ᐃᒡᓗᓕᖕᒥᐅᑕᔪᖓ ᓴᓂᕋᔭᖕᒥᐅᑕᐅᓕᖅᑐᖓ, ᓄᓇᕗᑦᒥ. ᐱᓕᕆᐊᕆᓪᓗᐊᑕᖅᑕᕋ ᐱᑕᖃᙱᓐᓂᐅᔪᖅ ᑲᑎᙵᓕᕐᑎᓪᓗᒍ ᐊᔾᔨᒌᙱᓐᓂᐅᔪᓂᒃ ᐆᒻᒪᖅᑯᑎᓄᑦ ᐱᓕᕆᐊᖑᔪᓄᑦ ᐊᒻᒪᓗ ᓄᓇᓕᖕᓂ ᐅᑭᐅᖅᑕᖅᑐᒥ ᓄᓇᓕᐅᔪᓄᑦ, ᐊᒃᑐᖅᑕᐅᓂᖃᓗᐊᖅᑐᓄᑦ ᑐᙵᕕᖃᕐᓂᖏᓐᓄᑦ ᐃᒐᓯᐅᒻᒥᒃ ᐆᒻᒪᖅᑯᑎᓄᑦ. ᑕᒪᓐᓇ ᐱᖃᓯᐅᔾᔨᔪᖅ ᓇᓗᓇᐃᖅᓯᓂᕐᒥᒃ ᐱᓕᕆᐊᒃᓴᐃᑦ ᓄᓇᓕᖕᓂ ᐊᐅᓚᑕᐅᑦᑎᐊᖁᓪᓗᒋᑦ ᐊᒻᒪᓗ ᐊᑯᓂᐅᔪᒃᑯᑦ ᐃᑲᔫᑎᖃᖁᓪᓗᒋᑦ – ᖃᕆᑕᐅᔭᒃᑯᑦ ᐋᖅᑭᒍᑎᒃᓴᑐᐃᓐᓇᐅᖏᑦᑐᓂᒃ. ᐃᓚᐅᓪᓚᕆᒃᐸᒃᐳᖓ ᓄᓇᓕᖕᓂᒃ ᐃᓚᐅᑎᑦᑎᓂᕐᒥᒃ, ᐊᒻᒪᓗ ᐱᒋᐊᖅᑎᑦᑎᕙᒃᐳᖓ ᐅᖃᓪᓚᒃᐸᒃᖢᖓ ᑲᑎᒪᓂᕐᒥᒃ , ᑭᒃᑯᓕᒫᓄᑦ ᑐᙵᕕᖃᖅᑎᑦᑎᓇᓱᒃᖢᖓ ᖃᓄᐃᒻᒪ ᑕᒡᕙᓃᒻᒪᖔᑦᑕ ᒪᑐᒥᖓ ᐱᓕᕆᐊᖃᖅᖢᑕ. ᐃᓕᓐᓂᐊᕐᕕᖕᒧᐊᕐᐸᒃᑭᕗᖓ ᐃᓕᓐᓂᐊᖅᑎᑦᑎᓇᓱᒧ ᒪᒃᑯᒃᑐᓂᒃ ᐆᒻᒪᖅᑯᑎᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᐊᒻᒪᓗ ᐃᓚᐅᖃᑦᑕᖅᓯᒪᓪᓗᖓ ᑲᓇᑕᓕᒫᒥ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᕈᑕᐅᕙᑦᑐᓄᑦ ᓴᓗᒪᔪᒥᒃ ᐆᒻᒪᖅᑯᑎᖃᕐᓂᕐᒧᑦ ᓅᑎᕆᓂᕐᒥᒃ, ᑕᒪᓐᓇ ᖃᐅᔨᒪᓂᕆᔭᐅᔪᓂᒃ ᐅᑎᖅᑎᑦᑎᔪᒪᓂᕐᒧᑦ ᓄᓇᕗᑦᒧᑦ.
ᐃᓕᑕᕆᔭᐅᔾᔪᑎᑖᖅᓯᒪᕗᖓ ᐃᓄᒃᑎᑐᑦ ᐅᖅᑲᕆᒃᓯᕐᓂᕐᒧᑦ ᐱᕈᕐᕕᒃᑯᑎᒍᑦ, ᐱᔭᕇᖅᓯᒪᓪᓗᖓᓗ ᖃᕆᑕᐅᔭᒃᑯᑦ ᐃᓕᖅᑯᓯᖃᖃᑎᒌᙱᑦᑐᓂᒃ ᑐᓴᐅᒪᖃᑎᒌᖕᓂᖅ ᐃᓕᓐᓂᐊᕈᑎᓂᒃ ᓯᓚᑦᑐᖅᓴᕐᕕᒡᔪᐊᖓᓂ ᐳᕆᑎᔅ ᑲᓚᒻᐱᐊᒥ.
ᐊᒻᒪᓗ ᐅᐸᒍᑎᓚᐅᖅᓯᒪᓪᓗᖓ ᑕᒪᕐᒥᓄᒃ ᐃᓗᓕᑦᑕ ᐃᓗᓕᖏᑦ ᑲᑎᒪᓂᖃᖅᑎᓪᓗᒋᑦ ᐃᖃᓗᖕᓂ ᐊᒻᒪᓗ 20/20 ᑲᔪᓯᑎᑦᑎᔾᔪᑎᓄᑦ ᐱᓕᕆᐊᒧᑦ, ᑲᓇᑕᓕᒫᒥ ᑕᐃᒪᐃᓪᓗᐊᖃᑎᒋᓪᓗᒋᑦ.