ᓴᓇᔨᒻᒪᕆᒃ ᐃᓕᓐᓂᐊᖅᑎᑦᑎᓂᕐᒥ
ᐃᖃᓗᓐᓄᑦ ᓅᓚᐅᖅᓯᒪᔪᖓ 2023-ᒥ ᐱᔭᕇᓚᐅᖅᑎᓪᓗᖓ ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪᓗ ᑎᓴᒪᓂᒃ ᓄᓇᓕᖕᓄᑦ ᐳᓚᕋᖅᓯᒪᓕᖅᑐᖓ ᐃᖅᑲᓇᐃᔮᕐᒪ ᐃᓚᒋᓪᓗᓂᐅᒃ. ᐊᒃᓱᕈᑦᑎᐊᖅᑐᖓ ᐃᑲᔪᖅᑐᐃᔪᒪᓪᓗᖓ ᐅᑭᐅᖅᑕᖅᑐᒥ ᐅᖓᓯᒃᑐᒦᑦᑐᓂᒃ ᓄᓇᓕᐅᔪᓂᒃ ᓴᓗᒪᔪᒥᒃ ᐆᒻᒪᖅᑯᑎᖃᓕᖁᓪᓗᒋᑦ.
ᓯᕗᓕᖅᑎᐅᕗᖓ ᐊᓄᕆᔾᔪᐊᖅ ᓄᒃᑭᒃᓴᐅᑏᑦ ᐱᓕᕆᐊᖓᓄᑦ ᓄᓇᕗᑦᒥ ᓯᕗᓪᓕᖅᐹᖑᔪᖅ ᐊᓄᕆᒧᑦ ᐹᑕᓖᒃᑯᓪᓗ ᐆᒻᒪᖅᑯᑎᖃᕐᓂᕐᒧᑦ ᑐᖅᑯᐃᕕᒃ ᐊᒻᒪᓗ ᐃᓄᐃᑦ ᓇᒻᒥᓂᖁᑎᖏᑦ ᓄᓇᐃᑦ ᐱᓕᕆᐊᖅ. ᐸᕐᓇᐃᓂᕐᒥᒃ ᑲᒪᒋᔭᖃᖃᑦᑕᖅᑐᖓ, ᐊᐅᓚᑦᑎᖃᑦᑕᖅᑐᖓᓗ ᐱᓕᕆᐊᓄᑦ ᐊᐅᓚᑦᑎᔾᔪᑎᓂᒃ, ᐊᒻᒪᓗ ᑐᓴᐅᒪᑎᑦᑎᔨᐅᓪᓗᖓ ᑳᓐᑐᕌᒃᑕᐅᓯᒪᔪᓄᑦ. ᑮᓇᐅᔭᖃᖅᑎᑦᑎᔨᓂᒃ ᐱᓕᕆᖃᑎᖃᖃᑦᑕᖅᑐᖓ, ᑐᑭᒧᐊᒃᑎᑦᑎᖃᑦᑕᖅᑐᖓ ᐅᐊᔭᓕᕆᔨᒃᑯᓐᓂᑦ, ᐊᒻᒪᓗ ᓄᓇᓕ`ᓂᑦ ᐱᓕᕆᖃᑎᖃᖃᑦᑕᖅᑐᖓ. ᓯᕗᓂᐊᓂ, ᐃᖅᑲᓇᐃᔭᓚᐅᖅᓯᒪᒐᒪ ᓴᓇᔨᓄᑦ ᐱᓕᕆᐊᓄᑦ ᓯᕗᓕᖅᑎᐅᓪᓗᖓ, ᐃᖅᑲᓇᐃᔭᖅᑐᖓ ᖁᓛᓂ ᓯᕿᓂᕐᒥᒃ ᐆᒻᒪᖅᑯᑎᓕᐅᕈᑎᓂᒃ ᐱᓕᕆᐊᓂᒃ ᐊᒻᒪᓗ ᖃᐅᔨᓴᐃᓪᓗᖓ ᐃᑲᔪᖅᓱᐃᔾᔪᑕᐅᓂᐊᖅᑐᓂᒃ ᓴᓗᒪᔪᒥᒃ ᐆᒻᒪᖅᑯᑎᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᑭᐅᖅᑕᖅᑐᒥ ᓄᓇᓕᖕᓂ.
ᓴᓇᔨᒻᒪᕆᐅᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᕗᖓ ᐃᖅᑲᐅᒪᔾᔪᑎᒃᓴᖅ ᓯᓚᑦᑐᖅᓴᕐᕕᒡᔪᐊᖓᓂ ᓂᐅᕙᓐᓛᓐᒥ ᐊᒻᒪ ᑎᑎᕋᖅᑕᐅᓯᒪᓪᓗᖓ ᓴᓇᔨᒻᒪᕆᐅᓂᕐᒧᑦ ᐃᓕᓐᓂᐊᖅᑎᑕᐅᓪᓗᖓ ᖃᐅᔨᒪᔨᒻᒪᕆᐅᔪᓄᑦ ᓴᓇᔨᒻᒪᕆᐅᓂᕐᒧᑦ ᐊᒻᒪ ᓄᓇᒥᐅᑕᓕᕆᔨᓄᑦ ᓂᐅᕙᓐᓛᓐᒥ ᐊᒻᒪ ᓛᐸᑐᐊᒥ (PEGNL). ᐱᔭᕇᖅᓯᒪᒻᒥᔪᖓ ᐃᖅᑲᓇᐃᔭᕐᓂᕐᒥᒃ ᐃᒪᕐᒥᐅᑕᓕᕆᓂᕐᒥᒃ, ᑭᓂᖅᑐᓕᕆᓂᕐᒥᒃ ᐅᖅᓱᓕᕆᓂᕐᒥᓪᓗ, ᐊᒻᒪᓗ ᓇᖕᒥᓂᖃᕐᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ.