ᖃᐅᔨᓴᖅᑕᐅᓚᐅᖅᑐᑦ 2025-ᖑᑎᓪᓗᒍ) ᐅᒥᐊᒃᑯᑦ ᑕᓯᐅᑉ ᓯᓈᓂ ᐱᓱᓪᓗᑎᓪᓗ.

      ᐱᓕᕆᖃᑎᒌᑦᓱᑎᒃ, ᐃᑦᑕᕐᓂᓴᓕᕆᔩᑦ ᖃᐅᔨᓚᐅᖅᑐᑦ 19-ᓂᒃ ᐃᑦᑕᕐᓂᓴᖃᕐᕕᖕᓂᑦ, ᐱᓕᐊᖅᑐᓄᑦ ᐊᓯᕙᖅᕕᐅᓚᐅᖅᑐᑦ: ᐃᓄᒃᓱᐃᑦ ᐅᔭᕋᐃᓪᓘᓐᓃᑦ ᓇᓗᓇᐃᒃᑯᑕᐃᑦ, ᓂᕿᓄᑦ ᕿᓐᓂᕕᒥᓃᑦ, ᐊᓯᕙᖅᑐᓄᓪᓗ ᐅᑕᖅᑭᐅᕐᕖᑦ ᑕᓗᐃᓪᓘᓐᓃᑦ.

      ᐸᐃᑉᐹᓂᒃ ᑎᑎᕋᖅᑐᑦ

      ᐱᓕᕆᔪᑦ ᐊᔾᔨᓕᐅᕆᖃᑦᑕᓚᐅᖅᑐᑦ ᐊᑐᓂ ᑕᑯᔭᓂ ᓇᓂᔭᓂᓗ ᑎᑎᕋᖅᑕᐅᓪᓗᑎᒃ ᐊᒻᒪᓗ ᓄᓇᙳᐊᓄᑦ ᓇᓗᓇᐃᖅᑕᐅᓪᓗᑎᒃ ᓇᓃᓐᓂᖏᑦ. ᑎᑎᕋᖅᐸᓚᐅᖅᑐᑦ ᖃᓄᐃᑦᑐᒥᒃ ᑕᑯᔭᓂ (ᐆᑦᑑᑎᒋᓪᓗᒍ, ᑐᐱᖅᕕᕕᓃᑦ ᐅᕝᕙᓗ ᓇᓗᓇᐃᒃᑯᑕᖅ ᐅᔭᕋᖅ) ᖃᓄᐃᓐᓂᖓᓗ ᑎᑎᖅᑕᐅᓪᓗᓂ. ᐱᔪᓐᓇᕋᐃᖕᒪᑕ, ᐱᓕᕆᖃᑎᒌᑦ ᑎᑎᕋᖅᐸᒪᐅᕐᒥᔪᑦ ᖃᓄᖅ ᐅᑭᐅᖃᕐᒪᖔᑦ ᐃᓕᖅᑯᓯᑎᖑᓪᓗ ᑭᒃᑯᓐᓄᑦ ᐊᑐᖅᑕᐅᓱᒋᔭᐅᓚᐅᕐᒪᖔᑕ.

      ᓄᓇᖓ ᖃᐅᔨᓴᖅᑕᐅᓚᐅᖅᑐᑦ ᐊᑐᓂ ᐃᑦᑕᕐᓂᓴᖏᓐᓄᑦ ᐆᒪᔪᓄᓪᓘᓐᓃᑦ ᓴᐅᓂᒥᓂᖏᓐᓄᑦ.

      ᓄᐊᑦᑎᔪᖃᓚᐅᙱᑦᑐᑦ, ᐊᓯᔾᔨᖅᑕᐅᔪᖃᓚᐅᙱᑦᑐᖅ, ᐸᕝᕕᓴᒃᑕᐅᓚᐅᕋᑎᒡᓗ.

      ᑰᒑᓗᖕᒨᕋᓱᖕᓂᖅ

      ᐃᑦᑕᕐᓂᓴᓕᕆᔩᑦ ᖃᐅᔨᓴᖅᕕᖕᓅᓚᐅᖅᑐᑦ ᖃᐅᑕᒫᑦ ᖁᓕᒥᒎᒃᑰᕋᔪᓚᐅᖅᑐᑦ, ᐅᕝᕙᓘᓐᓃᑦ, ᓇᓃᓐᓂᖓ ᒪᓕᓪᓗᒍ ᐅᒥᐊᒃᑯᑦ.

      ᐱᓱᓪᓗᑎᒃ ᖃᐅᔨᓴᖅᑐᑦ

      ᐃᑦᑕᕐᓂᓴᓕᕆᔩᑦ ᐱᖃᑎᖃᓚᐅᖅᑐᑦ ᐃᓄᓐᓂᒃ ᐃᑲᔪᖅᑎᓂᒃ ᐃᖃᓗᖕᒥᐅᑕᐃᑦ ᐸᓐᓂᖅᑑᕐᒥᐅᑕᐃᓪᓗ, ᓄᓇᒥ ᐆᒪᔪᕐᓂ ᖃᐅᔨᓴᖅᑏᑦ, ᓚᐃᓴᓕᓪᓗ ᐃᑦᑕᕐᓂᓴᓕᕆᔨ (ᑐᓂᓯᓚᐅᖅᑐᖅ ᖃᐅᔨᓴᕈᓐᓇᐅᑎᒥᒃ ᐱᓕᕆᔪᓐᓇᑎᑦᑎᔪᖅ ᓄᓇᕗᑦ ᒐᕙᒪᒃᑯᖏᓐᓃᙶᖅᑐᖅ). ᑕᒪᕐᒥᒃ, ᖃᐅᔨᓴᓚᐅᖅᑐᑦ ᐱᖓᓱᓂᒃ ᖃᐅᔨᓴᖅᕕᐅᔪᓂᒃ, ᑕᑯᒃᓴᐅᔪᖅ ᓄᓇᙳᐊᒥᒃ ᐊᐅᐸᖅᑐᒧᑦ ᑎᑎᖅᑐᓪᓛᕕᐅᓯᒪᔪᖅ.

      ᕿᒥᕐᕈᓂᖃᑦᓯᐊᓚᐅᖅᑐᑦ ᓄᓇᒥ ᕿᓂᖅᑐᑎᒃ ᐃᓕᖅᑯᓯᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᒻᒪᓗ ᐃᓄᓐᓄᑦ ᓇᔪᒐᐅᓚᐅᕐᒪᖔᑕ ᐅᐊᑦᑎᐊᕈ. ᐱᓕᕆᖃᑎᒌᑦ ᑕᑯᔭᐅᔪᓐᓇᖅᐳᑦ ᐅᕙᓂ ᐊᔾᔨᙳᐊᒥ ᑲᑎᙵᓪᓗᑎᒃ ᑕᓯᓴᖅᑎᓪᓗᒋᑦ ᐱᓱᓚᐅᙱᓐᓂᖏᓐᓂ ᖃᐅᔨᓴᕐᓂᕐᒥᒃ

      ᓴᐳᒻᒥᑦᑎᓂᖅ ᐃᑦᑕᕐᓂᓴᖃᕐᕕᖕᓂᑦ

      ᐃᑦᑕᕐᓂᓴᖃᖅᕖᑦ ᐸᒡᕕᓵᖅᑕᐅᖁᓇᒋᑦ ᓄᓇᒥ ᖃᐅᔨᓴᖅᑎᓪᓗᒋᑦ, ᐱᓕᕆᖃᑎᒌᑦ ᕿᔪᖕᓂᒃ ᓇᑉᐸᖅᑯᓯᐅᓚᐅᕐᐳᑦ ᐃᑰᑕᕐᕕᐅᔫᑉ ᖃᓂᒋᔮᓂ. ᓇᑉᕋᖅᑯᑎᑦ ᓇᓗᓇᐃᒃᑯᑦᑎᖅᓱᖅᑕᐅᑦᑎᐊᓚᐅᕐᐳᑦ, ᓱᕐᕋᒃᑕᐅᒐᑎᒃ, ᐊᒻᒪ ᐊᑦᑕᕐᓇᙱᑦᑐᒦᖦᖢᑎᒃ ᐱᓕᕆᔪᖃᕐᓂᖓᓂᒃ ᓴᐳᔾᔨᓯᒪᓪᓗᑎᒡᓗ 70 ᒦᑕᓂᒃ ᓯᓕᖕᓂᓕᖕᒥᒃ ᐊᑐᓂ ᐃᑦᑕᕐᓂᓴᖃᕐᕕᖕᓂ (35 ᒦᑕᓂᒃ ᐅᖓᓯᖕᓂᓕᖕᒥᒃ, ᐃᑦᑕᕐᓂᓴᖃᕐᕕᒃ ᐊᑯᓐᓂᐊᓃᖦᖢᓂ).

      ᐃᑦᑕᕐᓂᓴᖃᖅᕖᑦ

      ᐃᑦᑕᕐᓂᓴᖃᖅᕖᑦ ᐃᓂᐅᕗᑦ ᖃᐅᔨᔭᐅᔪᓐᓇᖅᑐᓪᓗᓐᓃᑦ ᑭᖑᓂᑦᑎᓐᓂ ᐃᓄᐃᑦ ᖃᓄᐃᓕᐅᕐᐸᓚᐅᕐᓂᖏᓐᓂᒃ.

      96-ᓂᒃ ᐃᑦᑕᕐᓂᓴᖃᕐᕖᑦ ᑎᑎᕋᖅᑕᐅᓚᐅᕐᐳᑦ ᖃᐅᔨᓴᕐᕕᐅᔪᒥᒃ 2026-ᒥ ᓄᓇᒥ ᐱᓕᕆᔪᖃᖅᑎᓪᓗᒍ. ᐅᔭᖅᑲᓂᒃ ᓇᓂᔭᐅᔪᖃᓚᐅᖅᐳᖅ ᓇᓗᓇᐃᖅᑕᐅᔪᓐᓇᙱᖦᖢᑎᒃ.

      ᐃᑦᑕᕐᓂᓴᖃᕐᕖᑦᐊᔾᔨᒋᙱᒻᒪᒋᑦ ᐃᑦᑕᕐᓂᓴᕐᓂᒃ. ᐃᑦᑕᕐᓂᓴᐃᑦᐃᓛᒃᑰᕐᖢᑎᒃ ᐱᖁᑎᐅᕗᑦ ᓴᓇᔭᐅᓯᒪᔪᑦ ᐊᒻᒪ/ᐅᕝᕙᓗᓐᓃᑦ ᐊᑐᖅᑕᐅᕙᒃᖢᑎᒃ ᐃᓄᖕᓄᑦ, ᓲᕐᓗ ᐅᔭᖅᑲᓂᒃ ᓴᓇᕐᕈᑎᓂᒃ. ᐃᑦᑕᕐᓂᓴᕐᓂᒃ ᓇᓂᓯᔪᖃᓚᐅᙱᑦᑐᖅ.

      ᑐᐱᖅᕕᕕᓂᖅ

      ᑐᐱᖅᕕᕕᓃᑦ ᐅᖁᒪᐃᑦᑐᓂᒃ ᐅᔭᕋᓐᓂᒃ ᐅᔭᕋᓱᔾᔪᓂᒡᓗ ᐱᕈᖅᕕᓕᒥᓃᑦ, ᐊᒻᒪᓗᑭᑖᓕᖅᓱᖅᓯᒪᔪᑦ, ᐱᕈᖅᕕᐅᓪᓗᑎᒃ ᑐᐱᕐᓄᑦ.

      ᑲᑎᓪᓗᒋᑦ ᐃᒪᓐᓇᐸᓗᒃ 18-ᓂᒃ ᐱᕈᕐᕕᕕᓂᕐᓂᒃ ᓇᓂᓯᓚᐅᖅᑐᖅ ᖃᐅᔨᓴᕐᓂᖃᖅᑎᓪᓗᒋᑦ ᑕᒫᓂ ᐊᕐᕌᒍᒥ.

      ᐃᓛᓐᓂᒃᑯᑦ ᓇᓗᓇᖅᐸᓚᐅᖅᑐᖅ ᐅᔭᕋᓐᓂᒃ ᐊᑐᓚᐅᒃᒪᖔᑕ ᑐᐱᕐᓄᑦ ᐱᕈᖅᕕᕕᓂᐅᓐᓂᕐᒪᖔᑕ ᐅᕝᕙᓘᓐᓃᑦ ᐊᓄᕆᒧᑦ ᓴᐴᓗᑕᐅᓐᓂᕐᒪᖔᑕ. ᑕᐃᒪᓐᓇ ᑕᕝᕙ ᓈᓴᖅᑕᐅᓯᒪᔪᑦ “ᐃᒪᓐᓇᐸᓗᒃ 18-ᓂᒃ”

      ᐅᔭᕋᐃᑦ ᐃᒐᕕᒥᓃᑦ

      ᐅᔭᕋᐃᑦ ᐃᒐᕕᒥᓃᑦ ᐃᓄᐃᑦ ᐃᒐᕕᒥᓂᖏᑦ. ᐃᒐᕕᒥᓃᑦ ᓇᓂᔭᐅᔪᓐᓇᖅᑐᑦ ᐅᑭᐅᒥ ᑐᐱᖅᓯᒪᕕᒥᓂᕐᒥ ᐅᕝᕙᓘᓐᓂᑦ ᐃᓪᓗᒥ, ᓯᓚᑖᓂ ᑐᐱᕐᕕᕕᓂᐅᑉ, ᐅᕝᕙᓘᓐᓃᑦ ᓯᓚᐃᓐᓇᕐᒥ.

      ᖁᓖᑦ ᐃᒐᕕᒥᓃᑦ ᓇᓂᔭᐅᓚᐅᖅᑐᑦ ᖃᐅᔨᓴᖅᑐᖃᖅᑎᓪᓗᒍ.

      ᐅᑭᐅᒃᑯᑦ ᓴᐴᓗᑕᐃᑦ

      ᐊᓄᕆᒧᑦ ᓴᐴᓗᑕᑦ ᐅᔭᕋᓐᓂᒃ ᓴᓇᓯᒪᔪᖅ ᐃᓄᐃᑦ ᐊᓄᕆᒧᑦ ᓴᐳᔾᔭᐅᖁᓪᓗᒋᑦ. ᐊᑐᖅᑕᐅᔪᒥᓃᑦ ᐅᖅᑯᐊᓕᓂᐅᑲᐃᓐᓇᕐᓂᐊᕐᓗᑎᒃ ᐅᕝᕙᓗ ᓄᓇᒋᔭᐅᑲᐃᓐᓇᖅᑐᓄᖅ. ᐊᓄᕆᒧᑦ ᐅᖅᑯᐊᓕᓃᑦ ᐊᔾᔨᒌᙱᒍᓐᓇᖅᑐᑦ, ᐆᑦᑑᑎᒋᓗᒍ:

      • ᐊᒻᒪᓗᑭᑖᑉ ᐊᕝᕙᖓ ᐅᔭᕋᐃᑦ ᐃᓚᖓᓃᑦᑑᑉ ᐅᔭᕋᓱᔾᔫᑉ ᐅᕝᕙᓘᓐᓃᑦ ᖃᖅᑲᐅᑉ ᓴᓂᐊᓂ
      • ᒥᑭᔪᖅ ᐊᒻᒪᓗᑭᑖᓪᓚᕆᐅᙱᑦᑐᖅ ᐅᔭᕋᕐᓂ ᓴᓇᓯᒪᔪᖅ, ᐅᕝᕙᓘᓃᑦ
      • ᓴᓂᒧᑦ ᐅᔭᕋᐃᑦ ᓯᐊᑦᑐᑦ

      ᓇᓂᓯᓚᐅᖅᑐᑦ ᑎᓴᒪᐅᔪᖅᑐᓂᑦ ᓴᐴᓗᑕᓂᑦ ᖃᐅᔨᓴᖅᕕᐅᔪᓂ.

      ᐃᓛᓐᓂᒃᑯᑦ ᐱᔭᕆᐊᑐᔪᖅ ᐅᔭᕋᐃᑦ ᐊᑐᖅᑕᐅᓂᕐᒪᖔᑕ ᐱᕈᒋᔭᐅᓗᑎᒃ ᐅᕝᕙᓘᓐᓃᑦ ᓴᐴᓗᑕᑐᐃᓐᓇᐅᓂᕐᒪᖔᑕ. ᑕᐃᒪᓐᓇ ᑕᕝᕙ ᓈᓴᐃᓯᒪᔪᒍᑦ “ᐃᒪᓐᓇᐸᓗᒃ 8-ᓂᒃ”

      ᐊᖑᓇᓱᑦᑐᓄᑦ ᑕᓗᐊᖅ

      ᐊᖑᓇᓱᑦᑐᓄᑦ ᑕᓗᐊᖅ ᐅᔭᕋᐅᕗᑦ ᐊᕙᓗᓕᐊᕆᓯᒪᔪᖅ ᐊᓯᕙᖅᑎ ᐃᔨᖅᓯᒪᕕᖓᑦ ᐅᑕᖅᑭᐅᖅᑐᓄᑦ. ᐃᓚᖏᑦ, ᐊᒥᓱᑦ ᐅᑕᖅᑭᐅᖅᕖᑦ ᓇᓂᔭᐅᓚᐅᖅᑐᑦ ᖃᓂᒌᑦᑑᑏᑦ, ᐊᒻᒪᓗ ᓱᓕ ᑕᑯᑎᑦᑎᔪᑦ ᖃᓂᑦᑐᒥ ᑐᑦᑐᒐᓱᕝᕕᐅᓐᓂᕆᐊᖓ ᑖᕙᓂ.

      ᑎᓴᒪᐅᔪᑦᑐᑦ (8) ᐊᓯᕙᖅᑎᓄᑦ ᐅᑕᖅᑭᐅᖅᕖᑦ ᓇᓂᔭᐅᓚᐅᖅᑐᑦ ᑰᒑᓘᑉ ᖃᓂᒋᔭᖓᓂ.

      ᓂᕿᓄᑦ ᕿᓐᓂᕕᒥᓃᑦ

      ᓂᕿᓄᑦ ᕿᓐᓂᕕᒥᓃᑦ ᐅᔭᕋᐅᕗᑦ ᖁᓕᕇᓕᖅᓯᒪᔪᑦ ᕿᓐᓂᓯᒪᔪᑦ ᓂᕿᒃᓴᖅᓯᐅᖅᑕᐅᓂᑯᓐᓄᑦ. ᕿᓐᓂᕕᒥᓃᑦ ᐅᔭᕋᐅᑉ ᑭᓪᓕᖓᓂ ᓯᓈᓂᓘᓐᓃᑦ ᐅᔭᕋᓱᔾᔫᓪᓘᓐᓃᑦ, ᐅᔭᕋᓱᔾᔫᑉ ᖄᖓᓂ, ᐅᕝᕙᓘᓐᓃᑦ ᖁᓐᓈᕈᖕᒥ ᕿᓐᓂᕕᓕᐊᖑᓯᒪᔪᑦ ᐅᔭᕋᐃᑦ ᐃᓗᐊᓂ (ᓴᓇᓯᒪᔪᑦ ᕿᓐᓂᕕᐅᓪᓗᑎᒃ).

      12 ᑲᖐᒋᔭᐅᔪᑦ ᓂᕿᓄᑦ ᕿᓐᓂᕕᐅᒋᐊᖏᑕ ᓇᓂᔭᐅᓯᒪᔪᑦ ᖃᐅᔨᓴᖅᑕᐅᕕᐅᔪᓂ.

      ᐃᓚᖏᑦ ᓂᕿᓄᑦ ᕿᓐᓂᕕᒥᓃᑦ, ᑐᑦᑐᒧᑦ ᓴᐅᓂᒥᓂᕐᓂᒃ ᖃᐅᔨᕕᐅᓯᒪᔪᑦ ᐃᓗᐊᓂ ᓴᓂᐊᓂᓘᓐᓃᑦ ᕿᓐᓂᕕᐅᑉ.

      ᓇᓗᓇᐃᒃᑯᑕᖅ ᐅᔭᕋᖅ

      ᐃᓄᒃᓱᒃ, ᐅᔭᕋᐃᓪᓘᓐᓃᑦ ᓇᓗᓇᐃᒃᑯᑕᖅ, ᖁᓕᕇᓕᒃᓱᖅᓯᒪᔪᖅ ᓴᓂᒧᓪᓘᓐᓃᑦ ᐅᔭᕋᐃᑦ ᓄᓇᒥ ᑕᑯᑎᑦᑎᔪᑦ ᐱᒻᒪᕆᐅᔪᓂᒃ ᑐᓴᐅᒪᔭᐅᔭᕆᐊᓕᖕᓂᑦ. ᐃᓄᓐᓄᑦ ᐊᑐᖅᑕᐅᓚᐅᖅᑐᑦ ᐊᖅᑯᑎᒃᑯᑦ ᐊᑦᑕᓇᙱᑦᑐᒃᑯᑦ, ᐊᓯᕝᕙᑦᑎᐊᕙᐃᑦ, ᐅᕝᕙᓘᓐᓃᑦ ᐊᑐᖁᔭᐅᙱᑦᑐᑦ. ᐊᓯᕙᖅᑏᑦ ᐃᓄᒃᓱᓂᒃ ᐊᑐᓚᐅᕐᒥᔪᑦ ᐃᑲᔫᑎᒋᓪᓗᓂᒋᑦ ᐊᖅᑯᑎᒃᑯᑦ ᐅᖓᓯᑦᑐᒧᑦ ᐊᐅᓪᓚᖅᑎᓪᓗᒋᑦ.

      ᓇᓗᓇᐃᒃᑯᑕᐃᑦ ᐅᔭᕋᐃᑦ ᑕᑯᔭᐅᒐᔪᓚᐅᖅᑐᑦ ᐃᑦᑕᕐᓂᓴᓕᕆᓂᕐᒧᑦ ᓇᓂᔭᐅᔪᑦ 2026-ᖑᑎᓪᓗᒍ ᖃᐅᔨᓴᕐᓂᖃᖅᑎᓪᓗᒋᑦ.

      ᐱᔪᓐᓇᐅᑎᓕᒃ ᐃᑦᑕᕐᓂᓴᓕᕆᔨ

      ᐃᑦᑕᕐᓂᓴᕆᓕᔨᓪᓗᐊᑕᐅᓚᐅᖅᑐᖅ, ᐃᖅᑲᓇᐃᔭᖅᑎᑕᐅᔪᖅ Campfire Archaeology and Heritage Ltd. ᐃᑦᑕᕐᓂᓴᓕᕆᔨᒃᑯᖏᓐᓂᑦ ᐱᔪᓐᓇᐅᑎᖃᓚᐅᖅᑐᖅ ᐊᖏᖅᑕᐅᓯᒪᔪᒥᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᒃᑯᖏᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐃᓕᖅᑯᓯᓕᕆᓂᕐᒧᑦ ᐃᑦᑕᕐᓂᓴᓕᕆᓂᕐᒧᓪᓗ ᐱᔭᕇᖅᑕᐅᖁᓪᓗᒍ ᐃᑦᑕᕐᓂᓴᓕᕆᓂᕐᒧᑦ ᐱᓕᕆᐊᖑᔪᖅ.

      ᐃᓄᐃᑦ ᐃᑲᔪᖅᑐᐃᓚᐅᖅᑐᑦ ᐃᑦᑕᕐᓂᓴᓕᕆᔨᓂᒃ ᐃᓕᓴᖅᓯᔪᓐᓇᖁᓪᓗᒋᑦ ᐃᑦᑕᕐᓂᓴᖃᖅᕕᐅᔪᓂᑦ, ᖃᐅᔨᒪᔭᒥᓂᒃ ᐅᓂᒃᑳᖅᑐᑎᑦ ᖃᓄᖅ ᐃᓄᓄᑦ ᐊᑐᖅᑕᐅᕙᓚᐅᕐᒪᖔᑕ ᓄᓇᒥ ᑕᐃᔅᓱᒪᓂ, ᐊᑐᖁᔨᕙᓚᐅᕐᒥᔪᑦ ᓴᐳᔾᔨᓂᕐᒥᒃ ᐱᒻᒪᕆᐅᔪᓂᒃ ᐃᓕᖅᑯᓯᕐᓄᑦ ᓄᓇᒥ ᑰᒑᓗᖕᒥ ᖃᓂᒋᔮᓂ.

      ᓄᓇᒥ ᐃᓅᓯᖅ

      ᓄᓇᒥ ᓇᔪᖅᑕᐅᑲᐃᓐᓇᓚᐅᖅᑐᖅ ᐱᓕᕆᖃᑎᒌᒃᑐᓕᒫᓄᑦ ᐃᖅᑲᓇᐃᔭᖅᑐᓄᑦ ᑰᒑᓗᖕᒥ 2026-ᖑᑎᓪᓗᒍ ᖃᐅᔨᓴᕐᓂᖃᖅᑎᓪᓗᒋᑦ. ᑐᐱᖅᑕᖃᓚᐅᖅᑐᖅ 24-ᓂᒃ ᓯᓂᒡᕕᐅᕙᓪᓗᑎᒃ, ᓂᕆᕕᐅᔪᑦ, ᐃᖅᑲᓇᐃᔭᖅᕕᐅᓪᓗᑎᓪᓗ. ᓄᒃᑭᒃᓴᐅᑎᒃᑯᑦ ᐊᐅᓚᑦᑎᔨᖓᑦ, ᖃᓂᒪᖃᕐᓇᖏᑦᑐᓕᕆᓂᕐᒧᑦ ᐊᑦᑕᓇᖅᑕᐃᓕᔪᓕᕆᓂᕐᒧᑦ ᖃᐅᔨᓴᖅᑎ, ᒪᕐᕉᒃ ᖁᓕᒥᒎᓖᒃ ᐊᖁᑎᖏᒃ, ᖁᓕᒥᒎᓕᖕᒥᑦ ᓴᓇᔨ ᓄᓇᒋᔭᑦᑎᓐᓃᖏᓐᓇᓚᐅᕐᒥᔪᖅ ᖃᖓᓕᒫᖅ. ᐱᔭᒃᓴᖃᕐᓂᖅᐹᖑᓇᖅᑎᓪᓗᒍ, ᐃᓄᐃᑦ ᐊᒥᓲᓂᖏᑦ 48-ᖑᖃᑦᑕᓚᐅᖅᑐᑦ.

      ᑰᒑᓘᑉ ᑕᐅᓄᖓ

      ᐃᒪᓕᕆᔩᑦ ᑰᑦᑎᒍᑦ ᐊᑐᐊᖅᓯᓚᐅᖅᑐᑦ ᑕᓯᕐᒥᑦ ᑰᒑᓗᖕᒥᑦ ᖃᐅᔨᓴᕐᓗᒍ ᑰᑦᑎᒍᑦ ᖃᓂᓐᓂᖅᓴᒧᑦ Irvine Inlet-ᒧᑦ ᑲᖏᖅᑐᒑᕐᔪᖕᒧᑦ ᐊᒻᒪᓗ ᐸᓐᓂᖅᑑᑉ ᑲᖏᖅᑐᐊᓗᐊᓄᑦ. ᖃᐅᔨᒪᓚᐅᖅᑐᑦ ᐃᒫᓃᑦᑐᓂᑦ ᓄᓇᒥᓗ ᐊᕙᑎᖏᓐᓂ, ᐅᓪᓗᒥ ᓱᓕ ᑕᐃᒪᐃᑉᐳᑦ. ᑕᒪᓐᓇ ᐃᑲᔪᕐᓂᐊᖅᑐᖅ ᑐᑭᓯᑎᑦᑎᓗᓂ ᑰᒻᒥᑦ ᖃᓄᕐᓗ ᐊᓯᔾᔨᕋᔭᕐᒪᖔᑦ ᐃᒥᕐᒧᑦ ᐆᒻᒪᖅᑯᑎᓕᐅᕐᓂᖅ ᑲᔪᓯᓂᐊᓂᖅᐸᑦ.

      ᖃᐅᔨᓴᒃᑲᓐᓂᕆᐊᓖᑦ ᑐᑭᓯᑦᑎᐊᓚᐅᙱᓂᑦᑎᓐᓂ ᖃᓄᖅ ᐱᓕᕆᐊᖅ ᐊᑦᑐᐃᒐᔭᕐᒪᖔᑦ ᑰᓐᓂᖓᓂᑦ ᐸᓐᓂᖅᑑᑉ ᑲᖏᖅᑐᐊᓗᐊᑕ ᒥᒃᓵᓄᑦ. 2027-ᖑᓕᖅᐸᑦ, ᖃᐅᔨᓴᓛᕐᒥᔪᑦ ᑕᕆᐊᕐᒥᑦ ᐸᓐᓂᖅᑑᑉ ᑲᖏᖅᑐᐊᓗᐊᓂᑦ. ᑕᒪᒃᑯᐊ ᖃᐅᔨᓴᕐᓃᑦ ᐃᑲᔫᑎᖃᕐᓂᐊᒪᑕ ᑐᑭᓯᑦᑎᐊᑲᓐᓂᖁᓪᓗᑕ ᐊᕙᑎᖓᓂᑦ ᐊᑦᑕᓇᖏᑐᒃᑯᓪᓗ ᐸᕐᓈᖃᖁᓪᓗᑕ ᐱᓕᕆᐊᖑᔪᒪᔪᒧᑦ.

        • ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
        • ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
        • ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ

        ᖃᐅᔨᓴᖅᕕᒃ 1: ᑰᓐᓂᖓᓂᑦ

        ᑕᒪᓐᓇ ᖃᐅᔨᓴᖅᕕᒃ ᑰᖑᕗᖅ ᑕᓯᕐᒦᙶᖅᑐᖅ ᑰᒑᓗᖕᒥᑦ Irvine Inlet-ᒧᑦ ᑲᖏᖅᑐᒑᕐᔪᖕᒧᑦ. ᑕᒪᓐᓇ ᐃᑲᔪᕐᓂᐊᖅᑐᖅ ᐅᕙᑦᑎᓐᓂᑦ ᑰᖕᓂᖓᓂᒃ ᐱᓕᕆᐊᖑᔪᒪᔫᑉ ᐅᓪᓗᒥ ᖃᓄᐃᓕᖓᖕᒪᖔᑦ. 2027-ᖑᓕᖅᐸᑦ ᖃᐅᔨᓴᕐᓂᖃᒃᑲᓂᕐᓂᐊᕐᒥᔪᑦ ᑰᒃ ᐊᓯᔾᔨᕋᔭᕐᒪᖔᑦ ᐃᒥᕐᒧᑦ ᐆᒻᒪᖅᑯᑎᓕᐅᕐᕕᐅᔪᖅ ᑲᔪᓯᓂᐊᖅᐸᑦ.

        ᐊᐅᓚᑦᑎᕕᐅᔪᖅ ᑕᓯᖅ #1: ᑰᒑᓘᑉ ᖃᓂᒋᔮᓃᑦᑐᖅ

        ᑖᓐᓇ ᑕᓯᖅ ᖃᓂᒋᔭᖓᓃᑦᑐᖅ ᑰᖕᓂᖓᑕ ᐃᓛᒃᑰᖅᑑᑉ ᐆᒻᒪᖅᑯᑎᓕᐅᕐᕕᐅᔪᒪᔫᑉ. 12-ᑭᓛᒥᑕᓂᒃ ᐅᐊᓐᓇᖓᓄᑦ ᑕᓯᐅᑉ ᑰᒑᓗᖕᒥᑦ.

        ᐃᒪᕐᒧᑦ ᖃᐅᔨᓴᖅᑏᑦ ᐃᖃᓗᖕᓂᑦ ᖃᐅᔨᓴᕐᓂᖃᓚᐅᖅᑐᑦ ᐃᒪᖓᑕ ᐱᐅᓂᖓᓂᑦ ᖃᐅᔨᓴᓚᐅᕐᒥᔪᑦ ᑕᕝᕙᓂ, ᕿᒥᕐᕈᓗᒋᑦ ᑕᓯᕐᒥᒃ ᑰᒑᓘᑉ ᑰᖓᓂᓪᓗ. ᖁᔭᒋᔭᕗᑦ Polar Outfitting-ᒥ ᐊᐅᓪᓚᕈᔾᔨᔩᑦ ᐃᑲᔪᖅᑐᐃᓚᐅᕐᒪᑕ ᓄᓇᒥ ᖃᐅᔨᓴᕐᓂᖃᖅᑎᓪᓗᑕ.

        ᐊᐅᓚᑕᐅᔪᖅ ᑕᓯᖅ #2: ᐸᖕᓂᕐᑑᑉ ᖃᓂᒋᔮᓂ

        ᐸᓐᓂᖅᑑᑉ ᖃᓂᒋᔮᓃᑦᑐᖅ ᑕᓯᖅ ᐃᓛᒃᑰᖅᑐᕐᓗ ᑰᖕᒥᑦ ᐆᒻᒪᖅᑯᑎᓕᐅᕐᕕᐅᔪᒪᔪᒥᑦ. 240-ᑭᓛᒥᑕᓂᑦ ᐅᖓᓯᓐᓂᓕᒃ ᑰᖔᓗᖕᒥᑦ (ᑕᐃᒪᓐᓇ ᑐᓗᒐᐃᑦ ᑎᒻᒥᓂᖏᑐᑦ), ᐊᒻᒪᓗ 35-ᑭᓛᒥᑕᓂ ᐅᐊᓐᓇᖓᓂᑦ ᐸᓐᓂᖅᑑᑉ.

        ᐃᒪᓕᕆᔩᑦ ᑕᒫᓂ ᐃᖃᓗᓐᓂᒃ ᖃᐅᔨᓴᓚᐅᖅᑐᑦ ᕿᒥᕐᕈᓪᓗᒋᓪᓗ ᐃᖃᓗᐃᑦ ᑰᒑᓗᖕᒦᑦᑐᓂᑦ.

        ᖁᔭᓕᔪᒍᑦ ᐸᓐᓂᖅᑑᕐᒥᐅᑕᐃᑦ ᐃᖃᓗᓐᓂᑦ ᖃᐅᔨᓴᕋᔅᓴᓂᑦ ᑐᓂᓯᓚᐅᕐᒪᑕ.

        ᖁᓕᒥᒎᓕᒃᑯᑦ ᐊᐅᓪᓚᕐᓂᖅ

        ᐃᒪᕐᒥ ᖃᐅᔨᓴᖅᑏᑦ ᖁᓕᒥᒎᓕᒃᑯᑦ ᖃᐅᔨᓴᖅᕕᖏᓐᓅᕈᔾᔭᐅᕙᓚᐅᖅᐳᑦ ᑰᒃ ᒪᓕᑦᑐᒍ.

        ᐃᒪᐅᑉ ᐃᑎᓂᖓᓂᑦ ᖃᐅᔨᓴᕈᑏᑦ - ᖃᐅᔨᓴᖅᑐᑦ ᐃᒪᐅᑉ ᐃᑎᓂᖓᓂᑦ

        ᐱᓕᕆᔩᑦ ᐋᖅᑭᒃᓯᓚᐅᖅᑐᑦ ᐃᒪᐅᑉ ᐃᑎᓂᖓᓄᑦ ᖃᐅᔨᓴᕈᑎᓂᒃ 90-ᑭᓛᒥᑕᓂᑦ ᐅᖓᓯᓐᓂᓕᒃ ᑕᓯᒥᒃ ᑰᖕᒧᑦ. ᑕᒪᒃᑯᐊ ᐃᑎᓂᖓᓂᑦ ᖃᐅᔨᓴᖅᑐᑦ, ᐅᐱᕐᖔᒥ ᐊᐅᑉᐸᓪᓕᐊᓕᖅᑎᓪᓗᒍ ᐊᐅᒃᓯᒪᓕᖅᑎᓪᓗᒍᓗ, ᖄᒥᒃᐸᓪᓕᐊᑎᓪᓗᒍ ᐅᑎᖅᐸᓪᓕᐊᑎᓪᓗᒍᓗ.

        ᐃᒪᕐᒧᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ - ᐃᓕᑦᑎᕙᓪᓕᐊᓂᖅ ᐃᒪᐅᑉ ᐱᐅᓂᖓᓂᒃ

        ᐃᒪᕐᒥᐅᑕᓕᕆᔨᒃᑯᑦ ᐃᓕᓯᓚᐅᖅᐳᑦ ᐃᒪᐅᑉ ᐱᐅᓂᖓᓄᑦ ᓇᐹᖅᑐᓂᒃ ᑰᖕᒧᑦ 90 ᑭᓛᒥᑐᐸᓗᓐᓂᒃ ᑕᓯᐅᑉ ᑕᐅᓇᓂ.

        ᑖᓐᓇ ᓴᓇᕐᕈᑎ ᖃᐅᔨᓴᕈᑕᐅᕙᒃᑐᖅ ᐃᒪᐅᑉ ᐆᓇᕐᓂᖓᓂᒃ, ᐃᑎᓂᖓᓂᒃ, ᖃᓄᑎᒋ ᓴᓗᒪᑎᒋᓚᐅᕐᒪᖔᑦ, ᐊᒻᒪᓗ ᐅᔭᕋᖕᓂᐊᒐᒃᓴᑦ ᐊᒻᒪᓗ ᐊᓂᖅᓵᖅᑐᕐᓂᖅ ᖃᓄᑎᒋ ᓴᓗᒪᑎᒋᖕᒪᖔᑦ ᖃᖓᒃᑰᓕᕌᖓᑦ. ᖁᒻᒧᐊᑦᑎᑕᐅᓯᒪᔪᒃᑯᑦ ᑲᓱᖅᓯᒪᓂᖃᖅᑐᖅ, ᑐᑭᖃᖅᑐᖅ ᑐᑭᓯᒋᐊᕈᑎᒃᓴᐃᑦ ᐅᑎᖅᑎᑕᐅᖏᓐᓇᐅᔭᕐᒪᑕ ᑕᐱᕇᑦ ᑎᑎᕋᖅᕕᖓᓄᑦ ᑲᑎᑕᐅᕙᓪᓕᐊᑎᓪᓗᒋᑦ.

        ᑲᑎᖦᖢᒋᑦ ᐃᒪᐅᑉ ᖃᐅᔨᓴᖅᑕᐅᓂᑯᑦ ᖃᐅᔨᔭᐅᔪᑦ, ᑕᒪᓐᓇ ᐃᑲᔪᕐᓂᖃᖅᐳᖅ ᑐᑭᓯᐅᒪᓂᕐᒥᒃ ᐃᒪᐅᑉ ᐱᐅᓂᖓᓂᒃ ᐅᓪᓗᒥ, ᐊᒻᒪᓗ ᓇᓚᐅᑦᑖᕐᓂᕐᒥᒃ ᖃᓄᖅ ᐃᒪᐅᑉ ᐊᑖᓂ ᐊᕙᑎᖓ ᐊᓯᔾᔨᕈᓐᓇᕐᒪᖔᖅ ᐱᓕᕆᐊᖅ ᓴᓇᔭᐅᑉᐸᑦ.

        ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᓂᖏᑦ

        ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ, ᑐᑭᖃᖅᑐᖅ ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ, ᐊᑐᖃᑦᑕᖅᑐᖅ ᖃᐅᒻᒪᖅᑯᑎᓂᒃ ᐆᒃᑐᕋᐃᓪᓗᑎᒃ ᓄᓇᐅᑉ ᐋᖅᑭᒃᓯᒪᓂᖓᓂᒃ ᖁᓛᓂ. ᑕᒪᓐᓇ ᓴᖅᑭᑎᑦᑎᕙᒃᐳᖅ ᐱᐅᔪᒻᒪᕆᖕᓂ ᐱᖓᓱᐃᓕᖅᖃᖓᔪᓂᒃ ᓄᓇᙳᐊᕐᓂᒃ ᓄᓇᒥᒃ.

        ᖃᐅᒪᔪᓂᒃ ᖃᐅᔨᓂᖅ ᐅᖓᓯᖕᓂᖓᓗ ᐊᑐᖅᐸᒃᐳᖅ ᖃᐅᒻᒪᖅᑯᑎᒃᑯᑦ ᓇᓗᓇᐃᒃᑯᑕᕐᓂᒃ ᖁᓕᒥᒎᓕᕋᓛᕐᒥᑦ ᓴᖅᑭᑎᑦᑎᔪᒪᓪᓗᑎᒃ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᖓᓱᐃᓕᖅᑲᖓᔪᓂᒃ ᓄᓇᙳᐊᕐᓂᒃ ᓄᓇᒥᒃ ᐃᒪᕐᒥᒡᓗ. ᖃᐅᒪᔪᓂᒃ ᖃᐅᔨᓂᖅ ᐅᖓᓯᖕᓂᖓᓂᒡᓗ ᖃᐅᔨᓴᕐᓃᑦ ᐱᓕᕆᐊᖑᓚᐅᖅᐳᑦ ᑕᓯᕐᒥᑦ ᑰᒑᓗᖕᒥᒃ ᐃᕐᕕᓐ ᖃᖏᖅᖢᖕᒧᑦ. ᑖᒃᑯᐊ ᑐᑭᓯᒋᐊᒐᒃᓴᑦ ᐃᑲᔫᑕᐅᔪᓐᓇᖅᐳᑦ ᐱᓕᕆᖃᑎᒌᒃᑐᓄᑦ ᑐᑭᓯᕚᓪᓕᕈᑎᒃᓴᓂᒃ ᐃᖃᓗᐃᑦ ᐃᓂᒋᕙᒃᑕᖏᓐᓂᒃ ᒥᑭᓐᓂᖅᓴᓂ ᑰᖕᓂ ᐃᒥᖅᑕᖅᕕᓕᐊᕈᒪᔫᑉ ᖃᓂᒋᔮᓂ.

        ᐃᒪᕐᒥᒃ ᖃᐅᔨᓴᕐᓂᖅ - ᐃᓕᑦᑎᕙᓪᓕᐊᓂᖅ ᐃᒪᐅᑉ ᐱᐅᓂᖓᓂᒃ

        ᐃᒪᕐᒥᐅᑕᓕᕆᔩᑦ ᖃᐅᔨᓴᕈᑎᖃᓚᐅᖅᑐᑦ ᐃᒪᕐᒥᒃ ᐊᔾᔨᒌᙱᑦᑐᓂᒃ ᐃᑎᓂᐅᔪᓂᒃ ᑕᐅᓇᓂ ᑰᖕᒥ, ᐊᒻᒪᓗ ᐊᐅᓚᑦᑎᕕᖕᒥ ᑕᓯᕐᒥ ᑰᒑᓗᒃ ᖃᓂᒋᔮᓂ.

        ᑖᒃᑯᐊ ᖃᐅᔨᓴᕈᑏᑦ ᐊᐅᓪᓚᖅᑎᑕᐅᓚᐅᖅᑐᑦ ᖃᐅᔨᓴᕐᕕᖕᓄᑦ ᖃᐅᔨᓴᖅᑕᐅᖁᓪᓗᒋᑦ ᓂᕿᑦᑎᐊᕙᐅᖕᒪᖔᑕ, ᓴᕕᕋᔭᐃᑦ, ᑲᑎᓕᒫᖅᖢᒋᑦ ᐳᔪᕐᓗᐃᑦ (ᑖᓐᓇ ᐅᖃᐅᔾᔨᔪᖅ ᖃᓄᑎᒋ ᐱᕈᖅᑐᕕᓃᑦ ᐆᒪᔪᐃᓪᓗ ᐃᒪᕐᒦᒻᒪᖔᑕ), ᐊᒻᒪᓗ ᖃᓄᑎᒋ ᐳᔪᕐᓗᖃᕐᒪᖔᑕ.

        ᑲᑎᖦᖢᒋᑦ ᑐᑭᓯᒋᐊᕈᑎᒃᓴᐃᑦ ᐃᒪᕐᒧᑦ ᑎᑎᕋᖅᓯᒪᔪᓂᒃ ᑎᑎᖅᑲᓂᒃ, ᑕᒪᓐᓇ ᐃᑲᔪᕐᓂᖃᖅᐳᖅ ᑐᑭᓯᐅᒪᓂᕐᒥᒃ ᐃᒪᐅᑉ ᐱᐅᓂᖓᓂᒃ ᐅᓪᓗᒥ, ᐊᒻᒪᓗ ᓇᓚᐅᒃᑖᕐᓂᕐᒥᒃ ᖃᓄᖅ ᐃᒪᐅᑉ ᐊᑖᓂ ᐊᕙᑎᖓ ᐊᓯᔾᔨᕈᓐᓇᕐᒪᖔᖅ ᐱᓕᕆᐊᖑᔪᖅ ᓴᓇᔭᐅᒃᐸᑦ.

        ᐃᖃᓗᓐᓂᒃ ᖃᐅᔨᓴᒐᒃᓴᓂᑦ

        ᓄᓇᒥ ᖃᐅᔨᓴᖅᑏᑦ ᐃᖃᓗᓚᐅᖅᑐᑦ ᑕᓯᕐᒥᒃ #2-ᒥᑦ, ᐅᖓᓯᓐᓂᓕᒃ 35-ᑭᓛᒥᑕᓂᒃ ᐸᓐᓂᖅᑑᒥᑦ ᐊᐅᓚᓴᐅᑎᓂᒃ ᓂᕿᑕᓕᓐᓂᒃ ᐊᑐᖅᓱᑎᒃ. ᑎᑎᕋᖅᑕᐅᓪᓗᑎᒃ ᖃᓄᐅᑦᑑᖕᒪᖔᑦ ᐃᖃᓗᒃ, ᑕᑭᓂᖓ ᐅᖁᒪᐃᓐᓂᖓ, ᐅᑭᐅᖓᓗ ᐃᖃᓗᐃᑦ ᐊᑐᓂ.

        ᐃᓚᖏᑦ ᐃᖃᓗᐃᑦ ᐅᑎᖅᑎᑕᐅᑦᓴᐅᑎᒋᕙᓚᐅᖅᑐᑦ. ᐊᓯᖏᑦ ᐃᖃᓗᐃᑦ ᑐᖁᑕᐅᓪᓗᑎᒃ ᐃᓄᓐᓄᑦ ᐃᖅᑲᓇᐃᔭᖅᑎᓄᑦ, ᐲᖅᓯᕕᐅᔪᑦ ᐃᓚᖏᑦ ᖃᓪᓗᓈᑦ ᓄᓇᖓᓄᑦ ᖃᐅᔨᓴᖅᕕᖕᒨᖅᑕᐅᕙᓚᐅᖅᑐᑦ.

        ᖃᐅᔨᓴᖅᑕᐅᓯᒪᔪᑦ ᐃᖃᓗᐃᑦ ᖃᐅᔨᑎᑦᑎᕗᑦ ᐅᕙᒃᑎᓐᓂᒃ ᐃᖃᓘᑉ ᐅᑭᐅᖓᓂᑦ, ᖃᓄᑎᒋᓗ ᐱᕈᖅᐸᓪᓕᐊᑎᒋᓂᖓᓂᑦ. ᖃᐅᔨᑎᑦᑎᒋᕗᓪᓗ ᖁᐱᕐᕈᐊᖅᔪᐃᑦ ᐊᕿᕐᕉᔭᖃᕐᓂᖓᓂᑦ, ᐊᓯᖏᓪᓗ ᓇᓗᓇᐃᔭᐃᔪᑦ ᐃᖃᓘᑉ ᓂᕆᔭᖏᓐᓂᑦ ᓇᓂᒥᐅᑕᐅᓂᖏᓐᓂᓗ ᐱᔭᐅᕕᖓᓂᑦ ᐃᖃᓘᑉ.

        ᐃᖃᓗᓐᓂᒃ ᖃᐅᔨᓴᕋᒃᓴᓂᒡᕕᐅᔪᑦ

        ᐃᓄᐃᑦ ᐃᖃᓗᒃᐸᓚᐅᖅᑐᑦ ᑕᓯᖅ #1-ᒥ ᐅᖓᓯᓐᓂᓕᒃ 12-ᑭᓛᒥᑕᓂᑦ ᑰᒑᓗᖕᒥᑦ ᐊᐅᓚᓴᐅᑎᓄᑦ ᐊᑐᕐᓗᑎᒃ ᓂᕿᑕᓕᖕᓂᑦ. ᑎᑎᕋᖅᑕᐅᕙᓚᐅᖅᑐᑦ ᖃᓄᐃᑦᑑᖕᒪᖔᑦ ᐃᖃᓗᒃ, ᑕᑭᓂᖓ, ᐅᖁᒪᐃᓐᓂᖓ, ᐅᑭᐅᖓᓂᒡᓗ ᐃᖃᓘᑉ.

        ᖃᐅᔨᓴᖅᑐᓕᕆᓂᖅ

        ᐅᐸᓚᐅᖅᑎᓐᓇᒋᑦ, ᐃᒪᕐᒥᐅᑕᓕᕆᔨᒃᑯᑦ ᕿᒥᕐᕈᓚᐅᖅᑐᑦ ᐊᓯᖏᓐᓂᒃ ᐃᒪᕐᒥᒃ ᖃᐅᔨᓴᕈᑕᐅᓯᒪᔪᓂᒃ ᑕᐃᑲᙵᑦ ᕿᑦᓕᐊᖅ ᐱᓕᕆᐊᖑᔪᒥᒃ (ᑲᑎᑕᐅᓯᒪᔪᑦ ᑕᐃᒪᙵᑦ 2020) ᐊᒻᒪᓗᑦᑕᐅᖅ ᑐᑭᓯᒋᐊᕈᑎᒃᓴᑦ ᐃᒪᕐᒥᐅᑕᓕᕆᔨᒃᑯᓐᓂᑦ ᑲᓇᑕᒥ ᐅᑭᐅᖅᑕᖅᑐᒥ ᐃᖃᓗᐃᑦ ᒥᒃᓵᓄᑦ ᑕᐃᑲᓂ.

        ᑖᒃᑯᐊ ᑐᑭᓯᒋᐊᕈᑎᒃᓴᐃᑦ ᐃᑲᔪᕐᓂᖃᓚᐅᖅᐳᑦ ᑐᑭᓯᐅᒪᓂᕐᒥᒃ ᖃᐅᔨᒪᔭᐅᔭᕇᖅᑐᓂᒃ ᑕᐃᑲᓂ. ᓄᑖᑦ ᖃᐅᔨᓴᕈᑕᐅᓯᒪᔪᑦ ᑕᑯᓐᓇᖅᑕᐅᓂᐊᖅᐳᑦ ᑖᔅᓱᒧᖓ ᐱᑐᖃᐅᓂᖅᓴᒧᑦ ᑐᑭᓯᒋᐊᕈᑎᒃᓴᒧᑦ ᓴᓇᖁᓪᓗᒋᑦ ᐊᔾᔨᙳᐊᒥᒃ ᖃᓄᐃᓕᖓᓂᐅᔪᓂᒃ ᐅᓪᓗᒥᐅᔪᖅ ᐊᒻᒪ ᐃᑲᔪᕐᓗᑎᒃ ᑐᑭᓯᐅᒪᓂᕐᒥᒃ ᖃᓄᖅ ᑐᒃᓯᕋᐅᑕᐅᓯᒪᔪᖅ ᐱᓕᕆᐊᒃᓴᖅ ᐊᓯᔾᔩᔪᓐᓇᕐᒪᖔᑦ ᑕᐃᑲᓂ ᐃᒪᐅᑉ ᐋᖅᑭᒃᓯᒪᓂᖓᓂᒃ.

        ᐅᒥᐊᕋᓛᖅ - ᐆᒃᑐᕋᐃᓂᖅ ᐃᒪᐅᑉ ᐊᖏᓂᖓᓂᒃ

        ᓯᒡᔭᒥ, ᐃᒪᕐᒥᐅᑕᓕᕆᔨᒃᑯᑦ ᒥᑭᑦᑐᒥᒃ ᐅᖓᓯᒃᑐᒧᑦ ᐊᐅᓚᑕᐅᔪᒥᒃ ᐅᒥᐊᕐᒥᒃ (ᐊᑎᖃᖅᑐᖅ ᐅᒥᐊᕋᓛᖅ) ᑕᐅᓄᖓ ᑰᖕᒧᑦ ᐊᐅᓪᓚᖅᑎᑦᑎᓚᐅᖅᐳᑦ. ᑖᓐᓇ ᐅᒥᐊᕋᓛᖅ ᓴᓇᕐᕈᑎᖃᖅᑐᖅ ᖃᐅᔨᓴᕈᑎᓂᒃ ᖃᓄᖅ ᐃᒪᖅ ᑰᒃᑯᑦ ᓅᑉᐸᓪᓕᐊᒻᒪᖔᖅ. ᐃᖏᕐᕋᓚᐅᖅᑐᖅ ᐃᑎᔪᐊᓗᒃᑯᑦ ᑰᑉ, ᐆᒃᑐᕋᖅᖢᓂ:

        1. ᖃᓄᑎᒋ ᐃᑎᑎᒋᓚᐅᕐᒪᖔᑦ ᐃᒪᖅ, ᐊᒻᒪᓗ
        2. ᖃᓄᑎᒋ ᓱᒃᑲᔪᒥᒃ ᐃᒪᖅ ᑰᓚᐅᕐᒪᖔᖅ

        ᑖᒃᑯᐊ ᓈᓴᐅᑎᓂᒃ ᐊᑐᖃᑦᑕᖅᑐᑦ ᖃᐅᔨᓇᓱᒃᖢᑎᒃ ᖃᓄᑎᒋ ᐃᒪᖅ ᑰᒃᑯᑦ ᓅᑉᐸᓪᓕᐊᒻᒪᖔᖅ.

        ᐊᖅᑲᐅᒪᓪᓗᑎᑦ ᖃᐅᔨᒍᓐᓇᕈᑏᑦ ᖃᓄᐃᑦᑐᖃᕐᓂᖓᓂᒃ − ᐃᓕᓐᓂᐊᕐᓂᖅ ᐃᒪᑉ ᐱᐅᔫᑎᒋᓂᖓᓂᒃ ᐊᒻᒪᓗ ᖃᐅᔨᓴᕐᓂᖅ ᖃᓄᑎᒋ ᐃᒪᖃᕐᒪᖔᖅ

        ᐱᓕᕆᖃᑎᒌᑦ ᐃᓕᓯᓚᐅᖅᐳᑦ ᖃᐅᔨᓴᕈᑎᓂᒃ 90 ᑭᓛᒥᑕᓂᒃ ᑰᒑᓗᒃ ᑰᒑᓗᖕᒥ. ᑖᒃᑯᐊ ᐃᒪᐅᑉ ᐃᖅᑲᖓᓂ ᖃᐅᔨᓴᕈᑎᑦ ᑰᖕᒧᑦ ᑲᑕᒃᑕᐅᓚᐅᖅᐳᑦ ᑕᑭᔪᑯᑖᓄᑦ ᖃᐅᔨᓴᕈᑕᐅᓪᓗᑎᒃ ᐃᒪᐅᑉ ᐃᑎᓂᖓᓂᒃ, ᐆᓇᕐᓂᖓᓂᒃ ᐊᒻᒪ ᐃᒪᐅᑉ ᐱᐅᓂᖓᓂᒃ ᖃᖓᙳᖅᐸᓪᓕᐊᑎᓪᓗᒍ.

        ᐊᑐᖅᖢᑎᒃ ᐃᒪᐅᑉ ᐃᖅᑲᖓᓂ ᖃᐅᔨᓴᕈᑎᓂᒃ, ᐃᒪᕐᒧᑦ ᖃᐅᔨᓴᕈᑎᓂᒃ, ᐊᒻᒪ ᐃᒪᕐᒥᒃ ᖃᐅᔨᓴᒐᒃᓴᓂᒃ, ᑖᒃᑯᐊ ᐱᓕᕆᔾᔪᑎᑦ ᐅᕙᑦᑎᓐᓂᒃ ᐃᑲᔪᖅᐳᑦ ᑐᑭᓯᓂᕐᒥᒃ ᖃᓄᖅ ᑕᓯᖅ ᐃᒪᖅ ᐊᓯᔾᔨᖅᐸᖕᒪᖔᑦ ᐊᕐᕌᒍ ᐃᓗᐊᓂ.

        ᐊᑕᐅᑦᑎᒃᑯᑦ ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᒌᒃᑐᓂᒃ ᖃᐅᔨᓴᕐᓂᖅ, ᐃᒪᐅᑉ ᐃᖅᑲᖓᓂ ᖃᐅᔨᓴᕈᑎᑦ, ᐊᒻᒪ ᐅᒥᐊᕋᓛᑦ, ᑖᒃᑯᐊ ᐱᓕᕆᔾᔪᑏᑦ ᐃᑲᔪᕐᒥᔪᑦ ᐅᕙᑦᑎᓐᓂ ᖃᐅᔨᔪᓐᓇᕐᓂᕐᒥᒃ ᖃᓄᑎᒋ ᐃᒪᖅ ᐃᖏᕐᕋᕙᖕᒪᖔᑦ ᑰᒃᑯᑦ ᓯᓚ ᐊᓯᔾᔨᖅᐸᓪᓕᐊᑎᓪᓗᒍ. ᑕᒪᓐᓇ ᐱᒻᒪᕆᐅᕗᖅ ᐱᓕᕆᐊᒃᓴᒧᑦ ᐸᕐᓇᐃᓂᕐᒧᑦ, ᑎᑎᕋᐅᔭᕐᓂᕐᒧᑦ, ᐊᒻᒪ ᓯᕗᓂᒃᓴᒥ ᐊᕙᑎᒥᒃ ᖃᐅᔨᓴᕐᓂᕐᒧᑦ.

        ᑕᕆᐅᕐᒥᐅᑕᐃᑦ ᐃᖃᓗᐃᑦ ᐊᐅᓚᑕᐅᔪᖅ ᑕᓯᖅ #1 (ᑰᒑᓗᒃ)

        ᖃᐅᔨᓴᖅᕕᖕᒥ ᖃᐅᔨᓴᖅᑐᑦ ᐃᖃᓗᒃᑕᐅᓚᐅᖅᑐᓂ ᑕᓯᕐᒥ #1-ᒥ ᓱᓕ ᐱᔭᕇᙱᑦᑐᑦ.

        ᑭᓯᐊᓂ, ᖃᐅᔨᓴᖅᕕᖕᒥ ᖃᐅᔨᓴᖅᑕᐅᔪᑦ ᐃᖃᓗᒃᑕᐅᓚᐅᖅᑐᓂᑦ ᐆᒻᒪᖅᑯᑎᓕᐅᕐᕕᐅᔪᒪᔫᑉ ᖃᓂᒋᔮᓂ ᐃᒥᑦᑎᐊᕙᖕᓂᑦ ᖃᐅᔨᔭᐅᓯᒪᕗᑦ, ᓇᓗᓇᐃᖅᓯᔪᑦ ᑕᓯᕐᒥᐅᑕᐅᓂᖏᓐᓂᒃ ᐊᒻᒪᓗ ᑕᕆᐅᕐᒨᖃᑦᑕᙱᑐᐃᓐᓇᕆᐊᓖᑦ.

        ᖃᐅᔨᓴᕐᓂᖃᒃᑲᓐᓂᕆᐊᓖᑦ ᐃᖃᓗᐃᑦ ᓇᒧᑦ ᐃᖏᕐᕋᕙᖕᒪᖔᑕ, ᐃᖏᕐᕋᕙᒃᑲᓗᐊᒪᖔᑕᓘᓐᓃᑦ.

        ᑕᕆᐅᕐᒥᐅᑕᐃᑦ ᐃᖃᓗᐃᑦ ᐊᐅᓚᑕᐅᔪᖅ ᑲᓯᖅ #2 (ᐸᖕᓂᕐᑑᒥᒃ)

        ᖁᓖᑦ ᐃᖃᓗᐃᑦ ᑕᓯᕐᒥ#2-ᒥ, ᐸᓐᓂᖅᑑᑉ ᖃᓂᒋᔮᓂᑦ, ᑕᑯᑎᑦᓯᔪᑦ ᑕᕆᐅᕐᒨᖃᑦᑕᕆᐊᖏᑕ, ᑐᑭᓕᒃ ᑕᕆᐅᕐᒦᖃᑦᑕᖅᓯᒪᑐᐃᓐᓇᕆᐊᓖᑦ. ᖃᐅᔨᓴᒃᑲᓐᓂᕆᐊᖃᖅᑐᑦ ᑐᑭᓯᒃᑲᓂᕐᓂᐊᕋᑦᑕ ᐃᖃᓗᐃᑦ ᓇᒧᑦ ᐃᖏᕐᕋᕙᖕᒪᖔᑕ, ᐃᖏᕐᕋᒐᓗᐊᕐᒪᖔᑕᓘᓐᓃᑦ.

        ᐃᒥᐅᑉ ᐱᐅᓂᖓᑕ ᖃᐅᔨᔭᐅᔪᑦ

        ᐃᒥᐅᑉ ᐱᐅᓂᖓ ᖃᐅᔨᓴᖅᑕᐅᓚᐅᖅᑐᖅ ᔪᓚᐃ 9-ᒥ 28-ᒧᑦ, 2026-ᖑᑎᓪᓗᒍ. ᐃᒪᐅᑉ ᐆᓇᕐᓂᖓ ᑕᒫᓃᓚᐅᖅᐳᑦ 8°C-ᒥᑦ ᑎᑭᓪᓗᒍ 15°C-ᒧᑦ, ᐊᑦᑎᑦᑐᒻᒪᕆᐅᓚᐅᖅᐳᕐᓗ ᑕᕆᐅᖃᕐᓂᖏᑦ ᐃᒪᕐᒥᓪᓗ.

        ᐃᒪᖓᑦ ᑲᑭᐊᑦᑐᒻᒪᕆᐅᓚᐅᖅᐳᖅ ᑰᖕᓂᖓ ᑰᑦᑎᐊᖅᑎᓐᓇᒍ. ᑭᓯᐊᓂ, ᐃᓱᕐᓂᖅᓴᕈᓚᐅᖅᐳᖅ ᓯᓚᓗᖃᑦᑕᑲᐃᓐᓇᑎᓪᓗᒍ ᐅᒡᕙᓗ ᐊᐳᑦ ᓯᑯᓘᓐᓃᑦ ᐊᐅᑉᐸᓪᓕᐊᑎᓪᓗᒍ, ᐃᒪᖓᓗ ᖁᒡᕙᓯᓂᖅᓴᐅᑎᓪᓗᒍ ᓇᒃᓴᕐᒪᑦ ᓱᓇᑐᐃᓐᓇᕐᓂᒃ ᑰᖕᒧᑦ.

        ᑕᐅᓄᖓᒋᐊᖅ ᑰᖕᒧᑦ, ᐱᓕᕆᔩᑦ ᑕᑯᓚᐅᕐᒥᔪᑦ ᐊᓯᔾᔨᖅᑐᓂᒃ ᐃᒪᐅᑉ ᖃᓄᐃᓐᓂᖏᓐᓂ ᑰᖕᒥ, ᑰᒐᓛᓂ, ᐊᒻᒪᓗ ᓴᕐᕙᐅᔪᓂᑦ.

        ᐋᒡᒌᓯᐅᑉ ᕿᑎᖏᓐᓂ ᓯᓚᓗᓐᓂᖓᓄᑦ ᐃᒪᖓ ᓂᓪᓕᓯᒪᓂᖅᓴᐅᓚᐅᖅᑐᖅ 11°C-ᒥᒃ ᑎᑭᓪᓗᒍ 8°C-ᒧᑦ.

        ᐃᒪᐅᑉ ᖄᒥᑉᐸᓪᓕᐊᓂᖓ

        ᐊᐅᑉᐸᓪᓕᐊᕙᑉᐳᖅ ᓂᓚᖕᒥᑦ ᐊᐳᒻᒥᓪᓗ ᑰᖕᓂᕆᕙᒃᑕᖓᓂᒡᓗ ᐊᑦᑐᐃᔪᖅ. ᖃᐅᔨᓴᖅᕕᖕᒥᑦ 90-ᑭᓛᒥᑕ ᐅᖓᓯᓐᓂᓕᒃ ᑰᒑᓗᖕᒥᑦ, ᑰᙱᓂᖅᓴᐅᓯᒪᓚᐅᖅᑐᖅ 1.1-ᒦᑕᒥᒃ ᔪᓚᐃ ᕿᑎᖏᓐᓂ 2026. ᑰᖕᓂᖅᓴᐅᓕᓚᐅᕆᕗᖅ ᐊᐅᔭᒃᑯᑦ ᓯᓚᓗᖃᑦᑕᓕᓚᐅᖅᑎᓪᓗᒍ.

        ᑰᖕᓂᖓᑦ ᐃᒪᕈᖅᐸᓪᓕᐊᕙᓪᓗᓂᓗ, ᓯᓚᓗᑉᐸᓐᓂᖓ ᐊᖏᔪᒻᒪᕆᖕᒥᒃ ᐊᑦᑐᐃᔪᓐᓇᖅᐳᖅ ᐃᒪᐅᑉ ᖄᒥᒃᐸᓪᓕᐊᓂᖓᓄᑦ.

        ᐆᒪᔪᐃᑦ ᐊᒻᒪᓗ ᐱᓱᒃᑏᑦ

        ᐆᒪᔪᓕᕆᓂᕐᒧᑦ ᓄᓇᓕᕆᓂᕐᒧᓪᓗ ᐱᓕᕆᖁᑕᒌᑦ ᖃᐅᔨᓴᖅᑕᒥᓂᒃ ᐱᔭᕇᓚᐅᖅᑐᑦ ᑰᒑᓗᖕᒥᑦ ᒫᔅᓯ 20-ᒥᒃ ᐋᒡᒌᓯ 29, 2026-ᒧᑦ. EcoLogic Consultants Ltd.-ᑯᑦ ᐃᓄᐃᑦ ᖃᕆᑕᐅᔭᓕᕆᔩᑦ ᖃᐅᔨᓴᓚᐅᖅᑐᑦ ᐆᒪᔪᕐᓂᑦ, ᓄᓇᕋᕐᓂᑦ ᐊᒻᒪᓗ ᐆᒪᔪᑦ ᓇᔪᒐᖃᕐᕕᖏᑦ ᐃᓗᐊᓂ ᓯᓚᑖᓂᓗ ᑐᒃᓯᕌᕆᔭᐅᔪᑦ ᐱᓕᕆᐊᒃᓴᐅᑉ, ᐱᖃᓯᐅᑎᔪᑦ ᐱᓕᕆᐊᕆᔭᐅᔪᒪᔪᑦ ᓇᓛᓃᑦᑐᑦ ᐱᖁᑎᕐᔪᐊᑦ ᐊᖅᑯᑏᓪᓗ.

        ᓄᐊᑕᐅᓯᒪᔪᑦ ᐃᑲᔪᕐᓂᖃᕐᓂᐊᖅᑐᑦ ᐅᕙᑦᑎᓐᓄᑦ ᑐᑭᓯᒃᑲᓐᓂᕈᓐᓇᖁᓪᓗᑕ ᓄᓇᐅᑉ ᖃᓄᐃᓐᓂᖓᓂᒃ, ᓯᕗᒧᑦ ᐸᕐᓈᖃᕐᓂᕐᒥᒃ ᖃᐅᔨᓴᕋᔅᓴᓄᑦ, ᐃᓕᓴᖅᓯᔪᓐᓇᕐᓗᑕᓗ ᑐᒃᓯᕋᐅᑕᐅᓯᒪᔪᒧᑦ ᐊᑦᑐᐃᓂᖃᕋᔭᕐᒪᖔᑦ ᐆᒪᔪᕐᓂᑦ, ᓄᓇᔭᓂᑦ ᐃᓂᒋᔭᖏᓐᓂᓪᓗ ᐊᑦᑐᐃᔪᓐᓇᖅᑐᓕᒫᑦ ᐊᑐᖅᑕᐅᒐᔭᙱᖕᒪᑕ ᒥᑭᓪᓕᒋᐊᖅᑕᐅᓗᑎᒡᓘᓐᓃᑦ.

        ᖁᔭᓐᓇᒦᖅᑕᕗᑦ ᐃᖅᑲᓴᐃᔭᖅᑎᕗᑦ ᐃᓄᐃᓪᓗ ᖃᐅᔨᒪᔨᑕᐃᑦ ᑕᒪᑐᒥᖓ ᐱᓕᕆᐊᕐᒥᒃ ᑲᔪᓯᑎᑦᑎᔪᓐᓇᓚᐅᕐᒪᑕ.

          • ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
          • ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
          • ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ

          ᐆᒪᔪᓕᕆᓂᕐᒧᑦ ᐊᔾᔨᓕᐅᕈᑏᑦ

          2025-ᖑᑎᓪᓗᒍ, ᐊᔾᔨᓕᐅᕈᑎᓂᒃ 39-ᓂᒃ ᐋᖅᑭᒃᓯᔪᖃᓚᐅᖅᑐᑦ ᓄᓇᒥ ᐊᑐᖅᑕᐅᔪᓄᑦ ᐆᒪᔪᕐᓄᑦ. ᐊᔾᔨᓕᐅᕈᑏᑦ ᐊᔾᔨᓕᐅᕆᕙᒃᑐᑦ ᐊᐅᔮᓐᓄᒃ ᒪᕐᕉᖕᓄᑦ. 2026-ᖑᑎᓪᓗᒍ, ᓄᑖᓂᒃ ᐊᔾᔨᓕᐅᕈᑎᓂᒃ ᑎᓴᒪᓂᑦ ᐋᖅᑭᒃᓯᓚᐅᖅᑐᑦ. ᑕᒪᕐᒥᒃ, ᑲᑎᓪᓗᒋᑦ 43-ᖑᓕᖅᑐᑦ ᐊᔾᔨᓕᐅᕈᑏᑦ ᐊᔾᔨᓕᐅᕆᒐᔪᒃᐳᑦ, ᐊᒻᒪᓗ ᐊᐅᓚᔪᓕᒫᓂᑦ ᖃᓂᒋᔭᖓᒍᑦ . ᒪᑯᐊᖑᕗᑦ:

          • 19 ᐃᒥᖅᑕᖅᕕᐅᔪᒪᔫᑉ ᖃᓂᒋᔮᓂ
          • 24 ᐊᖅᑯᑎᓕᐅᖅᕕᐅᔪᒪᔫᑉ

          ᐊᔾᔨᓕᐅᕈᑏᑦ ᐊᔾᔨᓕᐅᕆᕙᒃᐳᑦ ᐊᑐᓪᓚᑦᑖᖅᑐᓂᑦ ᐆᒪᔪᕐᓄᑦ. ᖃᐅᔨᓴᖅᑕᐅᔪᑦ ᐊᔾᔨᓕᐅᕈᑎᒃᑯᑦ ᐆᒪᔪᕐᓂᑦ ᑲᔪᓯᓂᐊᖅᐳᑦ ᓄᐊᑕᐅᓗᑎᒃ ᓰᑏᕝᕙ 2027-ᕈᕋᓱᐊᕐᓂᖓᓂᑦ. ᐱᓕᕆᔩᑦ ᐊᔾᔨᓕᐅᕈᑎᓄᑦ ᐅᐸᒍᑎᕙᒃᐳᑦ ᖃᖓᐅᓕᕌᖓᑦ, ᐊᔾᔨᓕᐊᒥᓃᑦ ᑐᖅᑯᖅᑕᐅᔭᖅᑐᕐᓗᒋᑦ ᐊᑦᑕᓇᙱᑦᑐᒧᑦ.

          ᓄᓇᒥ ᕿᒥᕐᕈᓂᖅ - ᓂᕐᔪᑏᑦ ᓇᓗᓇᐃᒃᑯᑕᖏᑦ

          ᓄᓇᒥ ᐆᒪᔪᐃᑦᑭᒡᓕᖃᖅᐳᖅ 1-ᑭᓛᒥᑕᒥᒃ ᖃᐅᔨᓴᖅᑎᓄᑦ ᐱᓱᒡᕕᐅᕙᒃᐳᖅ, ᕿᓂᖅᑐᑦ ᐆᒪᔪᖃᖅᓯᒪᖕᒪᖔᑦ. ᑕᑯᔪᓐᓇᖅᐳᑦ ᐊᓇᕐᓂᑦ, ᑐᒥᓂᑦ, ᒥᖅᑯᐃᑦ ᐆᒪᔪᕐᓄᑦ, ᓱᓗᐃᑦ, ᐊᓯᖏᓪᓗ ᐆᒪᔪᖃᕐᓂᑰᕙᓗᖕᒪᖔᑕ ᐊᖅᑯᑖᓂ. ᓱᓇᓕᒫᑦ ᑕᑯᔭᓂ ᑎᑎᕋᖅᑕᐅᔪᑦ.

          ᑲᑎᓪᓗᒋᑦ 43 ᓄᓇᒥ ᐆᒪᔪᓄᑦ ᐃᑳᕐᕕᐅᔪᑦ ᐱᔭᕇᓚᐅᖅᑕᕗᑦ:

          • 16 ᑕᓯᐅᑉ ᖃᓂᒋᔮᓂ ᑰᒃᑯᓪᓗ ᑕᓯᕐᒨᕆᐊᒥ
          • 27 ᑐᒃᓯᕋᐅᑕᐅᓯᒪᔫᑉ ᐊᖅᑯᑎᒋᔭᖏᓐᓂᑦ

          17 ᑎᒻᒥᐊᑦ ᐊᔾᔨᒌᙱᑦᑐᑦ ᑕᓪᓕᒪᓪᓗ ᐆᒪᔪᑦ ᐊᔾᔨᒌᙱᑦᑐᑦ ᐃᓕᓴᕆᔭᐅᓚᐅᖅᑐᑦ 2026-ᖑᑎᓪᓗᒍ ᓄᓇᒥ ᐆᒪᔪᐃᑦ ᓈᓴᖅᑕᐅᓚᐅᖅᑐᑦ, ᐅᓪᓗᐃᑦ 17 ᐅᖓᑖᓄᑦ.

          ᓄᓇᒥᑦ ᑕᑯᓐᓇᕐᓂᖅ - ᑎᖕᒥᐊᑦ

          ᓇᖏᕐᓗᑎᒃ ᖃᐅᔨᓴᕐᓂᖅᑕᖃᓚᐅᕐᒥᔪᑦ ᑐᑭᓯᑎᑦᑎᔪᑦ ᓇᓕᐊ ᑎᒻᒥᐊᑦ ᑖᕙᓃᖕᒪᖔᑕ, ᐊᐅᓚᓕᖏᓐᓂᓪᓗ, ᖃᓄᕐᓗ ᐊᐅᓚᖕᒪᖔᑕ. ᐆᒪᔪᓂᑦ ᖃᐅᔨᓴᖅᑏᑦ ᓇᖏᑦᑐᑦ ᓅᓚᐅᕋᑎᒃ ᐃᑲᕐᕌᖕᓄᑦ ᒪᕐᕉᖕᓄᑦ, ᑎᑎᕋᖅᑕᐃᓐᓇᕆᓪᓗᓂᒋᑦ ᖃᓄᐃᑦᑐᓂᒃ ᑎᖕᒥᐊᓂᒃ ᑕᑯᔭᖏᓐᓂᒃ, ᖃᓄᐃᓕᐅᕐᒪᖔᑕᓗ.

          ᐃᖅᑲᓇᐃᔭᖅᑏᑦ ᐱᔭᕇᓚᐅᖅᑐᑦ ᓇᖏᑦᑐᑎᒃ ᖃᐅᔨᓴᖅᑐᑦ ᓈᓴᐃᔪᑦ ᑎᓴᒪᓂᒃ ᐃᓂᐅᔪᓂᒃ ᐊᔾᔨᒌᙱᑦᑐᓂᑦ. ᐊᒥᓱᑲᓪᓚᐃᑦ ᑎᒻᒥᐊᑦ ᐊᔾᔨᒌᙱᑦᑐᑦ ᑕᑯᔭᐅᖃᑦᑕᓚᐅᖅᑐᑦ (ᐆᑦᑑᑎᒋᓗᒋᑦ ᐃᒪᕐᒨᓲᑦ ᑎᖕᒥᐊᑦ, ᓇᐅᔭᑦ, ᐊᑕᐅᓯᕐᓗ ᑭᒃᑲᕕᐊᕐᔪᒃ), ᐊᓯᖏᓐᓂᒃ ᑎᒻᒥᐊᕐᕙᓗᖕᓂᑦ ᑐᓵᖃᑦᑕᓚᐅᕐᒥᔪᑦ (ᐆᑦᑑᑎᒋᓗᒍ ᒥᐊᓕᒐᕐᒥᐅᑕᑦᓴᔭ ᖁᐸᓄᐊᖅ ᐊᒻᒪᓗ Lapland ᖁᐸᓄᐊᖅ).

          ᓄᓇᒥ ᕿᓂᕐᓂᖅ - ᑕᑯᔭᐅᒐᔪᙱᑦᑐᑦ ᓄᓇᕋᐃᑦ

          ᑕᑯᐅᒐᔪᙱᑦᑐᑦ ᓄᓇᕋᐃᑦ ᖃᐅᔨᓴᖅᑕᐅᔪᑦ 2-ᒥᒃ 6-ᒧᑦ ᑭᓛᒥᑕᒥᒃ ᑭᒡᓕᖃᖅᑐᖅ ᖃᐅᔨᓴᖅᑎᓄᑦ ᐱᓱᒡᕕᐅᓚᐅᖅᑐᖅ, ᕿᓂᖅᑐᑦ ᐊᔾᔨᐅᓗᐊᙱᑦᑐᓂᒃ ᓄᓇᕋᕐᓂᒃ ᑎᖓᐅᔭᓂᒡᓗ.

          2026-ᖑᑎᓪᓗᒍ, ᐱᓕᕆᔩᑦ ᑕᑯᔭᐅᒐᔪᙱᑦᑐᓂᒃ ᓄᓇᕋᕐᓂᒃ ᖃᐅᔨᓴᓚᐅᖅᑐᑦ ᐃᒥᖅᑕᖅᕕᐅᔪᒪᔫᑉ ᖃᓂᒋᔮᓂ ᐊᒻᒪᓗ ᐅᑭᐅᖅᑕᖅᑐᒥ ᐃᓚᖏᑦ ᑐᒃᓯᕋᖅᑕᐅᔫᑉ ᐊᖅᑯᑎᒋᖏᓐᓂᑦ. ᐱᓱᓚᐅᖅᑐᑦ ᓄᓇᒥ, ᑎᑎᕋᖅᑐᑦ ᖃᓄᐃᑦᑐᓂᑦ ᓄᓇᕋᕐᓂᒃ ᑕᑯᔭᖏᓐᓂᒃ ᑎᒍᓪᓗᒋᓪᓗ ᒥᑭᔫᑎᓂᒃ ᖃᐅᔨᓴᖅᑕᖏᓐᓂᒃ ᑎᖓᐅᔭᓂᒡᓗ ᐱᔭᕆᐊᖃᕋᐃᖕᒪᑕ, ᐃᑲᔪᖅᑐᑦ ᖃᐅᔨᓇᓱᑦᑎᓪᓗᒋᑦ ᖃᓄᐃᑦᑑᖏᒪᖔᑕ.

          ᐱᓕᕆᖃᑎᒌᑦ ᑲᒪᒋᔭᖃᓚᐅᖅᑐᑦ 9-ᓂᒃ ᑕᑯᔭᐅᒐᔪᙱᑦᑐᓂᒃ ᓄᓇᕋᕐᓂᒃ ᐊᑕᐅᓯᕐᒥᒃ ᐱᓇᓱᐊᕈᓯᕐᒥᒃ ᖃᐅᔨᓴᖅᑎᓪᓗᒋᑦ.

          ᓄᓇᐅᑉ ᖁᓛᓂᑦ ᖃᐅᔨᓴᖅᑐᑦ - ᐃᑲᔪᕐᓂᓕᒃ ᓄᓇᙳᐊᓕᐅᕐᓂᕐᒥᒃ

          ᖃᐅᔨᓴᖅᑏᑦ ᓄᓇᐅᑉ ᖁᓛᒍᑦ ᖃᐅᔨᓴᐅᑎᖃᓚᐅᕐᒥᔪᑦ ᖁᓕᒥᒎᓕᒃᑯᑦ ᐊᔾᔨᓕᐅᕆᕙᒃᑐᑎᒡᓗ ᐃᑲᔪᕐᓂᐊᖅᑐᖅ ᓇᓗᓇᐃᖅᓯᓂᖏᓐᓄᑦ ᓄᓇᒥᒃ ᐊᒻᒪᓗ ᓄᓇᕋᐃᑦ ᐃᓂᖏᓐᓂ.

          ᐆᒪᔪᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ ᓄᓇᙳᐊᓕᐅᖅᑕᐅᔪᑦ ᐱᔭᕇᓚᐅᖅᐳᑦ ᓄᓇᒥ, ᑭᓯᐊᓂ ᖁᓛᒍᑦ ᓄᓇᐅᑉ ᐱᐅᓯᕚᓪᓕᓚᐅᕐᒥᔪᑦ ᓇᓗᓇᐃᖅᓯᓪᓗᑎᓪᓗ ᐱᓕᕆᐊᑦᑎᓐᓂᒃ.

          ᓇᕿᓪᓗᒍ ᓄᓇᙳᐊᖅ ᓄᓇᒥᓗ ᓇᔪᒐᖃᕐᕕᖏᑦ ᓇᓗᓇᐃᔭᐅᑎᖏᑦ ᑐᑭᓯᒃᑲᓐᓂᕈᒪᓗᓂ.

          ᓄᓇᐅᑉ ᖁᓛᓂ ᕿᒥᕐᕈᓂᖅ - ᐃᒪᕐᒥᐅᑕᐃᑦ ᑎᖕᒥᐊᑦ ᐆᒪᔪᐃᓪᓗ

          ᐆᒪᔪᓄᑦ ᖃᐅᔨᓴᖅᑎ ᒪᕐᕈᐊᖅᑎ ᖁᓕᒥᒎᓕᒃᑯᑦ ᓈᓴᐃᓚᐅᖅᑐᖅ ᕿᒥᕐᕈᓪᓗᓂ ᑎᒻᒥᓂᒃ ᐊᓯᖏᓐᓂᓪᓗ ᐆᒪᔪᓂᒃ. ᑎᑎᕋᓚᐅᖅᑐᑦ ᖃᑦᓯᒡᒍᑎᓂᒃ ᑕᑯᔭᖏᓐᓂᒃ ᓇᓂᓗ. ᐊᔾᔨᒌᙱᑦᑐᑦ ᑎᒻᒥᐊᓂᒃ ᑕᑯᓚᐅᖅᑐᑦ ᐱᖃᓯᐅᑎᓪᓗᒋᑦ ᓂᕐᓖᑦ, ᑑᓪᓖᑦ, ᒥᑏᑦ, ᓇᐅᔭᐃᓪᓗ. ᖁᐸᓄᐊᑦ ᑕᑯᔭᐅᒐᔪᓚᐅᖅᑐᓪᓗ.

          ᓄᓇᒥ ᑭᑉᐹᕆᑦᑐᓕᐅᖅᓯᒪᔪᑦ - ᐃᑲᔪᖅᑐᑦ ᓄᓇᙳᐊᓕᐅᕐᓂᕐᒥᒃ

          ᓄᓇᒥ ᑭᑉᐹᕆᑦᑐᓕᐅᕐᓂᖅ ᐃᒪᓐᓇ, ᐆᑦᑑᑏᑦ ᖁᓖᑦ ᓴᓂᒧᑦ ᐊᒻᒪᓗ ᐆᑦᑑᑏᑦ ᖁᓖᑦ , ᖃᐅᔨᓴᖅᑏᑦ ᐊᑐᓲᖓᑦ ᑐᑭᓯᔪᒪᓪᓗᑎᒃ ᐊᔾᔨᒌᙱᑦᑐᓂᑦ ᓄᓇᕋᕐᓂᒃ ᐊᔾᔨᒌᙱᑦᑐᓂᑦ ᓄᓇᒦᒻᒪᑕ. ᓄᓇᒥ ᖃᐅᔨᓴᖅᑏᑦ ᖃᐅᔨᓴᓚᐅᖅᑐᑦ 2,400-ᓂᒃ ᓄᓇᒥ ᑭᑉᐹᕆᑦᑐᓂᑦ ᐱᓱᑦᓱᑎᒃ.

          ᑕᒪᒃᑭᒃ ᓄᓇᐅᑉ ᖁᓛᓂᑦ ᖃᐅᔨᓴᕐᓃᑦ, ᓄᓇᒥᓗ ᑭᑉᐹᕆᑦᑐᓕᐅᕐᓂᖅ ᐃᑲᔪᖅᑐᑦ ᓴᓇᓗᑎᒃ ᓄᓇᒥ ᓇᓗᓇᐃᔭᐃᓪᓗᑎᒃ ᖃᐅᔨᓴᖅᑕᐅᕕᐅᑉ ᐃᓗᐊᓂᑦ. ᓄᓇᙳᐊᖅ ᑕᑯᑎᑦᑎᔪᖅ ᐊᔾᔨᒌᙱᑦᑐᓂᒃ ᓄᓇᒥᐅᑕᓂᓂᒃ ᖃᐅᔨᔭᐅᔪᓂᒃ ᖃᐅᔨᓴᖅᑕᐅᕝᕕᐅᑉ ᐃᓗᐊᓂ.

          2025-ᖑᑎᓪᓗᒍ ᖃᐅᔨᓴᖅᑏᑦ ᓯᕗᓪᓕᖅᐹᒥᒃ ᓇᐃᓪᓕᑎᕆᓚᐅᖅᐳᑦ ᓄᓇᒥᐅᑕᓂᒃ ᐊᒻᒪᓗ ᓄᓇᒥᒃ. 2026-ᖑᑎᓪᓗᒍ ᓄᐊᑕᐅᓯᒪᔪᑦ ᓇᓗᓇᐃᔭᖅᑕᐅᓚᐅᖅᑐᑦ ᑐᑭᓯᔭᐅᔪᑦ ᐆᒪᔪᐃᑦ ᓇᔪᒐᖃᕐᕕᖏᑦ ᐊᕕᒃᑐᖅᑕᐅᓪᓗᑎᒃ. ᓄᓇᒥ ᒥᑭᔪᒥᒃ ᖃᓗᕋᓚᐅᖅᑐᑦ, ᑎᑎᕋᕐᓗᒋᓪᓗ ᐊᔾᔨᒌᙱᑦᑐᑦ ᓄᓇᕋᕐᓂᑦ, ᑎᑎᕋᕐᓗᒋᓪᓗ ᓇᓗᓴᐃᔭᐅᑎᖏᓐᓂᒃ ᐊᑐᓂ ᓄᓇᒥ ᐱᔭᖏᓐᓂᑦ. ᖃᐅᔨᓴᓂᖅ ᓄᓇᖅᑲᑎᒋᔭᐅᔪᓂᒃ ᐃᓄᖕᓂᑦ ᐃᑲᔪᕐᓂᖃᓚᐅᖅᑐᖅ ᐱᓕᕆᔨᐅᔪᓂᒃ ᑐᑭᓯᑎᑦᑎᓪᓗᑎᒃ ᐊᔾᔨᒌᙱᑦᑐᓂᒃ ᓄᓇᒥ ᐊᔾᔨᐸᓗᒋᖕᒪᒋᑦ ᐊᔾᔨᒌᙱᓐᓂᖏᓐᓂᓗ.

          ᓇᕿᓪᓗᒍ ᓄᓇᙳᐊᖅ ᐆᒪᔪᐃᓪᓗ ᓇᔪᒐᖃᕐᕕᖏᑦ ᓇᓗᓴᐃᔭᖅᓯᒪᔪᑦ ᑐᑭᓯᒃᑲᓐᓂᕈᒪᓗᓂ.

          ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ - ᐃᑲᔪᕐᓂᖅ ᐆᒪᔪᐃᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᓐᓄᑦ

          ᓄᓇᙳᐊᓕᐅᕐᓂᖅ ᓇᓗᓇᐃᔭᖅᓯᒪᑦᑎᐊᕐᑐᖅ ᓄᓇᙳᐊᖅ ᐱᓕᕆᐊᖑᔪᓕᒫᒧᑦ ᐱᐊᓂᒃᑕᐅᓚᐅᕐᑐᖅ ᐊᑐᖅᖢᑎᒃ ᖃᐅᒪᔪᓂᒃ ᖃᐅᔨᓴᕈᑎᓂᒃ ᐊᒻᒪ ᐅᖓᓯᖕᓂᓕᖕᓂ.

          ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ, ᐊᑐᓲᖑᕗᖅ ᖃᐅᒻᒪᖅᑯᑎᓂᒃ ᐆᒃᑐᕋᐅᑎᓂᒃ ᐆᒃᑐᕋᐃᓪᓗᑎᒃ ᓄᓇᐅᑉ ᖃᓄᐃᓕᖓᓂᖓᓂᒃ ᖁᓛᓂ. ᑕᒪᓐᓇ ᓴᖅᑭᑎᑦᑎᕙᒃᐳᖅ ᐱᐅᔪᒻᒪᕆᖕᓂᒃ ᐊᖏᓂᓕᖕᓂᒃ ᓄᓇᙳᐊᕐᓂᒃ ᓄᓇᒥᒃ.

          ᖃᐅᒪᔪᑦ ᖃᐅᔨᓂᖅ ᐊᒻᒪ ᐅᖓᓯᖕᓂᖓᓂᒃ ᓄᓇᙳᐊᖅ ᐊᒻᒪ ᐊᔾᔨᙳᐊᑦ ᐃᑲᔫᑕᐅᓂᐊᕐᐳᑦ ᓴᖅᑭᑎᔾᔪᑕᐅᓗᑎᒃ ᐆᒪᔪᐃᑦ ᓇᔪᒐᖃᕐᕕᖏᓐᓂᒃ ᓄᓇᐃᑦ ᓇᓗᓇᐃᖅᑕᖏᓐᓄᑦ ᓄᓇᙳᐊᖏᓐᓂᒃ.

          ᓇᕿᓪᓗᒍ ᓄᓇᙳᐊᓕᐅᕐᓂᖅ ᐊᒻᒪ ᐆᒪᔪᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ ᑐᑭᓯᒋᐊᒃᑲᓐᓂᕈᒪᒍᕕᑦ.

          ᓄᓇᙳᐊᓕᐅᕐᓂᖅ - ᐆᒪᔪᐃᑦ ᓇᔪᒐᖃᕐᕕᖏᑦ ᓄᓇᒥ ᓇᓗᓇᐃᔭᖅᑕᐅᓂᖏᑦ

          ᖃᐅᔨᓴᖅᑏᑦ ᐆᒪᔪᑦ ᓇᔪᒐᖃᕐᕕᖏᓐᓂᑦ ᓇᓗᓇᐃᒃᑯᓯᖅᓯᓚᐅᖅᑐᑦ (ELC) ᓄᓇᙳᐊᖅ ᐊᑐᖅᑐᓂ ᖃᐅᔨᓴᖅᑕᐅᓯᒪᔪᑦ ᐅᑯᓇᙵᑦ:

          • 2025 2026-ᒥᓗ ᓄᓇᒥ (ᖃᐅᔨᓴᖅᑕᐅᔪᑦ ᓄᓇᒥ ᐱᓱᑦᑐᓄᑦ)
          • 2025 2026-ᒥᓗ ᓄᓇᐅᑉ ᖁᓛᒍᑦ (ᖃᐅᔨᓴᖅᑕᐅᔪᑦ ᖁᓕᒥᒎᓕᖕᒧᑦ)
          • ᐊᔾᔨᓕᐅᖅᓯᒪ ᖁᓛᒍᓕᕋᓛᙳᐊᒧᑦ LiDAR (2025 ᐊᒻᒪᓗ 2026 ᖃᐅᔨᓴᖅᑎᓪᓗᒋᑦ)
          • ᖃᕋᓴᐅᔭᒃᑯᑦ ᑕᑯᒃᓴᐅᔪᑦ ᐊᔾᔨᓕᐅᖅᓯᒪᔪᑦ ᐆᓐᓇᕐᓂᖏᑎᒍᑦ ᑕᑯᒃᓴᐅᔪᑦ
          • ᐊᓯᖏᑦ ᖃᖓᑦᑕᖅᑎᑕᐅᓯᒪᔪᑎᒍᑦ ᐊᔾᔨᙳᐊᑦ

          2,400-ᖑᓗᐊᖅᑐᑦ ᓄᓇᒥ ᖃᐅᔨᓴᖅᑕᐅᓯᒪᔪᑦ (ᓄᓇᒥ ᓄᓇᐅᓪᓗ ᖁᓛᒍᑦ) ᐊᑐᖅᑕᐅᓚᐅᖅᑐᑦ (ELC) ᐆᒪᔪᐃᑦ ᓇᔪᒐᖃᕐᕕᖏᓐᓂᑦ ᓇᓗᓇᐃᒃᑯᓯᖅᑕᐅᓯᒪᔪᑦ ᓄᓇᙳᐊᓕᐅᓚᐅᖅᑐᑦ.

          ᓇᕿᓪᓗᒍ ᐆᒪᔪᐃᑦ ᓇᔪᒐᖃᖅᕕᖏᑦ ᖃᓄᐃᑦᑑᓂᖏᓐᓂᑦ ᑐᑭᓯᒃᑲᓐᓂᕈᒪᓗᓂ.

          ᖃᐅᔨᓴᕐᓂᖅ ᐊᕿᕉᔭᖃᕐᓂᖏᑦ

          ᖃᐅᔨᓴᖅᑏᑦ ᓄᐊᑦᑎᓯᒪᓕᖅᑐᑦ 26-ᓂᒃ ᐃᔾᔪᓂᒃ (ᐱᖃᓯᐅᑎᔪᑦ ᓄᓇᕋᐃᑦ ᑐᖁᓕᖓᔪᓂᑦ ᐊᒻᒪᓗ ᐆᒪᔪᒥᓂᕐᓂᑦ) ᐋᒡᒌᓯ ᓄᖑᓕᖅᑎᓪᓗᒍ ᐃᒥᖅᑕᖅᕕᐅᔪᒪᔫᑉ ᖃᓂᒋᔮᓂ, ᖃᐅᔨᓴᕐᓗᑎᑦ ᐊᕿᕉᔭᖃᕐᒪᖔᑦ.

          ᐊᕿᕉᔭ ᓇᓂᔭᐅᓲᖑᔪᖅ ᐊᑦᑎᑦᑐᒥ ᐃᔾᔪᒥ, ᐅᔭᕋᕐᒥ, ᐃᒥᕐᒥ, ᓄᓇᕋᒥᓂᕐᓂᓪᓗ ᑐᖁᕙᓪᓕᐊᔪᓂ. ᓄᓇ ᖄᒥᑕᐅᓯᒪᑎᓪᓗᒍ, ᐃᓚᖓᑦ ᐊᕿᕐᕉᔭᖅ ᐊᓯᔾᔨᕈᓐᓇᕐᒪᑦ methylmercury-ᒧᑦ - ᑐᖁᓐᓇᖅᑐᖅ ᒨᑯᕆᓂᑦ. ᑕᒪᓐᓇ ᐊᔾᔨᒋᙱᑕᖓ ᐊᕿᕉᔭᕐᒥᒃ ᐱᕈᖅᐸᓪᓕᐊᔪᓐᓇᖅᑐᖅ ᐃᖃᓗᖕᒥᑦ ᐊᓯᖏᓐᓂᓪᓗ ᐆᒪᔪᓂᑦ ᐱᕈᖅᐸᓪᓕᐊᓲᖑᔪᖅ ᓂᕿᒋᔭᐅᓲᖑᔪᓂᑦ.

          ᖃᐅᔨᓴᕐᓂᖅ ᐃᔾᔪᒥ ᖃᐅᔨᒃᑲᐃᔪᖅ ᖃᐅᔨᓴᖅᑎᓂᒃ ᐃᓕᑉᐸᓪᓕᐊᕕᒋᓪᓗᒋᑦ ᒨᑯᕆᐅᑉ ᐊᖏᓂᖏᑦ ᐃᒥᖅᑕᖅᕕᐅᔪᒪᔫᑉ ᖃᓂᒋᔮ ᒫᓐᓇ. ᑕᐃᒪᓕ, ᖃᐅᔨᔪᓐᓇᖅᑐᑦ ᐱᑕᖃᕈᓐᓇᕐᓂᖓᓂ methylmercury-ᒥᑦ ᐊᖏᓪᓕᕙᓪᓕᐊᓂᐊᕐᒪᖔᑦ ᓄᓇ ᖄᒥᒡᕕᐅᑉᐸᑦ ᐃᒥᕐᒧᑦ. ᑕᒪᓐᓇ ᐅᕙᑦᑎᓐᓂᒃ ᐃᑲᔪᖅᑐᖅ ᐱᓕᕆᔨᑦᑎᓐᓂᒃ, ᑭᒃᑯᑐᐃᓐᓇᕐᓂᒃ, ᑐᑭᓯᑎᓗᑕ ᐊᑦᑐᐃᔪᓐᓇᖅᑐᓂᒃ ᐃᖃᓗᓐᓂᒃ, ᐆᒪᔪᑦ, ᓂᕿᓂᒡᓗ.

          ᐆᒪᔪᑦ ᓇᓗᓇᐃᒃᑯᑕᖏᑦ

          ᖃᐅᔨᓴᖅᑏᑦ, ᐃᓄᐃᑦ ᐅᐊᑦᑎᔩᑦ, ᐊᓯᖏᓪᓗ ᖃᐅᔨᓴᖅᑏᑦ ᑕᑯᓚᐅᖅᑐᑦ ᐆᒪᔪᖅᑕᖃᕐᓂᕐᒪᖔᑦ ᐆᑦᑑᑎᒋᓪᓗᒋᑦ ᐆᒪᔪᕐᓄᑦ ᐊᓇᐃᑦ, ᑐᒦᑦ, ᒥᖅᑯᒥᓃᑦ ᐊᒻᒪᓗ ᓱᓗᐃᑦ ᖃᐅᔨᓴᖅᕕᐅᔪᑦ ᐃᓗᐊᓂ. ᑕᒪᒃᑯᐊ ᐃᑲᔪᖅᑐᑦ ᐅᕙᑦᑎᓐᓂᑦ ᓇᓕᐊ ᐆᒪᔪᐃᑦ ᑕᒪᐅᓇ ᓄᓇᒃᑰᕐᒪᖔᑕ, ᑕᑯᔪᓐᓇᖏᒃᑲᓗᐊᕈᑦᑎᒍ. ᐅᕙᑦᑎᓐᓂᓪᓗ ᐃᑲᔪᕐᒥᔪᑦ ᑐᑭᓯᖁᓪᓗᑕ ᐊᐅᓚᓂᖏᑦᑕ ᐃᓕᖅᑯᓯᖏᓐᓂᓪᓗ, ᓇᒧᙵᐸᖕᒪᖔᑕᓗ ᓅᑉᐸᖏᒻᒪᖔᑕᓘᓐᓃᑦ.

          ᐅᑲᓖᑦ

          ᐅᖃᓕᖅ ᑕᑯᔭᐅᓚᐅᖅᑐᑦ ᖃᐅᔨᓴᖅᑕᐅᑎᓪᓗᒋᑦ ᐆᒪᔪᐃᑦ ᓄᓇᒥ ᖃᐅᔨᓴᖅᑕᐅᑎᓪᓗᒋᑦ.

          ᑎᕆᐊᖅ

          ᑎᕆᐊᑦ ᑕᑯᔭᐅᓯᒪᔪᑦ ᖃᐅᔨᓴᕐᓂᖃᖅᑎᓪᓗᒋᑦ ᐆᒪᔪᐃᑦ ᓄᓇᒃᑯᑦ ᖃᐅᔨᓴᖅᕕᐅᑉ ᐃᓗᐊᓂ.

          ᐊᕕᙵᑦ

          ᐊᕕᙵᑦ ᑕᑯᔭᐅᓯᒪᔪᑦ ᖃᐅᔨᓴᖅᕕᐅᓯᒪᔪᓂ ᐆᒪᔪᐃᑦ ᓄᓇᒥ ᖃᐅᔨᓴᕐᓂᐅᑉ ᐃᓗᐊᓃᑦᑐᓂᑦ. ᒥᑭᔫᒐᓗᐊᕐᒪᑕ, ᐊᕕᙵᐃᑦ ᐱᒻᒪᕆᐅᕗᑦ ᓂᕿᒋᔭᐅᓪᓗᑎᒃ ᐊᓯᖏᓐᓄᑦ ᐆᒪᔪᓄᑦ, ᐱᖃᓯᐅᑎᔪᑦ ᑎᕆᒐᓂᐊᓄᑦ ᑎᒻᒥᐊᓄᓪᓗ.

          ᑎᕆᒐᓂᐊᑦ

          ᐊᑕᐅᓯᖅ ᑎᕆᒐᓂᐊᖅ ᑕᑯᔭᐅᓯᒪᔪᖅ ᐆᒪᔪᕐᓄᑦ ᐊᔾᔨᓕᐅᕈᑎᓄᑦ ᐊᖅᑯᑎᓕᐊᖑᔪᒪᔪᒃᑯᑦ. ᒥᖅᑯᖓᓂᑦ ᐊᓇᖏᓐᓂᓪᓗ ᑎᕆᒐᓂᐊᕐᒧᑦ ᓇᓂᔭᐅᓯᒪᒧᑦ ᐊᒥᓱᐊᖅᑎ ᓄᓇᒥ ᖃᐅᔨᓴᕐᓂᐅᑉ ᐃᓗᐊᓃᑎᓪᓗᒋᑦ.

          ᐅᑭᐅᖅᑕᖅᑐᒥ ᖁᐸᓄᐊᑦ

          ᒥᐊᓕᒐᕐᒥᐅᑦ ᖁᐸᓄᐊᖅ, Lapland ᖁᐸᓄᐊᖅ, ᖁᐸᓄᐊᕐᓗ ᖃᐅᔨᓴᖅᑕᐅᓚᐅᖅᑐᑦ ᐊᒥᓱᓂ ᐃᓂᐅᔪᓂ ᓇᖏᖅᑐᓄᑦ ᖃᐅᔨᓴᖅᑐᓄᑦ ᓄᓇᒥᓗ ᖃᐅᔨᓴᖅᕕᐅᑉ ᐃᓗᐊᓂ. ᑕᒪᒃᑯᐊ ᖃᐅᔨᓴᕐᓃᑦ ᐃᑲᔪᖅᑐᑦ ᐱᓕᕆᔨᓄᑦ ᑐᑭᓯᑎᑦᓯᓪᓗᑎᒃ ᓇᒥ ᖁᐸᓄᐊᑦ ᐃᓂᖃᕐᒪᖔᑕ, ᕿᑐᕐᖏᐅᕐᕕᖏᑦ, ᐊᑐᖅᑕᓂᓗ ᐊᐅᔭᐅᑎᓪᓗᒍ.

          ᓂᕐᓖᑦ

          ᑲᓇᑕᒥᐅᑕᖅ ᓂᕐᓕᖅ, ᑲᖑᐃᑦ, ᐊᖏᓂᖅᓴᐃᓪᓗ ᓂᕐᓖᑦ ᑕᑯᔭᐅᓯᒪᔪᑦ ᖃᐅᔨᓴᕐᓂᖃᖅᑎᓪᓗᒍ ᓇᖏᖅᑐᓄᑦ ᓈᓴᐃᔪᓂᑦ, ᖁᓕᒥᒎᓕᖕᒧᑦ ᓈᓴᐃᔪᑦ ᐊᒻᒪᓗ ᓄᓇᒥ ᖃᐅᔨᓴᕐᕕᒋᔭᐅᔪᓂ. ᑕᒪᒃᑯᐊ ᐱᓕᕆᔨᓄᑦ ᖃᐅᔨᓚᐅᖅᑐᑦ ᖃᓄᖅ ᓇᒥᓗ ᓂᕐᓖᑦ ᓂᕆᖕᒪᖔᑕ, ᑕᖃᐃᖅᓯᕐᒪᖔᑕ, ᓇᒧᓪᓗ ᓅᑉᐸᖕᒪᖔᑕ.

          ᐊᕿᒡᒌᑦ

          ᐊᕿᒡᒌᑦ ᖃᐅᔨᔭᐅᓯᒪᔪᑦ ᓄᓇᒥ ᖃᐅᔨᓴᕐᓂᖃᖅᑎᓪᓗᒋᑦ.

          ᓇᐅᔭᑦ

          ᒥᐊᓕᒐᕐᒥᐅᑦ ᓇᐅᔭᐃᑦ Glaucous ᓇᐅᔭᐃᑦ ᖃᐅᔨᔭᐅᓚᐅᖅᑐᑦ ᐊᒥᓱᑲᓪᓚᓐᓂ ᐃᓂᐅᔪᓂᑦ 2026-ᖑᑎᓪᓗᒍ ᖃᐅᔨᓴᕐᓂᖃᖅᑎᓪᓗᒋᑦ

          ᓇᓂᓯᓚᐅᖅᑐᑦ ᓇᐅᔭᕐᓄᑦ ᓇᔪᒐᐅᔪᓂ ᓯᕕᖓᔪᒥ ᖃᓂᒋᔭᖓᓂ ᐊᖅᑯᑎᓕᐊᖑᔪᒪᔫᑉ.

          ᑎᖕᒥᐊᑦ

          ᑭᒡᑲᕕᐊᕐᔪᑦ ᖃᐅᔨᔭᐅᓚᐅᕐᒥᔪᖅ ᑎᖕᒥᑎᓪᓗᒍ ᐃᒪᐅᑉ ᓯᓈᓂ ᑕᓯᕐᒥ ᓇᖏᑦᑐᓄᑦ ᓈᓴᐃᔪᓄᑦ. ᑳᔫᑦ ᖃᐅᔨᔭᐅᓚᐅᕐᒥᔪᑦ ᖁᓕᒥᒎᒃᑯᑦ ᑎᖕᒥᐊᓂᑦ ᓈᓴᐃᑎᓪᓗᒋᑦ.

          ᑐᒃᑐᐃᑦ

          ᓇᐹᖅᑐᖃᙱᑦᑐᒥᐅᑕᐃᑦ ᑐᑦᑐᐃᑦ ᑕᑯᔭᐅᕙᒃᐳᑦ ᓱᓕ ᐊᔾᔨᓕᐅᕈᑎᓄᑦ. ᖃᐅᔨᓴᖅᑏᑦ ᐃᓄᐃᓪᓗ ᐆᒪᔪᓂᒃ ᐅᐊᑦᑎᔩᑦ ᓇᓂᓯᓚᐅᕆᕗᑦ ᑐᑦᑐᖃᕐᒪᖔᑦ, ᐱᖃᓯᐅᑎᔪᑦ ᐊᓇᖏᓐᓂᑦ, ᑐᒥᖏᓐᓂᑦ, ᐊᒻᒪᓗ ᓇᔾᔪᒥᓃᑦ, ᓄᓇᒥ ᖃᐅᔨᓴᕐᓂᖃᖅᑎᓪᓗᒋᑦ.

          ᑕᑯᔭᐅᒐᔪᓚᐅᖅᑐᑦ ᐅᐊᓐᓇᖅᐸᓯᖓᓂ ᑕᓯᐅᑉ ᓯᓈᓂ. ᐆᒪᔪᕐᓄᑦ ᐊᔾᔨᓕᐅᕈᑎᖏᑦ ᐊᔾᔨᓕᐅᕇᖕᓇᙳᓱᑦᑐᑦ ᐆᒪᔪᕐᓂᑦ ᖃᓄᐃᑦᑐᑐᐃᓐᓇᕐᓂᒃ ᐅᑭᐊᒃᓵᖅ ᐅᑭᐅᒥᓗ. ᖃᐅᔨᓴᕐᓃᑦ ᑲᔪᓯᓂᐊᖅᑐᑦ 2027-ᒧᑦ.

          ᑐᑦᑐᓂᒃ ᓴᐳᔾᔨᓂᖅ ᖁᑦᑎᑦᑐᒥ ᓯᕗᓪᓕᐅᔾᔭᐅᔪᖅ. ᐃᓕᑉᐸᓪᓕᐊᔭᕗᑦ ᑐᑦᑐᐃᑦ ᒥᒃᓵᓄᒃ ᑕᓯᐅᖅᓯᓂᐊᖅᑐᖅ ᓇᓂ ᓴᓇᒪᓂᖓᓂᓗ ᐱᓕᕆᐊᑉ ᐱᖁᑎᕐᔪᐊᖓᓂᑦ, ᒥᑭᓪᓕᕚᓪᓕᖁᓪᓗᒋᑦ ᐊᑦᑐᐃᔪᓐᓇᖅᑐᑦ. ᑐᓂᓯᓂᐊᕐᒥᔪᑦ ᐆᑦᑑᑎᒥᒃ ᕿᒥᕐᕈᒍᑕᐅᓂᐊᖅᑐᒥᒃ, ᓯᕗᓂᒃᓴᒧᑦ ᖃᐅᔨᓴᕐᓂᐅᒐᔭᖅᑐᒧᑦ.

          ᑐᑦᑐᐃᑦ ᓄᕐᕋᖏᑦ

          ᑕᓪᓕᒪᑦ ᓄᕐᕋᐃᑦ ᑕᑯᔭᐅᓚᐅᖅᑐᑦ ᓄᓇᒥ ᖃᐅᔨᓴᕐᓂᖃᖅᑎᓪᓗᒋᑦ. ᖃᐅᔨᓴᖅᑏᑦ ᐅᖃᖅᓯᒪᔪᑦ ᑰᑉ ᖁᒡᕕᒋᔭᖓᓂ ᐃᒥᖅᑕᖅᕕᐅᔪᒪᔪᒥ ᐱᒻᒪᕆᐅᓂᐊᖅᑐᖅ ᓇᔪᖅᐸᑦᑕᖏᑦ ᕿᑐᕐᖏᐅᕐᕕᐅᔪᓄᑦ.

          ᐊᔾᔨᓕᐅᕈᑏᑦ ᐆᒪᔪᓄᑦ ᐊᔾᔨᓕᐅᕇᓐᓇᓂᐊᖅᑐᑦ ᐆᒪᔪᕐᓂᑦ ᐅᑭᐊᒃᓵᖅ ᐅᑭᐅᒥᓗ. ᖃᐅᔨᓴᕐᓂᖅ ᑲᔪᓯᓂᐊᖅᑐᖅ 2027-ᒧᑦ.

          ᐱᕈᖅᓯᐊᑦ

          ᖃᐅᔨᔭᐅᓕᖅᑐᑦ 82 ᐊᔾᔨᒌᙱᑦᑐᑦ ᐱᕈᖅᓯᐊᑦ ᖃᐅᔨᓴᖅᕕᐅᔪᓂ. ᖃᐅᔨᓴᖅᑏᑦ ᐅᖃᖅᓯᒪᔪᑦ ᐊᒥᓱᐊᓗᐃᑦ ᐊᔾᔨᒌᙱᑦᑐᑦ ᐱᕈᖅᓯᐊᓂᑦ, ᐱᖃᓯᐅᑎᔪᑦ ᐃᓚᖏᑦ ᑕᑯᔭᐅᒐᔪᙱᑦᑐᑦ ᖃᐅᔨᓴᖅᕕᐅᔪᒥ, ᑰᖕᓂᖓᑕ ᒥᒃᓵᓄᑦ ᑕᓯᕐᒥᑦ. ᑎᖓᐅᔭᐃᑦ ᓱᓕ ᖃᐅᔨᔭᐅᕙᓪᓕᐊᔪᑦ ᖃᐅᔨᓴᖅᕕᖏᓐᓂᑦ.

          ᐃᓄᐃᑦ ᐆᒪᔪᕐᓄᑦ ᖃᐅᔨᓴᖅᑏᑦ ᖃᕋᓴᐅᔭᓕᕆᔩᓪᓗ ᐊᒥᖅᑳᖅᓯᒪᕗᑦ ᖃᓄᖅ ᐊᑐᖅᑕᐅᓲᖑᖕᒪᖔᑕ ᐱᕈᖅᓯᐊᑦ ᖃᓄᕐᓗ ᐃᓄᐃᑦ ᓄᓇᒥ ᐊᑐᓲᖑᖕᒪᖔᑕ. ᖁᖑᓖᑦ ᓂᕆᔭᐅᓲᖑᕗᑦ ᐃᓄᓐᓄᑦ ᐱᒻᒪᕆᐅᓪᓗᓂᓗ ᓄᓇᒦᑎᓪᓗᒋᑦ.

          ᑐᑭᓯᓂᖅ ᓇᓕᐊ ᐱᕈᖅᓯᐊᑦ ᑰᒑᓘᑉ ᖃᓂᒋᔮᓃᖕᒪᖔᑕ, ᓇᓕᐊᓪᓗ ᐱᒻᒪᕆᐅᓗᐊᑎᒋᕙᑦ ᐃᓄᖕᓄᑦ ᑕᓯᐅᖅᓯᓂᐊᖅᑐᓂᒃ ᐱᓕᕆᐊᖑᔪᒪᔪᒧᑦ ᓴᓇᒪᓂᖓᓂᑦ ᐊᕙᑎᖓᓂᓪᓗ ᐸᕐᓈᖃᕐᓂᕐᒥᒃ.

          ᐊᔾᔨᐅᖏᑦᑐᑦ ᑕᑯᔭᐅᒐᔪᙱᑦᑐᑦ ᐱᕈᖅᓯᐊᑦ

          ᖃᐅᔨᓴᖅᑏᑦ ᓇᓂᓯᓯᒪᔪᑦ ᐊᒥᑦᑐᑯᓗᐃᑦ ᐱᕈᖅᑐᓂᑦ Robust Matchstick Lichen ᐊᒻᒪᓗ Spitsbergen Earwort ᖃᐅᔨᓴᖅᕕᐅᔪᓂ - ᑕᒪᒃᑮᒃ ᑕᑯᔭᐅᒐᔪᙱᑦᑐᑦ ᐱᕈᖅᓯᐊᑦ. ᓯᕗᓪᓕᖅᐹᕐᒥᒃ Robust Matchstick Lichen-ᒥᒃ ᑕᑯᔭᐅᔪᖃᓚᐅᖅᑯᖅ ᓄᓇᕗᒥ, ᖃᓪᓗᓈᓂᓕ ᖃᐅᔨᓴᕐᓂᒃᑯᑦ. ᑕᒪᓐᓇ ᐃᑲᔪᖅᑐᖅ ᐱᓕᕆᒡᓂᑦ ᐊᑦᑐᐃᖁᔭᐅᓇᑎᒃ ᓴᓂᐊᓅᖁᔭᐅᓇᑎᓪᓗ ᐊᑦᑕᕐᓇᖅᑐᑦ ᓇᔪᒐᖏᑦ.

          ᐆᒪᔫᑉ ᓇᔭᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ

          ᖃᐅᔨᓴᖅᑏᑦ ᓴᓇᓚᐅᖅᑐᑦ ᐆᒪᔪᓄᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᓐᓂᑦ (ELC) ᓄᓇᙳᐊᖅ ᖃᐅᔨᓴᖅᑕᐅᓯᒪᔪᑦ ᖃᕋᓴᐅᔭᒃᑯᓪᓗ ᑕᑯᒃᓴᐅᑎᑦᑎᓂᖅ.

          ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ ᑲᑐᔾᔨᖃᑎᒌᑦ ᓄᓇᙳᐊᖓ ᐊᕕᒃᑐᐃᕗᖅ ᓄᓇᓕᒫᒥᒃ ᒥᑭᓐᓂᕐᓴᓄᑦ , ᑲᑎᙳᑎᑕᐅᓪᓗᑎᒡᓗ ᐊᒡᔨᒌᙱᑦᑐᓄᑦ ᐆᒪᔪᑦ ᓇᔪᒐᖃᖅᕕᖏᑦ ᖃᓄᐃᑦᑑᓂᖏᓐᓂᒃ, ᑐᙵᕕᖃᖅᖢᑎᒃ:

          • ᐱᕈᖅᑐᑦ
          • ᐆᒪᔪᑦ
          • ᐃᔾᔪ ᐊᒻᒪ ᓄᓇᐅᑉ ᖃᓄᐃᓕᖓᓂᖓ
          • ᓄᓇᐅᑉ ᐋᖅᑭᒃᓯᒪᓂᖓ ᓲᕐᓗ ᖃᖅᑲᐃᑦ ᐅᕝᕙᓘᓐᓃᑦ ᓯᕕᑐᔪᑦ
          • ᐃᒪᖅ (ᑰᒐᓛᑦ, ᑕᓯᕋᐃᑦ, ᒪᓴᐃᑦ, ᐅᕝᕙᓗᓐᓃᑦ ᐸᓂᖅᑐᑦ ᓄᓇᐃᑦ)
          • ᓯᓚ ᖃᐅᔨᓴᖅᖢᒋᑦ

          ᑖᒃᑯᐊ ᖃᓄᐃᑦᑑᓂᖏᑦ, ᑕᑯᔪᓐᓇᖅᑐᒍᑦ ᓇᓂ ᐊᔾᔨᒌᙱᑦᑐᑦ ᓄᓇᐃᑦ ᐱᑕᖃᕐᒪᖔᑕ ᐊᒻᒪ ᖃᓄᖅ ᐱᑕᖃᕋᔪᖕᒪᖔᑕ. ᑕᒪᓐᓇ ᐅᕙᑦᑎᓐᓂᒃ ᐃᑲᔪᖅᐸᒃᐳᖅ ᓴᐳᔾᔨᓯᒪᓂᕐᒥᒃ ᓄᓇᒥᒃ ᑐᑭᓯᐅᒪᓕᕐᓗᑕᓗ ᖃᓄᖅ ᑕᒪᓐᓇ ᐱᓕᕆᐊᖑᔪᖅ ᐊᒃᑐᖅᓯᓇᔭᕐᒪᖔᑦ ᐊᕙᑎᒥᒃ.

          ᐃᓄᐃᑦ ᐆᒪᔪᓄᑦ ᐅᐊᑦᑎᔩᑦ ᖃᕋᓴᐅᔭᓕᕆᔩᓪᓗ ᐊᒥᖅᑳᓚᐅᖅᑐᑦ ᐱᒻᒪᕆᐅᔪᒥᒃ ᖃᐅᔨᒪᓂᖏᓐᓂᒃ ᖃᓄᕐᓗ ᐆᒪᔪᐃᑦ ᐃᓄᐃᓪᓗ ᐊᑐᖅᐸᖕᒪᖔᑕ ᓇᔪᒐᐅᔪᓂᑦ ᐊᕐᕌᒎᒥ ᐃᓗᐊᓂ. ᖃᐅᔨᓴᖅᑕᐅᓯᒪᔪᑦ ᑕᒫᓂ ᐊᕐᕌᒍᒥ ᑲᔪᓯᔪᑦ ᓇᓗᓴᐃᔭᐃᑦᓯᐊᑲᓐᓂᖅᑐᑦ ᐊᑐᖅᑕᐅᓂᖓᓂᑦ.

          ᖃᓄᐃᑦᑑᓂᖏᑦ ᓄᓇᐅᑉ - ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ

          ᑕᑯᒃᓴᐅᔪᖅ ᓄᓇᒥ ᖃᐅᔨᓴᖅᑕᐅᔪᑦ ᓄᓇᐅᓪᓗ ᖁᓛᓂᑦ ᖃᐅᔨᓴᖅᑕᐅᔪᑦ ᐃᑲᔪᓚᐅᖅᐳᑦ ᓇᓗᓇᐃᖅᓯᓪᓗᑎᓪᓗ ᖁᓕᓂᒃ ᓇᔪᒐᖃᕐᕖᑦ ᖃᓄᐃᑦᑑᓂᖏᓐᓂᑦ ᑐᒃᓯᕋᐅᑕᐅᔪᑦ 2025-ᖑᑎᓪᓗᒍ, ᑕᒪᓐᓇᓗ ᐅᕙᑦᑎᓐᓂᒃ ᐃᑲᔪᓚᐅᖅᑐᖅ ᓇᓂᓯᓪᓗᑕ ᑕᓪᓕᒪᓂᒃ ᓄᑖᓂᒃ ᖃᐅᔨᓴᖅᕕᐅᔪᒥ. ᐃᓚᖏᑦ ᖃᐅᔨᓴᖅᑕᐅᕕᐅᔪᑦ ᑕᑯᔭᐅᓚᐅᖅᑐᑦ ᐃᒪᓐᓇᐅᕗᑦ:

          • ᑕᓰᐊᕋᖅ ᑕᓰᓪᓗ
          • ᑰᒐᓛᑦ ᑰᓪᓗ
          • ᐳᐊᓗᙳᐊᑦ
          • ᖃᐅᓯᖅᑐᑦ ᓄᓇ
          • ᒪᓴ
          • ᓄᓇᒥ ᐱᕈᖅᑐᑦ ᑎᖓᐅᔭᐃᑦ
          • ᓴᖅᑭᔮᖅᑐᑦ ᐃᔾᔪᑦ
          • ᓯᐅᕋᔮᓃᑦᑐᑦ ᓄᓇ
          • ᕿᒡᒍᐃᑦ
          • ᖃᐃᖅᓱᐃᑦ

          ᓇᕿᓪᓗᒍ ᓄᓇᙳᐊᖅ ᖃᐅᔨᓴᖅᑕᐅᓯᒪᔪᖅ ᓇᓗᓇᐃᔭᕈᑎᖏᑦ ᑐᑭᓯᒃᑲᓐᓂᕈᒪᓗᓂ.

          ᑎᖕᒥᐊᑦ ᐃᒫᓅᓲᑦ

          ᐊᔾᔨᒌᙱᑦᑐᑦ ᑎᒻᒥᐊᑦ ᐃᒫᓅᓱᑦ ᖃᐅᔨᔭᐅᓚᐅᖅᑐᑦ ᓇᖏᑦᑐᓄᑦ ᖃᐅᔨᓴᖅᑐᓄᑦ ᓄᓇᐅᓪᓗ ᖁᓛᒍᑦ ᖁᓕᒥᒎᑎᒍᑦ ᓈᓴᐃᑎᓪᓗᒋᑦ. ᐃᓚᒋᔭᐅᔪᑦ ᓂᕐᓖᑦ, ᖃᖅᓴᐅᑦ, ᑑᓪᓖᑦ, ᒥᑏᕐᓗᐃᑦ.

          ᒨᑯᕆᓄᑦ ᖃᐅᔨᓴᕐᓂᖅ

          ᖃᐅᔨᓵᖑᓯᒪᔪᑦ ᖃᐅᔨᓴᕐᕕᖕᒥ ᕿᓂᖅᑐᑦ ᒨᑯᕆᒥᑦ. ᖃᐅᔨᓴᒐᒃᓴᑦ ᑕᑯᑎᑦᑎᔪᑦ ‘ᓯᕗᓂᐊᒍᑦ ᖃᓄᐃᑦᑑᓂᕐᒪᖔᑦ” ᓄᓇᒥ ᖄᒥᓗᐊᕐᕕᐅᔪᓐᓇᖅᑐᒥ. ᑕᑯᑎᑦᑎᓂᐊᖅᑐᑦ ᐅᕙᑦᑎᓐᓂᑦ ᐃᓗᓕᖏᑦ ᒨᑯᕆᓕᐅᕈᓐᓇᕐᒪᖔᑕ, ᓄᓇ ᖄᒥᑕᐅᓐᓂᖅᐸᑦ ᐃᒥᕐᒧᑦ. ᐅᑕᖅᑭᔭᕗᑦ ᓱᓕ ᖃᐅᔨᓴᖅᑕᐅᓯᒪᔪᑦ, ᑭᓯᐊᓂ ᐱᑐᐊᕈᑦᑎᒍ, ᖃᐅᔨᓴᖅᑕᐅᓂᐊᖅᑐᑦ ᐃᒪᐅᑉ ᓴᓂᐊᓂ, ᓯᐅᕋᕐᒥ, ᐃᖃᓗᖕᒥ, ᖁᐊᖑᐃᓐᓇᖅᑐᓪᓗ ᖃᐅᔨᓴᖅᑕᐅᔪᑦ. ᑕᐃᑲᓂ ᖃᐅᔨᒐᔭᖅᑐᒍᑦ ᖃᐅᔨᓴᖅᑐᖃᒃᑲᓐᓂᕆᐊᖃᕐᒪᖔᑦ . ᖃᐅᔨᔭᐅᔪᑦ ᐊᒥᖅᑳᕈᑕᐅᓂᐊᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᐃᓐᓇᐅᓕᑐᐊᖅᐸᑕ.

          ᓄᓇᒥ ᐃᓅᓯᖅ

          ᓄᓇᒥ ᓇᔪᖅᑕᐅᑲᐃᓐᓇᓚᐅᖅᑐᖅ ᐱᓕᕆᖃᑎᒌᒃᑐᓕᒫᓄᑦ ᐃᖅᑲᓇᐃᔭᖅᑐᓄᑦ ᑰᒑᓗᖕᒥ 2026-ᖑᑎᓪᓗᒍ ᖃᐅᔨᓴᕐᓂᖃᖅᑎᓪᓗᒋᑦ. ᑐᐱᖅᑕᖃᓚᐅᖅᑐᖅ 24-ᓂᒃ ᓯᓂᒡᕕᐅᕙᓪᓗᑎᒃ, ᓂᕆᕕᐅᔪᑦ, ᐃᖅᑲᓇᐃᔭᖅᕕᐅᓪᓗᑎᓪᓗ. ᓄᒃᑭᒃᓴᐅᑎᒃᑯᑦ ᐊᐅᓚᑦᑎᔨᖓᑦ, ᖃᓂᒪᖃᕐᓇᖏᑦᑐᓕᕆᓂᕐᒧᑦ ᐊᑦᑕᓇᖅᑕᐃᓕᔪᓕᕆᓂᕐᒧᑦ ᖃᐅᔨᓴᖅᑎ, ᒪᕐᕉᒃ ᖁᓕᒥᒎᓖᒃ ᐊᖁᑎᖏᒃ, ᖁᓕᒥᒎᓕᖕᒥᑦ ᓴᓇᔨ ᓄᓇᒋᔭᑦᑎᓐᓃᖏᓐᓇᓚᐅᕐᒥᔪᖅ ᖃᖓᓕᒫᖅ. ᐱᔭᒃᓴᖃᕐᓂᖅᐹᖑᓇᖅᑎᓪᓗᒍ, ᐃᓄᐃᑦ ᐊᒥᓲᓂᖏᑦ 48-ᖑᖃᑦᑕᓚᐅᖅᑐᑦ.