ᐃᓕᓴᐃᔨᒻᒪᕆᒃ ᓴᓇᔨᒻᒪᕆᒃ, ᐱᓕᕆᐊᓂᒃ ᐊᐅᓚᑦᑎᓂᕐᒧᑦ ᐃᓕᓴᐃᔨᒻᒪᕆᒃ
ᐱᓕᕆᐊᖃᖅᓯᒪᓕᕋᒪ ᐅᑭᐅᖅᑕᖅᑐᒥ ᐊᕐᕌᒍᓄᑦ ᑕᓪᓕᒪᑲᓴᖕᓄᑦ ᐊᓕᐊᓇᐃᒍᓱᓪᓚᕆᒃᖢᖓᓗ ᐱᓕᕆᖃᑎᖃᕆᐊᒃᓴᖅ ᐃᓄᖕᓂᒃ ᓄᓇᕗᑦᒥ. ᓄᓇᕗᑦ ᓄᑭᒃᓴᐅᑏᑦ ᑯᐊᐳᕇᓴᖓᑕ ᑕᐅᑐᙳᐊᖅᑕᖓ ᑐᑭᓕᐊᖅᑐᖅ ᐱᓕᕆᐊᕆᔪᒪᔭᓐᓂᒃ ᐱᓕᕆᐊᖃᖃᑦᑕᕈᒪᓪᓗᖓ ᓄᓇᓕᕋᓛᖑᓂᖅᓴᓂ ᐊᑯᓂᐅᔪᒃᑯᑦ ᐱᐅᔪᒃᑯᑦ ᐊᒃᑐᐃᓂᖃᖅᑐᓂᒃ.
ᓄᓇᕗᑦᒥ ᓄᑭᒃᓴᐅᑎᒃᑯᑦ ᐱᓕᕆᐊᒃᓴᓄᑦ ᐱᓕᕆᔨᖏᓐᓂᒃ ᑐᑭᒧᐊᒃᑎᑦᑎᔨᐅᕙᒃᑲᒪ ᐸᕐᓇᐃᑎᓪᓗᒋᑦ, ᐱᕙᓪᓕᐊᑎᑦᑎᑎᓪᓗᒋᑦ, ᓴᓇᑎᓪᓗᒋᑦ, ᐊᐅᓚᑦᑎᑎᓪᓗᒋᓪᓗ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐱᓕᕆᐊᒃᓴᓂᒃ ᕿᑭᖅᑕᓂ ᐊᕕᒃᑐᖅᓯᒪᔪᓕᒫᓂ. ᑲᑐᔾᔨᖃᑎᖃᖅᐸᑉᐳᖓ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᓄᓇᓕᖕᓂ ᑲᑐᔾᔨᖃᑎᒌᓂᒃ, ᑳᓐᑐᕌᒃᑎᓂᒃ, ᐱᕙᓪᓕᐊᑎᑦᑎᓂᕐᒧᑦ ᑲᑐᔾᔨᖃᑎᒋᔭᐅᔪᓂᒃ, ᓴᓇᕕᔾᔪᐊᓂᒃ, ᒐᕙᒪᒃᑯᓐᓂᓪᓗ ᐱᓕᕆᐊᑦ ᓯᕗᒻᒧᐊᖁᓪᓗᒋᑦ ᐊᑲᐅᓈᖅᑐᒃᑯᑦ ᐊᒻᒪ ᑕᐅᑐᒐᖃᕐᓗᑕ ᓄᓇᓕᖕᓂ ᐱᔪᓐᓇᕐᓂᖅᑖᖅᐸᓪᓕᐊᓂᕐᒥᒃ. ᓇᓗᓇᐃᕐᓯᖃᑦᑕᕐᒥᔪᖓ ᓄᑖᓂᒃ ᓇᖕᒥᓂᖁᑎᓕᓐᓄᑦ ᐱᕕᒃᓴᐅᔪᓂᒃ ᐃᑲᔪᖅᑐᐃᔾᔪᑕᐅᓂᐊᖅᑐᓂᒃ ᓄᓇᕗᑦᒥ ᓄᑭᒃᓴᐅᑎᒃᑯᑦ ᑯᐊᐳᕇᓴᖓᓐᓄᑦ.
ᐃᓕᓐᓂᐊᕆᐊᓚᐅᖅᓯᒪᒐᒪ ᐃᖅᑲᐅᒪᔾᔪᑏᑉ ᓯᓚᑦᑐᓴᕐᕕᔾᔪᐊᖓᓄᑦ ᓂᐅᕙᓐᓛᓐ, ᐱᔭᕇᖅᓯᓪᓗᖓ ᐸᐃᑉᐹᖅᑖᖅᑐᖓ ᓴᓇᔨᒻᒪᕆᐅᓂᕐᒧᑦ. ᖃᐅᔨᒪᓂᖃᖅᑐᖓ ᑎᑎᕋᐅᔭᕐᓂᕐᒥᒃ, ᑳᓐᑐᕌᒃᓂᒃ ᐊᐅᓚᑦᑎᓂᕐᒥᒃ, ᐊᒻᒪᓗ ᐱᓕᕆᐊᓂᒃ ᐊᐅᓚᑦᑎᓂᕐᒥᒃ ᐆᒻᒪᖅᑯᑎᓂᒃ ᐊᑐᒃᑲᓐᓂᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᖁᑎᕐᔪᐊᓂᒃ. ᓯᕗᓕᖅᑎᐅᕗᖓ ᖃᐅᔨᒪᔭᐅᓪᓗᖓ ᓴᓇᓂᕐᒥᒃ ᑲᔪᓯᓂᖃᑦᑎᐊᖅᑐᓂᒃ ᐊᒻᒪ ᐊᑯᓂᐅᔪᒧᑦ ᑲᑐᔾᔨᖃᑎᒌᖕᓂᐅᔪᓂᒃ ᐱᓕᕆᐊᓄᑦ ᑎᒍᒥᐊᖅᑎᐅᔪᓂᒃ.