ᑐᙵᓱᒋᑦ ᑰᒑᓗᒻᒧᑦ
ᐊᐅᔭᖅ, 2025−ᒥ ᓯᕗᓪᓕᖅᐹᖑᓚᐅᖅᐳᖅ ᑲᑎᖅᓱᐃᓂᕐᒥᒃ ᑎᑎᕋᖅᓯᒪᔪᓂᒃ ᑰᒑᓗᖕᒥ ᑎᓴᒪᓄᑦ ᖃᐅᔨᓴᖅᓯᓂᕐᒧᑦ ᐱᔾᔪᑕᐅᔪᓄᑦ ᐊᒃᑐᐊᓂᖃᖅᑐᓄᑦ ᐃᓱᒫᓘᑕᐅᓪᓗᐊᑕᖅᐸᒃᑐᓄᑦ ᓴᖅᑭᑎᑕᐅᓚᐅᖅᑐᓄᑦ ᐃᖃᓗᖕᒥᐅᓄᑦ ᐸᖕᓂᖅᑑᕐᒥᐅᓄᓪᓗ ᑭᒃᑯᑐᐃᓐᓇᓂᒃ ᐃᓚᐅᑎᑦᑎᓂᕐᒧᑦ ᐱᓕᕆᖃᑎᒌᖕᓂᕐᓂ ᒫᓐᓇᒧᑦ ᑎᑭᖦᖢᒍ.
ᑕᒪᓐᓇ ᐱᓕᕆᓂᐅᔪᖅ ᐃᑲᔪᖅᑐᐃᕗᖅ ᑐᑭᓯᐅᒪᑦᑎᐊᕐᓂᕐᒥᒃ ᒫᓐᓇ ᖃᓄᐃᓕᖓᓂᕆᔭᐅᔪᓂᒃ, ᐊᒃᑐᖅᓯᓂᐅᑐᐃᓐᓇᕆᐊᓕᖕᓂᒃ ᐃᒪᕐᒧᑦ ᐆᒻᒪᖅᑯᓯᐅᕐᓂᕐᒧᑦ ᐱᓕᕆᐊᖑᔪᒥᒃ ᓴᓇᔪᖃᕐᓂᖅᐸᑦ, ᖃᓄᕐᓗ ᑕᒪᒃᑯᐊ ᐊᒃᑐᖅᓯᓂᕆᕙᒃᑕᖏᑦ ᒥᒃᖠᒋᐊᖅᑎᑦᑐᓐᓇᕐᒪᖔᑦᑎᒍᑦ. ᖃᐅᔨᓴᕈᑕᐅᔪᓕᒫᑦ ᐊᖏᖅᑕᐅᓚᐅᖅᐳᑦ ᓈᒻᒪᒃᑐᓄᑦ ᒪᓕᒐᖅᑎᒍᑦ ᑎᒥᐅᔪᓄᑦ. ᖃᐅᔨᒃᑲᐃᔨᑦ ᐱᐊᓂᒃᓯᓚᐅᖅᑐᑦ ᑖᔅᓱᒥᖓ ᐱᓕᕆᐊᒥᒃ ᓂᕈᐊᖅᑕᐅᓚᐅᖅᐳᑦ ᑐᒃᓯᕋᐅᑎᓂᒃ ᐱᔪᒪᔾᔪᑎᒃᑯᑦ, ᓯᕗᓪᓕᐅᔾᔭᐅᓪᓗᑎᒃ ᐃᓄᐃᑦ ᓇᖕᒥᓂᖁᑎᖏᑦ, ᓇᖕᒥᓂᕆᔭᐅᔪᑦ ᐅᓄᖅᑐᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᓖᑦ, ᐊᒻᒪ ᓄᓇᓕᖕᓂ ᓇᖕᒥᓂᕆᔭᐅᔪᑦ.
ᕿᒥᕐᕈᐊᒃᑲᓐᓂᕐᓗᒋᑦ ᐊᑐᓂᑦ ᐊᔪᕈᓐᓃᖅᓴᕐᓂᕐᒧᑦ ᐱᔾᔪᑕᐅᔪᑦ ᐱᓕᕆᖃᑎᒌᒃᐸᒃᑐᓄᑦ ᓄᓇᙳᐊᓄᑦ ᐊᑖᓃᑦᑐᓄᑦ – ᐅᓄᖅᑐᓂᒃ ᐃᓕᑦᑎᔭᒃᓴᖅᑕᖃᖅᐳᖅ!
ᐃᑲᔫᑎ: ᑖᒃᑯᐊ ᓄᓇᙳᐊᑦ ᐊᑲᐅᓛᖑᕗᑦ ᑕᑯᔭᒃᓴᐅᓗᑎᒃ ᖃᕋᓴᐅᔭᕋᓛᒃᑯᑦ ᐅᕝᕙᓘᓐᓃᑦ ᖃᕋᓴᐅᔭᕋᓛᑎᑐᑦ ᐊᖏᑎᒋᔪᒥᑦ.
ᐃᒪᕐᒥᐅᑕᓕᕆᔨᒃᑯᑦ
ᐃᒪᕐᒥᐅᑕᓕᕆᔨᒃᑯᑦ ᐱᔭᕇᖅᓯᓚᐅᖅᐳᑦ ᖃᐅᔨᓴᕐᓂᐅᔪᓂᒃ ᐊᑯᓐᓂᖓᓂ ᐋᒡᒌᓯ 25-26, 2025 ᑲᑎᖦᖢᒋᑦ ᐅᓪᓗᓄᑦ ᒪᕐᕉᖕᓄᑦ. ᑎᓚᓐ ᖃᐅᔨᒪᔨᑕᐃᑦ ᓕᒥᑎᑦ ᐊᒻᒪᓗ ᐃᓄᐃᑦ ᑕᓯᐅᖅᑏᑦ ᐊᐅᓪᓚᓚᐅᖅᑐᑦ ᐃᓕᓐᓂᐊᕆᐊᖅᖢᑎᒃ ᐃᒪᑦᑎᐊᕙᐅᑉ ᐊᕙᑎᖓᓂᒃ ᑰᒑᓗᒃ ᑰᖓᓂ.
ᖃᐅᔨᓴᖅᑕᐅᓚᐅᖅᑐᑦ ᖁᑦᑎᒃᑐᒥ ᑕᐅᓇᓂᓗ ᐃᒪᒃᑯᑦ ᐆᒻᒪᖅᑯᑎᖃᕐᕕᐅᓛᖅᑐᒥ, ᒥᑭᓐᓂᖅᓴᐅᔪᓂ ᖃᓂᒋᔭᖏᓐᓂ ᑰᖕᓂ, ᐊᒻᒪᓗ ᐊᖅᑯᑎᐅᔪᓐᓇᖅᑐᓂ.
ᑐᑭᓯᒋᐊᕈᑎᒃᓴᐃᑦ ᑲᑎᑕᐅᓯᒪᔪᑦ ᓯᕗᓪᓕᖅᐹᖅᓯᐅᑎᑐᐃᓐᓇᐅᕗᑦ, ᑐᑭᖃᖅᑐᖅ ᑐᑭᓯᑎᑦᑎᕗᑦ ᐃᖃᓗᖕᓂᒃ ᓇᔪᒐᖏᓐᓂᒡᓗ ᐅᓪᓗᒥ. ᑕᒪᓐᓇ ᐃᑲᔪᕐᓂᖃᓛᖅᑐᖅ ᐸᕐᓇᐃᓂᕐᒧᑦ ᐊᖏᓂᖅᓴᒥᒃ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᒥᒃ 2026-ᒧᑦ.
ᒫᓐᓇᐅᔪᖅ ᐱᒋᐊᓕᓵᖅᑎᓪᓗᒍ, ᓱᓕ ᐅᖃᕈᓐᓇᖏᑦᑐᒍᑦ ᖃᓄᖅ ᑐᒃᓯᕋᐅᑕᐅᓯᒪᔪᖅ ᐱᓕᕆᐊᖅ ᐊᒃᑐᐃᓂᖃᑐᐃᓐᓇᕆᐊᖃᕐᒪᖔᑦ ᐃᖃᓗᖕᓂᒃ ᐅᕝᕙᓘᓐᓃᑦ ᐃᖃᓗᐃᑦ ᓇᔪᒐᖏᓐᓂᒃ. ᖃᐅᔨᓴᒃᑲᓐᓂᕆᐊᖃᕐᒪᑕ.
ᖁᔭᓐᓇᒦᒃ ᐱᓕᕆᔨᕗᑦ ᐊᒻᒪᓗ ᓄᓇᓕᖕᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑎᒍᒥᐊᖅᑎᐅᔪᑦ ᑕᒪᑐᒥᖓ ᐊᔪᕐᓇᕈᓐᓃᑎᑦᑎᓚᐅᖅᑐᑦ.
- ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
- ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
- ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ
ᑐᒃᓯᕋᖅᑕᐅᓯᒪᔪᖅ ᐊᖅᑯᑎᒧᑦ ᖃᐅᔨᓴᖅᕕᐅᔪᒪᔪᖅ
ᖃᐅᒻᒪᖅᑯᑏᑦ ᐊᒻᒪ ᐅᖓᓯᒌᖕᓂᖏᑦ ᓄᓇᙳᐊᑦ ᐊᑐᖅᑕᐅᓚᐅᖅᐳᑦ 59-ᓂᒃ ᓄᓇᓂᒃ ᑰᖕᓂᒃ ᑰᖕᓂᒡᓗᓐᓃᑦ ᐃᑳᖅᕕᐅᓲᓂᒃ ᑐᒃᓯᕋᖅᑕᐅᓯᒪᔪᒧᑦ ᐊᖅᑯᓯᐅᕈᒪᔪᒧᑦ.
ᓇᕿᓪᓗᒍ ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᐊᐅᓚᑦᑎᔾᔪᑎ ᐃᓕᑦᑎᒃᑲᓐᓂᕈᒪᒍᕕᑦ.
ᑕᓯᐅᑉ ᓯᒡᔭᖓ − ᐱᒋᐊᙵᐅᑎ ᓇᔪᖅᑕᐅᔪᓄᑦ ᐅᓂᒃᑳᖅᓯᒪᓂᖓ
ᑕᒪᕐᒥᑲᓴᒃ ᒫᓐᓇ ᑕᓯᐅᑉ ᓯᒡᔭᖓ ᐅᔭᖅᑲᖃᐅᖅᐳᖅ, ᓲᕐᓗ ᐅᔭᖅᑲᓂᒃ ᐊᒻᒪ ᐅᔭᕋᓱᒡᔪᐊᓗᐃᑦ. ᐅᐊᖕᓇᖅᐸᓯᐊᓂ ᑲᓇᖕᓇᖅᐸᓯᐊᓂᒃ ᓯᒡᔭᖓᓐᓂ, ᐃᒃᑲᑦᑐᖃᖅᐳᖅ ᑐᐊᐸᒃᑕᖃᖅᖢᓂ ᐊᒻᒪ ᐅᔭᖅᑲᓂᒃ ᒥᑭᑦᑐᓂᒃ. ᑕᒪᒃᑯᐊ ᐱᑐᐃᓐᓇᐅᙱᓐᓂᖅᓴᑦ ᐃᕙᕝᕕᐅᔪᓐᓇᑦᑎᐊᖅᐳᑦ ᑕᕆᐅᕐᒥᐅᑕᓄᑦ ᐃᖃᓗᖕᓄᑦ.
ᑕᓯᐅᑉ ᐊᑖᒍ - ᐱᒋᐊᙵᐅᑎ ᓇᔪᖅᑕᐅᔪᓄᑦ ᐅᓂᒃᑳᖅᓯᒪᓂᖓ
ᑰᑉ ᐊᑖᓃᑦᑐᖅ ᐃᒥᖅᑕᖅᕕᐅᔪᒪᔫᑉ, ᑰᒃ ᑰᖕᓂᖃᐸᓗᒃᑐᖅ ᐊᖏᔪᐊᓗᖕᓂ ᐅᔭᕋᓱᒡᔪᓂᒃ ᑰᑉ ᐃᖅᑲᖓᓐᓂᒃ. ᐊᓯᖏᑦ ᑰᑦ ᖃᓄᐃᑦᑑᓂᖏᑦ ᑕᑯᔭᐅᓚᐅᕆᕗᑦ, ᐃᓚᐅᓪᓗᑎᒃ ᐳᐃᔾᔪᕌᕐᕖᑦ, ᐃᒃᑲᑦᑐᓪᓗ ᐃᒻᒥᐅᖅᖢᑎᒃ.
100 ᑭᓚᒦᑲᓂᒃ ᐅᖓᓯᖕᓂᓕᖕᒥ ᑕᐅᓄᖓ ᖃᐅᔨᓴᖅᑕᐅᓚᐅᖅᑐᒧᑦ, ᐃᓂᑕᖃᖅᐳᖅ ᓈᒻᒪᒃᑐᓂᒃ ᐃᓂᒋᔭᐅᔪᓐᓇᖅᑐᓂᒃ ᐃᖃᓗᖕᓄᑦ ᖃᓄᑐᐃᓐᓇᑦᑎᐊᖅ ᐆᒪᓂᖏᓐᓂ.
ᖃᐅᔨᓴᖅᑐᓕᕆᓂᖅ
ᖃᐅᔨᓴᖅᑏᑦ ᕿᒥᕐᕈᓚᐅᕐᐳᑦ ᐱᑕᖃᖅᐸᒌᖅᑐᓂᒃ ᑐᓴᖅᑕᐅᔪᒃᓴᓂᒃ ᖃᐅᔨᒪᓪᓗᑎᒃ ᓇᓕᐊᒃ ᐃᖃᓗᐃᑦ ᐊᔾᔨᒌᙱᑦᑑᑕᐅᖕᒪᖔᑕ ᑕᒫᓂᕐᒥᐅᑕᐅᖕᒪᑕ ᖃᓄᕐᓗ ᐃᓂᒋᕙᒃᑕᖏᑦ.
ᕿᒥᕐᕈᓚᐅᕐᑐᑦ ᒐᕙᒪᒃᑯᑦ ᐅᓂᒃᑳᖏᓐᓂᒃ, ᑭᖑᓂᑦᑎᓐᓂ ᐊᕙᑎᒧᑦ ᖃᐅᔨᓴᕈᑕᐅᓯᒪᔪᓂᒃ, ᐊᒻᒪᓗ ᓄᓇᙳᐊᓂᒃ ᑕᑯᒃᓴᐅᑎᑦᑎᔪᓂᒃ ᓇᓂ ᐃᖃᓗᖃᕐᒪᖔᑦ.
ᖁᓛᓂ ᑕᑯᓐᓇᕐᑐᖅ
ᖃᐅᔨᓴᖅᑏᑦ ᖁᓕᒥᒎᓕᒃᑯᑦ ᐊᑐᓚᐅᖅᐳᑦ ᐃᖃᓗᐃᑦ ᐃᓂᒋᕙᒃᑕᖏᓐᓂᒃ ᖃᖓᑕᓪᓗᑎᒃ, ᑕᓯᐅᑉ ᓯᒡᔭᖓᓐᓂ ᑰᒑᓗᖕᒥ ᐊᒻᒪ 100 ᑭᓛᑎᑕᓄᑦ ᐅᖓᓯᖕᓂᓕᖕᒧᑦ ᑰᖕᒧᑦ.
ᑕᑯᒃᓴᐅᓪᓗᑎᒃ ᖃᐅᔨᓴᓚᐅᕐᐳᑦ 34-ᓂᒃ ᐃᓂᓂ ᑰᑉ ᖃᓂᒋᔮᓂ ᖃᐅᔨᓴᕈᒪᓪᓗᑎᒃ ᑎᑎᕋᖅᐸᓪᓕᐊᓪᓗᑎᒡᓗ ᓯᒡᔭᒥ ᐊᒻᒪ ᐃᒪᐅᑉ ᖃᓄᐃᓕᖓᓂᖓᓂᒃ.
ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑲᑎᖅᓱᖅᑕᐅᓂᖏᑦ
ᐊᑐᖅᐸᒃᐳᑦ ᖃᐅᒪᖅᑯᑎᒥᒃ ᐆᒃᑐᕋᐃᓪᓗᓂ ᓄᓇᐅᑉ ᖃᓄᐃᓕᖓᓂᖓᓂᒃ ᖁᓛᓂ. ᐊᑐᖅᐸᒃᐳᖅ ᐱᖓᓱᐃᓕᖅᑲᖓᔪᑦ ᐋᖅᑭᒃᓯᒪᓂᓕᖕᒥᒃ ᐆᒃᑐᕋᐃᓪᓗᓂ ᓄᓇᐅᑉ ᖃᓄᐃᓕᖓᓂᒃ ᖁᓛᓂ. ᑕᒪᓐᓇ ᓴᖅᑭᑎᑦᑎᕙᒃᐳᖅ ᐱᐅᔪᒻᒪᕆᖕᓂᒃ ᐱᖓᓱᐃᓕᖅᖃᖓᔪᑦ ᐋᖅᑭᒃᓯᒪᓂᓕᖕᓂᒃ ᓄᓇᙳᐊᓂᕐ ᓄᓇᒥᒃ.
ᐅᑭᐅᖅᑕᖅᑐᒥᒃ ᖃᖓᑦᑕᖅᑎᑕᐅᓯᒪᔪᑦ ᖁᓕᒥᒎᓕᕋᓛᖅ, ᑲᒻᐸᓂᐅᔪᖅ ᐃᖃᓗᖕᓃᑦᑐᖅ, ᖃᖓᑦᑕᖅᑎᑦᑎᓚᐅᖅᐳᑦ ᖁᓕᒥᒎᓂᕌᓛᓂᑦ ᑕᐅᕙᓂ ᖃᐅᒪᔪᓂᑦ ᖃᐅᔨᒪᔪᑎᖃᖅᖢᑎᒃ ᐅᖓᓯᖕᓂᓕᖕᒥᓪᓗ ᐱᖁᑎᖃᖅᖢᑎᒃ.
ᖃᐅᒪᓂᕐᒧᑦ ᖃᐅᔨᔾᔪᑏᑦ ᐊᒻᒪ ᐅᖓᓯᖕᓂᖓᓐᓄᑦ ᓄᓇᙳᐊᑦ ᐃᑲᔪᓚᐅᖅᐳᑦ ᐱᓕᕆᖃᑎᒌᒃᖢᓂ ᑐᑭᓯᑎᑦᑎᓂᕐᒥᒃ ᐃᖃᓗᐃᑦ ᐃᓂᒋᕙᒃᑕᖏᓐᓂᒃ ᒥᑭᓐᓂᖅᓴᓂᒃ ᑰᖕᓂ ᑰᒡᔪᐊᑉ ᑰᖓᓐᓂ ᐃᒥᖅᑕᖅᕐᕕᓕᐊᖑᔪᒪᔪᒧᑦ, ᐊᒻᒪ ᑰᒡᔪᐊᓄᑦ ᐃᑳᕐᕕᓂ ᑐᒃᓯᕋᖅᑕᐅᓯᒪᔪᒥ ᐊᖅᑯᑎᒋᔭᐅᔪᒪᔪᒥ.
ᐃᖃᓗᖕᓂ ᖃᐅᔨᓴᒐᒃᓴᑦ
ᐃᖃᓗᖕᓂ ᖃᐅᔨᓴᒐᒃᓴᑦ ᓄᓇᓕᖕᓂ ᐱᓕᕆᔨᐅᔪᑦ 28-ᓂᒃ ᐃᖃᓗᓚᐅᕐᐳᑦ ᑰᒑᓗᖕᒥ ᐊᑐᖅᖢᑎᒃ ᐃᖃᓪᓕᐊᕈᑎᓂᒃ ᐊᒻᒪ ᐅᖅᑯᐊᓂᒃ. ᐃᖃᓗᐃᑦ ᖃᓄᐃᑦᑑᓂᖏᑦ ᓇᓗᓇᐃᖅᑕᐅᓚᐅᕐᐳᑦ ᑕᑭᓂᖏᓪᓗ ᐆᒃᑐᕋᖅᑕᐅᓪᓗᑎᒃ.
ᑎᕿᑦᑐᑦ ᖃᐅᔨᓴᒐᒃᓴᑦ ᐊᑐᓂ ᐃᖃᓗᖕᓂ ᐊᐅᓪᓚᖅᑎᑕᐅᓚᐅᖅᐳᑦ ᖃᐅᔨᓴᕐᕕᖕᒧᑦ ᓴᐃᓐᑦ ᔮᓐᔅ, ᓂᐅᕙᓐᓛᓐᒥ. ᖃᐅᔨᓴᕐᓂᒃ ᐃᑲᔪᖅᐸᒃᐳᖅ ᖃᐅᔨᓴᖅᑎᓂᒃ ᖃᐅᔨᕚᓪᓕᕐᓂᕐᒥᒃ ᐅᑭᐅᖏᓐᓂᒃ ᐱᕈᖅᐸᓪᓕᐊᓂᖏᓪᓗ ᐃᖃᓗᐃᑦ. ᖃᐅᔨᓴᖅᐸᒃᑭᕗᖅ ᓴᕕᕋᔭᖃᕐᒪᖔᑦ ᐊᓯᖏᓂᒡᓗ ᖃᐅᔨᔾᔪᑕᐅᔪᓐᓇᕐᑐᓂᒃ ᓇᓗᓇᐃᖅᓯᔾᔪᑕᐅᔪᓐᓇᕐᑐᓂᒃ ᐃᖃᓗᐃᑦ ᑭᓱᓂᒃ ᓂᕆᕙᖕᒪᖔᑕ ᐊᒻᒪ ᓇᓂ ᓄᓇᖃᕐᒪᖔᑕ.
ᐊᑐᐃᓐᓇᐅᔪᑦ ᑐᑭᓯᒋᐊᒐᒃᓴᑦ
ᐱᓕᕆᐊᖑᓂᑯᑦ ᖃᐅᔨᓴᖅᑕᐅᓯᒪᔪᑦ ᑰᒑᓗᒃ ᑰᖓᓐᓂᒃ ᖃᐅᔨᓚᖅᐳᑦ ᐅᓄᙱᑦᑐᓂᒃ ᖃᐅᔨᓴᕈᑕᐅᔪᓂᒃ ᐃᖃᓗᐃᑦ ᐊᒻᒪ ᐃᓂᒋᕙᒃᑕᖏᓐᓂᒃ ᑕᐅᕙᓂ.
ᐊᑕᐅᓯᕐᒥᒃ ᐃᖃᓗᖕᓂᒃ ᖃᐅᔨᓴᖅᑐᖃᓚᐅᖅᐳᖅ 2019-ᒥᒃ ᖃᓂᒋᔭᖓᓐᓂ ᓯᑦᓕᐊᒃ ᐅᔭᕋᖕᓂᐊᕐᕕᖕᒥᒃ, 48 ᑭᓛᒥᑕᓂᒃ ᐅᖓᓯᒃᑎᒋᔪᒥᒃ ᓯᒥᒃᑐᐃᕝᕕᐅᔪᒪᔪᒧᑦ. ᑕᐃᑲᓂ ᖃᐅᔨᓴᕐᓂᕐᒥ, ᐃᖃᓗᐃᑦ ᓇᓂᔭᐅᔪᑐᐊᖑᓚᐅᖅᐳᑦ. ᑕᒪᕐᒥᑦᑎᐊᖅ ᐃᖃᓗᐃᑦ.
ᑕᓯᐅᑉ ᑕᒃᐸᐅᖓ − ᐱᒋᐊᙵᐅᑎ ᓇᔪᖅᑕᐅᔪᓄᑦ ᐅᓂᒃᑳᖅᓯᒪᓂᖓ
ᐃᒥᖅᑕᖅᕕᓕᐊᕆᓯᒪᔪᖅ ᐃᒪᖃᕋᔭᖅᑐᖅ 20 ᑭᓚᒦᑕᓂᒃ ᑰᑉ ᑰᖓᑕ ᑕᒃᐸᖑᖓ ᑰᒑᓗᖕᒥ. ᑖᓐᓇ ᑰᑉ ᐃᓚᖓ ᑕᓯᕐᒧᙵᐅᓂᖅᓴᐅᓇᔭᖅᑐᖅ.
ᑕᒪᑐᒨᓇ ᐃᒃᑲᑐᑯᓘᕗᖅ ᒪᓂᕋᐅᓪᓗᓂ, ᓱᒃᑲᐃᑦᑐᒥᒃ ᐃᒪᖃᖅᖢᓂ ᐊᒻᒪ ᑰᑉ ᐃᑎᓂᖓ ᐊᕿᑦᑐᖅ.
8 ᑭᓚᒦᑕᓂᒃ ᖁᑦᑎᒃᑐᒥ ᑕᓯᕐᒥᒃ, ᖃᐅᔨᓴᖅᑎ ᓇᓂᓯᓚᐅᖅᐳᖅ 16-ᓂᒃ ᓇᓂᔭᐅᓯᒪᔪᒥᒃ ᓱᒃᑲᓕᔪᒥᒃ ᐃᖏᕐᕋᔪᒥᒃ ᐃᒪᖃᖅᑐᑦ, ᐃᓚᐅᓪᓗᑎᒃ ᒥᑭᑦᑐᑦ ᑰᖕᓂᐅᔪᑦ ᐊᒻᒪ ᓇᐃᑦᑐᑦ ᑰᖕᓂᐅᔪᑦ. ᐊᑕᐅᓯᕐᒥᑦᑕᐅᖅ ᑐᐊᑦᑐᕐᒥᒃ ᑰᒃ ᒥᑭᓐᓂᖅᓴᐅᓕᖅᖢᓂ, 120 ᒦᑕᓂᒃ ᓯᓕᖕᓂᖃᖅᖢᓂ 30 ᒦᑕᓄᑦ, ᖃᐃᖅᓱᒑᖅᑕᖃᖅᖢᓂ.
ᑕᒪᓐᓇ ᑰᑉ ᐃᓚᖓ ᐃᓂᑦᑎᐊᕙᐅᕗᖅ ᐃᖃᓗᖕᓄᑦ ᓇᐅᒃᑯᓕᒫᖅ ᐃᓅᓯᖏᓐᓂᒃ.
ᑐᒃᓯᕋᖅᑕᐅᓯᒪᔪᖅ ᐃᒥᖅᑕᖅᕕᐅᑉ ᑰᖕᓂᖓ - ᐱᒋᐊᙵᐅᑎ ᓇᔪᖅᑕᐅᔪᓄᑦ ᐅᓂᒃᑳᖅᓯᒪᓂᖓ
ᖃᐅᔨᓴᖅᑎᑦ ᕿᒥᕐᕈᓚᐅᖅᐳᑦ ᐊᔾᔨᙳᐊᓂᒃ 45-ᓂᒃ ᒥᑭᑦᑐᒥᒃ ᑰᖕᓂᒃ ᑕᓯᕐᒧᑦ ᑰᖕᒧᓪᓗ ᑰᒑᓗᖕᒥᑦ ᖃᓂᒋᔭᖓᓐᓂᒡᓗ. ᑕᒪᒃᑯᐊ ᒥᑭᑦᑐᑦ ᑰᒐᓛᑦ ᑕᐃᔭᐅᕙᒃᐳᑦ ᑰᒡᔪᐊᑦ.
ᑕᒪᕐᒥᑲᓴᒃ ᑖᒃᑯᐊ ᓱᒃᑲᔪᒥᒃ ᐃᖏᕐᕋᔪᖅ ᐃᒪᖃᓚᐅᖅᐳᑦ ᐅᔭᖅᑲᓂᒃ ᐊᒻᒪ ᑐᐊᐸᖕᓂᒃ. ᐅᓄᖅᑐᑦ ᑰᑐᐃᓐᓇᖅᑰᔨᕙᒃᐳᑦ ᐊᕌᒎᑉ ᐃᓚᖓᓂ.
ᐃᓚᖏᑦ ᑰᑦ ᒪᓕᒐᒃᓴᐅᙱᖦᖢᑎᒃ ᐊᕕᒃᓯᒪᒐᔪᒃᖢᑎᒡᓗ ᒥᑭᓐᓂᖅᓴᓄᑦ ᐊᖅᑯᑎᓄᑦ. ᐅᓄᖅᑐᑦ ᑖᒃᑯᐊ ᐊᕌᒍ ᐃᒪᐃᓐᓇᖓᓐᓂᒃ ᑕᐃᒪᐃᖃᑦᑕᖅᑐᒃᓴᐅᒐᓗᐊᑦ, ᓱᓕ ᐃᖃᓗᖕᓄᑦ ᐃᓂᒋᔭᐅᔪᓐᓇᖅᐳᑦ ᐅᐱᕐᙵᒃᑯᑦ ᐊᐅᒃᐸᓪᓕᐊᓕᖅᐸᑦ, ᐃᒪᖅ ᖁᕝᕙᓯᖕᓂᖅᓴᐅᑎᓪᓗᒍ.
ᐃᖃᓗᐃᑦ ᓇᒧᙵᐅᕙᓪᓕᐊᓂᖏᑦ
ᖃᖓᑕᓲᒃᑯᑦ ᖃᐅᔨᓴᖅᑎᓪᓗᒋᑦ, ᖃᐅᔨᓴᖅᑏᑦ ᕿᓂᓚᐅᖅᐳᑦ ᐃᓂᓂᒃ ᐊᔪᕐᓇᕈᑕᐅᑐᐃᓐᓇᕆᐊᓕᖕᓂᒃ ᐃᖃᓗᖕᓄᑦ ᐳᐃᔾᔪᕋᕆᐊᒃᓴᖅ ᑕᓯᕐᒧᑦ (ᐅᕝᕙᓗᓐᓃᑦ ᐃᒥᖅᑕᖅᕕᓕᐊᖑᔪᒪᔪᒧᑦ).
ᐊᑎᑦᑎᐊᖓᓐᓂ ᐃᒥᖅᑕᖅᕕᐅᔪᒪᔪᑉ, ᒪᕐᕉᒃ ᑐᐊᑦᑐᑯᓘᒃ ᑰᒃ ᓱᒃᑲᔪᒥᒃ ᐃᒪᖃᖅᑐᖅ ᑕᑯᔭᐅᓚᐅᖅᐳᖅ. ᑕᒪᒃᑯᐊ ᐃᓂᐅᔪᑦ ᐊᔪᕐᓇᕐᓂᖅᓴᐅᑎᑦᑎᔪᓐᓇᖅᐳᑦ ᐃᖃᓗᖕᓄᑦ ᐊᖅᑯᓵᕆᐊᒃᓴᖅ.
ᑕᐃᒪᐃᒃᑲᓗᐊᖅᑎᓪᓗᒍ, ᐃᖃᓗᐃᑦ ᓇᓂᔭᐅᓚᐅᖅᑐᑦ ᑰᑉ ᖁᓛᓂ ᑖᒃᑯᐊ ᑐᐊᑦᑐᖦᖢᑎᒃ. ᑕᒪᓐᓇ ᑕᑯᒃᓴᐅᑎᑦᑎᕗᖅ ᐃᖃᓗᐃᑦ ᖄᖏᐅᑎᔪᓐᓇᕐᓂᖏᓐᓂᒃ, ᐃᒻᒪᖄ ᐊᕌᒎᑉ ᐃᒪᖓᓐᓂᒃ ᐃᒪᐅᑉ ᖁᕝᕙᓯᖕᓂᖓ ᐊᒻᒪ ᑰᖕᓂᖓ ᓈᒻᒪᒃᑎᓪᓗᒍ.
ᑰᕌᖅᔪᐃᑦ ᑰᒑᓘᑉ ᐊᒻᒪ ᐃᖃᓗᐃᑦ ᐊᑯᓐᓂᖓᓂᒃ
ᑕᒪᕐᒥᑲᓴᒃ ᒥᑭᑦᑐᑦ ᑰᒡᕕᐅᔪᑦ ᑕᒫᓂ ᐊᕐᕌᒍ ᐃᓚᐃᓐᓇᖓᓐᓂᒃ ᑰᖃᑦᑕᓚᐅᖅᑐᑦ, ᐃᓚᖏᓪᓗ ᐸᓂᑦᑎᐊᓚᐅᖅᖢᑎᒃ ᖃᐅᔨᓴᖅᑐᖃᖅᑎᓪᓗᒍ. ᑕᒪᓐᓇ ᓇᓗᓇᕈᓐᓃᖅᑎᑦᑎᕗᖅ ᑰᑐᐃᓐᓇᕋᔭᕐᓂᖏᓐᓂᒃ ᐅᐱᕐᙶᒃᑯᑦ ᐊᐳᑎ ᐊᐅᒃᐸᓪᓕᐊᓕᕐᑎᓪᓗᒍ. ᑕᒪᕐᒥᑲᓴᖅ ᐅᔭᖅᑲᓂᒃ ᑰᖃᓚᐅᖅᐳᑦ ᐅᔭᕋᐊᖅᖢᑎᒃ.
ᑕᒪᒃᑭᖅᖢᒍ ᐅᓄᕐᓂᖅᓴᐃᑦ ᑰᒐᓛᑦ ᑰᓪᓗ ᐃᑳᖅᑐᑦ ᑐᒃᓯᕋᖅᑕᐅᓯᒪᔪᒥ ᐊᖅᑯᓯᐅᖅᑕᐅᔪᒪᔪᒥᒃ ᓈᒻᒪᙱᓚᑦ ᐃᓂᒋᔭᐅᓇᔭᖅᑐᓄᑦ ᐃᖃᓗᖕᓄᑦ. ᖃᔅᓰᓐᓇᑯᓗᐃᑦ ᑰᑦ ᐱᓂᒋᔭᐅᔪᓐᓇᖅᑐᑦ ᐃᖃᓗᖕᓄᑦ.
ᐃᖃᓗᒃ ᑰᕌᓗᖕᒥᑦ
ᑲᑎᖦᖢᒋᑦ 28 ᐃᖃᓗᒃᑕᐅᓚᐅᖅᑐᑦ ᑰᖕᒥ ᑰᑉ ᐊᑖᓃᑦᑐᖅ ᓯᒥᒃᑐᐃᕝᕕᐅᔪᒪᔫᑉ. ᑕᒪᕐᒥᑲᓴᒃ ᐃᖃᓗᐃᑦ ᐊᒃᑑᓚᐅᕐᐳᑦ, 9-ᖑᓪᓗᑎᒃ ᑎᕿᐅᔭᖅᑐᑦ ᐃᖃᓗᐃᑦ (35 ᓴᓐᑕᒦᑕ ᑐᖔᓂ/~ ᐃᓯᒐ ᑐᖔᓂᒃ ᑕᑭᓂᓖᑦ).
ᑕᕆᐅᕐᒥᐅᑕᖅ ᐃᖃᓗᑐᐊᖑᓚᐅᖅᐳᑦ ᖃᐅᔨᓴᖅᑎᓪᓗᒋᑦ.
ᐃᖃᓗᐃᑦ ᖃᐅᔨᓴᖅᑕᐅᕌᓂᒃᓯᒪᓕᖅᑎᓪᓗᒋᑦ, ᐊᒥᐊᒃᑯᖏᑦ ᕿᒥᖅᑯᑕᐅᓪᓗᑎᒃ ᑎᒃᑲᒧᑦ, ᓴᙱᔫᖁᓪᓗᒍ ᖃᓄᐃᙱᑦᑎᐊᖁᓪᓗᒍᓗ!
ᑕᖕᒫᖅᓯᒪᓚᐅᑲᖕᓂᖅ ᑖᓐᓇ ᑕᖕᒫᕐᓯᒪᕝᕕᒃ
ᐱᓕᕆᖃᑎᒌᑦ ᓇᔪᖅᕕᒋᕙᓚᐅᖅᑕᖓ ᐃᖅᑲᓇᐃᔭᖅᕕᒋᕙᒃᖢᓂᐅᒃ, ᓯᓂᒡᕕᖃᖅᖢᓂ, ᓂᕆᕝᕕᖃᖅᖢᓂ, ᐊᒻᒪ ᓴᓇᕝᕕᖕᒥ ᑐᐱᖅᑕᖃᖅᖢᓂ. ᓂᖅᖠᐅᖅᑎ ᓂᕿᓕᕆᕙᓚᐅᖅᐳ.
ᐃᓚᒋᔭᐅᓪᓚᕆᓚᐅᖅᑐᖅ ᑕᖕᒫᖅᓯᒪᕝᕕᖕᒥ ᐃᓅᓯᕆᔭᐅᔪᒥᒃ ᑎᒃᑲ, ᓇᐅᑦᑎᖅᓱᖅᑎᐅᓚᐅᖅᑐᖅ ᓇᔪᖅᑕᐅᔪᒥᒃ, ᖁᕕᐊᓱᒃᑎᑦᑎᕙᒃᖢᓂ ᐅᓪᓗᒐᓴᖕᓄᑦ, ᐃᖅᑲᐃᑎᑦᑎᕙᒃᖢᓂ ᑭᒃᑯᓕᒫᓂᑦ ᖁᕕᐊᓱᖁᔨᓪᓗᓂ ᐊᒻᒪ ᑭᒃᑯᓕᒫᑦ ᖁᕕᐊᒋᔭᖃᖁᓪᓗᒋᑦ ᐅᑭᐅᖅᑕᖅᑐᒥ ᐊᓂᖅᓵᖅᑐᑦᑎᐊᕐᓂᕐᒥᒃ.
ᐃᑦᑕᕐᓂᓴᓕᕆᔨᒃᑯᑦ
ᐃᑦᑕᕐᓂᓴᓕᕆᔨᒃᑯᑦ ᖃᐅᔨᓴᕇᓚᐅᖅᐳᑦ ᑰᒑᓗᖕᒥ ᐊᑯᓐᓂᖓᓂ ᐋᒡᒌᓯ 14-28 ᐊᒻᒪ ᓯᑎᐱᕆ 7-12, 2025, ᐅᓪᓗᓄᑦ 19-ᓄᑦ ᑲᑎᖦᖢᒋᑦ. ᐃᑦᑕᕐᓂᓴᓕᕆᔨᒻᒪᕆᒃ ᐊᕐᕌᒍᒐᓴᖕᓄᑦ ᐱᓕᕆᖃᑦᑕᖅᓯᒪᓂᖂᕗᖅ ᓄᓇᕗᑦᒥ ᐅᑭᐅᖅᑕᖅᑐᒥᓪᓗ ᐃᖅᑲᓇᐃᔭᖅᑎᑎᑦᕙᒃᖢᓂ ᓄᓇᕗᑦᒥᐅᓂᒃ ᐃᑲᔪᕐᓂᐊᖅᑐᓂᒃ:
- ᓇᓗᓇᐃᖅᓯᓂᕐᒥᒃ ᐃᑦᑕᕐᓂᓴᖃᕐᕕᓂᒃ,
- ᑐᑭᓯᐅᒪᓂᕐᒥᒃ ᖃᓄᖅ ᐃᓄᐃᑦ ᐊᑐᖃᑦᑕᓚᐅᕐᒪᖔᑕ ᑖᔅᓱᒥᖓ ᓄᓇᒥᒃ ᑭᖑᓂᑦᑎᓐᓂ,
- ᖃᓄᐃᓕᐅᖁᔨᕙᒡᓗᓂ ᖃᓄᖅ ᓴᐳᔾᔨᓯᒪᔪᓐᓇᕐᒪᖔᑕ ᐱᒻᒪᕆᐊᓗᖕᓂᒃ ᐃᓕᖅᑯᓯᑐᖃᒃᑯᑦ ᐃᓂᒋᔭᐅᕙᒃᑐᓂᒃ ᑕᒪᓐᓇ ᐱᓕᕆᐊᖑᔪᖅ ᓯᕗᒻᒧᐊᒃᐸᓪᓕᐊᑎᓪᓗᒍ.
ᑖᓐᓇ ᐱᓕᕆᐊᒃᓴᖅ ᐱᔪᓐᓇᖅᑎᑕᐅᓚᐅᖅᑐᖅ ᓄᓇᕗᑦᒥ ᐃᑦᑕᕐᓂᓴᓕᕆᓂᕐᒧᑦ ᐱᔪᓐᓇᐅᑎᒃᑯᑦ (2025-11A). ᖃᐅᔨᓴᒃᑲᓐᓂᕐᓃᑦ ᖃᓂᒋᔭᖏᓐᓂ ᐱᐊᓂᒃᑕᐅᓛᖅᑐᑦ 2026-ᒥ.
ᖁᔭᓐᓇᒦᒃ ᐱᓕᕆᔨᕗᑦ ᐊᒻᒪᓗ ᓄᓇᓕᖕᓂ ᐃᓄᐃᑦ ᖃᐅᔨᒪᓂᓖᑦ ᑕᒪᑐᒥᖓ ᐊᔪᕐᓇᙱᑎᑦᑎᓚᐅᕐᓂᖏᓐᓄᑦ.
- ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
- ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
- ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ
ᑰᒑᓗᒃ − ᖃᒪᓂᐊᓗᒃ
ᐃᑦᑕᕐᓂᓴᓕᕆᔩᑦ ᓇᓂᓯᒐᔪᙱᒻᒪᑕ ᓄᓇᖅᐸᒃᓯᒃᑐᓂᒃ ᓄᓇᕗᑦᒥ, ᑰᒑᓗᑉ ᖃᓂᒋᔮᓂ ᐊᔾᔨᐅᙱᑦᑑᑎᐅᕗᖅ. ᑕᒪᕐᒥᑲᓴᒃ ᓄᓇᐃᑦ ᐊᑐᖅᑕᐅᕙᓚᐅᖅᐳᑦ ᐅᓄᖅᑐᓄᑦ ᖃᓄᐃᓕᐅᕈᑎᓄᑦ ᐊᑯᓂᐊᓗᒃ, ᓇᓗᓇᖅᖢᓂ ᖃᓄᐃᓕᔪᖃᓚᐅᕐᒪᖔᑦ ᖃᖓᒃᑯᑦ. ᑭᓯᐊᓂ ᑰᒑᓗᖕᒥ, ᖃᐅᔨᔾᔪᑕᐅᔪᖅ ᐊᒻᒪ ᐅᓂᒃᑳᖅᑐᐊᑦ ᓇᓗᓇᐃᖅᓯᕗᑦ ᐊᑕᐅᓯᕐᒥᒃ ᐱᔾᔪᑎᖃᓪᓗᐊᑕᕐᓂᖏᓐᓂᒃ: ᖃᒪᓂᐊᓗᒃ — “ᐃᓄᐃᑦ ᑐᒃᑐᓕᐊᖅᕕᒋᕙᒃᑕᖓ ᖁᓕᑦᑕᐅᔭᒃᓴᓂᒃ.”
ᓲᖃᐃᒻᒪ ᑭᓱᓕᒫᑦ ᑕᒫᓂ ᓇᓂᔭᐅᔪᑦ ᓇᓂᔭᐅᔪᓕᒫᑦ ᑖᔅᓱᒧᖓᑦᑕᐃᓐᓇᖅ ᑐᕌᕐᒪᑕ, ᐃᑦᑕᕐᓂᓴᓕᕆᔩᑦ ᖃᐅᔨᓴᕈᓐᓇᑦᑎᐊᖅᐳᑦᒃ ᑕᒪᑐᒥᖓ ᐃᓄᐃᑦ ᐱᐅᓯᕆᕙᓚᐅᖅᑕᖏᓐᓂᒃ.
ᐃᑦᑕᕐᓂᓴᓕᕆᓂᕐᒧᑦ ᐱᓕᕆᖃᑎᒌᑦ
ᐱᓕᕆᖃᑎᒌᑦ 7-ᖑᓪᓗᑎᒃ ᐃᓄᐃᑦ ᐱᓱᖃᑎᒌᓚᐅᖅᐳᑦ ᑐᑭᓕᕇᒃᖢᑎᒃ ᑕᓯᐅᔭᐅᑉ ᖃᓂᒋᔮᓂ, ᐊᒡᒍᖅᑐᖅᓯᒪᓪᓗᑎᒃ. ᓄᓇᒥᒃ ᖃᐅᔨᓴᑦᑎᐊᓚᐅᖅᐳᑦ, ᕿᓂᖅᖢᑎᒃ ᐃᓕᖅᑯᓯᑐᖃᒃᑯᑦ ᐅᔾᔨᕐᓇᕐᓂᐅᔪᓂᒃ.
ᑰᒑᓗᖕᒥ ᓇᒧᙵᐅᑲᑕᖕᓂᖅ
ᐃᑦᑕᕐᓂᓴᓕᕆᔨᒃᑯᑦ ᖃᐅᔨᓴᖅᕕᓕᐊᖃᑦᑕᓚᐅᖅᐳᑦ ᖃᐅᑕᒫᑦ ᖁᓕᒥᒎᓕᒃᑯᑦ, (ᐃᓛᓐᓂᒃᑯᓪᓗ ᐅᒥᐊᒃᑯᑦ), ᓇᓃᓐᓂᖏᑦ ᑎᑭᑦᑕᕆᐊᖃᕐᓂᖏᑦ ᒪᓕᒃᑕᐅᓪᓗᑎᒃ.
ᑎᑎᕋᖅᐸᓪᓕᐊᓂᖅ
ᐱᓕᕆᖃᑎᒌᑦ ᐊᔾᔨᓕᐅᕆᓚᐅᖅᐳᑦ ᑕᒪᐃᓐᓂᒃ ᓇᓂᔭᖏᓐᓂᒃ ᑎᑎᕋᖅᐸᓪᓕᐊᓪᓗᑎᒡᓗ ᑕᒻᒪᕇᒃᑯᑎᒃᑯᑦ ᓇᓃᓐᓂᖏᓐᓂᒃ. ᑎᑎᕋᖃᑦᑕᓚᐅᖅᑐᑦ ᖃᓄᐃᑦᑑᖕᒪᖔᑦ (ᓲᕐᓗ ᑐᐱᐅᑉ ᓇᒡᒍᐊᕐᒥᖓ ᐅᕝᕙᓘᓐᓃᑦ ᓇᓗᓇᐃᒃᑯᑕᖅ ᐅᔭᖅᑲᑦ) ᖃᓄᐃᓕᖓᓗ. ᐊᔪᕐᓇᙱᒃᑳᖓᑦ, ᐱᓕᕆᖃᑎᒌᑦ ᑎᑎᕋᓚᐅᕆᕗᑦ ᐅᑭᐅᖏᓐᓂᒃ ᐅᕝᕙᓘᓐᓃᑦ ᐃᓕᖅᑯᓯᖃᖃᑎᒌᓂᒃ ᐃᓱᒪᒋᔭᐅᔪᓂᒃ ᐃᑦᑕᕐᓂᓴᖃᖅᕕᒃ ᐱᒋᔭᐅᓇᓱᒋᓪᓗᓂᒡᔪᒃ.
ᒪᓂᕋᖅ ᐊᕙᑖ ᐊᑐᓂ ᐃᓂᐅᔪᑦ ᖃᐅᔨᒋᐊᑕᐅᓚᐅᖅᐳᑦ ᐃᑦᑕᕐᓂᓴᖃᙱᒃᑲᓗᐊᕐᒪᖔᑕ ᓂᕐᔪᑎᓂᒡᓗᓃᑦ ᓴᐅᓂᖏᓐᓂᒃ. ᑲᑎᖅᓱᖅᑕᐅᔪᖃᓚᐅᙱᑦᑐᖅ, ᐊᓯᔾᔨᖅᑕᐅᔪᖃᓚᐅᙱᑦᑐᑦ, ᐅᕝᕙᓗᓐᓃᑦ ᐸᒡᕕᓴᒃᑕᐅᔪᖃᓚᐅᙱᑦᑐᑦ.
ᑐᒃᑐᓯᐅᑦᑎᐊᕐᓂᖅ
ᐃᑦᑕᕐᓂᓴᓕᕆᔨ ᐅᒃᐱᕈᓱᒃᐳᖅ ᑖᓐᓇ ᐃᓂᐅᔪᖅ ᐊᑐᖅᑕᐅᕙᓚᐅᕐᓂᖓᓐᓂᒃ ᐊᕐᕌᒍᑕᒫᑦ ᑐᒃᑐᓯᐅᕐᕕᐅᕙᒃᖢᓂ, ᑕᒪᓐᓇ ᑐᙵᕕᖃᖅᑎᑕᐅᓪᓗᓂ ᖃᐅᔨᒪᔭᐅᓯᒪᔪᓂᒃ. ᕿᓚᒥᑯᓗᒃ ᐊᕐᕌᒍ ᐃᓚᐃᓐᓇᖓᓐᓂ ᐊᐅᓪᓚᖅᓯᒪᓂᐅᓚᐅᖅᑐᖅ ᐊᐅᔭᐅᑉ ᓄᙳᐊᓂ, ᑐᒃᑐᐃᑦ ᐊᒥᖏᑦ ᐱᐅᓛᖑᑎᓪᓗᒋᑦ ᐅᖅᑰᔪᓂᒃ ᖁᓕᑦᑕᐅᔭᓕᐅᕐᓂᒃᒧᑦ. ᐊᖑᓇᓱᒃᑏᑦ ᐃᓅᔪᒃᓴᐅᓚᐅᖅᑐᑦ "ᐱᓱᒃᑏᑦ" ᑕᓪᓗᕈᑎᐅᑉ ᐃᒪᖓᓐᓂᙶᖅᑐᑦ.
ᒫᓐᓇ ᑲᖐᒋᔭᐅᔪᖅ ᑖᒃᑯᐊ ᐃᑦᑕᕐᓂᓴᖃᕐᕖᑦ 1200-ᒥ 1850-ᒧᑦ ᑎᑭᖦᖢᒍ; ᑭᖑᕚᖏᑦ ᑎᑭᓚᐅᖅᑳᖅᑎᓐᓇᒋᑦ ᐃᓄᐃᑦ ᐱᖅᑯᓯᑐᖃᖏᑦ. ᑕᐃᒪᐃᔾᔪᑎᖃᖅᐳᖅ ᐱᖁᑎᑐᖃᕕᓂᕐᓂᒃ ᐅᔾᔨᕐᓇᕐᓂᖏᒡᓗᓃᑦ ᑕᐃᔅᓱᒪᓂᐊᓗᒃ-ᐃᓄᐃᑦ, ᐅᕝᕙᓘᓐᓃᑦ ᑭᖑᓂᐊᒍᒡᓗᓐᓃᑦ ᐃᓄᐃᑦ ᓯᕗᕚᖏᑦ ᐅᕝᕙᓗᓐᓃᑦ ᑕᐃᔅᓱᒪᓂᑐᖃᖅ ᐃᓄᐃᑦ, ᓇᓂᔭᐅᔪᖃᒪᐅᙱᓚᖅ.
ᐃᑦᑕᕐᓂᓴᖃᕐᕖᑦ
ᑲᑎᖦᖢᒋᑦ 61-ᖑᓚᐅᖅᐳᑦ ᐃᑦᑕᕐᓂᓴᖃᕐᕖᑦ ᓇᓂᔭᐅᓚᐅᖅᐳᑦ ᐊᖏᔪᐊᓗᖕᒥ ᑰᒑᓗᖕᒥ - 100 ᑭᒃᐹᕆᒃᑐᑦ ᑭᓛᒥᑕᔅᓗᐊᑦ (ᒪᕐᕈᐃᖅᓱᓗᐊᖅᖢᒍ ᐊᖏᑎᒋᔪᖅ ᐃᖃᓗᖕᓂ).
ᐅᓄᕐᓂᖏᑦ ᓄᓇᐃᑦ ᓇᓂᔭᐅᓯᒪᔪᑦ ᓇᒥᑐᐃᓐᓇᖅ ᓄᓇᕗᑦᒥ ᐊᔾᔨᒌᙱᑦᑐᑏᒻᒪᕆᐅᔪᓐᓇᕐᒪᑕ. ᑕᒫᓂᓕ, ᐊᑐᖅᑕᐅᕙᒃᑐᖅ ᐃᒪᓐᓇᐅᖅᑰᔨᕗᖅ, ᐃᓄᐃᑦ ᐊᑐᖅᐸᓚᐅᕐᓂᖏᓐᓂᒃ ᐊᕐᕌᖑ ᐃᒪᐃᓐᓇᖓᓐᓂ, ᐊᕐᕌᒍᓕᒫᖑᙱᑦᑐᒥ.
ᐅᓄᓗᐊᙱᒃᑲᓗᐊᕐᑎᓪᓗᒋᑦ ᑕᐃᒃᑯᐊ ᓇᓂᔭᐅᓚᐅᖅᑐᑦ ᐸᐸᑕᐅᑦᑎᐊᖅᑐᑦ. ᑕᒪᕐᒥᑲᓴᒃ ᑕᐅᑦᑐᖏᑦ ᓱᓕ ᖃᓄᐃᙱᑦᑐᑦ, ᑭᓯᐊᓂ ᖃᔅᓰᓐᓇᑦ ᓇᓗᓇᐃᒃᑯᑕᑦ ᐅᕐᕈᓯᒪᓕᕐᑐᑦ. ᑐᐱᕐᕖᑦ ᐊᒻᒪᓗᑭᑖᖏᑦ, ᐱᓗᐊᖅᑐᒥ ᑕᐃᒃᑯᐊ ᓴᓇᔭᐅᓯᒪᔪᑦ ᐊᖏᔪᓂᒃ, ᐅᑭᙱᑦᑐᓂᒃ ᐅᔭᖅᑲᓂᒃ, ᓱᓕ ᑕᑯᔭᒃᓴᐅᕗᑦ ᓄᓇᒥ.
ᓇᓗᓇᐃᒃᑯᑕᑦ ᐅᔭᖅᑲᐃᑦ
ᓇᓗᓇᐃᒃᑯᑦᑎᖅᓱᐃᓂᕐᒧᑦ ᐅᔭᖅᑲᐃᑦ ᐃᑦᑕᕐᓂᓴᖃᕐᕕᐅᒐᔪᖕᓂᖅᐹᖑᓚᐅᖅᐳᑦ ᖃᐅᔨᓴᖅᕕᐅᔪᒥ, ᓇᑉᐸᓪᓗᐊᑲᓴᑦᑎᐊᖏᑦ ᑕᑯᔭᐅᔪᓕᒫᑦ.
ᐋᖅᑭᒃᓱᕐᓯᒪᓂᖏᑦ ᐅᔭᖅᑲᑦ, ᐅᔭᕋᓱᒡᔪᐃᑦ ᐅᕝᕙᓗᓐᓃᑦ ᐅᔭᖅᑲᐃᑦ (ᖃᓕᕇᓕᖅᓯᒪᔪᑦ, ᑐᑭᓕᕇᒃᑐᑦ, ᐊᓯᖏᓪᓗ) ᐃᓕᔭᐅᓯᒪᓪᓗᑎᒃ ᓄᓇᒧᑦ ᓂᑭᑦᑖᕈᑕᐅᔪᒪᓪᓗᑎᒃ ᐱᒻᒪᕆᐊᓗᖕᓂᒃ ᑐᓴᖅᑕᐅᔪᒃᓴᓂ. ᐃᓄᐃᑦ ᐊᑐᖅᐸᓚᐅᖅᑕᖏᑦ ᑕᑯᖅᑯᑦᑎᓪᓗᑎᒃᐊᑦᑕᕐᓇᙱᑦᑐᒃᑯᑦ ᐊᖅᖁᑎᒃᓴᓂᒃ, ᐊᖑᓇᓱᒡᕕᑦᑎᐊᕙᐅᔪᓂᒃ, ᐅᕝᕙᓗᓐᓃᑦ ᐅᐸᒋᐊᖃᙱᑕᖏᓐᓂᒃ. ᐊᖑᓇᓱᒃᑏᑦ ᐊᑐᖅᖃᑦᑕᓚᐅᕆᕗᑦ ᐅᔭᖅᑲᓂᒃ ᓇᓗᓇᐃᕐᑯᓯᖅᑕᐅᓪᓗᑎᒃ ᐅᖓᓯᒃᑐᒧᑦ ᓇᒧᙵᐅᕙᓪᓕᐊᓕᕌᖓᒥᒃ.
ᐃᓚᖏᑦ ᓇᓗᓇᐃᒃᑯᑕᑦ ᐅᔭᖅᑲᐃᑦ ᓇᓗᓇᐃᒃᑯᑦᑎᖅᓯᓯᒪᑐᐃᓐᓇᕆᐊᖃᖅᐳᑦ ᐊᖅᑯᑎᒥᒃ ᑐᑭᓕᐊᖅᑐᒥᒡᓗᓐᓃᑦ, ᓴᐳᔾᔨᓂᖅ ᑐᒃᑐᓂᒃ ᐊᖑᓇᓱᒃᑎᓄᑦ ᐊᑦᑕᕐᓇᙱᑦᑐᒃᑯᑦ ᕿᓚᒥᑯᓗᒃ ᐊᖑᓇᓱᒡᕕᒋᔪᓐᓇᖅᑕᖏᓐᓄᑦ.
ᓇᓗᓇᐃᒃᑯᑏᑦ ᐅᔭᖅᑲᐃᑦ ᐱᖁᑎᑐᖃᖃᓚᐅᙱᓚᑦ, ᓴᐅᓂᖅᑕᖃᙱᖦᖢᓂ, ᐊᓯᖏᓐᓂᒡᓗ ᑕᑯᒃᓴᐅᔪᓂᒃ ᓴᓂᐊᓂ.
ᑐᐱᐅᑉ ᖃᓇᖏᑦ
ᑐᐱᐅᑉ ᖃᓇᖏᑦ ᑐᒡᓕᕆᔭᐅᓚᐅᖅᐳᑦ ᓇᓂᔭᐅᒐᔪᖕᓂᖅᐹᖑᓪᓗᑎᒃ.
ᒥᑭᑦᑐᑯᓗᖕᒥᒃ, ᐊᒃᑐᖅᑕᐅᓯᒪᙱᑦᑐᒥᒃ ᑐᐱᕐᒥ ᐊᖕᒪᓗᖅᓯᓯᒪᔪᒥᒃ ᐅᔭᕋᓱᒡᔪᑉ ᖄᖓᓐᓃᑦᑐᒥᒃ ᓇᓂᓯᔪᖃᓚᐅᕆᕗᖅ. ᐃᑦᑕᕐᓂᓴᓕᕆᔨ ᐃᓱᒪᔪᖅ ᑖᓐᓇ ᓄᑕᖅᑲᓄᑦ ᐱᙳᐊᕐᕕᐅᓇᓱᒋᓪᓗᓂᐅᒃ, ᐅᖃᖅᖢᓂ ᐃᓚᒌᑦ ᐊᐅᔭᒃᑯᑦ ᑐᒃᑐᓕᐊᖃᑕᐅᓚᐅᕐᓂᖏᓐᓂᒃ.
ᐱᖁᑎᑐᖃᕐᓂᒃ ᓇᓂᓯᔪᖃᓚᐅᙱᑦᑐᖅ ᑐᐱᕐᕕᖕᓂ, ᖃᔅᓰᓐᓇᑦ ᓇᓂᕈᓘᔭᖅ ᑐᒃᑐᐃᑦ ᓴᐅᓂᕕᓂᖏᓐᓂᒃ ᑕᑯᔪᖃᓚᐅᖅᐳᖅ.
ᐅᔭᕋᖕᓂᒃ ᓴᓇᕐᕈᑎᓂᒃ
ᐅᔭᕋᕐᒥᒃ ᓴᓇᕐᕈᑎᒥᒃ ᓇᓂᓯᓚᐅᕐᒪᑕ ᖃᓂᒋᔮᓂ ᑕᖕᒫᕐᕕᐊᑕ. ᐊᑕᐅᓯᖅ ᓴᓂᕌ ᐅᔭᕋᐅᑉ ᑐᑭᓕᐊᖅᑐᒥᒃ, ᒪᓂᕋᕐᒥᒃ ᓯᓈᖃᖅᑐᖅ ᓴᓇᕐᕈᑎᐅᑉ ᑎᒍᒥᐊᖅᑕᐅᕕᒋᓚᐅᖅᑕᖓᓂᒃ. ᐊᑭᐊᓂ, ᑕᓪᓕᒪᑦ ᐲᔭᖅᑕᐅᓚᐅᖅᐳᑦ, ᕿᒪᐃᓪᓗᑎᒃ ᓯᓈᖏᓐᓂᒃ 5 ᓯᓐᑎᒥᑕᓂᒃ ᑕᑭᓂᓕᓐᓂᒃ ᐊᑐᖅᑕᐅᔪᓐᓇᓚᐅᖅᑐᓂᒃ ᐃᐱᒃᓴᐅᑏᑦ ᐅᕝᕙᓘᓐᓃᑦ ᓴᕕᐅᓪᓗᑎᒃ.
ᓇᓂᓯᓂᖅ ᑖᔅᓱᒥᖓ ᓴᓇᕐᕈᑎᒥᒃ ᐱᕈᖅᑐᖃᖅᑐᒥ ᓇᓗᓇᐃᖅᓯᕗᖅ ᐅᓄᒃᑲᓐᓂᖅᑐᓂᒃ ᓴᓇᕐᕈᑎᓂᒃ ᐃᔨᖅᓯᒪᑐᐃᓐᓇᕆᐊᖃᕐᓂᖏᓐᓂᒃ ᐱᕈᖅᑐᐃᑦ ᐊᑖᓂ. ᐃᑦᑕᕐᓂᓴᓕᕆᔨ ᐃᓱᒪᔪᖅ ᑖᓐᓇ ᓴᓇᕐᕈᑎ ᓴᓇᔭᐅᓯᒪᖅᑰᕐᒪᑦ ᑐᓂᕐᓄᑦ.
ᓂᕿᓄᑦ ᕿᖕᓂᔭᐅᓯᒪᔪᑦ
ᐅᓄᖅᑐᓂ ᓂᕿᓂᒃ ᕿᖕᓂᔭᐅᓇᓱᒋᔭᐅᔪᑦ ᓇᓂᔭᐅᓚᐅᖅᑐᑦ ᖃᐅᔨᓴᕐᕕᐅᔪᒥ. ᓴᓂᕐᕙᒃᑕᐅᓯᒪᔪᖅ ᐅᔭᕋᒃ ᑲᑎᖅᓱᖅᑕᐅᓯᒪᔪᖅ ᐊᑐᖅᑕᐅᕙᒃᑐᖅ ᒪᑐᓯᔾᔪᑕᐅᓪᓗᓂ ᓴᐳᔾᔨᔾᔪᑕᐅᓪᓗᓂᓗ ᓂᕿᓂᒃ ᐊᖑᓇᓱᒃᑕᐅᓯᒪᔪᓂᒃ. ᑐᖅᑯᖅᑕᐅᓯᒪᔪᑦ ᓴᓇᔭᐅᓯᒪᓪᓗᓂ ᐅᔭᖅᑲᓄᑦ ᑭᒃᐹᕆᒃᑐᒧᑦ, ᐅᔭᕋᓱᒡᔫᑉ ᖄᖓᓐᓂ, ᐅᕝᕙᓗᓐᓃᑦ ᖃᐃᖅᓱᒑᑉ ᖄᖓᓐᓃᖦᖢᓂ ᓴᕕᕋᔭᖕᓄᑦ (ᓴᖅᑭᑦᑎᓗᓂ ᑐᖅᑯᐃᕕᒃᓴᒥᒃ).
ᐃᓛᓐᓂᒃᑯᑦ ᑐᒃᑐᐃᑦ ᓴᐅᓂᖏᑦ ᑕᑯᒃᓴᐅᖃᑦᑕᓚᐅᖅᑐᑦ ᑖᒃᑯᓇᓂ ᓴᓂᕐᕙᒃᑕᐅᓯᒪᔪᓂ.
ᐊᖑᓇᓲᑏᑦ ᑕᓗᐊᖅ
ᖃᔅᓯᑲᓪᓚᐃᑦ ᐊᖑᓇᓲᑏᑦ ᑕᓗᐊᑦ ᓇᓂᔭᐅᓚᐅᖅᐳᑦ ᖃᐅᔨᓴᕐᕕᖕᒥ. ᐊᖑᓇᓲᑏ ᑕᓗᐊᖅ ᐅᔭᕋᒃ ᐊᑭᓐᓇᑐᐃᓐᓇᐅᒻᒪᑦ ᐊᖑᓇᓱᑦᑎᒧᑦ ᐃᔨᖅᓯᒪᕙᑦᑐᖅ ᑐᓄᐊᓂ ᐅᑕᖅᑭᑎᓪᓗᒍ ᐆᒪᔪᐃᑦ ᖃᒡᓕᕙᓪᓕᐊᑎᓪᓗᒋᑦ.
ᐊᑕᐅᓯᖅ ᑕᑯᓐᓇᒐᖃᕐᕕᒃ ᓴᓇᔭᐅᓚᐅᖅᑐᖅ ᐅᔭᕋᐅᑉ ᖄᖓᓂ ᑕᑯᓐᓇᒐᖃᑦᑎᐊᖅᖢᓂ ᓄᓇᒥᒃ.
ᓄᓇᖓ ᑰᒑᓗᒃ (ᐊᖏᔪᐊᓗᐃᑦ ᐅᔭᕋᐃᑦ ᐊᒻᒪᓗ ᓯᑯᐃᑦ) ᐃᔨᖅᓯᒪᕕᑦᑎᐊᕙᐅᒻᒪᑦ, ᑕᐃᒪᐃᓐᓂᖓᓄᑦ ᐅᓄᙱᓂᖅᓴᐅᓚᐅᖅᐳᑦ ᐊᖑᓇᓱᕝᕕᐅᔪᑦ.
ᑕᑯᓚᐅᙱᑕᕗᑦ
ᐃᑦᑕᕐᓂᓴᓕᕆᔨ ᑲᒪᓚᐅᖅᐳᖅ ᐃᓚᖏᑦ ᐃᑦᑕᖃᕐᕖᑦ ᑕᑯᔭᐅᙱᓐᓂᖏᓐᓂᒃ ᑕᐅᕙᓂ, ᐃᓚᐅᓪᓗᑎᒃ ᖃᔭᕐᕖᑦ, ᑎᕆᒐᓐᓂᐊᓄᑦ ᑮᔭᖃᑦᑕᖅᕕᕕᓃᑦ, ᐃᓄᒃᓱᒐᐃᑦ, ᐊᒻᒪᓗ ᖃᕐᒪᐃᑦ/ᐃᓗᑦᑐᖅᑎᓯᒪᔪᑦ ᐃᒡᓗᕕᓃᑦ.
ᐃᓅᑉ ᓴᐅᓂᕕᓂᖓᓐᓂᒃ ᐃᓗᕕᕐᓂᒡᓘᓐᓃᑦ ᓇᓂᓯᔪᖃᓚᐅᙱᑦᑐᖅ ᖃᐅᔨᓴᕐᕕᐅᔪᒥ. ᑕᒪᓐᓇ ᓂᕆᐅᒋᔭᐅᔪᖅ ᓲᖃᐃᒻᒪ ᑕᒪᓐᓇ ᐃᓂ ᐊᑐᖅᑕᐅᑐᐃᓐᓇᓚᐅᕐᓂᖓᓐᓄᑦ ᕿᓚᒥᑯᓗᒃ ᐊᕐᕌᒍ ᐃᓚᐃᓐᓇᖓᓐᓂ ᑐᒃᑐᓕᐊᖅᐸᒃᑐᓄᑦ.
ᑕᖕᒫᖅᓯᒪᓚᐅᑲᖕᓂᖅ ᑖᓐᓇ ᑕᖕᒫᕐᓯᒪᕝᕕᒃ
ᐱᓕᕆᖃᑎᒌᑦ ᓇᔪᖅᕕᒋᕙᓚᐅᖅᑕᖓ ᐃᖅᑲᓇᐃᔭᖅᕕᒋᕙᒃᖢᓂᐅᒃ, ᓯᓂᒡᕕᖃᖅᖢᓂ, ᓂᕆᕝᕕᖃᖅᖢᓂ, ᐊᒻᒪ ᓴᓇᕝᕕᖕᒥ ᑐᐱᖅᑕᖃᖅᖢᓂ. ᓂᖅᖠᐅᖅᑎ ᓂᕿᓕᕆᕙᓚᐅᖅᐳ.
ᐃᓚᒋᔭᐅᓪᓚᕆᓚᐅᖅᑐᖅ ᑕᖕᒫᖅᓯᒪᕝᕕᖕᒥ ᐃᓅᓯᕆᔭᐅᔪᒥᒃ ᑎᒃᑲ, ᓇᐅᑦᑎᖅᓱᖅᑎᐅᓚᐅᖅᑐᖅ ᓇᔪᖅᑕᐅᔪᒥᒃ, ᖁᕕᐊᓱᒃᑎᑦᑎᕙᒃᖢᓂ ᐅᓪᓗᒐᓴᖕᓄᑦ, ᐃᖅᑲᐃᑎᑦᑎᕙᒃᖢᓂ ᑭᒃᑯᓕᒫᓂᑦ ᖁᕕᐊᓱᖁᔨᓪᓗᓂ ᐊᒻᒪ ᑭᒃᑯᓕᒫᑦ ᖁᕕᐊᒋᔭᖃᖁᓪᓗᒋᑦ ᐅᑭᐅᖅᑕᖅᑐᒥ ᐊᓂᖅᓵᖅᑐᑦᑎᐊᕐᓂᕐᒥᒃ.
ᓄᓇᒥ ᖃᐅᔨᓴᖅᑏᑦ
ᓄᓇᒥ ᖃᐅᔨᓴᖅᑏᑦ ᐱᐊᓂᒃᓯᓚᐅᖅᐳᑦ ᓯᕗᓪᓕᖅᐹᖅᓯᐅᑎᒥᑦ ᓄᓇᓕᕆᔾᔪᑎᒥᑦ ᐊᒻᒪ ᓄᓇᐅᑉ ᐋᖅᑭᒃᓯᒪᓂᖓᓂᑦ ᖃᐅᔨᓴᖅᖢᑎᒃ ᐋᒡᒋᓯ 26-ᒥᑦ ᓯᑎᐱᕆ 13-ᒧᑦ, 2025-ᒥᑦ ᑲᑎᖦᖢᒋᑦ ᐅᓪᓗᓄᑦ 19-ᓄᑦ. ᑎᑐᕋ ᑎᐊᒃ ᑯᐊᐳᕇᓴᓐ ᓴᓇᔪᓕᕆᓂᕐᒧᑦ ᑲᒻᐸᓂ ᐱᓕᕆᖃᑎᒋᕙᑦᑕᕗᑦ. ᐃᓄᐃᓪᓗ ᐊᐅᓪᓚᕈᔾᔨᔩᑦ ᐃᓕᑦᑎᓚᐅᖅᐳᑦ ᓄᓇᐅᑉ ᐃᑭᐊᖓᓂ ᐱᖁᑎᓂᒃ, ᓲᕐᓗ:
- ᖃᐃᖅᓱᒑᑉ ᐃᑎᓂᖓ
- ᐃᔾᔪᖅ ᐊᒻᒪ ᐅᔭᖅᑲᐃᑦ ᖃᓄᐃᑦᑑᓂᖏᑦ
- ᖁᐊᖑᐃᓐᓇᐅᔭᖅᑐᑦ ᓄᓇᐅᑉᐃᑭᐊᖓᓐᓂᒃ ᓇᓃᓐᓂᖏᑦ
ᑖᒃᑯᐊ ᖃᐅᔨᓴᕐᓃᑦ ᓴᖅᑭᑦᑎᑦᑎᓲᖑᕗᑦ ᓯᕗᓪᓕᖅᐹᖅᓯᐅᑎᒥᒃ ᐊᔾᔨᙳᐊᒥᒃ ᑭᓱᑦ ᓄᓇᐅᑉ ᖄᖓᓃᒻᒪᖔᑕ ᖃᐅᔨᓴᕐᕕᐅᔪᓂ.
ᖁᔭᓐᓇᒦᒃ ᐱᓕᕆᔨᕗᑦ ᐊᒻᒪ ᓄᓇᓕᖕᓂ ᐃᓄᐃᑦ ᖃᐅᔨᒪᓂᓖᑦ ᑕᒪᑐᒥᖓ ᐊᔪᕐᓇᙱᑎᑦᑎᓚᐅᕐᓂᖏᓄᑦ.
- ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
- ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
- ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ
ᖃᐅᔨᓴᖅᕕᐅᔪᖅ 1 - ᐆᒻᒪᖅᑯᑎᖃᖅᕕᐅᔪᒪᔪᖅ
ᑕᑯᓚᐅᖅᑕᕗᑦ
ᐆᒻᒪᖅᑯᓯᐅᕐᕕᐅᔪᒪᔪᖅ ᑰᑉ ᖃᓂᒋᔮᓂ, ᓄᓇ ᐅᔭᖅᑲᖃᐅᖅᑐᖅ ᐅᔭᕋᓱᒡᔪᒡᓗ ᖄᖓᓂ. ᑖᓐᓇ ᑕᐃᔭᐅᔪᖅ ᑰᒃᑐᖅ ᓄᓇᐅᑉ ᖄᖓ (ᐃᓂᐅᔪᖅ ᐋᖅᑭᒃᓯᒪᔪᖅ ᐃᒪᐅᑉ ᐃᖏᕐᕋᓂᖓᓄᑦ). ᓂᒋᖅᐸᓯᐊᓂ ᐱᖓᖕᓇᖅᐸᓯᐊᓂᒃ, ᐱᕈᖅᓰᕕᒃᑕᖃᖅᐳᖅ (ᐊᐅᔪᐃᑦᑐᓂᒃ) ᐃᔾᔪᖃᖅᖢᓂ ᐊᔾᔨᒌᙱᑦᑐᓂᒃ, ᐱᕈᖅᓯᐊᖃᙱᓐᓂᖅᓴᐅᓪᓗᓂ, ᐃᕕᒐᖃᐅᖅᖢᓂ ᑎᖓᐅᔭᖃᐅᖅᖢᓂᓗ.
ᖃᐅᔨᓚᐅᖅᑕᕗᑦ
ᐆᒻᒪᕆᒃᑐᖅ (ᖁᐊᕐᓂᒃ/ᐊᐅᒃᐸᓪᓕᐊᓂᖅ) ᓄᓇᐅᑉ ᖄᖓ 0.2 – 2.8 ᒦᑕᓂᒃ ᐃᑎᓂᖃᖅᐳᖅ. ᐃᒻᒪᖅᑳ 54% ᖃᐅᔨᓴᖅᑕᐅᔪᖅ ᓯᑯᖃᖅᑐᖅ (ᓯᑯ 2-15 ᒦᑕᒥᒃ ᐃᑎᓂᓕᒃ).
ᖃᓄᐃᒻᒪᑦ ᑕᒪᓐᓇ ᐱᒻᒪᕆᐅᕙ
ᓯᑯᖃᖅᑐᖅ ᓄᓇᐃᑦ ᓅᑦᑐᓐᓇᕐᒪᖔᑕ ᑭᕕᔪᓐᓇᖅᖢᑎᒡᓗᓐᓃᑦ ᐊᐅᒃᑳᖓᒥᒃ, ᑕᐃᒪᐃᓐᓂᖓᓐᓄᑦ ᓴᓇᔨᒻᒪᕇᑦ ᑖᒃᑯᓂᖓ ᑐᑭᓯᒋᐊᒐᒃᓴᓂᒃ ᐊᑐᓲᖑᕗᑦ ᐸᕐᓇᐃᓇᓱᒃᖢᑎᒃ ᓴᙱᓛᒥᒃ ᑐᙵᕕᒋᓂᐊᖅᑕᖓᓂᒃ ᐆᒻᒪᖅᑯᑎᖃᕐᕕᒃ.
ᖃᐅᔨᓴᕐᕕᐅᔪᖅ 2 - ᐊᖅᑯᓯᐅᖅᑕᐅᔪᒪᔪᖅ
ᑕᑯᓚᐅᖅᑕᕗᑦ
ᑖᓐᓇ ᐊᖏᓂᖃᖅᑐᖅ 1.5 ᑭᓛᒥᑐᓂᒃ ᐱᖓᓐᓇᖓᓐᓂᒃ ᓯᒥᒃᑐᐃᕝᕕᐅᔪᒪᔪᑉ. ᓄᓇᖓ ᖃᖅᑲᖃᐅᖅᑐᖅ ᑐᐊᐸᖃᖅᖢᓂ, ᐅᔭᖅᑲᖃᐅᖅᖢᓂ, ᐊᒻᒪ ᐅᔭᕋᓱᒡᔪᖃᖅᖢᓂ ᖄᖓᓂ. ᖃᔅᓯᐊᕐᔪᖕᓂ ᒥᑭᑦᑐᓂ ᐃᒪᖅᑕᖃᖅᐳᖅ ᐅᐊᖕᓇᖓᓐᓂ ᓂᒋᖅᐸᓯᐊᓂᒡᓗ ᐊᖅᑯᑎᐅᑉ.
ᖃᐅᔨᓚᐅᖅᑕᕗᑦ
ᐆᒻᒪᕆᒃᑐᖅ (ᖁᐊᕐᓂᖅ/ᐊᐅᒃᐸᓪᓕᐊᓂᖅ) ᖄᖓ 1 – 4.3 ᒦᑕᓂ ᐃᑎᓂᖃᖅᐳᖅ. 67% ᖃᐅᔨᓴᖅᑕᐅᔪᖅ ᐊᖅᑯᑎᖓ ᑕᕝᕘᓇ ᓯᑯᕋᓱᒋᔭᐅᕗᖅ (ᓯᑯ 7 – 25 ᒦᑕᓂᒃ ᐃᑎᓂᓕᒃ).
ᖃᓄᐃᒻᒪᑦ ᑕᒪᓐᓇ ᐱᒻᒪᕆᐅᒻᒪᖔᑦ
ᖃᐅᔨᒪᓂᖅ ᓄᓇ ᓇᐅᒃᑯᑦ ᓴᙱᔪᓐᓇᕐᒪᖔᑦ, ᐅᕝᕙᓘᓐᓃᑦ ᐊᓯᔾᔨᑐᐃᓐᓇᕆᐊᖃᕐᓂᖓᓂᒡᓗᓐᓃᑦ (ᓲᕐᓗ ᓯᑯᖃᖅᑐᖅ ᓅᑦᑐᓐᓇᖅᑐᖅ ᑭᕕᔪᓐᓇᖅᑐᕐᓗᓐᓃᑦ ᐊᐅᒃᐸᓪᓕᐊᓂᖓᓄᑦ), ᐃᑲᔪᕋᔭᖅᑐᖅ ᓴᓇᔨᒻᒪᕆᖕᓂᑦ ᐸᕐᓇᐃᓂᕐᒧᑦ ᐊᑦᑕᓇᙱᓛᕐᒥᑦ ᐊᖅᑯᑎᒥᒃ ᓴᓇᓗᑎᒡᓗ ᓴᙱᔪᓂᒃ ᑐᙵᕕᒃᓴᓂᒃ ᑲᒪᔪᓐᓇᖅᑐᓂᒃ ᐊᓯᔾᔨᖅᐸᓪᓕᐊᔪᓂᒃ ᓄᓇᐅᑉ ᖃᓄᐃᓕᖓᓂᖓᓐᓂᒃ.
ᖃᐅᔨᓴᕐᕕᐅᔪᖅ 3 - ᓯᒥᒃᑐᐃᔾᔪᑎᓕᐊᖑᔪᒪᔪᖅ, ᑰᑉ ᐱᖓᖕᓇᖅᐸᓯᐊᓂ
ᑕᑯᓚᐅᖅᑕᕗᑦ
ᓯᒥᒃᑐᐃᔾᔪᑎᓕᐊᖑᔪᒪᔪᖅ ᑰᒑᓘᑉ ᑰᖓᑕ ᐱᖓᖕᓇᖅᐸᓯᐊᓂᒃ ᖃᖅᑲᖃᐅᖅᐳᖅ ᒪᓂᕋᐅᒐᓛᒃᖢᓂᓗ ᐅᔭᕋᓱᒡᔪᐊᖅᑕᖃᖅᖢᓂᓗ ᐅᐊᖕᓇᖓᓂ ᓂᒋᖅᐸᓯᐊᓂᒡᓗ.
ᖃᐅᔨᓚᐅᖅᑕᕗᑦ
ᐆᒻᒪᕆᒃᑐᖅ (ᖁᐊᕐᓂᖅ/ᐊᐅᒃᐸᓪᓕᐊᓂᖅ) ᓄᓇᐅᑉ ᖄᖓ 0.9 – 2.5 ᒦᑕᓂᒃ ᐃᑎᓂᖃᖅᑐᖅ. 69% ᖃᓂᒋᔮᓂ ᑖᔅᓱᒪ ᐃᓂᐅᔪᖅ ᓯᑯᖃᑦᑎᐊᖅᐳᖅ (ᓯᑯ 5 – 21 ᒦᑕᓂᒃ ᐃᑎᓂᖃᖅᖢᓂ).
ᖃᓄᐃᒻᒪᑦ ᑕᒪᓐᓇ ᐱᒻᒪᕆᐅᕙ
ᓯᑯᖃᖅᑐᖅ ᑭᕕᒍᓐᓇᖅᐳᖅ ᓅᑦᑐᓐᓇᖅᖢᓂᓗᓐᓃᑦ ᓯᑯ ᐊᐅᒃᐸᑦ. ᑖᒃᑯᐊ ᑐᑭᓯᒋᐊᒐᒃᓴᑦ ᐃᑲᔪᑕᐅᔪᓐᓇᖅᐳᑦ ᓴᓇᔨᓄᑦ ᐋᖅᑭᒃᓯᒪᓂᒃᓴᖓᓐᓄᑦ ᐊᑦᑕᕐᓇᙱᑦᑐᒥᒃ ᑐᙵᕕᖃᑦᑎᐊᕐᑐᒥᒡᓗ ᓯᒥᒃᑐᐃᔾᔪᑎᒥᒃ.
ᖃᐅᔨᓴᕐᕕᐅᔪᖅ 4 - ᓯᒥᒃᑐᐃᔾᔪᑎᓕᐊᖑᔪᒪᔪᖅ, ᑲᓇᖕᓇᖅᐸᓯᐊᓂ ᑰᑉ
ᑕᑯᓚᐅᖅᑕᕗᑦ
ᓯᒥᒃᑐᐃᔾᔪᑎᓕᐊᖑᔪᒪᔪᖅ ᑰᒑᓗᒃ ᑰᖓᑕ ᑲᓇᖕᓇᖅᐸᓯᐊᓂ ᓯᐅᕋᖃᖅᐳᖅ, ᑰᖕᒥ ᐅᔭᖅᑲᖃᖅᖢᓂ, ᐊᒻᒪ ᐅᔭᕋᓱᒡᔪᐊᖃᖅᖢᓂ ᑰᑉ ᓯᓈᓂ. ᑰᑉ ᐅᖓᓯᖕᓂᖅᓴᖓ, ᓄᓇᖓ ᒪᓂᕋᐅᔮᖅᑐᖅ (ᓯᐅᕋᖅ, ᑐᐊᐸᒃ, ᐊᒻᒪ ᐅᔭᖅᑲᐃᑦ, ᕿᒪᒃᑕᐅᔪᑦ ᐊᐅᔪᐃᑦᑐᓄᑦ) ᐅᓄᖅᑐᒐᓚᖕᓂᑦ ᒥᑭᑦᑐᓂᑦ ᑰᒐᓛᖃᖅᖢᓂ.
ᓇᓂᓚᐅᖅᑕᕗᑦ
ᐆᒻᒪᕆᒃᑐᖅ (ᖁᐊᕐᓂᖅ/ᐊᐅᒃᐸᓪᓕᐊᓂᖅ) 11 – 45 ᒦᑕᓂᒃ ᐃᑎᓂᓕᒃ).
ᖃᓄᐃᒻᒪ ᑕᒪᓐᓇ ᐱᒻᒪᕆᐅᕙ
ᓯᑯᖃᖅᑐᖅ ᓴᙲᓕᕈᓐᓇᕐᒪᑦ ᐅᕝᕙᓗᓐᓃᑦ ᑐᙵᑦᑎᐊᕈᓐᓃᕈᓐᓇᖅᖢᓂ ᓯᑯ ᐊᐅᒃᐸᑦ. ᑖᒃᑯᐊ ᑐᑭᓯᒋᐊᒐᒃᓴᑦ ᐃᑲᔫᑕᐅᔪᓐᓇᖅᐳᑦ ᓴᓇᔪᓕᕆᔨᓄᑦ ᐋᖅᑭᒃᓯᒪᓂᒃᓴᖓᓐᓄᑦ ᐊᑦᑕᕐᓇᙱᑦᑐᒥᒃ ᑐᙵᕕᖃᑦᑎᐊᕐᑐᒥᒡᓗ ᓯᒥᒃᑐᐃᔾᔪᑎᒥᒃ.
ᖃᐅᔨᓴᖅᕕᐅᔪᖅ 5 − ᐊᕙᓗᓕᖅᑕᐅᔪᒪᔪᖅ
ᑕᑯᓚᐅᖅᑕᕗᑦ
650 ᒦᑕᑦ ᓂᒋᖅᐸᓯᐊᓂᒃ ᓯᒥᒃᑐᐃᓪᔪᑎᐅᔪᒪᔫᑉ, ᐊᒃᑎᒃᑐᒥ ᐊᖅᑯᑎᐅᑉ ᖃᓂᒋᔮᓂ ᐊᕙᓗᓕᖅᑕᐅᔭᕆᐊᖃᑐᐃᓐᓇᕆᐊᓕᒃ ᐃᒪᖃᐅᑎᑖᖁᓇᒍ ᐃᒥᖅᑕᖅᕕᓕᐅᖅᑐᖃᓕᖅᐸᑦ. ᐅᕙᓂ:
- ᓄᓇ ᖃᐅᓯᖅᑐᖅ ᐊᕿᑦᑑᓪᓗᓂᓗ ᐅᔭᕋᓱᒡᔪᖃᐅᖅᖢᓂ ᐅᐊᖕᓇᖓᓐᓂ
- ᐅᔭᕋᓱᒡᔪᒃᑕᓕᒃ ᓂᒋᖅᐸᓯᐊᓂ
- ᒥᑭᑦᑐᑯᓗᖕᒥ ᑰᒐᓛᒃᑐᖃᖅᑐᖅ ᑲᓇᖕᓇᒥᑦ ᐱᖓᖕᓇᒧᑦ ᐅᐊᖕᓇᖓᓐᓂ ᓂᒋᖅᐸᓯᐊᓂᓗ
ᓇᓂᓚᐅᖅᑕᕗᑦ
ᐆᒻᒪᕆᒃᑐᖅ (ᖁᐊᖕᓂᖅ/ᐊᐅᒃᐸᓪᓕᐊᓂᖅ) 1.2 – 3.9 ᒦᑕᓂᒃ ᐃᑎᓂᖃᖅᑐᖅ). ᐃᒻᒪᖅᑳ 32% ᖃᐅᔨᓴᖅᕕᐅᔪᖅ ᓯᑯᑐᖃᖅ (ᓯᑯ 3 – 15 ᒦᑕᓂᒃ ᐃᑎᓂᓕᒃ).
ᖃᓄᐃᒻᒪ ᑕᒪᓐᓇ ᐱᒻᒪᕆᐅᕙ
ᓯᑯ ᐊᐅᒃᐸᑦ, ᓄᓇ ᑭᕕᔪᓐᓇᖅᐳᖅ ᓴᙲᒡᓕᕙᓪᓕᐊᓗᓕᓗᓐᓃᑦ, ᑕᐃᒪᐃᓐᓂᖓᓄᑦ ᑕᒪᓐᓇ ᑐᓴᖅᑕᐅᔪᒃᓴᑦ ᐃᑲᔪᖅᐸᒃᐳᖅ ᓴᓇᔨᓂᒃ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᓇᓂ ᐊᕙᓗᓕᖅᓯᒪᔭᕆᐊᖃᕐᒪᖔᑦ ᖃᓄᕐᓗ ᓴᓇᔭᐅᓇᔭᕐᒪᖔᑦ ᖁᐊᖅᓵᕐᓇᙱᑦᑐᒃᑯᑦ. ᐊᕙᓗᓕᐅᖅᓯᒪᔪᖅ ᓲᕐᓗ ᐃᓄᖕᒧᑦ ᓴᓇᔭᐅᓯᒪᔪᖅ ᖃᖅᑲᖅ ᐃᒪᖃᐃᓐᓇᖅᑎᑦᑎᔪᓐᓇᖅᖢᓂ ᐃᒥᖅᑕᕐᕕᐅᑉ ᐃᓗᐊᓂ.
ᐳᐊᕆᔭᕐᓂ ᖃᐅᔨᓴᕐᕕᖕᓂ
ᖃᐅᔨᓴᖅᑎᑦ ᐳᐊᕆᔭᓚᐅᖅᐳᑦ 20-ᓂᒃ ᒥᑭᑦᑐᓂᒃ ᐊᖕᒪᔪᕐᓂᒃ ᓄᓇᐅᑉ ᐃᓗᐊᓂ 1.2 ᒦᑕᓂᒃ ᐃᑎᓂᓕᖕᒥᒃ, ᑕᐃᔭᐅᔪᖅ ᖃᐅᔨᓴᕐᕕᒃ.
ᕿᒥᕐᕈᑦᑎᐊᓚᐅᖅᐳᑦ ᐃᔾᔪᕐᒥᒃ ᐊᒻᒪ ᐅᔭᖅᑲᓂᒃ ᐊᑐᓂ ᖃᐅᔨᓴᖅᕕᖕᓂ ᐊᒻᒪ ᑎᑎᕋᖅᐸᓪᓕᐊᓪᓗᑎᒃ ᖃᐅᔨᔭᒥᓂᒃ. ᖃᐅᔨᓴᓚᐅᕐᒥᔪᑦ ᐆᓇᕐᓂᖓᓂᒃ ᖁᐊᖑᐃᓐᓇᖅᑐᖅ ᓄᓇᐅᑉ.
ᐃᔾᔪᕐᒥᒃ ᖃᐅᔨᒐᒃᓴᓂᒃ ᑲᑎᑦᑎᔪᖃᓚᐅᖅᐳᖅ ᓇᒃᓯᐅᔾᔭᐅᔾᓗᓂᓗ ᖃᐅᔨᓴᕐᕕᖕᒧᑦ ᓇᓗᓇᐃᑦᑎᐊᖅᓯᒪᓂᖅᓴᓂᒃ ᖃᐅᔨᓴᖅᓯᓂᕐᒧᑦ.
ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓᓂᒃ ᓄᓇᙳᐊᓕᐅᕐᓂᖅ
ᐱᓕᕆᖃᑎᒌᑦ ᖃᖓᑦᑕᖅᑎᐅᓯᒪᔪᑦ ᐊᔾᔨᓕᐅᕈᑎᓖᑦ ᖁᓕᒥᒎᓕᕋᓚᑦ ᖃᖓᑦᑕᖅᑎᑦᑎᓚᐅᖅᐳᑦ 2024-ᒥ ᐅᑭᐊᒃᓵᒃᑯᑦ ᐱᐊᓂᒃᓯᓇᓱᒃᖢᑎᒃ ᖃᐅᒪᔪᓂᒃ ᖃᐅᔨᓴᕈᑎᓂᒃ ᐊᒻᒪ ᐅᖓᓯᒌᒃᑐᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᖑᔪᓂᒫᒥᒃ (ᐃᓚᒋᔭᐅᓪᓗᓂ ᐊᖅᑯᑎ), ᓄᓇᙳᐊᑦᑎᐊᕙᖕᓂᒃ ᓄᓇᙳᐊᖃᖅᑎᑦᑎᔪᒪᓪᓗᑎᒃ.
ᓯᓚᒥᒃ ᐱᓕᕆᓐᓇᐅᑎᓪᓗᒍ 2026-ᒥ, ᑕᓪᓕᒪᒃᑲᓐᓂᕐᓂᒃ ᖁᓕᒥᒎᓕᕋᓛᓂᒃ ᖃᖓᑦᑕᖅᑎᑦᑎᓚᐅᖅᐳᑦ ᐱᐅᓂᖅᓴᖕᒪᕆᖕᓂᒃ ᖃᐅᒪᓂᕐᒧᑦ ᖃᐅᔨᔾᔪᑕᐅᔪᓐᓇᖅᑐᓂᒃ ᐊᒻᒪ ᐅᖓᓯᖕᓂᓕᖕᓂᒃ ᑎᑎᕋᖅᓯᒪᔪᓂᒃ ᖃᐅᔨᓴᕈᒪᓪᓗᑎᒃ ᑐᕌᕆᔭᐅᔪᓂᒃ, ᓲᕐᓗ ᐅᔭᖅᑲᓂᒃ ᐅᔭᕋᒃᑕᕐᕕᐅᑐᐃᓐᓇᕆᐊᓕᖕᓂᒃ ᖃᐃᖅᓱᒑᖅᔪᖕᓂᒃ ᑰᑉ ᖃᓂᒋᔮᓂᒃ.
ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᓄᓇᙳᐊᓕᐅᕐᓂᖅ ᑐᑭᖃᖅᐳᖅ ᖃᐅᔨᓂᖅ ᐊᒻᒪ ᐅᖓᓯᖕᓂᖓ. ᓴᓇᕐᕈᑎᐅᔪᖅ ᐊᑐᖅᖢᓂ ᖃᐅᒻᒪᖅᑯᑎ ᐆᒃᑐᕋᐅᑎᒥᒃ ᐆᒃᑐᕋᐃᓪᓗᓂ ᓄᓇᐅᑉ ᖃᓄᐃᓕᖓᓂᖓᓂᒃ ᖁᓛᓂ. ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᓴᖅᑭᑎᑦᑎᕙᒃᐳᖅ ᓇᓗᓇᐃᔭᖅᓯᒪᑦᑎᐊᖅᖢᓂ ᐱᖓᓱᐃᓕᖅᑲᖓᔪᑦ ᐋᖅᑭᒃᓯᒪᓂᓖᑦ ᓄᓇᙳᐊᓂᒃ ᐃᑲᔪᖅᐸᒃᖢᑎᒃ ᐱᓕᕆᖃᑎᒌᒃᖢᓂᒃ ᑐᑭᓯᐅᒪᓂᕐᒥᒃ ᓄᓇᒥᒃ, ᓯᕕᖓᔪᓂᒃ, ᖄᖓᓂᒡᓗ ᖃᓄᐃᓕᖓᓂᕆᔭᐅᔪᓂᒃ.
ᖃᐃᖅᓱᒑᖅ ᐆᒃᑐᕋᐃᓂᖅ
ᐱᖓᓱᓂᒃ ᖃᐃᖅᓱᒑᓂᒃ ᖃᐅᔨᓴᒐᒃᓴᓂᒃ ᐲᖅᓯᔪᖃᓚᐅᖅᐳᖅ ᐅᔭᕋᖅᑲᓂᒃ ᑐᐊᐸᒃᑕᕐᕕᐅᓯᒪᔪᒥᒃ. ᖃᐅᔨᓴᒐᒃᓴᐃᑦ ᐊᐅᓪᓚᖅᑎᑕᐅᓚᐅᖅᐳᑦ ᖃᐅᔨᓴᕐᕕᖕᒧᑦ ᖃᐅᔨᓇᓱᒃᖢᑎᒃ ᓴᖅᑭᑦᑎᑐᐃᓐᓇᕆᐊᖃᕐᒪᖔᑕ ᐊᕙᑎᒧᑦ ᓱᕋᒃᑎᖅᑕᐅᒍᑎᒃ ᐅᕝᕙᓘᓐᓃᑦ ᓯᓚᒧᑦ ᐃᒪᕐᒧᓪᓗ ᓴᖅᑭᔮᖅᑎᑕᐅᑎᓪᓗᒋᑦ.
ᑕᐃᒪᐃᔾᔪᑎᖃᖅᐳᖅ ᐃᓚᖏᑦ ᐅᔭᖅᑲᐃᑦ ᐃᓗᓕᖃᕐᒪᑕ ᐅᔭᕋᖕᓂᐊᒐᒃᓴᕐᒪᑕ ᐆᓇᖅᑐᓕᐅᕈᓐᓇᖅᑐᓂᒃ ᓱᕈᕐᓇᖅᑐᓂᒃ ᑲᑎᑉᐸᑕ ᐊᓂᖅᓵᖅᑐᕐᓂᒃᑯᑦ ᖃᓄᐃᓕᔭᕌᖓᒥᒃ. ᑖᓐᓇ ᐆᑕᕐᓇᖅᑐᖅ ᓱᕋᐃᔪᓐᓇᖅᐳᖅ ᐱᕈᖅᑐᓂᒃ, ᐆᒪᔪᓂᒃ, ᐊᒻᒪᓗ ᐃᒪᐅᑉ ᐱᐅᓂᖓᓂᒃ.
ᓄᓇᐅᑉ ᐃᑭᐊᖓᓂᒃ ᑕᑯᓂᖅ ᓄᓇᐅᑉ ᖃᓄᐃᑦᑑᓂᖓᓄᑦ ᓴᓇᕐᕈᑎᒧ
ᓄᓇᐅᑉ ᖄᖓᒍᑦ ᖃᐅᔨᓴᐅᑎᒧᑦ ᑲᑎᓱᖅᑕᐅᓚᐅᕐᑐᑦ ᑕᓪᓕᒪᓂ ᐃᓂᐅᔪᓂ:
- ᐆᒻᒪᖅᑯᑎᖃᕐᕕᐅᔪᖅ ᐃᓂᒋᔪᒪᔭᖓ
- ᐊᖅᑯᑎ ᓯᒥᒃᓱᐃᔾᔪᑎᓕᐊᖑᔪᒪᔫᑉ ᖃᓂᒋᔮᓂ
- ᓯᒥᒃᑐᐃᕝᕕᐅᔪᒪᔪᖅ ᑰᑉ ᐱᖓᓐᓇᙵᓐᓂᒃ
- ᑐᒃᓯᕋᖅᑕᐅᓯᒪᔪᖅ ᓯᒥᒃᑐᐃᓂᕐᒧᑦ ᐃᓂᐅᔪᖅ ᑰᑉ ᑲᓇᖕᓇᖓᓐᓂ
- ᑐᒃᓯᕋᖅᑕᐅᓯᒪᔪᖅ ᐃᒥᖅᑕᕐᕕᐅᑉ ᐊᕙᓗᓕᖅᓯᒪᓂᖓ (ᐱᔭᕆᐊᖃᑐᐃᓐᓇᕆᐊᓕᒃ)
ᓄᓇᐅᑉ ᖄᖓᒍᑦ ᖃᐅᔨᓴᐅᑎ ᓄᓇᐅᑉ ᐋᖅᑭᒃᓯᒪᓂᖓᒍᑦ ᖃᐅᔨᓴᕈᑕᐅᕗᖅ ᐃᑲᔫᑕᐅᓗᓂ “ᑕᑯᔪᓐᓇᕐᓂᕐᒥᒃ” ᓄᓇᐅᑉ ᐊᑖᒍᑦ ᐳᐊᕐᕆᔭᙱᓪᓗᓂ. ᐊᐅᓪᓚᖅᑎᑦᑎᕙᒃᐳᑦ ᖃᐅᔨᓴᐅᑎᐅᑉ ᐆᒻᒪᖅᑯᑎᖓᓂᒃ ᓄᓇᒧᒃ ᐊᑐᖅᖢᓂ ᓇᐳᕈᑕᒥᒃ ᐆᒃᑐᕋᐃᕙᒃᖢᓂᓗ ᖃᐅᔨᔾᔪᑕᐅᔪᓐᓇᖅᑐᓂᒃ ᐅᑎᖅᐸᓪᓕᐊᔪᓂᒃ. ᐊᔾᔨᒌᙱᑦᑐᑦ ᐃᔾᔪᐃᑦ, ᐅᔭᖅᑲᑦ, ᐅᕝᕙᓗᓐᓃᑦ ᐃᒪᖅ ᑕᑯᒃᓴᐅᑎᑦᑎᕗᑦ ᖃᐅᔨᓴᐅᑎᓂᒃ ᐊᔾᔨᒌᙱᖦᖢᑎᒃ, ᓴᖅᑭᑎᑦᑎᓪᓗᑎᒃ ᐊᔾᔨᙳᐊᒥᒃ ᓄᓇᐅᑉ ᐊᑖᓂᑦᑐᒥᒃ.
ᓄᓇᙳᐊᓕᐅᕐᓂᖅ ᓄᓇᐅᑉ ᐃᑭᐊᖓᓐᓂᒃ ᐅᐊᔭᒨᕐᑐᓄᑦ ᖃᐅᔨᓴᐅᑎᓄᒃ
ᑲᑎᖅᓱᖅᑕᐅᓚᐅᖅᑐᑦ ᓯᒥᒃᑐᐃᔾᔪᑎᓕᐅᕈᔪᒪᔪᓂᑐᐊᖅ, ᐱᖓᖕᓇᖅᐸᓯᐅᓂᒃ ᑲᓇᖕᓇᖓᓐᓂᒡᓗ.
ᐅᐊᔭᒨᖅᑐᓂᒃ ᐊᔾᔨᓕᐅᕆᓂᖅ ᓄᓇᐅᑉ ᐋᖅᑭᒃᓯᒪᓂᖓᓂᒃ ᖃᐅᔨᓴᕈᑕᐅᕗᖅ ᐃᑲᔪᖅᐸᒃᖢᓂ ᖃᐅᔨᓴᖅᑎᓂᒃ “ᑕᑯᔪᓐᓇᕐᓂᕐᒥᒃ” ᓄᓇᐅᑉ ᐊᑖᒍᑦ ᐆᒃᑐᕋᐃᓪᓗᑎᒃ ᖃᓄᖅ ᓱᒃᑲᑎᒋᔪᒥᒃ ᐆᒻᒪᖅᑯᑎ ᐃᖏᕐᕋᓂᖃᖅᑎᒋᖕᒪᖔᑦ ᐃᔾᔪᒃᑯᑦ ᐅᔭᖅᑲᒃᑯᓪᓗ. ᐊᔾᔨᒌᙱᑦᑐᑦ ᐱᖁᑎᑦ-ᓲᕐᓗ ᐃᒪᖅ, ᓂᓚᒃ, ᒪᕐᕋᖅ, ᐅᕝᕙᓗᓐᓃᑦ ᐅᔭᖅᑲᑦ -ᐃᖏᕐᕋᑎᑦᑎᕙᒃᐳᑦ ᐆᒻᒪᖅᑯᑎᓂᒃ ᐊᔾᔨᒌᙱᑦᖢᑎᒃ, ᑕᐃᒪᐃᓐᓂᖓᓐᓄᑦ ᑐᐊᕕᕐᓇᕐᑐᓕᕆᔨᒃᑯᑦ ᓴᖅᑭᑎᑦᑎᔪᓐᓇᖅᐳᑦ ᐊᔾᔨᙳᐊᒥᒃ ᑭᓱᑕᖃᕐᒪᖔᑦ ᓄᓇᐅᑉ ᖄᖓᓐᓂᒃ.
96-ᓂᒃ ᐅᐊᔭᒨᖅᑐᓂᒃ ᓄᓇᒨᖅᑕᐅᓚᐅᑲᒃᑐᑦ, 30 ᓯᓐᑕᒦᑕᒥᒃ ᐃᑎᓂᓕᒃ ᐊᒻᒪ 5 ᒦᑕᓂᒃ ᐅᖓᓯᒌᒃᖢᑎᒃ, ᑐᑭᓕᕇᒃᑐᐃᓐᓇᐅᓪᓗᑎᒃ. ᑖᒃᑯᐊ ᐆᒻᒪᖅᑯᑎᓄᑦ ᐋᖅᑭᒃᑕᐅᓯᒪᔪᑦ ᐊᒃᑕᑕᖅᑎᑕᐅᕙᒃᐳᑦ ᓴᕕᒐᐅᔭᓄᑦ ᕿᑎᐊᓃᑦᑐᓄᑦ ᑲᑎᖅᓱᖅᑕᐅᕙᒃᑐᓄᑦ ᑎᑎᕋᖅᐸᓪᓕᐊᕙᒃᑐᓄᒡᓗ ᑎᑎᕋᖅᓯᒪᔪᓂᒃ.
ᓄᓇᐅᑉ ᖄᖓ ᑰᒑᓗᖕᒥ
ᓄᓇᐅᑉ ᖄᖓ ᓇᓂᔭᐅᔪᑦ ᐅᑯᐊᖑᓪᓗᐊᑕᖅᐳᑦ.
- ᐊᒃᑎᑦᑐᒦᑦᑐᑦ: ᖃᐃᖅᓱᒑᖅ, ᓯᐅᕋᖅ ᐊᒻᒪ ᒪᕐᕋᖅ ᐊᒃᑎᑦᑐᒦᑦᑐᑦ,
- ᑕᓯᐅᑉ ᓯᒡᔭᖓ: ᓯᐅᕋᖅ ᐊᒻᒪ ᑐᐊᐸᒃ
- ᑕᓯᐅᑉ ᓯᒡᔭᖓ: ᓯᐅᕋᖅ
ᐊᐅᔪᐃᑦᑐᑦ ᓴᓇᔭᐅᓚᐅᖅᓯᒪᕗᑦ ᐅᐊᑦᑎᐊᕈᐊᓗᒃ ᐊᐅᔪᐃᑦᑐᓄᑦ. ᐊᐅᔪᐃᑦᑐᑦ ᐃᖏᕐᕋᑎᓪᓗᒋᑦ, ᐊᔭᐅᖅᓯᕙᓚᐅᖅᐳᑦ ᑲᑕᒃᐸᒃᖢᑎᒡᓗ ᐅᔭᖅᑲᓂᒃ, ᓯᐅᕋᕐᓂᒃ, ᐊᒻᒪ ᑐᐊᐸᖕᓂᒃ. ᓯᑯ ᐊᐅᖕᒪᑦ, ᑖᒃᑯᐊ ᑐᙵᕕᖏᑦ ᕿᒪᒃᑕᐅᕙᓚᐅᖅᐳᑦ ᑭᒃᐹᕆᒃᑐᐊᓘᓪᓗᑎᒃ ᐅᕝᕙᓗᓐᓃᑦ ᖃᖅᑲᐅᓪᓗᑎᒃ ᓄᓇᒥ.
ᐊᑦᑕᓇᙱᑦᑐᒥᒃ ᐸᕐᓇᐃᓂᖅ
ᐊᑐᕐᖢᑎᒃ ᓴᓇᕐᕈᑎᓂᒃ "ᑕᑯᔪᓐᓇᕐᓂᕐᒧᑦ" ᑎᑭᓪᖢᒍ 75 ᒦᑕᓄᑦ ᓄᓇᐅᑉ ᐊᑖᓂ, ᑎᑎᕋᐅᔭᖅᑏᑦ ᐊᒻᒪ ᓄᓇᒥᐅᑕᓕᕆᔩᑦ ᐃᓕᑦᑎᔪᓐᓇᖅᐳᑦ:
- ᖃᓄᑎᒋ ᐃᑎᑎᒋᖕᒪᖔᑦ ᓄᓇᐅᑉ ᖄᖓ (ᖁᐊᖃᑦᑕᕐᒪᖔᑦ ᐊᐅᒃᐸᒃᖢᓂᓗ ᐊᕐᕌᒍᑕᒫᑦ) ᐊᒻᒪ ᖃᐃᖅᓱᒑᖅ
- ᑰᒡᕕᐅᕙᒃᑐᖅ ᐃᔾᔪᕐᒥ
- ᓯᑯᐃᑦ ᓇᓃᓐᓂᖏᑦ ᐊᒻᒪ ᖃᓄᖅ ᐃᔾᔪᓂᖃᑎᒋᖕᒪᖔᑕ
- ᓯᑯᖃᑦᑎᐊᖅᑐᑦ ᓯᑯᐃᑦ ᓱᕋᒃᓯᒪᔪᑦ ᐊᒻᒪ ᓂᓚᐃᑦ.
- ᓄᓇᐅᑉ ᐃᑭᐊᖓᓂ ᐃᔾᔪᐃᑦ ᖃᓄᐃᑦᑑᓂᖏᑦ
ᑖᒃᑯᐊ ᑐᑭᓯᒋᐊᒐᒃᓴᑦ ᓴᓇᔨᓄᑦ ᐊᑦᑕᕐᓇᙱᑦᑐᒃᑯᑦ ᓯᒥᒃᑐᐃᔾᔪᑎᓂᒃ, ᐊᖅᑯᑎᓂᒃ, ᑐᙵᕕᖏᓐᓂᒃ ᓴᙱᔫᙱᓐᓇᖁᓪᓗᒋᑦ ᐊᑯᓂᐅᔪᒃᑯᑦ.
ᖃᐅᔨᒪᔭᕆᐊᓕᒃ: ᓯᑯᖃᖅᑐᖅ ᓄᓇᐃᑦ ᐊᔾᔨᒋᙱᒻᒪᒋᑦ ᖁᐊᖑᐃᓐᓇᐅᔭᖅᑐᖅ ᓄᓇᐅᑉ, ᓇᓗᓇᐃᖅᑕᐅᔪᖅ ᐆᓇᕐᓂᖓᓄᑦ (ᖁᐊᖑᔪᖅ 2+ ᐊᕐᕌᒍᓄᑦ), ᖃᓄᑎᒋ ᓯᑯᖃᕐᓂᖓᓄᑦ ᓯᑯᖃᖅᑎᒋᓂᖓᓐᓅᙱᑦᑐᖅ. ᑐᑭᓯᒋᐊᒐᒃᑕᑦ ᑲᑎᖅᓱᖅᑕᐅᔪᑦ ᐊᑐᕐᖢᑎᒃ ᑖᒃᑯᓂᖓ ᐱᓕᕆᔾᔪᑎᓂᒃ ᐅᖃᐅᓯᖃᙱᑦᑐᖅ ᖁᐊᖑᐃᓐᓇᐅᔭᖅᑐᒥᒃ ᓄᓇᒥᒃ.
ᑕᖕᒫᖅᓯᒪᓚᐅᑲᖕᓂᖅ ᑖᓐᓇ ᑕᖕᒫᕐᓯᒪᕝᕕᒃ
ᐱᓕᕆᖃᑎᒌᑦ ᓇᔪᖅᕕᒋᕙᓚᐅᖅᑕᖓ ᐃᖅᑲᓇᐃᔭᖅᕕᒋᕙᒃᖢᓂᐅᒃ, ᓯᓂᒡᕕᖃᖅᖢᓂ, ᓂᕆᕝᕕᖃᖅᖢᓂ, ᐊᒻᒪ ᓴᓇᕝᕕᖕᒥ ᑐᐱᖅᑕᖃᖅᖢᓂ. ᓂᖅᖠᐅᖅᑎ ᓂᕿᓕᕆᕙᓚᐅᖅᐳ.
ᐃᓚᒋᔭᐅᓪᓚᕆᓚᐅᖅᑐᖅ ᑕᖕᒫᖅᓯᒪᕝᕕᖕᒥ ᐃᓅᓯᕆᔭᐅᔪᒥᒃ ᑎᒃᑲ, ᓇᐅᑦᑎᖅᓱᖅᑎᐅᓚᐅᖅᑐᖅ ᓇᔪᖅᑕᐅᔪᒥᒃ, ᖁᕕᐊᓱᒃᑎᑦᑎᕙᒃᖢᓂ ᐅᓪᓗᒐᓴᖕᓄᑦ, ᐃᖅᑲᐃᑎᑦᑎᕙᒃᖢᓂ ᑭᒃᑯᓕᒫᓂᑦ ᖁᕕᐊᓱᖁᔨᓪᓗᓂ ᐊᒻᒪ ᑭᒃᑯᓕᒫᑦ ᖁᕕᐊᒋᔭᖃᖁᓪᓗᒋᑦ ᐅᑭᐅᖅᑕᖅᑐᒥ ᐊᓂᖅᓵᖅᑐᑦᑎᐊᕐᓂᕐᒥᒃ.
ᐆᒪᔪᓕᕆᓂᕐᒧᑦ ᓄᓇᒥᐅᑕᓕᕆᓂᕐᒧᓪᓗ
ᐆᒪᔪᓕᕆᓂᕐᒧᑦ ᓄᓇᒥᐅᑕᓕᕆᓂᕐᒧᓪᓗ ᐱᓕᕆᖃᑎᒌᑦ ᐱᐊᓂᒃᓯᓚᐅᖅᐳᑦ ᖃᐅᔨᓴᖅᓯᓂᕐᒥᒃ ᑰᒑᓗᖕᒥ ᐋᒡᒌᓯ 9-25, 2025 ᐊᒻᒪ ᓯᑎᐱᕆ 8-12, 2025 ᐊᑯᓐᓂᖓᓐᓂᒃ, ᑲᑎᖦᖢᒋᑦ ᐅᓪᓗᓄᑦ 22-ᓄᑦ. ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ ᐊᒻᒪ ᐃᓄᐃᑦ ᖃᐅᔨᒪᔨᑕᑦ ᑲᑎᖅᓱᐃᓚᐅᖅᐳᑦ ᑐᑭᓯᒋᐊᒐᒃᓴᓂᒃ ᐱᓕᕆᐊᖑᔪᒪᔫᑉ ᖃᓂᒋᔮᓂ.
ᑐᑭᓯᒋᐊᒐᒃᓴᑦ ᑲᑎᖅᓱᖅᑕᐅᔪᑦ ᐃᑲᔫᑕᐅᓂᐊᖅᐳᑦ ᐸᕐᓇᐃᓂᕐᒧᑦ ᓯᕗᓂᒃᓴᒥ ᓯᓚᒥ ᐱᓕᕆᓂᐅᔪᒥ ᐊᒻᒪ ᑕᑯᑎᑦᑎᓗᑎᒃ ᐅᕙᑦᑎᓐᓂ ᖃᓄᖅ ᐃᒪᕐᒧᑦ ᐆᒻᒪᖅᑯᓯᐅᕐᓂᕐᒧᑦ ᐱᓕᕆᐊᖑᔪᖅ ᐊᒃᑐᐃᔪᓐᓇᕐᒪᖔᑦ ᓄᓇᒥᒃ, ᐃᒪᕐᒥᒃ, ᐱᕈᖅᑐᓂᒃ, ᐊᒻᒪ ᐆᒪᔪᓂᒃ ᐊᒻᒪ ᖃᓄᖅ ᑕᒪᒃᑯᐊ ᐊᓯᔾᔨᕐᓂᐅᔪᑦ ᐊᑐᙱᓐᓂᖅᓴᐅᔪᓐᓇᕐᒫᖓ ᐅᕝᕙᓗᓐᓃᑦ ᒥᒃᖠᒋᐊᖅᑎᑦᑎᔪᓐᓇᕐᒫᖔᑕ.
ᖁᔭᓐᓇᒦᒃ ᐱᓕᕆᔨᕗᑦ ᐊᒻᒪ ᓄᓇᓕᖕᓂ ᐃᓄᐃᑦ ᖃᐅᔨᒪᓂᓖᑦ ᑕᒪᑐᒥᖓ ᐊᔪᕐᓇᙱᑎᑦᑎᓚᐅᕐᓂᖏᓐᓄᑦ.
- ᓇᕿᓪᓗᒍ ᐃᓄᐃᑦ ᐊᒻᒪ ᐱᖁᑎᓪᓗ ᖃᐅᔨᓂᐊᕋᕕᑦ ᐱᓕᕆᖃᑎᒌᑦ ᖃᓄᐃᓕᐅᓚᐅᕐᒪᖔᑕ ᓯᓚᒥ ᐱᓕᕆᑎᓪᓗᒋᑦ
- ᓇᕿᓪᓗᒍ ᐃᖃᓗᒃ, ᐃᒪᐅᑉ ᐃᓗᓕᖏᑦ, ᐊᓯᖏᓪᓗ ᑭᓱ ᓇᓂᔭᐅᓚᐅᕐᒪᖔᑕ.
- ᓇᕿᓪᓗᒍ ᓯᓚᑖᒍᑦ ᑎᑎᖅᑲᑦ ᑭᒃᐹᕆᒃᑐᑦ ᑐᓕᑎᒃᑲᓐᓂᕐᓗᒋᑦ
ᐆᒪᔪᓄᑦ ᐊᔾᔨᓕᐅᕈᑎ
ᐱᓕᕆᖃᑎᒌᑦ 39-ᓂᒃ ᐆᒪᔪᓂᒃ ᐊᔾᔨᓕᐅᕈᑎᓂᒃ ᐋᖅᑭᒃᓯᑦᑎᐊᓚᐅᖅᐳᑦ ᖃᐅᔨᔾᔪᑎᒃᓴᓂᒃ ᓇᓕᐊᒃ ᐆᒪᔪᑦ ᐊᑐᖅᐸᖕᒪᖔᑕ:
- 20 ᐊᖅᑯᑎᓕᐊᖑᔪᒪᔫᑉ ᐊᖅᑯᑎᖓᓂ
- 8 ᑰᑉ ᓴᓂᐊᓂ, ᑕᓯᐅᑉ ᐊᑖᒍᑦ
- 11 ᐃᒥᖅᑕᕐᕕᐅᑉ ᖃᓂᒋᔮᓂ
ᐊᔾᔨᓕᐅᕈᑎᑦ ᓇᓃᓐᓂᖏᑦ ᓂᕈᐊᖅᑕᐅᖅᑳᓚᐅᖅᐳᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᔾᔨᙳᐊᓂᒃ ᐊᒻᒪ ᐋᖅᑭᒋᐊᖅᑕᐅᓪᓗᑎᒃ ᓄᓇᒥ ᑐᙵᕕᒋᔭᐅᓪᓗᑎᒃ ᓄᓇᖓ ᐊᒻᒪ ᐆᒪᔪᑦ ᓇᔪᒐᖏᑦ ᑕᑯᔭᐅᔪᑦ ᖁᓕᒥᒎᓕᒃᑯᑦ
ᐊᒥᕋᐃᔭᐅᑦ!
ᐃᓚᖓ ᐆᒪᔪᕐᓄᑦ ᐊᔾᔨᓕᐅᕈᑎ ᓱᕋᒃᑎᖅᑕᐅᓚᐅᖅᐳᖅ ᑐᒃᑑᑉ ᓇᒡᔪᐊ ᐊᒥᕋᐃᔭᕐᑎᓪᓗᒍ. ᖃᐅᔨᒪᔪᒍᑦ ᐊᔾᔨᓕᐅᕈᑏᑦ ᕿᒫᑎᑦᑎᓚᐅᙱᓐᓂᙱᓐᓂᒃ ᑐᒃᑐᓂᒃ!
ᐆᒪᔫᑉ ᓇᔭᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ
ᐊᑕᐅᓯᖅ ᑐᕌᒐᕆᔭᐅᔪᖅ 2025-ᒥ ᓯᓚᒥ ᐱᓕᕆᑎᓪᓗᒋᑦ ᑲᑎᖅᓱᐃᔪᒪᓪᖢᑎᒃ ᑐᑭᓯᒋᐊᒐᒃᓴᓂᒃ ᓴᖅᑭᑦᑎᔾᔪᑎᒃᓴᓂᒃ ᐆᒪᔪᑦ ᓇᔪᒐᖃᖅᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᓐᓄᑦ ᓄᓇᙳᐊᕐᒥᒃ. ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ ᑲᑐᔾᔨᖃᑎᒌᑦ ᓄᓇᙳᐊᖓ ᐊᕕᒃᑐᐃᕗᖅ ᓄᓇᓕᒫᒥᒃ ᒥᑭᓐᓂᕐᓴᓄᑦ , ᑲᑎᙳᑎᑕᐅᓪᓗᑎᒡᓗ ᐊᒡᔨᒌᙱᑦᑐᓄᑦ ᐆᒪᔪᑦ ᓇᔪᒐᖃᖅᕕᖏᑦ ᖃᓄᐃᑦᑑᓂᖏᓐᓂᒃ, ᑐᙵᕕᖃᖅᖢᑎᒃ:
- ᐱᕈᖅᑐᑦ
- ᐆᒪᔪᑦ
- ᐃᔾᔪ ᐊᒻᒪ ᓄᓇᐅᑉ ᖃᓄᐃᓕᖓᓂᖓ
- ᓄᓇᐅᑉ ᐋᖅᑭᒃᓯᒪᓂᖓ ᓲᕐᓗ ᖃᖅᑲᐃᑦ ᐅᕝᕙᓘᓐᓃᑦ ᓯᕕᑐᔪᑦ
- ᐃᒪᖅ (ᑰᒐᓛᑦ, ᑕᓯᕋᐃᑦ, ᒪᓴᐃᑦ, ᐅᕝᕙᓗᓐᓃᑦ ᐸᓂᖅᑐᖅ ᓄᓇᐃᑦ
- ᓯᓚ ᖃᐅᔨᓴᖅᖢᒋᑦ
ᑖᒃᑯᐊ ᖃᓄᐃᑦᑑᓂᖏᑦ, ᑕᑯᔪᓐᓇᖅᑐᒍᑦ ᓇᓂ ᐊᔾᔨᒌᙱᑦᑐᑦ ᓄᓇᐃᑦ ᐱᑕᖃᕐᒪᖔᑕ ᐊᒻᒪ ᖃᓄᖅ ᐱᑕᖃᕋᔪᖕᒪᖔᑕ. ᑕᒪᓐᓇ ᐅᕙᑦᑎᓐᓂᒃ ᐃᑲᔪᖅᐸᒃᐳᖅ ᓴᐳᔾᔨᓯᒪᓂᕐᒥᒃ ᓄᓇᒥᒃ ᑐᑭᓯᐅᒪᓕᕐᓗᑕᓗ ᖃᓄᖅ ᑕᒪᓐᓇ ᐱᓕᕆᐊᖑᔪᖅ ᐊᒃᑐᖅᓯᓇᔭᕐᒪᖔᑦ ᐊᕙᑎᒥᒃ.
ᓄᓇᐃᑦ ᓇᔪᒐᖃᕐᕕᖏᑦ
ᓄᓇᙳᐊᓕᐅᓚᐅᖅᑐᑦ ᖃᐅᔨᓴᖅᑎᑦ ᑭᖑᓪᓕᖅᐹᖅᓯᐅᑎᒥᒃ ᓄᓇᙳᐊᓕᐅᖅᐸᓪᓕᐊᕕᑦ ᓄᓇᙳᐊᒥᒃ ᐊᑐᖅᖢᑎᒃ ᑎᑎᕋᖅᓯᒪᔪᓂᒃ ᐅᑯᓇᙵᑦ:
- 2025-ᒥ ᓄᓇᒥ ᐃᓂᒋᔭᐅᓂᑯ (ᖃᐅᔨᓴᖅᑕᐅᓂᑯᑦ ᓄᓇᒥ ᐱᓱᒃᑎᓪᓗᒋᑦ)
- 2025-ᒥ ᖃᖓᑕᓲᒃᑯᑦ ᐅᖄᓚᕝᕕᐅᓯᒪᔪᒃᑯᑦ (ᖁᓕᒥᒎᓕᒃᑯᑦ ᖃᐅᔨᓴᖅᑕᐅᔪᑦ)
- ᑕᑯᒃᓴᐅᑦᑎᐊᕐᑐᑦ ᖃᐅᒪᓂᕐᒧᑦ ᖃᐅᔨᔾᔪᑎ ᐊᒻᒪ ᐅᖓᓯᖕᓂᖓᓄᑦ ᓄᓇᙳᐊᓕᐅᕐᓂᖅ (2025-ᒥ ᖃᐅᔨᓴᖅᑕᐅᓯᒪᔪᑦ)
- ᑕᑯᒃᓴᐅᙱᑦᑐᑦ ᐊᔾᔨᙳᐊᑦ ᐊᑐᐃᓐᓇᐅᔪᑦ ᐃᑭᐊᖅᑭᕕᒃᑯᑦ
- ᐊᓯᖏᑦ ᐊᑐᐃᓐᓇᐅᔪᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᔾᔨᙳᐊᖅ
- ᓯᓚᒥ ᑎᑎᕋᖅᓯᒪᔪᑦ ᑲᑎᖅᓱᖅᑕᐅᔪᑦ 2026-ᒥ ᓇᓗᓇᐃᖅᓯᓂᕐᒧᑦ ᑕᒻᒪᖅᑕᖅᓯᒪᙱᓐᓂᖏᓐᓂᒃ
ᓇᕿᓪᓗᒍ ᐆᒪᔪᑦ ᓇᔪᒐᖃᖅᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ ᑐᑭᓯᒋᐊᕈᒪᒍᕕᑦ
ᓄᓇ ᑕᐅᑐᒃᖢᒍ - ᐃᑲᔪᕐᓂᖅ ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ
ᓄᓇᙳᐊᓕᐅᕐᓂᕐᒧᑦ ᖃᐅᔨᓴᖅᑎᑦ ᖃᐅᔨᓴᓚᐅᖅᐳᑦ 34-ᓂᒃ ᓄᓇᒥ ᐃᓂᓂᒃ ᐱᓱᒃᖢᑎᒃ ᓄᓇᒃᑯᑦ.
ᑖᒃᑯᐊ ᓄᓇᒥ ᐃᓂᐅᔪᑦ ᐊᑐᖅᑕᐅᓂᐊᖅᐳᑦ ᐃᖃᔪᕐᓗᑎᒃ ᓴᖅᑭᑎᑦᑎᓂᕐᒥᒃ ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ ᓄᓇᙳᐊᖓᓐᓂᒃ ᖃᐅᔨᓴᖅᕕᐅᔪᒥ. ᐊᑐᓂ ᐃᓂᓂᒃ:
- 400 ᒦᑕᓂᒃ ᓇᓗᓇᐃᒃᑯᑦᑎᖅᑕᐅᓪᓗᑎᒃ
- ᐱᕈᖅᑐᑦ, ᓄᓇᖓ, ᐊᒻᒪ ᐆᒪᔪᑦ ᓇᓗᓇᐃᒃᑯᑕᖏᑦ ᑎᑎᕋᖅᑕᐅᓪᓗᑎᒃ
- ᑎᑎᕋᖅᐸᓪᓕᐊᓪᓗᑎᒃ ᓇᓕᐊᖕᓂ ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓᑦ ᐃᓂᒋᔭᖓᓐᓂᒃ
ᓇᕿᓪᓗᒍ ᓄᓇᙳᐊᓕᐅᕐᓂᖅ ᐊᒻᒪ ᐆᒪᔪᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ ᑐᑭᒋᐊᒃᑲᓐᓂᕈᒪᒍᕕᑦ.
ᖁᓛᓂᑦ ᑕᐅᑐᖕᓂᖅ - ᐃᑲᔪᕐᓂᖅ ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ
ᓄᓇᙳᐊᓕᐅᑉᓂᕐᒧᑦ ᖃᐅᔨᓴᖅᑏᑦ ᖃᐅᔨᓴᓚᐅᖅᐳᑦ 80-ᓂᒃ ᖃᖓᑕᓲᒃᑯᑦ ᐅᖄᓚᔪᓂᒃ ᓄᓇᐅᑉ ᖄᖓᓐᓂᒃ ᖁᓕᒥᒎᓕᒃᑯᑦ.
ᑖᒃᑯᐊ ᖃᖓᑕᓲᒃᑯᑦ ᐅᖄᓚᖃᑦᑕᕐᓂᕐᒧᑦ ᐃᓂᐅᔪᑦ ᐊᑐᖅᑕᐅᓂᐊᖅᐳᑦ ᐃᑲᔪᕐᓗᑎᒃ ᓴᖅᑭᑎᑦᑎᓂᕐᒥᒃ ᐊᕙᑎᓕᕆᓂᕐᒧᑦ ᖃᐅᔨᒃᑲᐃᔩᑦ ᑎᒥᖓ ᓄᓇᙳᐊᖓᓐᓂᒃ. ᐊᑐᓂ ᖃᖓᑕᓲᒃᑯᑦ ᐅᖄᓚᑲᒃᑎᓪᓗᒋᑦ ᐱᓕᕆᖃᑎᒌᑦ ᑎᑎᕋᖅᐸᓪᓕᐊᓚᐅᖅᐳᑦ ᐅᑯᓂᖓ:
- ᓄᓇ
- ᖃᐃᖅᓱᒑᖅ
- ᒪᓴᐃᑦ
- ᓯᒡᔭᐃᑦ (ᑰᑦ ᑰᒡᓗᓐᓃᑦ ᖃᓂᒋᔮᓂ).
ᓇᕿᓪᓗᒍ ᓄᓇᙳᐊᓕᐅᕐᓂᖅ ᐊᒻᒪ ᐆᒪᔪᑦ ᓇᔪᒐᖃᕐᕕᖏᑦ ᐃᓄᐃᑦ ᓇᓗᓇᐃᖅᑕᐅᓂᖏᑦ ᑐᑭᓯᒋᐊᒃᑲᓐᓂᕈᒪᒍᕕᑦ.
ᓄᓇᒥ ᐱᓱᒃᖢᓂ
ᖃᐅᔨᓴᖅᑎ ᐱᐊᓂᒃᓯᓚᐅᖅᐳᑦ 29-ᓂᒃ ᐆᒪᔪᓂᒃ ᑭᒃᐹᒃᓯᒪᓕᖅᖢᓂᒃ:
- 5 ᑰᑉ ᑰᖓᒍᑦ/ᐃᒥᖅᑕᕐᕕᓕᐊᕈᒪᔫᑉ ᖃᓂᒋᔮᓂ
- 24 ᐊᖅᑯᑎᓕᐊᖑᔪᒪᔫᑉ ᐊᖅᑯᑎᖓᑕ ᖃᓂᒋᔮᓂ
ᐊᑐᓂ ᑭᒃᐹᕆᒃᓯᓕᖅᓯᒪᔪᑦ, ᓄᓇᒥ ᐱᓕᕆᔨᐅᔪᑦ ᐱᓱᓚᐅᖅᐳᑦ 1 ᑭᓛᒥᑕᒥᒃ ᑐᑭᓕᐊᖅᑐᒥᒃ ᑎᑎᕋᖅᐸᓪᓕᐊᓪᓗᑎᒡᓗ ᑕᑯᔭᒥᓂᒃ. ᕿᓂᓚᐅᖅᐳᑦ ᑎᖕᒥᐊᓂᒃ ᐊᒻᒪ ᐆᒪᔪᓂᒃ ᐊᒫᒪᒃᑎᑦᑎᔪᓂᒃ, ᐊᒻᒪ ᐆᒪᔪᑦ ᓇᓗᓇᐃᒃᑯᑕᖏᓐᓂᒃ, ᓲᕐᓗ:
- ᑐᒥᖏᑦ
- ᐊᓇᐃᑦ
- ᓱᓗᖏᑦ
- ᒥᖅᑯᓖᑦ
- ᓇᒡᔪᖃᖅᕕᐅᔪᑦ
- ᐆᒪᔫᑉ ᐊᖅᑐᑎᖏᑦ
ᑖᓐᓇ ᐱᓕᕆᐊᖑᔪᖅ ᑐᑭᓯᐊᖅᓵᓕᔾᔪᑕᐅᕗᖅ ᓇᓕᐊᒃ ᐆᒪᔪᑦ ᐊᑐᖅᐸᖕᒪᖔᑕ ᐊᒻᒪ ᖃᐅᔨᒪᔾᔪᑕᐅᓛᕐᖢᓂ ᐸᕐᓇᐃᓂᕐᒧᑦ 2026-ᒥ ᓯᓚᒥ ᐱᓕᕆᓐᓇᒥ.
ᐅᔾᔨᖅᓱᐃᓐᓇᕐᓂᒃ
ᐆᒪᔪᓂᒃ ᐅᕝᕙᓗᓐᓃᑦ ᐆᒪᔪᓂᒃ ᑕᑯᔪᖃᕐᓂᕈᓂ ᑐᓴᖅᑐᖃᕈᓂᒡᓗᓐᓃᑦ ᖃᐅᔨᓴᕐᕕᐅᑉ ᓯᓚᑖᓂ, ᐱᓕᕆᔨᐅᔪᑦ ᓱᓕ ᓂᐱᓕᐅᕆᖃᑦᑕᓚᐅᖅᑐᑦ.
ᑖᒃᑯᐊ ᑎᑎᖅᑲᒃᑲᓐᓃᑦ ᐃᑲᔫᑕᐅᓛᕐᐳᑦ ᑕᒪᒃᑭᕐᖢᒍ ᑕᐅᑐᙵᐊᖅᑕᐅᔪᒃᓴᒥᒃ ᖃᓄᖅ ᐆᒪᔪᑦ ᐊᑐᖅᐸᖕᒪᖔᑕ ᖃᐅᔨᓴᕐᕕᐅᔪᒥ.
ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ - ᐃᑲᔪᕐᓂᖅ ᐆᒪᔪᐃᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᓐᓄᑦ
ᓄᓇᙳᐊᓕᐅᕐᓂᖅ ᓇᓗᓇᐃᔭᖅᓯᒪᑦᑎᐊᕐᑐᖅ ᓄᓇᙳᐊᖅ ᐱᓕᕆᐊᖑᔪᓕᒫᒧᑦ ᐱᐊᓂᒃᑕᐅᓚᐅᕐᑐᖅ ᐊᑐᖅᖢᑎᒃ ᖃᐅᒪᔪᓂᒃ ᖃᐅᔨᓴᕈᑎᓂᒃ ᐊᒻᒪ ᐅᖓᓯᖕᓂᓕᖕᓂ.
ᖃᐅᒪᔪᓂᒃ ᖃᐅᔨᓂᖅ ᐊᒻᒪ ᐅᖓᓯᖕᓂᖓ, ᐊᑐᓲᖑᕗᖅ ᖃᐅᒻᒪᖅᑯᑎᓂᒃ ᐆᒃᑐᕋᐅᑎᓂᒃ ᐆᒃᑐᕋᐃᓪᓗᑎᒃ ᓄᓇᐅᑉ ᖃᓄᐃᓕᖓᓂᖓᓂᒃ ᖁᓛᓂ. ᑕᒪᓐᓇ ᓴᖅᑭᑎᑦᑎᕙᒃᐳᖅ ᐱᐅᔪᒻᒪᕆᖕᓂᒃ ᐊᖏᓂᓕᖕᓂᒃ ᓄᓇᙳᐊᕐᓂᒃ ᓄᓇᒥᒃ.
ᐅᑭᐅᖅᑕᖅᑐᒥᒃ ᖃᖓᑦᑕᖅᑎᑕᐅᓯᒪᔪᑦ ᐊᔾᔨᓕᐅᕕᑎ, ᑲᒻᐸᓂᐅᔪᖅ ᐃᖃᓗᖕᓃᑦᑐᖅ, ᖃᖓᑦᑕᖅᑎᑦᑎᓚᐅᖅᐳᖅ ᖁᓕᒥᒎᓕᕌᓛᓂᑦ ᑕᐅᕙᓂ ᖃᐅᒪᓂᑦ.
ᖃᓄᐃᑦᑑᓂᖏᑦ ᓄᓇᐃᑦ - ᐆᒪᔪᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᑦ
ᑕᑯᔭᒃᓴᐅᔪᑦ ᓄᓇᐃᑦ ᓇᓗᓇᐃᖅᓯᔾᔪᑕᐅᓚᐅᖅᐳᑦ ᖁᓕᓂᑦ ᓯᕗᓪᓕᖅᐹᖅᓯᐅᑎᓂᒃ ᐆᒪᔪᑦ ᓇᔪᒐᖃᕐᕕᖏᓐᓂᑦ ᖃᓄᐃᑦᑑᓂᖏᓐᓂᒃ ᐱᓕᕆᐊᖑᔪᒥ:
- ᓇᐹᖅᑐᖃᙱᑦᑐᖅ
- ᖃᐃᖅᓱᒑᖅ
- ᐸᓂᖅᑐᖅ ᓇᐹᖅᑐᖃᙱᑦᑐᖅ
- ᖃᖅᑲᖅᔪᐊᖅ ᓇᐹᖅᑐᖃᙱᑦᑐᒥᒃ
- ᕿᔪᒃᑖ ᓄᓇ
- ᓇᐹᖅᑐᖃᙱᑦᑐᖅ ᑕᓯᖅᔪᐊᖅ ᒪᑐᔭᐅᓯᒪᔪᖅ ᓯᐅᕋᕐᓄᑦ
- ᐅᔭᕋᐃᑦ ᓇᐹᖅᑐᖃᙱᑦᑐᑦ
- ᓯᕐᒥᐅᑉ ᓯᕐᒥᖓ
- ᓯᒡᔭᕆᒃᑐᖅ
- ᒥᑭᑦᑐᐃᑦ ᖃᖅᑲᐃᑦ
ᓇᕿᓪᓗᒍ ᓄᓇᙳᐊᓕᐅᕐᓂᖅ ᐊᒻᒪ ᐆᒪᔪᑦ ᓇᔪᒐᖃᕐᕕᖏᑦ ᓄᓇᐃᑦ ᓇᓗᓇᐃᖅᑕᐅᓂᖏᓐᓂᒃ ᑐᑭᓯᒋᐊᕈᒪᕕᑦ.
ᑎᖕᒥᐊᑦ ᓇᔪᒐᖏᑦ
ᖃᔅᓯᑲᓪᓚᑦ ᐃᒪᕐᒥᐅᑕᐃᑦ ᑎᖕᒥᐊᑦ ᐃᓂᒋᕙᒃᑕᖏᑦ ᓇᓂᔭᐅᓚᐅᕐᐳᑦ ᒪᓴᕐᓂ ᓂᒋᖅᐸᓯᐊᓂ ᐊᖅᑕᐅᔪᒪᔪᓂ.
ᑖᒃᑯᐊ ᐃᓂᐅᔪᑦ ᑎᖕᒥᐊᑦ ᓲᕐᓗ ᒥᑏᑦ ᑲᖑᐃᓪᓗ ᑕᖃᐃᖅᓯᕐᕕᐅᓲᑦ, ᓂᕆᕙᒃᖢᑎᒃ, ᑲᑎᑉᐸᒃᖢᑎᒡᓗ ᓅᑉᐸᓪᓕᐊᒃᑲᓐᓂᓚᐅᙱᓐᓂᕐᒥᓂ.
ᓱᓗᖏᑦ ᐊᓇᖏᓪᓗ ᑕᑯᑎᑦᑎᕗᑦ ᐅᓄᕐᑐᑦ ᑎᖕᒥᐊᑦ, ᕼᐊᓐᓇᓚᖏᓐᓃᑦᑐᑦ, ᐊᑐᖅᐸᖕᓂᖏᓐᓂᒃ ᑕᒪᒃᑯᓂᖓ ᒪᓴᕐᓂᒃ, ᐱᒻᒪᕆᐅᓪᓗᑎᒃ ᐃᓂᒋᔭᐅᓪᓗᑎᒃ ᓴᐳᔾᔭᐅᓯᒪᔭᕆᐊᖃᖅᖢᑎᒃ.
ᑐᒃᑑᑉ ᐃᒡᓕᓂᖏᑦ
ᑕᒪᕐᒥ ᐱᖓᓱᑦ ᑐᒃᓯᕋᖅᑕᐅᓯᒪᔪᑦ ᐊᖅᑯᑕᐅᔪᒪᔪᑦ ᐃᑳᖅᐸᒃᐳᑦ ᐋᖅᑭᒃᓯᒪᕙᒌᖅᑐᓂᒃ ᑐᒃᑐᓄᑦ ᐊᖅᑯᑕᐅᔪᓂᒃ. ᑖᒃᑯᐊ ᐃᒡᓕᓃᑦ ᑕᑯᒃᓴᐅᑎᑦᑎᕗᑦ ᑕᐃᔅᓱᒪᓂᑐᖃᖅ ᐊᑐᖅᑕᐅᕙᓚᐅᖅᑐᓂᒃ (ᐊᑐᖅᑕᐅᒐᔪᒃᑐᑦ ᐊᖅᑯᑎᑦ) ᐊᒻᒪ ᖃᖓᑦᑎᐊᓵᖅ ᐊᑐᖅᑕᐅᕙᓚᐅᕐᓂᖏᓐᓂᒃ (ᓄᑖᑦᑎᐊᑦ ᑐᒦᑦ ᐊᒻᒪ ᐊᓇᐃᑦ).
ᑕᒪᓐᓇ ᐅᕙᑦᑎᓐᓂ ᖃᐅᔨᑎᑦᑎᕗᖅ ᑐᒃᑐᐃᑦ ᓱᓕ ᑕᒪᐅᙵᖅᐸᖕᓂᖏᓐᓂᒃ, ᑕᐃᒪᐃᓐᓂᖓᓐᓄᒡᓗ ᐱᕙᒌᔭᑦᑎᐊᕐᓂᖅ ᐃᑲᔪᕆᐊᖃᖅᐳᖅ ᓴᐳᔾᔨᓯᒪᓂᕐᒥᒃ ᓇᒧᙵᐅᕙᓪᓕᐊᓂᕆᔭᖏᓐᓂᒃ.
ᐊᕕᙵᐅᑉ ᑎᓯᖏᑦ
ᑕᑯᔭᐅᓯᒪᔪᑦ ᐅᓄᕐᑐᑦ ᓇᓂᑐᐃᓐᓇ.
ᐆᒪᔪᑦ ᑰᒑᓗᖕᒥ
ᑲᑎᖦᖢᒋᑦ 19 ᐊᔾᔨᒌᙱᑦᑐᑦ ᐆᒪᔪᑦ ᑎᖕᒥᐊᓪᓗ ᑕᑯᔭᐅᓚᐅᖅᐳᑦ ᓯᓚᒥ ᐱᓕᕆᑎᓪᓗᒋᑦ. ᑐᒃᑐᐃᑦ ᑕᑯᔭᐅᒐᔪᖕᓂᕐᐹᖑᓚᐅᖅᑐᑦ. ᓂᕐᓖᑦ ᐊᒻᒪᓗ ᑎᕆᒐᓂᐊᑦ ᐱᑕᖃᒐᔪᓚᐅᕆᕗᑦ ᑕᐅᕙᓂ.
ᖃᔅᓰᓐᓇᐃᑦ ᑕᑯᔭᐅᔪᖃᓚᐅᕐᐳᖅ ᐊᓯᖏᓐᓂᒃ ᐆᒪᔪᓂᒃ, ᓲᕐᓗ ᑐᓗᒐᖅ (ᒪᕐᕉᖕᓂ ᑕᑯᔪᖃᖅᖢᓂ) ᐊᒻᒪᓗ ᑲᔪᖅᑐᖅ ᑎᕆᒐᓂᐊᖅ (ᐊᑕᐅᓯᐊᕐᖢᑎᒃ ᑕᑯᔭᐅᔪᑦ).
ᑕᒪᒃᑯᐊ ᐅᔾᔨᕆᔭᐅᔪᑦ ᑐᑭᓯᕚᓪᓕᕈᑎᒋᔪᓐᓇᕐᑕᕗᑦ ᓇᓕᐊᒃ ᐆᒪᔪᑦ ᐊᑐᖅᐸᖕᒪᖔᑕ ᑕᓯᐅᖅᓯᔾᔪᑕᐅᓂᐊᕐᖢᑎᒡᓗ ᓯᕗᓂᒃᓴᒥ ᐆᒪᔪᓂᒃ ᖃᐅᔨᓴᕈᑕᐅᖃᑦᑕᓛᕐᑐᓂᒃ.
ᓂᕐᓖᑦ
ᑕᑯᔭᐅᔪᑦ ᐊᖅᑯᑎᒃᑯᑦ ᐃᒥᖅᑕᕐᕕᐅᑉ ᓯᒡᔭᖓᑕ ᖃᓂᒋᔮᓂ.
ᐊᔾᔨᓕᐅᕈᑎᒃᑯᑦ ᐊᔾᔨᓕᐅᕐᑕᐅᓂᑯᑦ ᐅᓪᓗᐃ 31 ᐅᖓᑖᓄᑦ, ᓂᕐᓖᑦ ᖃᐅᔨᔭᐅᓚᐅᕐᐳᑦ ᐅᓪᓗᓄᑦ 9-ᓄᑦ ᐊᔾᔨᒌᙱᑦᑐᓄᑦ ᐊᔾᔨᓕᐅᕈᑎᓕᒫᓄᑦ.
ᐊᖏᔪᑦ ᑎᖕᒥᐊᑦ
ᓇᐅᔭᑦ, ᑭᒡᒐᕕᐊᕐᔪᐃᑦ ᐊᒻᒪ ᓇᐅᔭᕐᔪᐊᑦ ᑕᑯᔭᐅᔪᐃᓐᓇᐅᓚᐅᕐᐳᑦ ᐊᔾᔨᒌᙱᑦᑐᓂᒃ ᐃᓂᓂ ᖃᐅᔨᓴᕐᕕᐅᔪᒥᒃ.
ᐅᑭᐅᖅᑕᖅᑐᒥ ᖁᐸᓄᐊᑦ
ᖃᐃᕐᙵᑦ, ᕿᕐᓂᕐᑖᑦ, ᖃᐅᕈᓪᓕᒐᑦ ᐊᒻᒪ ᖃᐅᓪᓗᕐᑖᑦ ᑕᑯᔭᐅᔪᐃᓐᓇᐅᓚᐅᕐᐳᑦ ᐊᔾᔨᒌᙱᑦᑐᓂ ᐃᓂᓂ ᖃᐅᔨᓴᕐᕕᐅᔪᒥ.
ᑐᓗᒐᐃᑦ
ᑕᑯᔭᐅᔪᑦ ᑕᒪᐃᓐᓂ ᐱᖓᓱᓂᒃ ᐊᖅᑯᑎᓂᒃ.
ᐊᔾᔨᙳᐊᓂᒃ ᐊᔾᔨᓕᐅᕐᑕᐅᔪᓂᒃ ᐅᓪᓗᑦ 31 ᐅᖓᑖᓄᑦ, ᑐᓗᒐᐃᑦ ᖃᐅᔨᔭᐅᓚᐅᕐᐳᑦ ᐅᓪᓘᖕᓄᑦ ᒪᕐᕉᖕᓄᑦ ᐊᔾᔨᓕᐅᕈᑎᓕᒫᒃᑯᑦ.
ᐊᕿᒡᒌᑦ
ᑕᑯᔭᐅᔪᑦ ᐃᒥᖅᑕᕐᕕᐅᑉ ᓯᒡᔭᖓᓐᓂ, ᑕᓯᕐᒧᑦ ᑰᒑᓗᖕᒥᑦ, ᐊᖅᑯᓯᐅᖅᑕᐅᔪᒪᔪᒥᒡᓗ (ᑯᑦᑎᒃᑐᒥ ᐊᖅᑯᑎᖃᕈᓐᓇᕐᓗᓂ).
ᑐᒃᑐᐃᑦ
ᑕᑯᔭᐅᔪᑦ ᑕᓯᐅᑉ ᓯᒡᔭᖓᓐᓂ ᑰᒑᓗᖕᒥ ᐊᖅᑯᓯᐅᖅᑕᐅᔪᒪᔪᒥᒡᓗ.
ᐊᔾᔨᓕᐅᕐᑕᐅᓂᑯ ᐅᔾᓗᑦ 31 ᐅᖓᑖᓄᑦ, ᑐᒃᑐᐃᑦ ᖃᐅᔨᔭᐅᓚᐅᕐᑐᑦ ᐅᓪᓗᓄ 28-ᓄᑦ ᐊᔾᔨᓕᐅᕈᑎᓕᒫᒃᑯᑦ.
ᑖᒃᑯᐊ ᑐᒃᑐᐃ ᐃᓚᒋᔭᐅᕗᑦ ᑕᐅᔭᐅᔪᓄᑦ ᓇᐹᖅᑐᖃᙱᑦᑐᕐᒥᐅᑕᑦ ᑐᒃᑐᐃᑦ. 2016-ᒥ, ᑲᓇᑕᒥ ᐆᒪᔪᓂᒃ ᖃᐅᔨᒪᔨᒻᒪᕇᑦ ᑎᑎᕋᓚᐅᕐᐳᑦ ᑖᒃᑯᓂᖓ “ᖁᐊᖅᓵᕐᓇᖅᑐᒦᓐᓂᖏᓐᓂᒃ” ᓲᖃᐃᒻᒪ ᐅᓄᙱᓐᓂᕐᓴᐅᓕᕐᓂᖏᓐᓄᒃ ᒫᓐᓇ ᑕᐃᔅᓱᒪᓂᐅᓚᐅᕐᑐᒥᒃ. ᑕᒪᓐᓇ ᑐᑭᖃᖅᐳᖅ ᐅᓗᕆᐊᓇᖅᑐᓃᓕᕈᓐᓇᕐᓂᖏᓐᓂᒃ ᐅᓄᕈᓐᓃᖅᐸᓪᓕᐊᖏᓐᓇᖅᐸᑕ ᓴᐳᔾᔭᐅᓯᒪᙱᓪᓗᑎᒡᓗ. ᑖᓐᓇ ᓇᓗᓇᐃᖅᑕᐅᓂᖓ ᑭᖑᓪᓕᖅᐹᖅᓯᐅᑎ ᐋᖅᑭᒃᑕᐅᓯᒪᙱᑦᑐᖅ ᐆᒪᔪᓄᑦ ᐊᑦᑕᕐᓇᖅᑐᒦᑦᑐᓄᑦ ᐱᖁᔭᕐᒥ.
ᒫᓐᓇᐅᔪᖅ, ᓄᓇᕗᑦ ᒐᕙᒪᖓ ᐃᑲᔪᖅᑐᐃᙱᓚ ᑎᑎᕋᖅᓯᒪᓕᖅᑎᑦᑎᓂᕐᒥᒃ ᑖᒃᑯᓂᖓ ᑐᒃᑐᓂ ᖁᐊᖅᓵᕐᓇᖅᑐᒦᓐᓂᖏᓐᓂᒃ ᓄᓇᕗᑦᒥ ᐃᒪᐃᓐᓂᖓᓐᓄᑦ, ᐱᑐᐃᓐᓇᐅᙱᑦᑐᓂᒃ ᐆᒪᔪᓂᒃ ᐊᐅᓚᑦᑎᕝᕕᐊᖅᐸᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᐊᐅᓚᑦᑎᖃᑎᒌᖕᓂᕐᒧᓪᓗ ᐱᕙᒌᔭᖅᑕᐅᓯᒪᔪᓂᒃ ᐱᑕᖃᖅᐸᒌᖅᑐᓂᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥᒃ.
ᑎᕆᒐᓂᐊᑦ
ᐊᔾᔨᙳᐊᑦ ᐊᔾᔨᓕᐅᕐᑕᐅᓯᒪᔪᑦ ᐅᓪᓗᑦ 31 ᐅᖓᑖᓄᑦ, ᑎᕆᒐᓂᐊᑦ ᖃᐅᔨᔭᐅᓚᐅᕐᐳᑦ ᐅᓪᓗᓄ 15-ᓄᑦ ᐊᔾᔨᓕᐅᕈᑎᓕᒫᒃᑯᑦ.
ᑐᒥᖏᑦ ᑕᑯᔭᐅᓚᐅᕐᑐᑦ ᓯᒡᔭᖓᓂ ᐃᒥᖅᑕᕐᕕᓕᐊᖑᔪᒪᔫᑉ.
ᑲᔪᖅᑐ ᑎᕆᒐᓂᐊᑦ
ᐊᑕᐅᓯᖅ ᖃᐅᔨᔭᐅᓚᐅᕐᑐᖅ ᐊᑕᐅᓯᐊᕐᖢᓂ ᑐᒃᓯᕋᖅᑕᐅᓯᒪᔪᒥᒃ ᖁᑦᑎᒃᑐᒥ ᐊᖅᑯᓯᐊᖑᔪᒪᔪᒥ.
ᐅᑲᓖᑦ
ᐊᔾᔨᙳᐊᑦ ᐊᔾᔨᓕᐅᕐᑕᐅᓯᒪᔪᑦ ᐅᓪᓗᑦ 31 ᐅᖓᑖᓄᑦ, ᐅᑲᓕᖅ ᖃᐅᔨᔭᐅᓚᐅᖅᐳᑦ ᐅᓪᓗᓄ ᑎᓴᒪᓄᑦ ᐊᔾᔨᓕᐅᕈᑎᓕᒫᒃᑯᑦ.
ᐊᓇᖏᑦ ᑕᑯᔭᐅᓚᐅᕐᑐᑦ ᐊᖅᑯᑎᐅᑉ ᐃᓚᖓᓂ.
ᐅᒃᐱᕐᔪᐊᑦ
ᐊᓇᕐᓂ ᓇᓂᓯᔪᖃᓚᐅᕐᐳᖅ ᑕᓯᐅᑉ ᓯᒡᔭᖓᓐᓂ ᒪᕐᕉᖕᓂᒡᓗ ᐊᖅᑯᑎᖏᔭᐅᔫᖕᓂᒃ.
ᐅᒃᐱᒡᔪᐊᖅ ᐃᓚᒋᔭᐅᕗᖅ ᑲᑎᙵᔪᓄᑦ ᑎᑎᕋᖅᑕᐅᓯᒪᔪᓄᑦ “ᖁᐊᖅᓵᕐᓇᖅᑐᒦᓐᓂᖏᓐᓂᒃ” ᑲᓇᑕᒥᐅᓄᑦ ᐆᒪᔪᓕᕆᓂᕐᒧᑦ ᖃᐅᔨᒪᔨᒻᒪᕆᖕᓄᑦ 2016-ᖑᑎᓪᓗᒍ. ᑕᒪᓐᓇ ᑐᑭᖃᖅᐳᖅ ᐅᓄᙱᓐᓂᖅᓴᐅᓕᕐᓂᖏᓐᓂᒃ ᒫᓐᓇᐅᓚᐅᕐᓂᙵᓐᓂᑦ, ᐅᓗᕆᐊᓇᕐᑐᒦᓕᕈᓐᓇᕐᖢᑎᒡᓗ ᓴᐳᔾᔭᐅᓯᒪᙱᒃᑯᑎᒃ.
ᓲᖃᐃᒻᒪ ᑎᑎᕋᖅᑕᐅᓯᒪᓂᖏᑦ ᐆᒪᔪᐃᑦ ᐊᔾᔨᒌᙱᓐᓂᖏᓐᓂᒃ ᐅᓗᕆᐊᓇᖅᑐᒦᓕᕐᑐᓄᑦ ᐱᖁᔭᖅ ᓱᓕ ᑭᖑᓪᓕᐹᖅᓯᐅᑎᖓ ᐋᖅᑭᒃᑕᐅᓚᐅᙱᒻᒪᑦ ᓄᓇᕗᑦᒧᑦ, ᓴᐳᔾᔭᐅᓯᒪᓂᕐᒧᑦ ᖃᓄᐃᓕᖓᓂᖓ ᐃᓕᓴᕆᔭᐅᓯᒪᓪᓚᕆᙱᑦᑐᖅ.
ᑎᕆᐊᖅ
ᐊᑕᐅᓯᖅ ᑕᑯᔭᐅᓚᐅᕐᐳᖅ ᐊᖅᑯᑎᐅᑉ ᖃᓂᒋᔮᓂ.
ᐆᒪᔪᑦ ᓇᓗᓇᐃᒃᑯᑕᖏᑦ
ᐊᓇᖏᑦ ᐅᑲᓕᕐᓂᑦ, ᓂᕐᓕᕐᓂᑦ, ᓇᐹᖅᑐᖃᙱᑦᑐᒥᑦ ᑐᒃᑐᓂᑦ, ᐊᕕᙵᕐᓂᓪᓗ ᓇᓂᔭᐅᓚᐅᕐᑐᑦ ᐊᔾᔨᒌᙱᑦᑑᑎᓂᑦ ᐃᓂᓂᑦ ᖃᐅᔨᓴᕐᕕᐅᔪᒥᑦ.
ᐊᓇᐃᑦ ᕿᒻᒥᐅᔭᕐᓄᑦ (ᕿᒻᒦᑦ ᐃᓚᒋᔭᐅᔪᑦ - ᐃᒻᒪᖄ ᐊᒪᕈᖅ, ᑎᕆᒐᓂᐊᖅ ᐅᕝᕙᓗᓐᓃᑦ ᕿᒻᒥᖅ) ᓇᓂᔭᐅᓚᐅᕐᒥᔪᑦ ᑭᓯᐊᓂ ᓇᓗᓇᐃᖅᑕᐅᔪᓐᓇᓚᐅᙱᑦᑐᑦ ᐆᒪᔪᐃᑦ ᐊᔾᔨᒌᙱᓐᓂᖏᑦ.
ᑐᒃᑐᐃᑦ ᐊᒥᖏᑦ ᑕᑯᔭᐅᓚᐅᕐᐳᑦ.
ᖃᐅᓪᓗᕐᑖᑦ ᐊᒻᒪ ᓂᕐᓖᑦ ᓱᓗᖏᑦ ᓇᓂᔭᐅᓚᐅᕐᐳᑦ ᐊᔾᔨᒌᙲᑦᑐᓂ ᐃᓂᓂ.
ᓇᐹᖅᑐᖃᙱᑦᑐᒥ ᑐᒃᑐᐃᑦ ᓇᒡᔪᖏᑦ ᒥᖅᑯᐃᔭᖅᓯᒪᔪᖅᓯᐊᙳᓪᓗᑎᒡᓗ.
ᑎᕆᒐᓂᐊᑦ ᑐᒥᖏᑦ ᑕᑯᔭᐅᓚᐅᕐᐳᑦ ᐃᒥᖅᑕᕐᕕᓕᐊᖑᔪᒪᔫᑉ ᓯᒡᔭᖓᓂ, ᐊᒻᒪ ᓇᐹᖅᑐᖃᙱᑦᑐᒥ ᑐᒃᑐᐃᑦ ᑐᒥᖏᑦ ᑕᑯᔭᐅᓚᐅᕐᐳᑦ ᑐᒃᑐᐃᑦ ᐊᖅᑯᑎᖏᑎᒍᑦ ᐊᖅᑯᑎᒃᑯᑦ.
ᐊᕕᙵᕐᓄᑦ ᐊᖅᑯᑏᑦ ᑕᑯᔭᐅᓚᐅᕐᐳᑦ ᐱᓕᕆᐊᖑᔪᒪᔪᒥᒃ ᐊᒻᒪ ᐊᖅᑯᓯᐅᕐᑕᐅᔪᒪᔪᒥᒃ.
ᖃᖅᓴᐅᑦ
ᑲᓪᓗᓖᑦ ᐊᒻᒪ ᖃᖅᓴᐅᑦ ᑕᑯᔭᐅᓚᐅᕐᐳᑦ ᐊᖅᑯᓯᐅᖅᑕᐅᔪᒪᔪᒥᒃ.
ᐱᕈᖅᓯᐊᑦ
ᑕᑯᔭᐅᒐᔪᖕᓂᖅᐹᙳᔪᑦ ᐅᑯᐊᖑᓚᐅᕐᐳᑦ:
- ᐃᕕᑦ (ᕿᔪᒃᑖᑦ) ᒥᑭᑦᑐᑯᓗᒃ ᐱᕈᖅᓯᐊᕋᓛᖅ. ᓇᓂᔭᐅᓲᑦ 20-ᓂ ᐃᓂᓂ
- ᐃᕕᓱᒃᑲᑦ ᑲᙳᐊᑦ, ᓇᓂᔭᐅᓯᒪᔪᑦ 18-ᖑᔪᓂ ᐃᓂᓂ
- ᐃᔾᔪᐃᑦ ᐊᒻᒪ ᑎᖓᐅᔭᑦ ᓲᕐᓗ ᐃᕕᓱᒃᑲᑦ ᐊᒻᒪ ᑎᖓᐅᔭᑦ ᐊᓚᒡᓴᐅᔪᑦ. ᓇᓂᔭᐅᔪᑦ 12-ᓂ ᐊᒻᒪ 11-ᓂ ᐃᓂᓂ
- ᒥᑭᑦᑐᑦ ᐊᕚᓚᐃᑦ, ᐱᓗᐊᖅᑐᒥᐊᕚᓛᕿᐊ (ᐅᖃᐅᔭᐃᑦ) ᐊᒻᒪ ᐊᕚᓚᕿᐊᑦ (ᐅᖃᐅᔭᐃᑦ).
ᓇᓂᔭᐅᔪᓐᓇᕐᑐᑦ 10-ᓂᑦ 11-ᓂᒡᓗ ᐃᓂᓂᑦ ᑖᒃᑯᐊ ᐱᕈᖅᓯᐊᑦ ᐊᔾᔨᖃᑦᑎᐊᕐᑐᑦ ᓂᒡᓚᓱᒃᑐᒥᑦ ᐅᑭᐅᖅᑕᖅᑐᒥᑦ, ᐃᒃᑲᑦᑐᓂᖅ ᐃᔾᔪᓂᑦ, ᐅᔭᖅᑲᓂᒡᓗ.
ᓇᕿᓪᓗᒍ ᓄᓇᒥᒃ ᑕᐅᑐᖕᓂᖅ ᑐᑭᓯᒃᖃᓐᓂᕈᒪᒍᕕᑦ.
ᑕᖕᒫᖅᓯᒪᓚᐅᑲᖕᓂᖅ ᑖᓐᓇ ᑕᖕᒫᕐᓯᒪᕝᕕᒃ
ᐱᓕᕆᖃᑎᒌᑦ ᓇᔪᖅᕕᒋᕙᓚᐅᖅᑕᖓ ᐃᖅᑲᓇᐃᔭᖅᕕᒋᕙᒃᖢᓂᐅᒃ, ᓯᓂᒡᕕᖃᖅᖢᓂ, ᓂᕆᕝᕕᖃᖅᖢᓂ, ᐊᒻᒪ ᓴᓇᕝᕕᖕᒥ ᑐᐱᖅᑕᖃᖅᖢᓂ. ᓂᖅᖠᐅᖅᑎ ᓂᕿᓕᕆᕙᓚᐅᖅᐳ.
ᐃᓚᒋᔭᐅᓪᓚᕆᓚᐅᖅᑐᖅ ᑕᖕᒫᖅᓯᒪᕝᕕᖕᒥ ᐃᓅᓯᕆᔭᐅᔪᒥᒃ ᑎᒃᑲ, ᓇᐅᑦᑎᖅᓱᖅᑎᐅᓚᐅᖅᑐᖅ ᓇᔪᖅᑕᐅᔪᒥᒃ, ᖁᕕᐊᓱᒃᑎᑦᑎᕙᒃᖢᓂ ᐅᓪᓗᒐᓴᖕᓄᑦ, ᐃᖅᑲᐃᑎᑦᑎᕙᒃᖢᓂ ᑭᒃᑯᓕᒫᓂᑦ ᖁᕕᐊᓱᖁᔨᓪᓗᓂ ᐊᒻᒪ ᑭᒃᑯᓕᒫᑦ ᖁᕕᐊᒋᔭᖃᖁᓪᓗᒋᑦ ᐅᑭᐅᖅᑕᖅᑐᒥ ᐊᓂᖅᓵᖅᑐᑦᑎᐊᕐᓂᕐᒥᒃ.